chfunglukas's Profile

享受左豐富晚餐，每道菜都好好味，我想介紹一樣特別出色既，就係「九記椒鹽九肚魚」。自認係八卦人仕，點菜前會環顧四周，見到每枱都有呢道菜就知道係必食菜之一。椒鹽九肚魚最重要係咩？本人認為就係香，脆，鬆化。九記就真係做到呢幾點，與此同時，食落唔會覺得成口炸粉，皮薄，我一個人食左半碟都唔覺油膩！今晚仲食左其他小菜：蒜蓉粉絲蒸聖子皇，黑椒煲仔牛仔骨，上湯豆苖，蒜蓉炒西蘭花，蒜蓉蒸開邊蝦。樓面服務更抵讚，好招呼好笑容親切感滿分！一定再黎食…Read More

由於鍾記滿座及趕時間的關係，和女朋友到旁邊的泰國人海南雞吃晚餐。我叫的是肥牛牛丸金邊粉, 女朋友叫的是手撕雞菠菜麵。肥牛牛丸金邊粉先來的是肥牛牛丸金邊粉，湯底味道適中, 不太淡也不太咸。可惜牛煮得有一點老及韌，要咀嚼很久才可吞下。手撕雞 菠菜麵手撕雞菠菜麵較特別，味道酸酸甜甜，有一點點辣，像泰國沙侓用的那種汁，非常開胃。雞肉滑，份量多，伴著的菜和洋蔥的份量也不少。反而菠菜麵本身除顏色外，並沒有什麼特別。這餐算是不錯，下次可再試試其他小食。…Read More

今日有人請食Lunch, 便去新蒲崗開餐lunch set 都幾多選擇，但係唔洗揀咁多啦，第一次黎，一定係揀牛！牛要五成熟，原本個ＳＥＴ係配薯角，呢排太熱氣啦，請侍應換意粉上菜時間適中，大約１０－１５分鐘。是日餐湯：　蕃茄湯，個湯好茸，好重蕃茄味，滿分燒美國安格斯肉眼 (5成熟) 配意粉燒得岩岩好，肉汁豐富，回味無窮呀我唔食咁多油，覺得意粉油份多左少少舖內好多呢種風格既畫，我對藝術一無所知，只覺得老闆有品味最後黎一杯熱齋啡，靚咖啡一杯埋單多謝老細…Read More

下午一點半鐘，係太子食完Lunch，心思思想食碗糖水，一於去海記。見到佢地好似岩岩開門咁，呢個時間舖內無乜人，可以安安靜靜咁嘆下。沙沙合桃糊拿拿聲叫左碗, 唔洗等好耐就送到。面頭好多合桃粒，真係食到沙沙聲，但又唔會痴住啲牙，唔錯!食得出合桃糊係有料到，唔係水沖個啲流野。餐牌寫住「補腰補腎合桃糊」，乜合桃糊唔係補腦咩?哈哈!…Read More

晚上去維園游水前，去電器道睇下有咩食，是但入左鍾記粉麵店。店舖座位數量足夠，地方唔太逼。＄２９蚊兩餸車仔面。１。清湯雲吞墨丸粗麵－清湯味道岩岩好，有熟蒜，蔥係裡面，令個湯好香。墨丸夠彈牙，雲吞好大粒，粗麵夠爽口！２。清湯雲吞腩肉河粉－雲吞皮薄餡靚, 蝦大大粒 腩肉夠味，肥肉又唔會好油 清湯又唔會太咸由於趕住去游水，極速食完走人，意猶未盡！…Read More

是日游泳後與女朋友到電氣道找尋美食。由於我們想吃糖水，所以看看那裏有糖水店。一望就看見晶晶糖水，從裝潢看來似乎不錯便決定進內。一看餐牌，糖水主要為中式糖水，亦有一些較有特色糖水。我們點了最普通的糖水-生磨芝麻糊及海帶綠豆沙。糖水到了！飢餓的我地滿心期待拿起匙更吃下一口，心情像由高山跌到低谷。芝麻糊並沒有香味，味道較淡，質地較稀。若不是餐牌上寫上生磨，我會以為是用粉沖水而成。另外，友人的綠豆沙也不見得好，味道較淡，海帶只有兩塊，只能稱為普通。店內的阿姐有笑容，禮貌。相反有個中年男人，看似是老闆，對客人沒有笑容，好似我欠佢錢咁。總括而言，是次尋找美食為失望的，網上的好評也不少，或許是我們平日吃的糖水太甜了。…Read More

想趕客嗎?一行三人一早訂左位食LUNCH12:45 入坐, 一坐低, 有一隻蒼蠅周圍飛 我地叫左Lunch set1) 燒羊鞍(叫左5成熟)+ 意粉   $982) 煎三文魚扒 +意粉   $753) 煎三文魚扒 + 薯蓉  $7513:15 上菜 (30 分鐘等候時間)先來西蘭花忌廉湯, 什菜湯, 正常質素味道.1) 燒羊鞍(叫左5成熟)+ 意粉羊鞍, 無調味唔緊要, D 邊好燶唔緊要, 但係成個碟野係凍架! 凍食! 意粉有苦味, 好似係雪櫃拎出黎放左好耐先煮咁.  我請職員幫忙煮熱少少, 之後拎返黎變左9成熟, 出晒煙, 一食落去, 都係苦.結果: 食左幾啖, 放低唔食了, 唔明點解意粉都可以整到咁2) 煎三文魚扒 + 薯蓉薯蓉正常. 三文魚扒唔算大塊, 煎到好燶, 唯有唔食D 皮, 揀D肉出來食, 但食落覺得好苦. 結果朋友死頂食剩一塊魚皮.3) 煎三文魚扒 +意粉塊三文魚扒唔算大塊, 煎到好燶, 燶過上面個碟, 連D肉都係苦. 請職員換過一碟, 職員好有禮貌幫忙換過. 再拎過一碟黎, 係一塊好生既三文魚, 亦都唔熱, 加檸檬汁當魚生咁食左幾啖, 試下D 意粉, 苦. 朋友成碟放低唔食.埋單無加一…Read More

平日午飯時間黎到土瓜灣搵食，經過門口見餐廳話自己係米之蓮，就同朋友諗都唔諗入去，入面無乜客。睇餐牌時，已經見到有大烏蠅周圍飛，朋友叫左 $651. 招牌咖哩牛腩：咖哩一般貨色，全部都係牛肥膏，無肉食2. 熱菜蜜： 唔明點解咁普通既野都會酸！我叫左：$471. 豬潤雲吞蝦子麵： 得3片小豬潤，味道一般，雲吞同蝦籽麵都無特別，隻碟小小污糟最後去門口收銀俾錢，我同朋友都得一百蚊紙，好禮貌話想分開俾，佢話唔得，我以為自己聽錯，問多次，佢指收銀櫃貼出黎既牌，大約寫住「本餐廳不接受分單付款」。洗唔洗咁串呀？…Read More