PaperFood's Profile

已經好耐冇入過天水圍，因為朋友住附近，咁啱去佢屋企玩，肚餓就落附近食野。依間餐廳價錢幾親民吓，係食得過嘅餐廳。我哋就叫咗黑蚊蚊墨魚意粉，蕃茄煙三文魚pizza，龍蝦汁海鮮意大利飯。依度仲可以加配一啲小食，今次我哋就加配左個黑松露薯條，同埋一個炸紫薯餅。野飲方面我哋就叫咗兩杯熱飲，同埋一支波子汽水。首先，講吓個黑蚊蚊墨魚意粉先，個意粉軟硬度相當適中，佢嘅墨魚仲大大嚿，絕對唔係細細粒果啲，都幾足料吓，另外，蕃茄煙三文魚pizza，就係我最鍾意嘅pizza，佢嘅芝士相當足夠，做到拉絲嘅效果，食落去簡直係料多過個餅底，真係10分回味。龍蝦汁意大利飯，就更加好食，食落口嘅每一粒飯，都係會被佢嘅香濃龍蝦汁包圍着，食落去嘅口感軟硬度適中，仲有好濃郁嘅龍蝦味回香。呢度就要讚一讚佢個黑松露薯條，我喺出邊食嘅呢一種質素黑松露薯條，完全唔係呢一個價錢，所以黑松露薯條係一個重點，食倒呢一個黑松露薯條，簡直好似佢蝕緊俾你咁。另外，就要講下佢嘅野飲，無論冷熱飲同埋波子汽水，都有顧及唔同年齡層嘅需求，而家波子汽水唔係所有餐廳都有，所以呢一間餐廳都迎合到好多唔同年齡層嘅需求。…Read More

前兩日放工去鴨寮街買電話卡，買完就梗係睇吓附近有咩好食啦。行吓行吓就見到呢間蕃茄師兄，即刻比佢門口張大poster吸引住，見到都流晒口水。餐廳非常企理乾淨，約莫可以坐到40人左右。門口poster嗰個原來係叫犇犇有禮，侍應姐姐都話係依度必點嘅一款。之後我哋仲叫咗個一貝子，同幾款小食。犇犇有禮 - 阿姐真係冇介紹錯，個湯底好濃好有茄味，但又唔會係出面街好鹹落味精嗰款。啲牛腩真係超高質，全部勁淋勁入味，不愧為呢度嘅招牌菜！特別一提，枱面仲有「麻之一滴」同百里香任你落，個麻之一滴幾特別，完美地做到麻而不辣！一貝子 - 依個又係堅正，用咗北海道帶子，同大大隻嘅花甲，啲海鮮味會合埋個湯底度，令味道再一部昇華～!70度慢煮麻辣汁瑞士雞翼 - 麻辣汁唔算好勁，唔太食得辣嘅朋友都一定食得到。鮮炸魚片頭&鮮炸腐皮墨魚蝦條 - 佢依款魚片頭係我最鍾意嗰隻，大大粒，新鮮炸起熱辣辣勁好味，如果有得點買辣椒醬就更加好！平時食番茄麵多數都係喺food court 入面某品牌度食，兩者比較的話，發覺出嚟依度食簡直係完全唔同Level , 食材，湯底，麵質呢度都完勝！一定會番兜，下次嚟一定試埋佢個有鮮鮑魚同大蝦嘅「仙氣逼人」先！…Read More

係大角咀奧運想飲茶食點心，我估好多人只會諗到茶樓，但又唔想排隊等餐死？（我好怕食野要排隊等好耐）其實行過少少去到地下有一間唔錯既點心專門店添好運選擇。呢間店鋪裝修格局唔同傳統一般既茶樓，佢裝修設計都好西式感覺。而且都算坐得舒服闊落。茶係傳統茶樓一樣，真係無分別咖，真係唔錯，有翻飲茶嘅感覺。另外，岩晒我依啲中意食點心，又唔想等位等太耐嘅都市人，仲有佢既精緻點心，食品款式唔太花巧，較傳統的中式點心應有盡有，都值得一試，重要嘅係，佢拍得住茶樓之餘，仲比某啲茶樓美味。蝦餃皇、燒買、菜苗餃，粒粒蝦餃漲噗噗好飽滿，餡料係十分足料。我地仲叫左個鳳爪排骨飯，排骨，生菜，甜品係桂花糕。真係料多到食到飽到食唔晒。茶位只係幾蚊，我地兩個人嘅茶位相等於茶樓嘅一個茶位，仲要無加一，淨係計茶位，埋單都好划算，值得讚揚！！餐廳職員好nice 服務態度非常好，和藹友善，成個用餐體驗非常好，喺香港仲能夠體驗到咁好的用餐體驗，機會真係少之又少呀！實屬難得！…Read More

因為想食壽司，朋友介紹了這間餐廳，所以決定來試試，點知最後我當放題咁食，質素好過放題，價錢仲平過放題。我們7點多來到，已經無晒位，原來要book位，而不斷有人叫外賣，攞外賣，生意十級好，但服務都有質素，之後我決定等下，點知就有人食完就走，之後我地幸好還有位。我們一坐下，就急不及待點野食。我們先點了唔同嘅壽司，有三文魚、火焰三文魚、油甘魚、八爪魚、蟹棒、帶子、北寄貝、象拔蚌、甜蝦同白玉豚，啲壽司嘅刺身都十分新鮮嫩口，種類也有很多。先要讚的是壽司飯份量是剛剛好，不會太大舊。基本上上面的魚生都比壽司飯大。火灸也燒的很香。最值得一推嘅係，白玉豚，入口即溶又唔漏，直係剛剛好，我地最後total 叫左每人4件，食完再加單，在場每枱同外買嘅人都有食，可想而之，依度嘅白玉豚幾受歡迎，唔食就浪費啦。我地仲叫左一板海膽刺身，真係十分出色，係超值嘅價錢食倒👍這裡的服務員都很快手，而且上食物的速度十分快，沒有漏單的情況。無論食物水準、速度，都十分滿意！今天十分滿足，下次一定會再來！…Read More

兩公婆生日飯想撐枱腳，想有啲私人空間但又唔想咁破費，最後發現團購網竟然有陶源酒家! 仲要好多間分店都適用，最後就揀咗奧海城一期嘅呢間！$298 套餐（每位）竟然有以下食物 •水晶餚肉 拼 滬江素鵝* 原隻鮮鮑魚伴花菇* 溫泉陽日鹽燒龍蝦* 黃金小米燴遼參* 淮山野菌泡魚肚* 秘製妙齡乳鴿* 紅米小珍珠* 椰汁燴燕窩* 法國紅酒 1 杯除咗珍珠雞稍為Hea啲同有啲格格不入之外，其他菜式無論用料同味道都好正，完全值回票價！有晒龍蝦，鮑魚，海參同燕窩，加埋都係$300蚊！地方環境又夠寬敞，啱晒情侶去撐枱腳！兩公婆生日飯想撐枱腳，想有啲私人空間但又唔想咁破費，最後發現團購網竟然有陶源酒家! 仲要好多間分店都適用，最後就揀咗奧海城一期嘅呢間！$298 套餐（每位）竟然有以下食物 •水晶餚肉 拼 滬江素鵝* 原隻鮮鮑魚伴花菇* 溫泉陽日鹽燒龍蝦* 黃金小米燴遼參* 淮山野菌泡魚肚* 秘製妙齡乳鴿* 紅米小珍珠* 椰汁燴燕窩* 法國紅酒 1 杯除咗珍珠雞稍為Hea啲同有啲格格不入之外，其他菜式無論用料同味道都好正，完全值回票價！有晒龍蝦，鮑魚，海參同燕窩，加埋都係$300蚊！地方環境又夠寬敞，啱晒情侶去撐枱腳！…Read More

下午經過突然想食下中式野，就諗起食依度，平時都有幫襯開，今次真係下午想食佢嘅蘿蔔糕，同食番碗粥，清淡啲，因為依排食得太多，佢嘅款式多樣化，夏天又想飲凍野，中式點心加港式奶茶，真係無得頂，邊度揾，咁點餐法係依度先有今次叫左個粥都幾ok下，唔會粥還粥，渣還渣，個粥都幾入味同埋啲料都幾足，唔錯，已快餐店嘅水準都叫幾好㗎啦。蘿蔔糕就唔使講啦，講真我發覺我就最欣賞依度蘿蔔糕，同出邊某啲粥舖或者茶樓比，依度真係唔錯，所以我係會心絲絲果啲入去食蘿蔔糕嘅人。奶茶都係依度嘅其中一個賣點，夠晒茶味，一啲都唔水嘅感覺。…Read More

個日想試下新嘢，入左去呢間食台灣啲臭臭鍋。係禁熱啲夏天入到去好舒服，啲冷氣好夠，我仲驚夏天食臭臭鍋會唔會好熱。入到去當然叫個招牌臭臭鍋啦，叫左小辣🌶聽waiter講係等於譚仔五小辣，個招牌臭臭鍋夠哂臭又夠辣，入面D嘢食又好好味，好有台灣的風味，好似去左台灣食禁。之後我叫左杯茉香奶茶超好飲👍，首先好香茉茶味之後好重奶味好香好smooth，個質素絕對對得住呢個價錢。仲有杯茉香奶茶夠解辣，一面食臭臭鍋一面飲奶茶好舒服。…Read More