ChunSingTang's Profile

位於香港旺角的極尚大瀛喜，以其獨特的菜式和舒適的用餐環境，成為當地美食愛好者的熱門選擇。環境與氛圍餐廳的內部設計融合了現代與傳統元素，營造出一種雅致的氛圍。柔和的燈光和精緻的裝飾，使每個角落都散發著溫馨感，特別適合與朋友或家人聚餐。此外，服務人員的態度友好且專業，隨時為客人提供建議和幫助。菜單推薦極尚大瀛喜的菜單豐富多樣，以下是幾道值得一試的菜式：1. **招牌海鮮拼盤** 精選新鮮海鮮，包括生蠔、鮮蝦和魚片，搭配特製醬汁，令人垂涎欲滴，口感鮮美。2. **燒烤牛肋骨** 外焦內嫩的牛肋骨，醃製得恰到好處，肉質鮮美，配上特製醬汁，讓人一口接著一口。3. **手工甜點** 餐後甜點如巧克力慕斯和水果塔，外觀精緻，口感絕佳，完美為用餐劃上句號。極尚大瀛喜在旺角的地理位置優越，無論是食物的多樣性還是用餐的舒適度，都讓人印象深刻。如果你在尋找一個能夠享受美食的地方，強烈建議來這裡一試。每一口都彰顯著對食材的尊重和對烹飪的熱情，絕對值得一來再來。…Read More

生日嘅時候我朋友決定同我食下午茶，話晒琴日先去完Staycation，瞓得麻麻，第二日就去食返個下午茶輕鬆吓先。食下午茶首先要預約啦，可能我哋預得比較遲，所以我哋個位置都唔係好大，就係靠近門口位，係個吧枱隔離，所以枱位置比較細，同埋個位都冇咁靚，所以建議大家如果係想食嘅話可能要預多少少時間去book位，同埋可能要問吓餐廳會唔會提供到比較好嘅位置比客人，費事一陣間好似我咁，咁遲先同朋友講話我想食下午茶，坐咗個咁唔好嘅位置。頭先餐廳環境都算係幾好嘅，以黑色為主調，感覺上比較高貴，不過我唔係食自助餐，所以就冇行入去自助餐嘅位置度睇啦，費事一陣間比職員誤會。另外當日天氣都唔係好好，所以都冇出去影相，所以就唔好意思呀，我今次冇影到餐廳環境俾大家，希望今次我呢個食評可以幫到大家啦。首先一入到去其實餐廳職員都問我哋其實係想食下午茶定係食自助餐，我哋就當然答佢我哋係定左食下午茶，佢就話無咁快，要3:00準時先至可以入去，但係當時係已經講緊係2:50 ，餐廳佢要客人準時，或者可能遲少少嘅時間先入去，咁所以可能大家要預返鬆啲時間先至可以入去食嘢啦，但係都要俾個少少建議餐廳，會唔會話係早10分鐘比客人坐一啲已經預先預備好嘅位置，咁費事客人費事喺門口等得太耐，呢個都可能係服務上幾個少少扣分位，因為話晒其實酒店餐廳都應該係要有酒店餐廳嘅服務。另外洗手間其實係要出去個餐廳出邊嘅，咁所以有機會你並唔係同其他食客一齊用同一個廁所，可能你同緊出邊商場嘅人用同一個廁所，所以可能要留意依一點了。今次坐低咗之後先發覺原來今期嘅下午茶係同Somersby 一齊做crossover 嘅，鍾意飲酒嘅話，難得可以見到酒店嘅港女下午茶係可以同啤酒一齊共處，其實我覺得好驚喜，同埋另外當時佢做緊個promotion，就係like佢個IG，咁就可以拎到佢一份嘅禮品，咁禮品就係一個Somersby 嘅酒杯，同埋一支啤酒，所以除咗俾錢食下午茶之外，你係可以有嘢拎走嘅。起碼你食完之後喺海港城行街嘅時候都唔會兩手空空咁樣啦。但係留意番呢個只係個promotion，並唔知佢幾時會完結㗎。我哋坐低咗都等咗好一段時間，先至有職員行過嚟問我哋想飲啲咩，咁我哋就揀咗一款蜜桃果茶，仲有就係飲Somersby，其實正式來講一個下午茶應該係要配果茶，或者係其他茶裏嘅，感覺上如果係飲啤酒嘅話就會比較奇怪啲，但係換轉另一個角度黎諗，有時奇怪嘅嘢，就係可能呢一個創新嘅源頭，所以其實我依然都係會接受嘅，所以我係揀咗一個人飲啤酒，另外一個人就係飲果茶。之後隔咗大段時間啦，我哋嘅下午茶終於都到啦，佢係成個曾假咁樣相，中間就會有啲乾冰，咁職員加水之後就會造成煙霧離漫嘅感覺，咁當然呢個都只係一個影相打卡位啦，咁呢個時候大家就可以拎起相機，同埋你嘅酒杯，一齊影相呀，咁我哋影咗段時間之後就開始食嘢，咁我哋就啲鹹點開始食起，裏面有漢堡包，帶子，一啲鬆餅等等，但係都係冇太大嘅驚喜，但係反而甜點就係有啲都有驚喜嘅，例如話係藍莓芝士蛋糕，仲有士多啤梨撻等等，其實呢啲都係比較好食嘅，個人覺得呢個下午茶鹹點真係做得冇咁出色，反而甜點係真係做得比較好。所以如果大家係有選擇嘅情況之下，可能都係會優先食咗甜點先，咁之後你個胃仲有位置嘅，可能先至會考慮食唔食鹹嘅嘢。臨走嘅時候，朋友幫我埋單，但係埋單時間比較耐，所以可能職員方面盡可能加快埋嘅時間啦。…Read More

舊同事們為咗預祝我嘅生日，早上11點嘅時候一早嚟到安平燒肉排隊拎位食燒肉，我哋今次選擇咗120分鐘安格斯嫩牛吃到飽。今次呢餐為我哋帶嚟驚喜嘅，但係個人覺得小食會比起燒肉更加好食。首先講吓餐廳環境先啦，由於呢間餐廳係新裝修嘅，所以啲格局都係會比較整齊一啲，而且中間都有甲板隔開，每一張枱嘅位置都可以足夠容納四個人去坐，但係由於而家中午限四人一枱，所以本身呢一枱嘅可能係預俾六個人坐。所以其實目前為止都坐得舒服嘅。餐廳環境都好企理，感覺上都十分之衛生嘅。跟住落嚟講吓食物嘅質素，佢上面有個滷肉汁配飯，如果相信食過牛大人嘅大家都知道呢間燒肉其實係同牛大人同一個集團嘅，但係牛大人嘅滷肉飯係真係有肉喺上面，但係嚟到安平燒肉嘅世界，滷肉飯並唔係真正嘅滷肉飯，而佢係一個滷肉汁飯，所以其實簡單啲來講佢個感覺就好似係豉油汁撈飯咁樣，上面冇乜肉，但係其實個味係幾好嘅，仲有一啲賠了可以㗎，你係紫菜等等，如果你話真係都想要多少少肉嘅，咁所以可能你要燒啲肉再加返落去啦。但係其實個飯係好好食嘅。依個滷肉汁飯隔離就有一個冬瓜蜆湯，冬瓜蜆湯飲落去其實係好重嘅味精味，感覺上並唔係真係人手自己咬嗰隻，所以我覺得佢個味道其實係比較偏鹹嘅，並唔係好適合作為一個開胃嘅湯，但係裏面係有啲冬瓜，都可以叫做幫食客去做一個降火嘅功能嘅。之後旁邊仲有好大嘅飲品吧，除咗有安平燒肉佢自己整嘅飲品，例如係玄米茶，藍莓果茶等等，仲有啲平時台灣先至可以見到嘅飲品，例如話係麥仔茶，麥香紅茶，蘋果西打等等，但係其實呢啲雖然喺台灣買價錢真係好平，但係嚟到香港，加埋啲運費鋪租等等，其實運送呢啲飲品都需要一定嘅成本嘅，所以其實呢啲飲品喺香港買都好貴，但係喺安平燒肉嘅舖頭入邊如果係見到呢一種嘅台灣飲品，即係可以飲到一份台灣味，所以其實我好鍾意飲佢嘅飲品，因為真係可以有種置身台灣嘅感覺。其實我係比較少喺呢一種燒肉嘅舖頭上面寫食評嘅，因為我個人覺得燒肉除咗係講嗰隻肉嘅肉質好唔好之外，其實燒嘅人燒得好唔好食都係一個好重要嘅一環，所以其實每一個食評都只可以話係僅供參考，所以真係要食嘅時候要好視乎返當時嘅情況而釐定今餐係唔係一個滿意嘅一餐。但係當時可能係由於舖頭新開幕，同埋朝頭早餐廳比較有多充裕嘅時間去預備，所以其實我哋當時食嘅牛都係比較高質，同埋都好食嘅，令我最難忘嘅就係佢嘅雞翼，雞翼佢有幾種唔同嘅味，一種係辣味，一種係老虎味，一種係孜然味，其實我好鍾意食孜然味嘅，因為其實佢個肉質係比較嫩，而且佢個味粉都落得好足夠，所以就啱晒啲重口味嘅人食。另外其實佢真係有好多選擇，你鍾意食素嘅，有洋蔥翠玉瓜雞髀菇等等，你鍾意食肉嘅，有好多種嘅牛豬同雞都比大家選擇，出邊嘅配料仲可以拎埋生菜，台灣嘅黃金泡菜，甜不辣鹽酥雞但係台灣成日都有，其實我覺得以上嘅台灣小食嘅質素都可以話係好高，所以大家去到真係唔好淨係掛住食燒烤啊，都唔好忘記佢嗰啲飲品小食，佢哋都可以比你驚喜㗎…Read More

嚟緊將會放九日大假，難得今個星期六，一於同個朋友一齊開開心心食個漢堡包慶祝吓，佢提議話想去長沙灣食漢堡包，其實之前都試過一次，感覺都良好嘅，今次第二次幫襯先至嚟寫食評，咁就希望今次佢嘅水準依然不變啦。可能由於係星期六嘅關係，所以人係比較多，門外稍等咗一陣先入到去，見到其實店舖防疫措施都足夠，起碼枱面上係有1.5米距離，如果加塊隔板會比較好啲，因為始終唔知點解我個人覺得有塊板會感覺良好啲。首先舖頭係半自助嘅形式，要自己出去點餐，之後有人送個漢堡包過嚟，我接受呢個安排嘅，不過飲管嗰啲就要自己去拎，咁佢就有即棄飲管同埋不鏽鋼飲管俾你去選擇，悉隨尊便，揀你想揀嘅嘢。呢一樣係好多餐廳都冇辦法做到嘅事情，但係希望佢可以洗乾淨佢啲飲管啦。都等咗段時間，兩個漢堡包終於都到啦，我哋就食咗個鄰居漢堡，另外一個就係雙層芝士牛肉漢堡。鄰居漢堡上面其實有好多配料，有菠蘿，生菜，牛肉，蕃茄，洋蔥同埋少少菌類等等，同埋其實個包裡面都係好多汁嘅，都算係比起一般漢堡包來講做得係比較出色嘅，所以其實呢個包我可以話係好味過平時我哋喺市面上見到嘅漢堡包，但係又未至於令到我好驚喜。而雙層芝士牛肉漢堡就感覺上肉類會比較多，相應來講個汁都唔會話好似鄰居漢堡咁多汁，所以如果兩個選擇嘅話我諗我都係會選擇返鄰居漢堡。但係以我所知佢有大啡菇選擇嘅，個菇入邊本身都多汁，所以如果係話好擔心食漢堡包好乾嘅人，我諗我會建議返你哋去選擇依兩種漢堡。不過令我最驚喜嘅係佢個薯條，佢薯條係有兩種嘅，一種係番薯，一種係普通薯仔，另外薯仔係連皮嘅，所以就係新鮮嘅薯仔炸出嚟啦，但係唯一就係我覺得佢嘅份量有啲少，所以食完之後都好似感覺唔係好夠喉咁，都可能出去要食其他嘅小食先至可以彌補到我哋星期六嘅胃，哈哈。…Read More

今平時多數係公司食午餐，今日好開心終於可以出去食午餐啦，睇到呢間好平好似幾多，而且又近公司，一於去試吓食呢度嘅拉麵啦。入到去門口帶位姐姐都好nice，態度好好咁同我地講幾多位同埋食啲咩。今次決定揀佢嘅招牌，神山沾麵，上到枱其實感覺比較簡單，因為外面有D沾麵係有石頭過同埋都比較熱，但係依度就簡單用瓦碗就完，所以保暖效果真係好一般。而且食落去麵底感覺好硬，上到枱面已經係痴哂一嚿，麵個麥味唔太夠。加上沾麵上面嘅肉都比較韌，所以食完都有少少痴牙，同埋佢上面有好多類似麵豉醬嗰啲調味醬，但因為我食沾麵，所以如果就咁食呢一舊肉落肚就會比較鹹，所以我感覺依個肉真係有D唔係好知道應該點處理。我估唯一比較好嘅只係個溫泉蛋。最後$86呢個價錢真係唔係話好吸引，再加上比完錢之後先發覺原來係要加一服務費，所以就感覺上接近$100去食一碗麵真係有啲唔抵，所以大家真係要諗清楚。…Read More

難得假日星期六同朋友出去食早餐，專登7:00起身去灣仔排隊食呢一間咁出名嘅bakehouse。我哋8:30到，跟住職員都費事我哋喺門口等太耐，都同我哋講大概嘅時間，好彩都係等咗半個鐘，其實以一間咁出名嘅餐廳來講，其實等半個鐘我覺得個時間都好合理嘅，同埋店員都有提及過話就嚟到我哋會有個訊息通知，感覺上都好體貼。我哋都可以喺附近周圍行吓，附近有利東街商場，都有球場可以周圍睇睇嘅。我哋喺附近都睇咗好多唔同嘅小店仲有舖頭等等，都可以叫做係暫時慢活喺灣仔呢個舊市區。見到時間差唔多九點，咁我哋一於都喺門口等一等，見到前面有一對情侶，拎住啲書喺度溫，相信佢都係學生啦。但係就覺得呢間咁出名嘅餐廳，咁多人排隊，都唔係一個好適合溫書嘅地方，所以可能如果大家係想溫書嘅話，可能呢一間餐廳未必好適合大家，因為始終都係相對較為熱門嘅，等嘅人都好多。而且張枱都唔係話特別坐得好舒服，地方比較淺窄，所以都覺得會有閑時嘅情況出現。入到去之後店員都好好，幫我哋去量體溫，主動同我哋講話想食啲乜嘢，唯獨是見到其實佢嗰啲早餐都唔係話特別好吸引，同埋感覺上都唔係話特別抵食，簡單一個普通牛油果三文治就已經要講緊130幾蚊，反而覺得佢嗰啲包餅會比較吸引啲，所以當下我同我個朋友都一致認為點解個另外一間分店唔做堂食嘅原因就係因為佢嘅賣點唔係坐低食嘅早餐。咁我哋就每人叫咗一個葡撻，我就自己食咗個火腿芝士牛角包，咁佢就叫咗一個餡餅Mushroom Onion Quiche。首先食咗個Mushroom Onion Quiche先啦，其實Quiche感覺上都唔錯嘅，裏面嘅餡料都好夠，外邊嘅酥皮都做到好脆，其實佢中間係混合左啲蘑菇同埋洋蔥，其實佢個餅底都好酥脆，食落去都唔係好膩嘅。而且火腿芝士牛角包其實係兩個包類食品之中係比較好食嘅，因為佢中間嘅芝士係用咗幾款芝士，而且鹹味都好夠，同埋佢個包都做到好鬆脆。真係可以媲美得上K11 Musea 地下嗰間啊。不過其實兩款飽類嘅食品都有共同嘅唔好處，就係味道太凍啦，所以我建議可以同啲職員講話直接加熱咗先咁先再上菜。跟住就係個葡撻，葡撻個味道係好特別，佢個蛋味都好夠，外皮做到好酥趣，但唔會做到好淋。$12呢個價錢簡直係好抵呀。其餘就係兩杯咖啡，佢嗰兩杯咖啡其實係同出邊其他嘅咖啡店做合作嘅，並唔係佢哋自家出品，但係感覺只係還好啦，不過佢個價錢都唔係特別貴，大約係$35左右，如果係就咁坐低飲一杯野都值回票價嘅，大朋友佢就飲咗個peppermint tea。如果係飲茶嘅話就可以叫佢refill 多幾次，咁相對來講會比較抵啲飲。最後職員態度都好好，經常都主動行過嚟問我哋需唔需要落單，咁唔該，主動去比口罩套我哋，衛生程度嘅話聽日真係都好過好多香港餐廳㗎啦。值得大家一試。…Read More

星期日放假同朋友食韓國菜，見到依間良心小店，成日都咁多人排隊，當然就去湊下熱鬧啦，當日可能假日中午都差唔多一點鐘，所以用餐個等候時間都比較少。不過等候期間附近都比較多姐姐係度整貨，所以可能等候環境會比較差，大家要注意下。我地叫左三樣嘢，有芝士飯，蛋卷同炸雞。首先嚟咗個飯先，個飯係旁邊係幾多芝士嘅，同埋鐵板上都會令到個芝士比較難硬，所以幾欣賞佢依個想法，而且芝士嘅量都好多，適合啲芝士控食啊！再加上個飯有少少辣，認真唔係好辣，所以啱哂我依啲唔太食得辣嘅人喺冬天食！而且入面有啲泡菜豬肉都好好食，食落去都唔會好寡。可惜我自己太耐無寫食評啦，個飯食完張記得影😭，大家唔好見怪。之後上左個蛋卷，蛋卷裡面好好食，裡面有蛋汁同埋有泡菜，煙肉同明太子擺面，我覺得都好得意啊。唔似某連鎖炸雞店gxxbne咁整到好熟，同埋醬汁都足夠，所以我鍾意食依個，下次可以建議大家食個蛋餅。最後就係個炸雞啦，朋友話炸雞有骨，佢覺得麻麻地，所以可能唔食骨嘅朋友要留意下啦。不過醬汁方面就有少少甜辣，炸雞表皮都好夠脆，但係就鎖唔住裡面個肉汁，所以對比起外面嘅專門嘅過江龍炸雞店來講就可能會遜色D啦。畢竟小店真係唔可以要求十全十美。最後係飲品，飲品兩杯都係蘇打類嘅飲品，一個係荔枝，一個係芒果菠蘿，兩杯見到有D糖漿喺底部，所以就可能係外面買嘅糖漿溝蘇打水，所以四十幾蚊一杯可能真係對唔住個價錢啦。同埋糖漿有D多，所以兩杯飲落去真係好甜好甜，我本人唔太推薦啦。最尾餐廳環境唔錯，每張檯面有1.5米距離同隔板，桌面都係乾淨嘅。不過唔似其他韓國餐廳咁有杯水俾你，我建議可以加一瓶水俾客人方便飲用。同埋女服務員服務態度真係有啲欠奉，端菜時語氣真係唔好，感覺可以改善一下。…Read More

今日難得屋企唔煮飯，咁就同屋企人出去食，本身就唔知道食咩好嘅，最尾都諗住食返啲香口野，咁就嚟咗呢間食漢堡包，之前都食過一次嘅，喺尖沙咀，評價都好高，今次就一於試吓去佢令一間分店度食，因為呢間鋪係比較大間啲，容易啲搵位，二來都近啲屋企嘅。我哋嗌左三個飽啦，一個就係雙層芝士漢堡包，一個就係麻醬雞，令一個就係芥末雞扒，其實全部嘅包都好好食，因為佢出邊個包皮其實係烘過，其實係好脆，二來佢份量真係好多，本身諗住雙層芝士漢堡嘅就係諗住跟一塊牛肉嘅嘅，點知佢嚟嗰兩塊喎，所以其實我覺得佢用料都好足，不過唯獨是如果係菇轉左去做大啡菇會好啲，咁樣嘅話會令到個包入邊嘅汁就會多少少啦，咁我本身自己係食芥末雞扒嘅，其實我覺得係好食嘅，因為佢本身入邊有好多蕃茄同生菜，呢兩日其實都係我好鍾意食嘅嘢啦，咁二隻色落去個感覺都好新鮮嘅，不過唯獨是佢個雞扒就比較乾身一啲，但我就覺得係好食嘅。咁另外啦我哋就加咗個套餐，咁跟住杯嘢飲同埋一個小食，咁我自己就飲佢嘅椰青水，咁一嚟可以解渴啦，二來都可以下火嘅，咁同埋佢嘅小食都做得好出色，咁佢個炸燒賣其實係用咗豬肉燒賣炸喇，出邊其實好少食嗰一種嘅炸燒賣嘅，咁另外我哋嗌左炸薯條啦，炸薯條其實好粗啊，所以食落去真係好有滿足感，咁另外我哋都叫左個炸番薯條，唯獨是呢個就覺得佢渣嘅時間好似耐左啲啊，所以就佢有少少燶燶哋，所以有少少澀口啊，所以我覺得呢個就可能失色一啲，但係食得出其實嗰啲番薯都好甜嘅埋，見到佢嘅食物都好熱啦，證明其實真係新鮮出爐啦。咁另外啦我哋以上所有嘅食物都可以有個自助吧可以去自己去拎你想要幾多茄汁嗰啲嘅，同埋都有飲館呀，餐具啊佢提供，都可以話係半自助式嘅，咁同埋啦服務態度呢都好好嘅，咁都符合返一半香港餐廳嘅標準，不過要彈嘅地方就係其實餐廳入邊冇廁所嘅，因為我本身可能飲得太多野啊，所以好想去廁所，但係點知一去到個廁所門口發覺好做，咁最尾都係冇去到啦，等陣返屋企先至慢慢去，所以如果話下次嚟呢度食嘅話可能真係要去咗廁所先，咁先至再去餐廳咁樣囉。…Read More

今日同朋友嚟咗荃灣食飯，咁我就喺社交平台嗰度見到有好多人嚟食呢間餐廳，咁就一心就諗住應話該呢間餐廳一定好多人食啦，但係膽粗粗打電話過去，點知又真係book到位喎，咁我就照樣去咗食啦。首先其實佢個位置都算係幾好嘅，但係至於你話係唔係話真係好近西鐵站呢，咁又唔係話好近，咁佢只不過係行荃灣廣場後一條街係咁樣，如果你話西鐵站行過去嘅話可能都要15至20分鐘，慢慢行過去都要嘅，但係因為附近本身都有好多唔同嘅工廠大廈同埋寫字樓，咁所以其實如果喺附近返工嘅朋友真係可以放咗工同朋友同事一齊happy hour嘅，咁都可以嚟到嘅，因為佢本身呢個都可以飲酒，所以其實呢個位置都可以話係可以做到好多唔同範疇嘅生意囉。咁另外入到去啦，餐廳嘅佈置係好靚嘅，咁就裝修嗰啲其實都睇得出係好用心咁樣去做，店內有連儂牆，咁係黃店嚟嘅，同埋嗰啲枱枱櫈櫈嗰啲其實睇得出都係好有特色，所以我覺得其實都算係好好嘅，咁之後就諗住周圍影吓門面嗰啲，咁其實餐廳都好細心呀，咁都專登行開，比我去慢慢影。因為本身佢餐廳係可能唔夠位，咁我地就逼住同人哋一齊搭枱，咁同埋當我地坐低左一陣之後，咁就隔離位咁岩走咗，咁餐廳個侍應都好好人問我需唔需要坐過隔離，咁就可以避免左同其他人搭枱嘅機會，咁我就覺得其實呢點係真係好細心嘅，咁就服務態度可以比滿分！當我哋點餐嘅時候，店員都好細心咁問我地需唔需要加錢去做一個set，咁我哋都覺得OK嘅，咁最尾都係加錢做一個餐咁樣囉，不過淨係加1個，咁就跟住落嚟可以一試佢嘅嘢啦。首先就嚟咗個我哋叫嘅小食，就係一個墨西哥脆片，墨西哥脆片下便嘅脆片食落去就好似喺出邊買返嚟一包包薯片嗰啲，即係有個薯片咪就係三角形嘅，就係嗰隻囉，不過佢有個醬汁可以比我掂嘅，咁佢上面個醬汁係好食嘅，咁另外佢個賣相真係好靚呀，好少食到啲咁特別裝飾嘅墨西哥脆片，所以其實我哋都好快食晒。咁之後就食咗個意大利飯啦，意大利飯佢上面陪左雞肉茄汁同埋個蘑菇，但係食落去其實個味道我覺得係好濃嘅，但係唔知點解我每一次食落去都係食到雞肉同蘑菇，所以我覺得佢哋用料真係好足夠，所以我係好滿意呢個嘅。咁之後就嚟咗個蜆肉意粉啦，咁就對比起啱啱先意大利飯，其實我係對呢個係有期望嘅，因為我覺得呢個個賣相比較靚，但係其實食落去嘅話我就覺得我會揀返意大利飯，因為佢意大利飯佢個用了好多，佢嘅味道都好夠，但係相反呢個險肉意粉我就覺得係剩係得個賣相囉，因為我覺得佢個意大利粉本身係實係整到好食嘅，但因為上面啲香草太多啦，所以食落去其實個鹹味係好重，有啲over，咁所以我覺得係有啲唔係好接受到嘅。跟住我哋上晒全部嘅主菜之後，反而跟set嘅餐前飲品，同埋個麵包仲有個湯係最尾先到，咁係南瓜湯嚟嘅，飲落去係好飲，咁另外佢個餐前飲品係紅桑子嘅汁，但係食落去就真係好似有少少藥水味，咁就好似係人哋嗰啲果汁開咗水嗰啲咁樣，但係就其實呢啲餐前飲品少少哋醒吓個胃其實我覺得都算係咁㗎啦。…Read More

今日約咗個朋友食泰國菜，見今日出邊都好亂，咁就一於去圓方食啦，難得嗰邊就比較隔涉啲，但係都叫做有地鐵站嘅，所以就一於同朋友喺入邊食。本身諗住今日出邊都亂嘅，同埋喺圓方入邊嘅餐廳價錢都比較貴，咁就預算應該冇乜人食嘅，但係去到就發現其實都有好多人等位喎，咁唔緊要啦，咁我哋去拎左位先，咁就唯獨是覺得安排有啲混亂，咁我去到啦，咁淨係知道有一堆人喺面前等，咁唔知道邊一啲係未拎位，邊一啲係等緊位嘅，咁淨係知道可能人手唔夠啊，所以個接待員登記左一個，咁之後自己就走去接客，咁所以其實覺得有啲混亂囉，同埋都冇話一條隊係做緊咩，同埋都唔知大家係等緊位定係拎飛嘅，所以其實我覺得係個安排有啲混亂呀。同埋為一間位置都算係高級商場入邊嘅餐廳，其實我嘅服務態度要求都比較高嘅，所以覺得呢個安排就可能會令到餐廳大打折扣啦，建議接待員就真係可以叫啲客，例如話呢一邊係等位嘅，嗰邊就係拎飛嘅，咁拎飛嗰啲排好一條隊咁樣囉，咁就可以令到個安排唔好咁亂，同埋我覺得接待員就真係可以交代清楚自己話入去做啲咩，例如話喺帶位啊嗰啲囉。入到去餐廳，環境當然係好啦，因為位處於一個高級餐廳，而且環境好整潔，望到海景嘅，惟一個問題就係比較嘈一啲，但係始終食泰國菜嘅餐廳都預算左啲人都有啲高談闊論嘅，所以環境方面都冇特別去扣分。咁就講吓我哋嘅嘢食先啦，咁首先就嚟咗個生菜包，生菜包比起其他餐廳唔好食，主要個原因係因為個生菜，其實生菜包我個人覺得個生菜比起入邊啲餡係更加重要，因為你生菜你整得唔夠新鮮，或者係本身啲生菜都唔靚嘅，就算你個內涵整到幾好食都好都冇用呀，咁不過餐廳佢用咗西生菜，所以其實我覺得個口感食落去比起其他餐廳嘅唐生菜比較奇怪，我個人就覺得唔係好好食嘅，另外佢內涵嘅味道真係有啲唔係好夠，嗰調味可以再濃啲。之後就嚟咗個燒雞，係佢嘅招牌嚟嘅，本身係因為件係招牌嘅燒雞所以先至想叫，其實燒雞個外皮係幾好食嘅，佢個味道其實我覺得係好食，但係只不過係覺得個雞就比較鞋身啲，所以食落去其實覺得都有啲乏味，佢只係個外皮係有個味道，但係入邊其實真係個味都唔足夠，不過其實以其他嘅燒雞來講我覺得呢個燒雞個味道都係幾好食嘅，另外佢配左個細細地嘅糯米飯，再配上佢自己本身跟住燒雞嘅汁，其實我覺得都match嘅。之後最尾就叫咗個飛天通菜，飛天通菜我覺得佢有啲辣啊，但係其實我這個人唔係話好食得辣嘅，所以我冇特別話佢因為佢太辣而扣分，咁同埋因為我自己本身係隔幾日先至會出食評，咁就唔只我之前食過嘅泰國菜咁樣，食完之後個肚唔舒服左好幾日，因為係個生菜包太辣，所以辣到我個胃都有啲唔係好舒服，但係呢間嘅餸食落去雖然係偏辣，但係我覺得都係好食嘅，起碼我自己都沒特別唔舒服。咁另外我哋就叫咗兩個飲品啦，我個杯就其實係比較酸啲，不過這個係一個沙冰嚟嘅，我自己本身就對於沙冰係有少少抗拒嘅，但係佢比其他沙冰其實係酸嘅，其實都係醒胃嘅，不過係因為餐廳可能呢佢自己本身冷氣都比較強啲，所以食落去都覺得有啲凍啊，但係個杯野係真係好飲嘅。咁總括而言啦，咁其實餐廳嘅服務態度係香港嘅水平都算係好，但係如果係話用呢個價錢去買佢呢個服務態度嘅話可能就真係爭少少，但係另外環境啊嗰啲食物質素其實都OK嘅，不過我哋兩個人加埋食咗六百幾蚊，咁就泰國菜來講就真係好貴啦，不過如果係話用呢個地方而家呢個物價同埋呢個服務態度你比嘅話，其實我覺得都可以一試嘅。…Read More

本身諗住去銅鑼灣食一間泰國嘢，點知嗰間冇晒位，咁朋友就話不如去食依間啦，好似呢排都係朋友間餐廳比較多，咁佢話好食咁就去試吓啦。睇落去門面其實都OK嘅，你想搭lift都得，或者行樓梯都得，因為其實真係唔係話好高，另外餐廳望落去啲位都好闊落，同埋餐廳本身佢啲位都比較多，佢位置都好大嘅，所以亦都容納到好多客啊。咁我哋叫咗四個小菜，咁等我逐一點評下啦。首先講咗個青咖喱軟殼蟹，青咖喱都好食嘅，本身呢個青咖喱有少少辣，但係就唔係話係好辣，只係辛嘅感覺，另外佢配左個蒜蓉包，整體上食落去都唔係話特別難食，不過就覺得佢咖喱味就可以濃郁啲，因為感覺上佢好似比較水啊，另外我哋就叫咗個薄餅，薄餅價錢唔貴，不過就覺得叫薄餅係比較偏脆身一啲，咁就反而冇鬆化同埋好鬆軟嘅感覺，不過都俾佢合格啦。之後我哋就叫咗個飛天通菜，飛天通菜本身唔係好辣嘅，炒到好香好好食，起碼食得出係炒出黎嘅，唔係話白灼之後將啲醬汁鋪上去，所以食得出都有啲鑊氣嘅，但係至於商品就未到，所以呢個可能都會俾佢手緊啲啦。跟住就要咗個生菜包，我好鍾意食生菜包㗎，所以我今次都專登叫咗個生菜包，生菜包食落去真係好辣好辣，我諗係我食過咁多個生菜包以來最辣嘅生菜包，當初係食第一啖唔覺，食食下覺得點解好似個口好辣咁樣嘅，之後驟眼望落去原來佢加咗好多辣椒，所以就覺得呢個生菜包真係好辣，但係食完落去之後第二日，我係肚餓屙到pat pat痛，佢唔係嘢食污糟嗰種，佢係食咗好多辣野嘅嗰種，所以可能大家下次叫嘅時候要直接叫小辣會可能好食啲，不過當然你食到辣嘅唔需要理會我呢句說話啦。最後去食下真係覺得好辣，之後就叫咗個青檸梳打，我朋友話即係等於七喜，咁我就唔信邪，一於就叫，跟住飲落去其實真係唔同七喜嘅，但係只不過佢飲品個酸度可以再多啲，另外飲品都夠甜嘅，都可以解辣，同埋可以好醒胃，大熱天時飲呢啲真係可以促進到我哋嘅食慾。另外就講吓餐廳嘅服務同環境，餐廳嘅服務態度都好好，不過唯獨是我哋諗咪俾錢買單嘅時候可能店員聽漏咗我哋，可能都要搞多排先可以埋單走人，另外餐廳佢嗰啲透明版隔住，一般啲餐廳都會唔記得咗抹嗰塊透明版，但係今次一坐低其實見到店員係有抹呢塊透明版嘅，因為見到上一手食剩嘅餸汁嘅痕跡，有啲係真係會見到嘅，所以呢個細節位可能要幫佢加番啲分。…Read More

今日返工鬼死咁忙，再加上晏晝比老細話，跑唔到數😭😭，心情唔好，我乜都唔想做啊，朋友一於幫我揀餐廳，朋友一般我揀嘅餐廳都唔係特別好，但係呢間雖然味道真係唔係好好，但係其實都係食一份心意，大家有時間經過旺角嘅話真係可以去試一試，就當係支持下我哋嘅黃色經濟圈啦！首先餐廳只係會招待會員，如果你本身唔係會員嘅話就要填一份表格，入咗會員先，咁先至可以坐低食嘢嘅，入到去就知道其實係一間Cafe，咁見到裝修好多文宣啦，我見好多人都有影相，咁我就決定唔去特別影啦，再加上今日心情真係好麻麻，都冇心機去影相了。坐低左好耐先至諗到食啲咩，咁我嗌左個和風牛肉飯，朋友就叫咗個滷肉飯，跟住就叫咗個小食同埋甜品，加埋都係二百零蚊，係合理價錢嚟嘅。講咗和風牛肉飯先啦，上面有流心蛋，本身係諗住將蛋入邊嘅蛋汁同牛肉汁撈埋啲飯一齊食，上到去見到冇乜牛肉汁，就會感覺到個飯比較寡，不過首先睇落去底嗰度其實係有少少牛肉汁嘅，但係其實真係比較少，而且都係比較偏淡啲，所以可能下次可以整到個牛肉飯濃味啲同埋多啲汁就好食啲，不過我自己個人就覺得個飯真係好大個，不論係我手上呢個同埋我之後會講嘅滷肉飯，如果係飯桶就真係一流之選。跟住就試食咗幾啖朋友食嘅滷肉飯，我用返上面有啲好硬身嘅蒜頭，我個人本身唔係好鍾意食蒜，再加上啲咁硬身嘅蒜頭令到我對個飯個口感會有啲改變，不過其實個飯始終都係唔係好夠汁，同埋個滷肉真係比較少，反而佢個飯真係好多，所以呢個飯都係個飯桶必嗌。叫咗個芝士年糕，芝士年糕好好食，佢入邊嘅芝士個餡都好夠芝士味，都整到外脆內軟嘅感覺，下次可以再叫。另外就叫咗個紅豆抹茶嶡餅，個甜品好好食呀，不過我覺得佢紅豆個份量比較多，如果紅豆個量比較少，佢整多啲餅嘅話佢會好食啲。講吓服務態度同環境先，淘寶態度係OK嘅，環境方面就都好乾淨啊，座位又舒服，起碼我哋兩個人都可以坐到出邊六個人嘅位啊，不過如果係餐廳係可以提供多啲唔同嘅娛樂就好，例如話係飛行棋呀象棋啊嗰啲，咁就可以比多啲人去Cafe入邊娛樂，不過其實一換過角度來講，你間餐廳啲嘢買嘢食都唔係特別貴，如果你提供呢啲娛樂嘅話都反而都係會令到餐廳做少幾轉客，所以我覺得可以直接開一間台式餐廳都好啲，而唔係行Cafe路線，不過整體上來講餐廳不論係嘢食同埋佢個模式都好真係有啲不完美，但係可以接受嘅。簡簡單單又完成左篇食評啊，今日心情好差，搞到之後影嗰啲相全部都好差，果然係禍不單行，不過我都照擺番上去先，睇吓OpenRice會唔會俾我過。…Read More

今日做乖乖仔接收工，但係我好想食pizza，但係就諗唔到銅鑼灣附近邊度有Pizza喎，之前見到另外一間嘅，但係太多人排隊，無意中就見到呢間餐廳，咁就決定打電話過去問一問而家有冇枱先，咁就話咁岩有個客就準備走，咁就依家可以行過去都差唔多時間就會到，咁行上去見到個客人都已經買單走人，就可以企一陣間就可以入座，但係我哋其實入座嘅時間都講緊係差唔多八點幾，所以其實就算係八點幾呢個時間，我哋餐廳依然都係hold住見到好多人入啊，就算我哋走咗嘅時候餐廳依然都係爆滿嘅，其實可以見到間餐廳其實生意真係好好，都可以話係遠近馳名嘅，唔知可能因為佢坐落喺呢個位置，但其實佢樓層都好高，所以我覺得餐廳應該都做到一定嘅知名度嘅。入到去店員嘅態度都好好，但係一打開個呢就見到一間餐廳，呢樣其實都冇乜避免嘅，因為呢一層樓每一間餐廳都係一打開𨋢就見到哂成間餐廳嘅，只不過感覺係有啲特別，但係餐廳呢個感覺做到好乾淨，所以衛生方面都冇乜嘢可以特別挑剔到，不過啲餐具啊嗰啲摸上手其實都好乾淨嘅，對於我呢啲本身都有少少潔癖嘅人其實都接受程度都OK嘅，所以基本上餐廳嘅環境係冇乜特別嘢可以扣分，當然啦，我見到餐廳其實冇乜特別話好得意嘅裝修，所以就都係去唔到上品。另外就講吓食物質素方面，食物質素方面首先就嚟咗個蘑菇湯，蘑菇湯個味道其實係好粥嘅，食得出其實係落咗好重嘅蘑菇，個味道其實都夠濃，不過同我上次食嗰間西餐去皮，我朋友話上次嗰間西餐嘅蘑菇湯好味啲，但係我依然都係覺得呢間好味啲。另外就嚟咗個蛋黃醬龍蝦汁pizza，呢個Pizza其實個批底整到都好食嘅，因為佢側邊加咗好多龍蝦汁喺度，而且佢個Pizza都夠熱，上面嘅芝士個味道都好夠，所以成個批食落去其實係好濃味，不過唯獨是食落去成手都係油，但係個Pizza本身都好食嘅，我一開始以為個批底係會好硬，類似餅乾咁樣，但係食落去其實本身個批底都好食嘅，因為佢上面啲料就真係好好食。跟住我哋就叫咗個青口，青口佢炒都好好食，佢又加咗好多嘅白酒落去，食落去個感覺其實係帶到青口嘅鮮味，而且個味道都係好好嘅，不過略嫌佢個煙肉切到有少少細，如果係啲煙肉多少少，同埋大粒啲嘅話咁就可以食到嗰啲煙肉啦。而且我哋仲叫咗個肉丸，肉丸食得出係好似佢哋自己人手整咁樣，而且個汁個味道都好舊蕃茄味，不過呢佢就比較偏向孫一啲，但係食得出其實佢啲番茄醬好天然，唔會話一陣死估估嘅甜味，所以呢個我係值得推介嘅，因為我見到其實有好多食客都叫嘅。…Read More

今次同朋友一齊去銅鑼灣食晚飯，食完晚飯之後發覺都唔係特別飽，都想去食返個糖水。今次叫咗兩個糖水，一個係芋圓，另外一個係芒果大合奏。首先我講咗個芒果大合奏先啦，其實芒果大合奏本身個芒果汁嘅底其實係好食嘅，而且佢入邊都有雪糕，一啲芒果肉，本身加埋其實都好好食嘅，不過我就略嫌佢覺得佢有啲芒果乾就有啲奇怪，因為本身其他所有嘅嘢suppose都係比較濕潤嘅，但係我到時呢個就乾身嘅話就感覺上好似有啲奇怪，而且佢價錢$50 ，我覺得其實有啲唔係好合理，即使話係港島區來講，所以我覺得有啲貴。另外我個芋圓其實係有待改進，芋圓佢整到其實係OK嘅，但係只不過係個底有啲問題，因為我本身係叫咗個薑汁湯底，我覺得佢同仙草嘅感覺唔係好配合，而且佢仙草都唔係話整到好滑，同埋佢有個薏米喺度所以我覺得個口感係真係有啲奇怪，不過其實佢係一間黃店，而且佢位置真係都幾好嘅，因為佢近銅鑼灣，所以話有陣時同朋友一齊食晚飯但係就唔知去邊度好，咁我喺銅鑼灣行過嚟都唔係話好耐，大家都方便走嘅，所以我覺得係適合一大班人，可能食完個晚飯唔知去邊度好，咁就大家一齊食個糖水，咁我覺得呢個係一個不二之選囉，但係都希望餐廳可以做好少少個芋圓啦，因為我知道呢個係佢自己整嘅，努力呀！…Read More

我今日心血來潮想試吓食韓國菜，想搵吓尖沙咀附近有啲乜嘢好抵食嘅黃店，而且係韓國菜嘅，見到呢一間韓國菜都想試吓，咁一於就嚟啦。入到去見到餐廳好好生意，服務態度都係好嘅，一入到去就主動幫我哋量體溫，而且都同我哋講啲個人物品可以放喺櫈裡面， 不過全部嘅店員都識講廣東話，都唔擔心有溝通上嘅問題，不過見到餐廳啲位置都算多，見到就算入邊坐滿左，出邊都可以坐嘅，但係如果係夏天嘅話可能真係想坐出邊嘅人就唔多啦。但係可能餐廳入邊因為個個都想坐入邊啦，所以入邊都人係比較多嘅，感覺上都比較高危啲，不過隔離枱就有啲食客，咁佢哋本身可能係啱啱夠18歲嘅後生仔啦，咁就可能飲大咗兩杯，所以就佢哋講嘢嘅聲量都好大，所以可能都對其他食客會有啲滋擾嘅，所以其實我覺得店員都可以作一個平衡嘅，例如話叫啲食客唔好太大聲咁樣。首先就嚟咗個前菜嘅，前菜好食，泡菜比較大浸喬頭味啊，偏向酸，所以就比較啱香港人食，因為始終都唔及韓國人咁食得辣嘅，咁就另外其他菠菜同埋個蓮藕其實真係好食，本身帶咗少少甜味，所以就都係好啱作為一個頭盤，醒下胃。之後就嚟咗個炸醬麵，炸醬麵其實都好食，炸醬麵入邊嘅醬汁可以鹹返少少，同之前我喺韓國食嘅一間正宗炸醬麵係還原到嘅，不過只不過係個醬汁問題，韓國嗰邊就係比較鹹多啲，但係如果喺呢度食嘅炸醬麵來講，我覺得係可以媲美得上韓國嗰邊正宗口味嘅，所以我覺得如果係話想望梅止渴嘅話呢，呢間其實係真係可以滿足到你嘅美食慾嘅。之後就嚟咗個原味星星炸雞，呢個炸雞反而就唔係好出色啦，因為炸雞佢本身佢個皮其實係比較厚，就比較好似喺大陸嗰種炸雞嘅炸法，果皮係比較厚身啲，佢出邊應該係加咗好多嘅炸粉，而且入邊可能佢炸嘅時間比較耐啊，所以佢入邊個炸雞好乾身，同埋好鞋，所以我唔係話特別鍾意食，而且佢個醬汁都唔係特別吸引，只係佢個配菜個蘿蔔係比較好食啫，所以其實我係對呢個炸雞係都係有失望嘅。跟住就嚟咗個我朋友係好想食嘅蛋卷，蛋卷整到好好食，佢本身入邊加咗啲葱，同埋入邊都有芝士，所以整體個感覺其實係好香嘅，上面呢佢嗰啲醬汁都調到啱啱好，所以我哋都好鍾意食。跟住落嚟就講吓我最鍾意食嘅辣炒年糕，炒年糕加咗少少公仔麵，同埋入邊有好多嘅魚糕，同埋個味道其實係比較偏甜一啲，唔係話好辣嘅，不過佢辣炒年糕入邊嘅年糕唔係好多，所以我覺得係比較啱一啲一大班人嚟食，我諗我下次會專登為咗呢個辣炒年糕再幫襯多次嘅。而且呢我都帶咗兩個嘢飲，都係一般韓國嘅罐裝嘢飲，都唔再特別介紹佢啦。另外都講吓服務態度同埋環境方面嘅，服務態度其實話不過不失，不過如果係環境方面嘅話其實做得都算係咁嘅，因為佢本身入邊可以打邊爐啦，所以其實佢間餐廳睇落去唔會話太過污煙漳氣，而且餐廳個裝修其實係靚嘅，只不過係啲食客同食客之間個距離其實係可以再闊多少少，同埋啲餐廳啲食客可能比較嘈嗰啲，希望見面係可以希望比較嘈嘅食客可以收細返個聲量啦，以免騷擾到其他人。…Read More