hkdc5400's Profile

呢間煲仔飯係荃灣已經一段時間，仍然人龍長長，莫非真係有佢個人之處😏首先，睇餐牌發現佢啲價錢幾得意，無論係鳳瓜排骨，或是豉汁白鱔，都是一律同價，😅咁樣，我只好選擇豉汁白鱔煲。因為全部即叫即煲，所以需要啲時間上枱。上前，員工會先放一樽豉油和一樽豬油。當煲仔上枱，自己馬上加豉油和豬油，再焗佢一焗。萬衆期待煲仔飯一開，豉汁味好香，白鱔新鮮爽口。但煲白飯同豬油有啲失望。煲飯太濕，無乜飯味，食焦太燶和黐底。豬油無乜豬油味😰以一煲$100嘅煲仔飯，個人應為只會食過就算。…Read More

今晚約左睇TeamLab 咁諗住係灣仔食完可以慢慢行過去。初頭諗唔到食乜，所以就碰運氣睇下xx咖喱有無位，當然，去到又係排長龍，咁為有睇下附近有乜新發現。就係見到對面‘牛魔王’，又見到係咖喱，咁埋入去試吓啦。我叫左個巴基斯坦咖喱薯仔牛坑腩飯，上枱時大大碗咖喱，同平時啲咖喱不一樣，佢啲汁比較‘𠎀’身，可能將啲薯仔打溶，心諗唔通有好嘢😅唔知係咪就收工（當時約8:10），啲咖喱只係比室溫熱少少，你哋話啲咖喱邊會有味😰。啲牛肉坑腩仲利害，完全腍到老婆婆唔駛咬就可以吞😡 咁嘅質素，真係連大X樂、大X活都好過佢。同抬有個搭枱，叫左個爽腩，佢都話未食過咁腍嘅牛腩😡 …Read More

見朋友早兩日中午去食船麵，見到又好似好正，咁埋去試吓。今晚同屋企人去，晚飯係無船麵食，咁就食下其他野。炒飯，乾炒牛河，馬拉盞炒小椰菜仔，明爐烏頭其實啲野食都可以，沒有什麼大問題或者唔好食，本來就無諗住寫野。但因為發生小意外，而店又覺得無乜問題（或者係我自己問題），所以先係到提醒其他食客是源於明爐烏頭，我夾魚時，突然發覺手腕灼熱，原來係個爐火突然搶火，將我手腕上的手毛完全燒左😰 當然好彩無受傷😰之後，發現個爐應該係放火杯太淺，酒精爉太多，到中段時啲火經常搶火。到尾段時可能酒精爉有雜質，火屎會彈出爐外。咁當然話番比啲負責人知，但佢哋只係知道就算😰😰😰，見佢哋唔覺得有問題😰咁為有係到提醒各位食客，如果有小朋友，又或者著長䄂衫，又或者有易着火嘅飾物係手腕，叫呢個明爐就要小心啲，免發生意外…Read More

聽好多人話珍姐回歸匯景，講到好好食咁，平日行過都有人等，今日埋去試吓啦。六點前去到，好彩仲有兩三張枱，所以可以即入。 入到去裝修都光猛，坐得都舒服。但等放低碗筷時，見到啲碗筷真係失望，一碗一杯無洗過😰 為有一隻一隻洗😰咁嘅情況，真係唔諗太多，就叫住個二人餐。頭盤泰式鳳爪唉，鳳爪唔入味，基本上唔似有浸過，只係放入盤，加料加汁，撈好上碟😰蝦餅唯一似番啲泰式蝦餅，有少少咬口青咖喱雞青咖喱應該無打芡，汁稀掛唔到上雞，最重要係個汁係熱，但啲雞就只有微溫😰 咁你話佢係點煮😰蝦醬通菜我食得偏濃味，但我都覺得有啲鹹。😰珍多冰基本上可以，只是彩粒比較散，無乜咬口。可能呢幾個餸唔係佢地主力，但真係唔似啲人講到咁好食，所以試過就算，番食🤔 no way😅…Read More

因為星期五又再禁晚餐，咁當然即刻去食飯啦。唔係唔知幾時先有得再食😭因為即約，人數少，所以唔叫得多。其實係佢地啲分量好大，咁敢叫太多。今次只得4人，先叫左個原味炸雞。佢一來就一大碟，內有16件，係真係16件，有齊雙翼、雙比，粗略估計多過一隻🐔。碟雞看似一般，但當攞上手，感覺好干身，咬落炸皮好脆，唔油、又唔厚👍🏻。就算食雞胸位，都唔算‘鞋’ 。到你食完之後，你會發現張底紙，真係好少油。咁有炸雞，點少得酒😅 咁先要左枝米酒，偏甜，易入口，酒量唔高小心啲啦🤣。之後再要左枝粟子米酒，嚟枝比較干身，酒後有粟子回味，幾得意🤣之後，再叫個部隊鍋，個人建議，情侶就唔好叫啦，一定食唔哂😅除非你係大食王🤣🤣 點解？有圖有真相我地先食左D餸，一半之後再落埋個麵同蕃薯面（我估），啲面吸哂啲湯底，嘩正到呢😋😋😋順帶一提，唔食得辣都唔好叫😅總括來講，呢間真係合一班朋友聚會😍😍 I’ll be back🤣🤣🤣…Read More

假期最後一日，又係最凍一日，點都要死起身出去走一轉。唔知係大假後還是太凍，今日居然可以包場食lunch。講你都唔信🤣咁一坐低，當然order番個pancake先啦。由於無人，所以好快就有得食（約20分鐘左右）。其實又落料，煮，上碟，到送到你面前，20分鐘左右其實好合理。但係佢隻碟，係紙碟，真係有啲難接受，就算幾好食嘅食物，放係個外賣紙碟到堂食，你又會有乜感覺😅但最重要係個pancake，唔知係唔係鹹食，個cake真係有啲似cake，多過似pancake。所以過空氣真係唔多。再加上個擺盤，真係感覺麻麻。所以仍然係期待通關後，日本再拼命😋…Read More

搬離開官塘工作地方，難得到附近，咁就諗住食個米線，點不知去到巳變咗另一間店，見係泰國船面，就入去試下。入到去，見到$58一個船面，都算合理，咁就叫左兩個招牌船面，一個冬陰公，一個豬骨湯底。點不知伙記放低張單後，突然發現冬陰公加左$10😱 落單時伙記又無講要加，所以睇番個餐牌，竟然係個深色位寫左冬陰公要加$10😰 真係唔留意點會見到☝🏻考考你眼力🤣到船面郅時，又發現冬陰公係無跟羅白，咁問伙記點解，佢最初話唔知點解，之後又話少比左，就補番比我地。 但我哋睇其他人D都係無羅白，咁大家自己去演繹點解啦☝🏻後補羅白至於食物就可以接受，湯底唔係濃，羅白已太林（所以好入味-豬骨湯味），不過以上的問題，會令我唔會再返轉頭😰…Read More

上星期去左太子一間出名嘅平民潮州菜館，食完當然....... 心心不憤。所以星期一同朋友去左新蒲崗再搵好野。由細到大住係黃大仙，都唔知呢度有好野，（你估我真係食家咩😂） 咁當然要入去會一會先。一坐底就叫枝大啤同小食啦汁底同墨魚都 不過啲紅腸肉就唔係我杯茶😅再叫蠔餅，佢係我最滿意一碟，外面松脆，裡面仲冧，🔥喉剛好 避風塘炒茄子，好好食，不過如果每件茄子可以厚啲，就更加無得輸。今晚D薄殻細粒D，不過都好味 最後，叫左個黃金反沙芋，就令到我有D失望。總體而言，係值得去。我，就一定會再去試其他野 😋…Read More

入冬，緊係要食最殘忍飯🤔好彩六點左右到，好多客未到，所以一入即坐，不過不到10分鐘，已經坐滿人😵。一入到去，聞到一陣陣臘腸味，本來只想叫基本野，陣味搞到我口不對心，叫左個臘腸滑雞飯。個煲ㄧ到，一打開，見到水偏多，5理咁多，當然整色整水先，再焗佢一焗，希望可以盡收水。今次有D失望，我個煲因為水多左少少，所以無法收乾水，搞到無法粒粒飯，可能係為左煲內最重要的飯焦😏，飯焦仍然係好易撬起， 有啲燶，可以收貨😋另外，爉腸偏肥同衣有啲硬，好彩D雞仍可以。不過，另一煲排骨煲就出事。飯底好過我煲，有粒粒飯感，但啲排骨就出事，完全無醃過，又無肉味，令到煲失色。除左㷛，當然5少得蠔餅啦，一煎好即上枱，D邊好脆，D料都算足。其實，有時食㷛仔飯，去大店都有D睇運數，因為5同師父5同手勢，5一定可以煲煲好。…Read More

公司搬左去觀塘之後，好多時都會同老婆食埋晚飯後先返屋企。今晚都5例外😋😋 行下行下就去左東廣場試下揾野食。見到鴻師傅有番咁上下，以為差極有限度，咁就入左去。入到去見到餐牌5多選擇，以為係貴精不貴多，有D安心。點不知到行去點餐（快餐店自己買飛自己攞野食），叫佢地個义燒雞疍飯同薑䓤包魚汁义燒撈E面，當時已經六點半，佢居然話無义燒，開始有中伏嘅感覺。六點半都未準備好晚餐嘅主大，咁間餐仲有乜賣:(等左十幾分鐘，先到E面，因為佢話係即叫即炒。薑䓤味5濃，但可以接受，至於包魚汁，sorry, 我真係食5到有包魚味，你比D假包魚味我都好呀，所以最後這碗我只可以叫薑䓤义燒撈E面到正場，前後約等了十幾廿分鐘（5通义燒同隻疍都係即叫即炒😱），當見到碗飯，我就知又中伏😭😭😭义燒賣相還可接受，但隻疍居然係九成熟😱😱，流出來疍黃連飯都掂5到，大家食開义燒疍飯，都知道隻疍半生熟，等D疍黃同D豉油混埋一齊，同D飯食先夠邪惡，宜家咁，已經無左一半分。到主角出場，一咬入口，即刻想同大㕑取經，真係非同凡响，我從來未食過咁與別不同嘅义燒。咬入口係有汁，冧冧地，只可以話有D質感。义燒係口食時，我完全感覺5到自己食緊义燒，义燒外只得少少蜜糖，豬肉完全無味，似係用大水煮熟再去燒，簡直5可以相信自己食緊义燒，就好似飲一杯清水但有可樂味一樣😈😈😈雖然我5係乜野食家，但最少知道乜野叫"維持生命"😎 本着好又ㄧ餐，5好又一餐，同惜食概念，合埋眼食哂佢😵😵😵我好少寫咁長，只是為左一衆食家5好浪費時間同食物去試這間店😭😭😭…Read More

幾年無來過官也街，今日剛巧路過，又想買杏仁餅，咁當然順便走去食番杯我至愛啦。三色大菜，仍然一樣咁分明，一樣咁爽口，不過今日D貨有D散，每層容易分開，抓時要小心D，但無損味道…Read More

其實來百好酒家食飯和打邊爐都好多次，這𥚃主要都係做街坊生意。食物對比價錢都算合理。但今日先發現，佢地計算小童同大人定義真係與別不同。咁今日去百好打邊爐，因為以前小兒細，所以收小童價錢。但日子過去，小兒今天已有120cm。係大部分餐廳都當小童收費(通常100-140cm當小童)，但到埋單時，佢地話收三個大人，我即時O咀，我話佢只得120cm點解收大人錢。佢地話只要高過90cm,就當大人。我只可以即時話你地收費都幾與別不同。其實佢地又無係任何地方表明小童及大人收費準則，咁樣算5算濫收費用呢?豬骨煲，但5知點解好重胡椒粉两個大人一個小朋友（120cm）,但收三個大人…Read More

行行重行行，返到酒店覺得好似差D野，咁為有出去行吓有乜發現。正當晚上10:00巳到，行到添發門口，諗住以為冇得食， 見員工仲企係門口，為有膽粗粗咁行去問下佢哋收工未， 點知佢哋話仲未收工，咁就即刻衝入去，食番個翅先。因為之前已經食到好飽，所以今次只叫個普通海參花膠煲仔翅（MOP$70）。上煲時仍然滾熱辣，生人勿近。魚翅雖然細左D，但一樣係彈牙。雖然70蚊，但都算交到功課。不過 ，今次有D失望，海參細左又冧左。最慘係食到底時，見到D生粉芡"痴"住煲底，即時大打折扣。雖然知道70蚊貨仔一定會打個芡，但令比你知，莫比你見。就算係巳到收店時間，但都5可以咁架。希望下次5好係咁…Read More

去完大三巴，八個大小行下行下又到榮記門口，咁當然要入去食啦，5係點對得住個肚。 遇正午飯時間，大排長龍，有D等5切，另叫外賣係門口食。豆腐花當然5少得，豆腐花仍然是豆香花滑，保持水準，但係只有薑汁糖水，無黃糖供應，有D缺陷美。其實榮記豆腐花出名之外，雞腸同豬油渣都好正。雞腸新鮮彈牙，又5"押"，仲有雞油味。至於豬油渣，真係炸到干干淨淨， 脆卜卜 。5似香港D咁，炸一炸就算，油笠笠，好難入口。榮記完當然又要去甜品啦…Read More

上的士之後，司機話原來有三間。好彩司機好好人，幫我地打電話確認地址，直去沙梨頭因為一早到，員工仲係到晚飯中，但仍可以先坐，再點餸。來這間主要係食佢個乳豬海鮮煲。雖然乳豬比預期少，但煲底有大量鮮甜沙白，估計有两三斤左右，加上蝦和蟹，和疑似東陰功湯底。正當然，也有叫了小食，如乳鴿，鹵水豬耳，鵝腸，蒜香骨，萵荀肉片，都有ㄧ定水平。一行4大4小，只食了1200元，但已經個個飽住走要行去公園仔做吓運動落吓格先…Read More