矮腫肥's Profile

昨天是星期日，我和太太去了馬灣一日遊。馬灣是一個寧靜的地方，令人心曠神怡。我們漫步了一會兒，不知不覺已到黃昏。剛好經過一間名叫「開心開飯」的小店，從門口的餐牌得知是台灣料理。店內十分整潔，而且已有不少顧客在用餐，於是我們便第一次進去試試。我點了麻辣肥牛手工麵（特別要求加辣）、滷水蛋和鹽酥雞，太太則點了茄子肉燥飯。飲品方面，我點了一杯叫「日與夜」的凍咖啡，太太則點了珍珠奶茶。不消一會，食物和飲品就送上來了。那杯「日與夜」咖啡無論味道還是色澤都讓我十分驚喜，太太也很欣賞她的珍珠奶茶。我點的加辣肥牛手工麵，麵條十分煙靭，辣度亦恰到好處，每一口都讓我非常滿意。太太同樣非常喜歡她的茄子肉燥飯。滷水蛋和鹽酥雞也相當出色。用餐期間，我還聽到旁邊的食客稱讚這裡的食物。非常慶幸這次偶然走進一間這麼出色的小店，員工態度友善，而且十分樂於幫忙。最重要的是，這裡沒有用餐時間限制。吃完之後，我們完全沒有感到口渴或吃到味粉的感覺。總括而言，這裡品質好、份量足、味道佳、招呼周到。這間小店的質素與市區的餐廳有很大區別，或許這就是小鎮風情的魅力所在。我並非特意為這間小店宣傳，只是覺得應該將這次愉快的用餐體驗分享給大家，也十分推薦這間小店。…Read More

我幫襯這間食肆已經有好幾個月，真心鍾意呢間小店。 佢哋出品價錢合理，質素唔錯，但最令我印象深刻嘅， 系呢間小店背後體驗嘅經營態度同團隊精神。本來想喺其他平台公開讚賞佢哋，但又驚被人誤會係宣傳技倆，所以最後都係選擇喺“開飯”度寫低我嘅感受。我最欣賞嘅，係佢哋成隊人運作得非常專業。 雖然只係一間小店，但團隊合作得好有系統，每個人崗位清晰，同事又唔會只顧自己，不時互相補位，真正以客為先。 我留意過好多次，無論幾忙幾煩，佢哋都保持笑容，甚至會用幽默方式互相打氣。 ，營造出好‘正’嘅工作氣氛。 呢種團隊精神，真係值得好多管理階層借鏡。至於食物方便，佢哋明顯以街坊客為中心，用心烹調一啲睇落平凡但食落非常出色嘅菜式。 能夠將簡單食物變成美味， 背後落嘅心機同堅持，食得出嚟。除此之外，佢哋用一個非常合理嘅價錢，而質量我相信係比一般茶餐廳更多，更好。真心欣賞同尊敬呢一隊團隊，希望佢哋繼續保持水準，生意興隆、蒸蒸日上！…Read More

住在這食肆附近，一直想去試吓呢一間火鍋店。見此店食評不俗，稍有期望結果極度中伏，並係我哋有史以來最失望的一間食肆。我和太太晚上六點左右到達，只有我們一台客。但係啲服務員只係企在一邊傾偈，高談闊論，完全沒有理會我們。出品既比一般火鍋店之水準以下，價錢則在高端位置，極度不合比例。雖然兩個人點了7款食物，但份量之少，連我太太都話食唔飽。但我哋已經唔敢再多叫食物，以免一錯再錯做傻仔。只係諗住去食碗雲吞麵，填飽便算。如果想了解香港食肆點解咁失敗，請來此間火鍋店便明白。…Read More

昨晚同太太去茶泰食晚飯， 食物保持一向不錯嘅水準。但最為亮點的，係佢哋嘅服務態度非常之高水準。 疫情後總覺得香港飲食服務包括此一類型嘅餐廳，水準已經下降 。所以噚晚接受到一個高水平嘅服務態度我覺得我應該值得表揚佢哋。 昨晚原本我哋坐一張二人枱，但係因為所叫嘅食物比較大件，有位男侍應主動幫我哋換一張四人枱，方便我哋擺放食物。除此之外 食物和飲品都跟得好足，不用我哋提點。 係呢方面我哋睇到呢間餐廳係好有心去做，負責人同埋佢的拍檔都好用心去招呼客人。 食物質素固然係重要，但係如果輔助以誠心嘅招呼，可以令客人更滿足地享用晚餐。 呢間餐廳兩方面都做得好好，所以我覺得需要寫畀佢哋好嘅評語。…Read More

昨晚去楓林小館食晚飯，一點也沒有令我失望。小菜非常出色，乳鴿亦保持高水準。招呼10分妥當完全沒有一啲評論那麼差勁。除咗小菜及乳鴿外，最欣賞的就是中式甜品。我的至愛是芝麻卷係我食過之中最出色的。楓林已是我在荃灣區首選之食館。…Read More

上星期五15號接完放學12點左右去呢度食晏，以為咁多正面食評都應不差。我地四個大人+兩個兩歲半小朋友去到便有位。有位四眼姐姐來招呼。態度不甚友善，但最難接受的是她說“公司規定，每人要叫一份餐包括兩個小孩”。兩歲半小孩食量有限，未知為何規定小孩都一定要點一份食物！無論如何，為免小孩肚餓兼又要去別處揾位，所以都照叫。至於食物方面，與一般餐廳差不多，不過不失。今次以後，“永不再去”。…Read More

我幫襯咗「大圍牆」都有一段時間。最近佢搬咗過小小（多行30秒左右），地方舒服咗又四正咗。其實我都係搬嚟呢條村先知佢嘅存在。可以話係一間隱世小店但D小菜真係頂瓜瓜，比得上大洒家。我最近發現原來冇人寫過食評，所以我覺得應該介紹一下。「大圍牆」（將改名為‘雯軒小㕑’）主持人叫阿俊。佢好用心去做每一道菜，自己日日去街市選購材料，絕不將貨就價，呢份堅持可以反映係佢D高質出品。小菜出色唔在講，佢嘅盆菜更加係我食過之中最好的。我都食過好多地方嘅盆菜，但都係有一個共通點：重味精！次次都要大量喝水。而且份量又唔夠！阿俊出品就唔會有味精而且份量足夠指定人數有餘，不但價錢合理，更加係當日要才當曰做。我介紹咗好多人幫襯，全部都讚不絕口！寫咗咁耐好似幫佢賣廣告，但其實我都係出自真心，做應該要做嘅嘢啫！…Read More