bigeat_mango的個人專頁

呢間叫過好多次，熱熟成奶茶，奶味濃，一試難忘。最推薦25%微甜，甜度岩岩好！其他推介：卷餅 - 花生醬培根起司蛋卷餅蛋餅 - 鮪魚吃玉米蛋餅吐司 - 芋泥肉鬆蛋吐司試過叫外賣平台，哥次超快速送到，蛋餅個皮仲有少少脆，癲！平時外賣自取多數焗住個皮都會腍，但係問題不大，因為蛋餅唔係為左食脆皮～餡料超足，通常食半個已經飽。btw佢個外賣紙袋確實唔太好攞，同埋飲品係冇袋的。所以每次都係自備袋過去攞，就唔怕會爛袋LOL早餐好抵食，星期一至五，8:30am - 11am推推👍🏼👍🏼👍🏼👍🏼👍🏼…查看更多

星期一下午5:30，一位，直入。諗住食少少野，俾$39下午茶吸引。下午茶set食物係fixed，無得加錢轉飲品。下午茶餐A ｜$39(珍珠奶茶、鹽酥雞、粟米芝士蛋餅）首先黎左杯珍珠奶茶幾好味，奶味濃，有台灣feel，d珍珠都煮得煙韌，唔差，好過好多台式餐廳。之後鹽酥雞上枱，明顯係即叫即炸，超熱同香脆。唔乾，味道正常。最後黎既係蛋餅，都係熱辣辣，餡料正常量，味道都係正常想像到既味。食物唔算好出色，但所有野都係新鮮熱辣，$39黎講好滿意😄。食得好飽。餐廳免收加一😀…查看更多

係九龍灣歷史悠久的茜廊，都好開心佢到今時今日重做得住…😂一個人閒日4點幾去食下午茶，唔洗等。坐四人枱。講真，茜廊食物質素係一般，絕對唔係好好味，但都未至於好差。今日食焗肉醬意粉，即叫即焗，成碟份量好多，應該同正餐時段一樣多，食唔晒。我遇到既侍應遮遮好nice，全部都好有禮貌，反應快，加上環境舒服乾淨，每次都坐到梳化位😀，好少可(茶)餐廳咁寬敞，用餐經驗好好。所以想俾個正評支持下。臨走見到都有9成滿。餐廳收加一服務費。…查看更多

星期五下晝3點幾，餐廳半滿，直入不用排隊。草上飛．Portabello pesto spaghetti ｜$88首先意粉al dente非常好，大啡菇好厚多汁，最正係個自家製青醬…不得了!🥹食第一啖已經有驚喜，個醬有小小蒜香/洋蔥，配合埋d蕃茄粒，真係好味到lam碟。碟意粉份量都幾大，本身驚食唔晒，但結果食晒👍🏼堅。好。味。一陽指 • Latte｜$40咖啡我無研究，平時都係飲奶啡，但呢杯latte明顯鞋口，偏澀，我覺得一般。成間店得一張四人係有椅背 ，其他都係長枱+呢d木椅/bench，無得挨，坐得好辛苦。但意粉太出色，絕對會再翻兜！推薦！餐廳免收加一服務費🙂#bigeatmango…查看更多

期待左咁耐 終於開業既德福牧羊少年…星期三7pm，兩位唔洗等。但一坐低真係O咀。咁樣坐同搭台無分別😑重要隔離兩個師奶勁嘈。即刻問有無第2張枱，結果有更逼既枱或者bar枱揀，所以我地選擇走。真係好。失。望。尖沙咀K11鋪位重細都唔洗坐到咁。俾咁貴搭枱又嘈我寧願食茜廊。…查看更多

不是試食，自費的。星期日晚上7點幾，唔係太餓，是但食，醒起呢間bookmark已久既觀塘區扒房。未到8點，餐廳大概半滿，2位，唔洗等。Slow Cooked US Prime Oyster Blade｜$168好味!!! Slow cook野無技巧，塊扒調味算做得幾好，略略偏重口味。青醬好好好味，我大愛個醬😂Cobber Noodles｜$96意粉可以，雖未算完美al dente，起碼唔係腍bad bad，蝦肉爽口，自家製蕃茄醬好味，小辣左都好辣，要飲多兩啖野飲。但好惹味，我喜歡。Iced Mango Tea｜$40意料之內既味，無特別，但唔會過甜。臨近聖誕，餐廳都花左d心思佈置。雖然唔係話好華麗，但能夠俾到小小節日氣氛食客，加小小分。呢度坐得舒服過Cobber，感覺開揚d，無咁嘈。呢度係自己倒水、QR code落單、行出去俾錢，不過仍然要收加一服務費。不過依家香港好多餐廳都係咁～大家deal with it😂Overall食物係有質素，但份量唔多，大胃王請留意返。加上環境算舒服，都值一個好評，將來都應該會翻兜～…查看更多

睇雜誌介紹呢間新開既醬油拉麵過江龍，今日收工即刻去試！閒日6pm去到，已經見到人龍，大概排咗20分鐘。Menu有5款拉麵：➡️醬油拉麵 $88➡️鹽拉麵 $88➡️沾麵 $98➡️醬油撈麵 $98➡️🇭🇰香港限定 - 濃厚拉麵 $118 (是日售罄)沾麵｜$88無追加配料，原有配料就係得一塊紫菜，同埋湯汁入面有幾塊小叉燒。個醬油湯有少少柚子香，甜甜地，個人幾鐘意。 不過湯頭無平時食開沾麵咁濃稠，係比較稀嘅，唔太掛湯。細麵條唔錯，煙靭彈牙。醬油拉麵｜$88追加配料套餐(叉燒x2, 糖心蛋x1, 紫菜x1) ｜$38醬油拉麵無沾麵咁甜，醬油味比較突出，但唔會過咸。雞叉燒係慢煮雞胸肉，肉質軟腍，味道較淡。醬油叉燒相對地令人失望，鞋口，淡味。餐廳唔算大，Total 20個位，暫時得一張四人枱。餐廳門口圖片非常吸引，但唔追加配料，基本上每碗拉麵得2片叉燒，1塊紫菜，無蛋。加料之後嘅價錢都唔平，灣仔區黎講，有太多出色既拉麵店。我就唔會翻兜呢間喇～整體不過不失。鍾意醬油拉麵嘅朋友，都可以一試既。餐廳免收加一服務費🙂#bigeat.mango…查看更多

新店開張，食左一次覺得ok，今次翻兜，感覺還好，但其實整體黎講無乜surprise，見其他食評話金鐘店遠不及中環店，不過金鐘店的確係非常就腳，未食過既朋友都可以一試～餐廳閒日開12-3pm，6-10pm。今日6點黎排隊，即刻有得入座。法包唔錯，上台暖暖地，外脆內軟，就咁沾牛油都好味。Salad dressing調得幾好味，落左少少芥末，好岩我心水，整體味道偏濃。All you can eat 幼身薯條😀 應該係大家既最愛，侍應們真係訓練十足，一見你差唔多食完就會主動過黎夾新鮮熱辣辣嘅薯條俾你。Steak set｜$398 per personRib eye肉質不錯，不過牛味唔係太濃。牛肉醬值得一讚。Vesper（cocktail)｜$ 118#bigeatmango…查看更多

熱烈慶祝灣仔再開多間餐廳食喇沙😍！！！Lunch time1點幾，3位，不用排隊。坐低劃紙仔，之後去櫃枱俾錢。古晉喇沙｜$69（雞肉絲、鮮蝦、蛋絲、芽菜、米粉）湯底好正宗，有瞬間去左馬來西亞夜市既感覺。湯底唔椰，唔辣。鐘意超椰喇沙既我覺得有新鮮感。面頭有一堆新鮮芫荽，真開心😂👍🏼。鮮蝦肉質唔錯，整體份量偏小，男士可能會唔夠飽。豬肉春卷｜$40食埋春卷就夠飽啦😂超級新鮮熱辣炸起，好味～！另外重有蔬菜春卷。三色奶茶｜$25不設加一服務費🙂#bigeatmango…查看更多

生日又係一個食好西既借口！朋友極力推薦呢間餐廳，未食過和牛omakase既我，聽到即刻book位去試！既然未試過就豪一次，叫左Omakase ‘’Great’’，和牛八切。哇。第一次就食咁高汁，真係返。唔。到。轉。頭。呢餐飯，由前菜開始就已經好好食，我自己都覺得咁講太誇張，個沙律非常新鮮，每一條菜都係翠綠，個sauce又調得好好味，真係忍唔住講好味好味，係咁講究竟佢係點整架？！😂每一切，佢都會悉心介紹部位，同最好既燒法同最適合嘅調味。Book位講左生日飯，餐廳會預先問定壽星仔既名，最後送上甜品同唱生日歌😂氣氛好好，好開心。雖然價錢不菲，但物有所值。推薦👍🏼。#bigeatmango…查看更多

灣仔區返工+芫荽控，有多一個早餐選擇喇！平時Lunch time路過，見到餐廳主打兩餸飯外賣，實在冇多加留意😂 點知有日返工經過，竟然見到有芫荽蛋治、仲有芫荽蛋牛治etc…雖然係預先整定放晒出嚟，不過拎上手都仲暖暖地既。因為我鍾意熱辣辣咁食，所以攞咗去焗，焗完包皮脆脆地，雖然隻蛋老咗，但因為芫荽真係好香好好味😂所以整體都唔錯㗎～咖啡就普通茶餐廳style港式咖啡，偏澀。不過短短買嘢俾錢一兩分鐘，我都feel到店員好有heart同好nice，支持一下小店～！…查看更多

觀塘APM呢間餐廳，晚晚都排晒長龍。今日難得準時收工，即刻飛奔過嚟。7點左右攞飛，7點半就有位啦～收工緊係要乾返一～杯～！好幸運地被安排坐喺鐵板前面，可以一睹師傅們嘅手勢。荔枝柚子梳打燒酌｜$48特大啤酒｜$98食物方面，首推：御好燒豚平關西燒｜$76因為可以睇住師傅烹調，睇得出佢既用心製作，每一個步驟都好講究。煮完即刻熱辣辣上枱，豚肉勁香，入邊隻蛋重流心㗎～～～～！另外，亦都可以自選toppings，揀自己鍾意嘅口味嘅關西燒。玉子鰻魚石頭飯｜$138個飯上台雖然其貌不揚，但經攪拌之後食落發現有好多鰻魚。加埋玉子嘅蛋汁、洋蔥同菇，味道都唔錯。鐵板燒鹿兒島和牛伴日本蠔｜$220和牛係得薄薄一片，蠔有三粒，仲有好多菇😂和牛比我想像中少，蠔就好正，脹卜卜，好好味。今晚人均消費$350左右，真係唔算平。不過要係觀塘區食到呢個質素嘅居酒屋，位置又咁就腳，諗落都合理嘅。會再翻兜關西燒。餐廳設加一服務費。#bigeatmango…查看更多

位於觀塘工廈既Cool Cousins Cafe，絕對係我心目中觀塘區頭五名！令次黎到都揀唔到要食冬陰茄湯好定burger好…why not both?! 記住要同朋友仔黎，咁就可以試晒2樣😍😍慢煮鹵水豬腩肉•泰式札肉金邊粉•冬陰茄湯｜$75 個湯不。得。了。一食愛上！冬陰功+蕃茄，令到個湯無咁辣，淨係食到bb辣既我都接受到。個湯好好味，好特別。豬腩肉好入味，炸豬皮脆卜卜，札肉正常發揮，不過淨係個湯已經贏左。大愛。💛💛💛招牌72小時安格斯牛小牌漢堡（配薯條+沙律）$119小店的心思，burger bun烤得好香好脆，超鐘意。慢煮牛好腍好juicy，配埋羽衣甘藍、熟洋蔥同芝士醬，真係啖啖滋味。烤大啡菇黑松露芝士牛肉漢堡（配薯條+沙律）｜$105黑松露醬好香好味，大啡菇烤完好juice，配菜有生洋蔥羽衣甘藍蕃茄，係一個好好味既burger。套餐轉配+$32不設加一服務費🙂…查看更多

平時lunch time好懶食黎食去都係哥幾間，早排同事share呢間麵店，有鏡粉買一送一優優😂 上openrice一search d相都幾吸引就去左試。第一次外賣唔錯，今次翻兜堂食。Lunch set: 鮮茄牛腩拌麵手工蛋麵，誠意之作。個麵少少煙韌，同其他麵店真係有分別。麵同牛腩份量都多，絕不慳料。美中不足就係唔係舊舊牛腩都炆得腍，同埋偏瘦。不過都有一半係好腍好好味既。鮮茄汁拌麵味道岩岩好，唔會過咸。附送小食：手拍小青瓜作為一個簡單既涼菜，呢個手拍青瓜都算出色。調味岩岩好，唔會話好酸，青瓜好清新爽脆，非常開胃，加上有少少蒜蓉，好味！餐飲附送：菠蘿青檸蜜淡淡菠蘿味，怕甜記得要叫微甜。Lunch Set menu要讚下jeijei好貼心，因為之前叫過餐飲少甜都係偏甜，今次佢落單幫我強調左要好微甜。今次無咁甜杯菠蘿青檸蜜好飲左好多。上次外賣都係lunch set，試左台式滷肉拌麵。鐘意呢個滷肉拌麵多過牛腩拌麵，滷肉肥瘦勻稱，啖啖肉，加埋手工蛋麵。好滿足。堂食不設加一🙂…查看更多

今日Lunch想食平dd，一心諗住去茶記食個常餐。常餐｜$52火腿奄列，多士火腿少到不得了，勁慳皮，十條都無。雪菜肉絲米粉肉絲？？？我諗佢係想寫肉碎。好立克係米白色既滾水。其實食物味道係正路，同埋都唔會對茶餐廳有咩期望，但係火腿同肉絲少到咁，真係食到有d灰。再加上杯無味既好立克...唯一可取之處就係食物上台係熱辣辣。完。常餐真係翻兜不了，大家唔洗試。見隔離台食碟頭飯，貌似正正常常。大家有勇氣都可以黎試下。…查看更多