CatLeung1055's Profile

最近牛角包做特價，買二送一，有很多款味牛角包，如朱古力，杏仁，原味，焦糖，菠蘿。買了3款不同味，很不錯。要盛讚該店店員鄒淑英，非常有禮貌，我們向她問了幾款不同麵包也一一解答，更幫忙切麵包讓我們可以更方便吃，很少有這麼好的店員，為了這超好既服務一定會再光臨…Read More

無意中見到做超抵優惠，買一送一加送小朋友，人均2百一個，就預訂了年初一上船食晚餐，順便帶囡囡睇下幻彩詠香江。本來無太大期望的自助餐，反而又有些許驚喜。佢不算有很多名貴食物，海鮮好像只有兩三款，我只試了蝦，但夠新鮮很爽口彈牙，熱盤味道也可以，及都有及時補上食物，蛋糕款式算多，而且不會太甜，最好味是麵包布甸。而且有真人唱live, 節日氣氛濃厚，很適合帶小朋友去睇下維港夜景又食少少，價錢不貴，平民價之選…Read More

同朋友行下街見到有泰式午市套餐，睇下價錢又唔貴，環境清淨位置闊落，入去試下啦。我地叫左咖哩牛腩飯及大蝦金邊粉，加10蚊就有小食一份/甜品，我地就加了春卷及椰汁西米糕。咖哩好香椰汁味不太辣，牛腩好淋有牛味，非常推介，至於金邊粉，酸酸甜甜亦十分美味，椰汁西米糕也十分香甜。餐飲點了熱百香果蜜，木橘蜜，也十分不錯，香香甜甜，值得一試…Read More

我食過旺角紅茶，今日行開荃灣見到有紅茶，同老公係荃灣紅茶食午飯，就算排隊都帶佢試下。我平時最鐘意食佢既茶餐沙嗲牛肉麵，今日再加試是日午餐焗咖哩雞飯，估唔到佢既焗飯都好出色，又熱又夠juicy, 下次會再試下其他飯類。…Read More

我唔係一個食家，本身食野要求係唔高。但係真係唔好食，5個人叫左泰式生蝦，泰式柚子沙津，燒豬頸肉，串燒，燒大頭蝦，泰式炒粉絲，烏頭魚。 全部都係泰式餐廳的大路野。生蝦 ok, 柚子沙津真係一碟柚子咁，唔辣又無咩味，燒豬頸肉唔係炭燒不過肉尚算係嫩，串燒好普通醬汁唔出式，燒大頭蝦先伏，78蚊一隻，唔好食唔彈牙，泰式粉絲衰過我自己煮，粉絲好淋而且完全唔泰式，烏頭魚一樣係普通貨式。。。由叫菜加上菜加食完一個鐘已完成，上菜快到好似趕你走咁，而且每碟都好少，5個女仔都唔夠飽已經要成260一個，唔抵食重要加唔好食。…Read More

老公話公司附近開左間新既西餐廳，佢同事食過話又平又好食，叫我帶埋亞女接佢收工一齊去試下，一望餐牌，一個龍蝦全餐300有找，見咁抵一定要試下啦！一上菜視覺已經覺得好掂，一食落去，龍蝦嫩肉彈牙有肉汁，唔會乾爭爭，薯角熱辣辣外脆內軟，龍蝦湯夠香濃幼滑，呢個價錢真係超值。亞女 like爆卡邦尼煙肉磨菇意粉，卡邦尼汁夠濃味意粉有口感, 佢自己一個食哂咁濟，必食鮮蝦龍蝦汁飯也不俗，職員講同我地講所有野都無加味精，所以我地食完都無話好口渴 …Read More

用信用卡優惠買一送一，本來祈望不大，反而有驚喜，沙津海鮮刺身熱食甜品生果雪榚，樣樣足而且補充得好快，味道質素不俗，環境清淨，秩序良好，攞野食基本上唔洗排隊，祈特下次再做優惠…Read More