hehe巴's Profile

見到呢間新店都幾多好評，就試下叫個外賣 個個都話高質喎，咁就叫咗個吉列流心芝士雞扒配滷肉飯試下 一打開看完全o咗嘴....你見到得三小塊所謂嘅雞扒 再加一大碗白飯賣相完全唔開胃拎起身睇真啲，說好的雞扒呢？ 薄到紙咁喎五十幾蚊，你畀三塊炸皮我食？ 痴線真係一啲肉都冇 有圖有真相你自己睇下完全激鬼氣 諗住食雞食芝士，點知你畀三塊炸皮我乜嘢都冇都唔知食咗啲乜嘢 最後我就直情掉咗個飯，因為真係食唔落口 之後就自己碌咗個杯麵算數 當畀個教訓自己，呢啲新開嘅店咁快有15個好評，全部都等級3,4以上嘅用戶，有讚冇彈， 心水清嘅都知咩事 呢間嘢絕對blacklist 絕對推介想試伏嘅巴打叫呢個咁正嘅 "吉列炸皮三塊飯"…Read More

經過佐敦， 唔知附近有咩好食就上openrice揾下。見到呢間"開餐"幾多好評，又印哂豬講哂香港人加油咁，咪入嚟試下囉 一入到嚟就有個mk哥哥企喺門口啤住你，喝你掃安心出行 喂哥哥，入嚟食個飯姐，唔使咁冇禮貌呀？ 着住hoodie笠住帽再加多頂cap帽好似好有型咁，小弟見識少真係第一次見侍應着成咁。不過你着咩係你嘅自由，無人會得閒話你，不過你落單個態度就幫唔落喇，仲衰過茶記，落單十問九唔應，西口西面，落完單之後仲一手劈張單落枱。好喇，到上菜喇，型仔哥哥係唔識叫你借借放野架，直接攝埋嚟放喺枱邊，唔覺意就會一手掃落枱果隻 鰻魚雞扒飯上到嚟，無乜味，飯係唔熱嘅，衰過自己屋企煮，唉貼哂連儂豬香港人加油都幫你唔到啦，態度衰，野食又唔掂。呢間永久blacklist食物唔好食都算，態度差到咁我冇得罪你架喎大佬，食飯好似受難咁，不過今時今日放幾隻豬就有人排隊食㗎喇， 饅頭真係好好食呀！…Read More

一出深水埗地鐵站門口，就會見到呢間專賣糕點 嘅坤記，望落好似幾懷舊幾有味道😃見佢貼曬相好似好把炮咁😮，咁就諗住試下😄叫咗個芝麻糕 正常食開嘅芝麻糕都幾香，揀佢應該冇死其實佢唔算大嚿😐，但一畀錢嗰陣，嚇到我窒一窒 😨一嚿咁嘅糕要成15蚊😱？ 唔係呀話 一定好好食㗎姐 唔講咁多喇 去圖 九層芝麻糕 邊度有九層呀🤨 睇張圖都知濕pat pat咁🤮 我懷疑根本未蒸熟🤮 食落甜到漏 口感又差 好淡食唔到芝麻味咁滯😓 咬咗一啖忍唔住掉咗喇🤢講真 難食到送畀我都唔會食 😪呢間嘢我真係唔明點解可以生存到😪基本上試過一次都一定唔會返轉頭 🤢真係靠住舊有名氣就亂咁定價 整舊hea貨出嚟比街坊咩😐深水埗食過其他糕店鋪 大把選擇 根本唔洗揀佢🤨…Read More

有日路過 見有間日本野新開張 價錢又平平哋 啲相又幾靚仔 諗住去試試佢啦 😃本身都冇乜期望嘅 諗住睇下會唔會搵到間真性價比高嘅餐廳啦😄其實食之前都有望過下評價 見到有位師兄個comment話賣相8分 味道2分🤔 我就覺得有冇咁誇張呀 睇相都唔差架喎 咁我就去咗試下啦🤭廢話唔多講呀 圖片去證實畀大家睇啦 😪我覺得賣相7分左右啦 但味道就真係不得了喇🤕先講麵豉湯種 難飲過自己用水沖嗰啲即食麵豉湯🤮 算，呢樣嘢我都冇乜期望 🤧凍檸茶亦都唔使講 個味道好假好甜🤮 似大陸勁平即飲果d紙包檸茶 建議大家真係唔好點嘢飲 😪到鰻魚飯喇😑😑😑大家可以見到個蛋已經乾曬 亦冇煙出食落只係乾蛋撈飯🤮個鰻魚望落似幾大喎 點知一夾起 嘩 薄到a4紙咁 雖然68唔係貴 但係真係將貨就價 無鰻魚啖啖肉嘅滿足感😪😪😪同場加映 店主加餸 員工頭髮一條🥳🥳最後嗰句 喺香港唔識做飲食都可以開鋪 亦都真係會有人食嘅 呢個風氣真係好差🤕唯有盡普通市民責任 寫呢個食評 令到大家唔好中伏😷可能會有師兄話口味人人唔同 可能唔啱你食啫😪 但係飲品麵豉湯呢啲根本你有心做 就唔會沖到咁難飲 呢啲係有冇心嘅問題🤔 呢間明顯係想賺錢全部嘢都係將貨就價 🤔🤥如果咁多位師兄好耐冇食過伏野嘅話 建議可以過嚟試下 絕對唔會令你失望🤗🤗…Read More

行outlet行到有啲口渴，諗住飲番杯凍飲。😅咁呢度又冇乜邊間舖頭揀,就嚟咗春水堂。之前試過其他春水堂嘅分店，感覺質素都ok ,咁就諗住呢間都差唔多啦。😀其實價錢都唔算話好平,差唔多40蚊一杯,但唔緊要啦，周圍都係咁上下 .🤧叫咗杯珍珠鐵觀音奶茶，記得之前喺其他分店飲過幾次，茶味都幾濃， 點知今次真係不知所謂🤮， 啲茶淡倒水咁先唔講，我明明叫咗微甜,點知甜到溜,完全係100%全糖咁🤮🤮。 同店員講佢態度好差,叫我不如加啲冰就算😧。我心諗，你哋間舖水準唔得,店員沖錯亂咁嚟， 四十蚊買一杯嘢你同我講加d冰算(即係溝水🥱), 真係不知所謂🤢。另外再叫咗杯黑糖珍珠鮮奶，嗰杯真係一定飲到糖尿病，各位師兄千祈唔好試🤢🤮。難飲都算,店員態度非常差劣，完全係唔尊重客人，侮辱咗其他春水堂良好嘅態度，特別係有位身形比較有福氣嘅收銀大嬸🤬🤬。以後就算渴死都唔會再諗呢間嘢🥱🥱…Read More

朋友上網搵到呢間omakase, 望落都幾多好評就諗住試下 點知就中咗大伏😓今日食嘅係omakase lunch $398/位 加一，正常價錢 唔平唔貴而我食完之後嘅感想就係, 壽司嘅質素平平無奇 完全冇一嚿係令我為之一振 特別深刻😪😪講真你收我400蚊一位我嘅期望絕對唔係連鎖壽司店嘅質素,太令人失望🤮🤮真係講多無謂,睇圖最實際😥😥一望已經feel到好食極有限,完全唔吸引😫😫😩壽司細到食落無口感,壽司飯完全無特別,所謂嘅中拖羅有眼你睇, 好岩巉🤮 總括而言,香港嘅跟風文化太厲害, omakase已經商業化得好犀利,絕對唔係大家所想日本人果種極緻用心嘅精神😞😞只係重新包裝,喺你面前整10嚿壽司 就用師傅發板嘅美名嚟吸血😫😫無錯,唔好食我係唔會再嚟,打咁多都係想其他人唔好見到咁多好評就自投羅網,中大伏😫😫…Read More

今日lunch time一行三人去咗呢間餐廳食午飯。 上網見到食評評分都幾高😯,諗住試下應該冇事啦。😧 一入到去已經心知不妙, lunch hour 全場坐唔夠七分之一人, 明明openrice好評咁多,點解lunch time都會空空如也嘅呢？😥😥 咁我都不以為意,反正嚟左。我就叫咗個牛扒 佢呢度嘅牛扒自稱安格斯賣$178蚊。😯 我就叫咗三成熟, 上到呢嚟個賣相已經麻麻😱,望落唔多開胃🤮🤮,不過由佢啦,冇理由以貌取扒㗎嘛。🤢🤢 但一切開嗰下已經feel到塊野有幾鞋😓,明明叫咗三成熟，d色水竟然咁樣😨，仲要完全成塊扒冇汁流出嚟,已經知奶嘢。😓😓 有圖有真相,塊扒薄過m記塊豬柳強漢堡扒😩,我真係未試過食一塊咁難食嘅牛扒,仲要畀咁嘅價錢。😓😓呢間餐廳將會永久blacklist👿, service 又麻麻,個個黑口黑面, 埋完單仲話下次lunch有九折,你畀半價我我都唔會再嚟呀🥱🥱…Read More