蝦毛吉蒂's Profile

從舊年開業起已嚟過幾次, 今次相隔幾個月再嚟, 食物方面有點失望, 湯底款式少了, 起司牛奶湯沒有了。夜市美食種類都少了, 無咗蚵仔酥同白糖粿。湯底點了胡椒豬肚湯雞湯, 中藥味香順口, 唔駛點醬都夠味。也點了頂級牛肉瀑布, 只係igable, 牛味欠奉。餃類拼盤的魚皮餃魚味重, 雲吞味道不錯。之前幾次服務都好好, 適逢生日有慶生肉蛋糕, 所以專登book檯試試。來店前及入座後侍應都確認每人點滿最低消費後, system會自動送肉蛋糕。入座後已經即刻落單及叫點滿低消, 但過了30分鐘仍未上肉蛋糕, 當再跟侍應查詢時, 佢先入機落肉蛋糕, 咁就唔好同個客講system會自動送啦侍應服務參差, 4位侍應只有一位說國語的男侍應係認真服務, 有禮盡責。用餐期間有一檯所謂熟客, 3位說廣東話的女侍應對熟客非常熱情, 輪流走去熟客檯傾計, 又不停講招待呢樣招待果樣, 以為去咗酒樓。同樣係甜不辣, 熟客檯果碟又比較多, 侍應嘅態度影響食客用餐心情。星期六去到都係得4檯客, 真令人好奇點解有咁多好評!?經過今次用餐體驗, 要食去返台灣, 香港唔會有下次!…Read More

The price is reasonable, with a  choice between beef, seafood, chicken and vegan.This is not the first time I visited Two Ediots, but I'm disappointed with the experience this time.I ordered Ediots burger ($48) and side upgrade to fries (+$10),perfect seasoned and juicy beef patty, I like the burger here.The food is delicious and all staff are nice as usual, but the restaurant charged me $84.Upon checking, they charged me for truffle fries (+$15), and 10% service fee.They are  polite and apologized for the mistake, but it took a bit of time to get my refund.However, they refunded me $6 only. I told the waiter the price on the bill is different from the menu the waitress gave me.But he simply answered me dinner menu is served from 4pmActually, service charges are not shown in the menu, and I think the menu must be written in a clearer way, because it's dishonest.Although the food is of a high quality, and it is one of my favourite burger shop in HK,but won't return again…Read More

已經有大約兩年無嚟, 今次再嚟, 食物質素都keep到。假日都有下午茶提供,  有點心, 炒粉麵同燒味,而且點心紙的款式都幾多, 味道都不錯,  價錢又合理,叉燒酥, 煎腸粉同蒸排骨都推介。服務都可以, 侍應們就算好忙, 個個都態度好好。唯獨今天安排到2樓, 有一位黑框眼鏡, 短髮的黑衫女部長, 態度非常惡劣。一坐低已經發侮氣, 開位就咁掟低兩套餐具, 又唔派, 呢種服務都係第一次見識。last order又無問駛唔駛再加單, 直接埋單, 咁都算, 拎部機嚟問佢收唔收卡,  一句嘚埋嚟話：「唔得 八達通」真係令人髮指。著西裝嘅經理, 洗碗叔叔都態度良好, 只有這位黑眼鏡黑衫女部長趕客, 都未必再幫襯。 …Read More

之前放假唔想去咁遠, 就嚟淘大覓食。見到星期日都有tea set, 而且價錢唔貴, 就入去試試。試咗安格斯牛肉漢堡配薯條跟熱咖啡, 漢堡好香, 份量都好足夠, 薯條香口有薯味, 但咖啡就唔太香, 味道一般。店員有禮, 主動服務, 所以吸引咗再嚟多次。但係今日再嚟就唔係同一班店員, 服務有對比好大今次揀咗青口意粉, 吉列豬扒咖哩焗飯同脆皮豬手。意粉掛汁彈牙, 味道好好。焗飯就麻麻, 個汁好淡無咖哩味。脆皮豬手好抵食, 味道唔錯, 好大隻。食物正常發揮, 但員工態度就有待改善。入門口幾個店員已經面燶燶，只係掛住玩手機。當時只有3-4檯客, 想要兩杯水都要提兩次。上意粉又唔俾碟share, 又要問先有。…Read More

小皇府雖然無大酒樓嘅豪華裝修，有點似茶餐廳格局，但無論食物質素以及服務都比好多大酒樓好。呢度坐得幾舒服，無一般酒樓咁嘈吵，就算過年期間嚟飲茶，侍應都唔會一窩蜂走嚟搶住要利是，同平日一樣保持好態度好服務。點心選擇多CP值高，鹹點甜點小食樣樣質素都好好。點心即叫即蒸熱辣辣上檯，燒賣同蝦餃仲可以叫兩粒，少人數飲茶最適合不過。最中意呢度嘅鮮茄上湯鮮竹卷。耐唔中都會嚟呢度買外賣，每次都pack得好妥當，唔會攪到肥淋淋。尤其炸物會喺盒開窿，就算外賣咕嚕松子魚，返到去仲有D脆，唔會軟淋淋…Read More

因為喺附近返工，所以耐唔中都會嚟呢度飲茶。環境唔錯，點心都幾好味，最中意食呢度嘅避風塘蘿蔔糕同上湯炸粉果。但呢度嘅服務就每況愈下，首先之前一晚打電話confirm booking，聽電話果位女士話自己好忙叫我第二日朝早先再打嚟!?另外棗紅色制服嘅侍應只會照顧熟客，成日圍住熟客果幾張檯幫佢哋加茶清檯。對無塞錢入佢哋衫袋嘅客就視而不見，明明張檯好多籠同碟又唔清，無茶又唔加，要揮手叫先會加。得閒就去熟客檯傾計，仲要幫人拆魚骨，點心錯單催咗幾次都無用，最後等咗45分鐘等到發火要取消。原來經理都係咁，又係掛住同熟客傾計愛理不理，呢個價錢咁嘅服務，擺明係趕客出面大把好選擇…Read More

公眾假期兩點前嚟到，見到只有兩張檯已心知不妙。其中一位女侍應全程沒有帶口罩，望入廚房又見到一個廚師無帶口罩，已經好想走。女侍應沒有介紹，放低menu就離開，而且又唔會留意客人，樣樣都要行出去問。雖然假期都有lunch menu提供，但選擇唔多，散叫又只係得幾款。lunch大約每位2百幾，前菜的沙律菜唔新鮮，主菜以pasta為主，點了海膽意粉但隔咗一陣先話無，客又唔係多，都唔明點解落單果時唔講😑 pasta味道一般，份量偏小。另外散叫了三文治，但原來嚟到係一大片法包🙄食晒主菜，等咗十分鐘都唔執檯，又係要行出去叫先識上甜品。甜品係蘋果批加雪糕，味道都可以，算係全餐最好食。三個人埋單大約$700。食物質素普通，份量又小，男生一定唔夠飽。侍應又無heart，唔理客人沒有服務可言，唔會再幫襯…Read More

平日下午唔駛排隊，便入去試試。便當同麵類都好大份，排骨遮蓋整個便當，裡面仲有配菜，好滿足。味道有台灣的味道，可是很重味精，食咗唔止口渴，仲覺得氣促胸口悶，好唔舒服，要大量飲水。飲品個杯好靚，但味道一般，茶底好澀，又無咩茶香味。服務就麻麻，店裡只得兩檯客，其他檯都無人坐，但堅持要齊人先俾入。無論外賣或有長者都要企喺門口等，完全唔識得變通，第一印象已經唔好。仲有，最離譜係客人喺度食嘢，幾個侍應大大聲喺附近講屎尿屁，聽到即刻想反胃。我唔介意你哋傾計，但請顧及客人感受，尊重客人也尊重自己。…Read More

好多年前食過呢度嘅豆腐花同煎釀三寶，今次再次幫襯外賣。水準大不如前，質素下降，尤其是態度奇差。入到舖頭無人理，價錢牌又唔清楚，問果時就呼呼喝喝，係咁問買幾多件不停催促，又唔俾睇同諗，未食已經一肚子氣，令人倒胃口。買炸雲吞個盒又唔篤窿，外賣返去攪到“林”晒，味道又一般，想受氣就幫襯啦！…Read More

平日下午茶時間都幾多人，雖然門口有取票機，但負責安排座位的員工任由沒有取票的人先入座，已經令人不悅。叫了tea set, 蘋果批有滿滿的蘋果，批底好脆好香，不會覺得太甜及太膩，飲品則中規中矩，沒有驚喜。環境不如預期，幾嘈，檯與檯之間好逼，令人失望。有客人在沒有餐廳同意下無顧調檯，侍應卻視而不見，並沒有阻止，只是在旁竊竊細語。侍應態度一般，面無笑容，成日圍埋傾計，令人沒有再光顧的意欲。…Read More

食物即叫即整,  今次叫咗安格斯牛肉漢堡, 漢堡扒好厚又juicy, 未開盒已經聞到好香, 仲跟埋薯角, 好滿足。之後試過卡邦尼意粉, 足料又掛汁, 仲有墨西哥雞卷都好好食 😋邨內難得有咁平靚正嘅小店, CP值高, 值得一試再試。…Read More

之前經過九展，見到酒樓有點心優惠（中大特點一律$22.8），便走去試試。點心及小食款式不少，食物質素尚可。埋單時，收取了正價，向侍應查詢，他說因為是日星期六有婚宴，所以沒有特價。今天第二次光顧，酒樓門口及九展升降機大堂同樣擺放了點心優惠的牌，而且是星期一，按理應該有優惠，但埋單時同樣收取了正價。向侍應查詢，她說現在至2號無優惠。既然無優惠，為什麼仍放優惠牌在門口及升降機大堂!? 而且沒有貼暫停優惠的日子，根本是誤導客人，怪不得每次都有大量空檯。食物又不是特別好食，而且被騙了兩次，絕對不會再幫襯此無良奸商。…Read More

每次經過K11都想入去試試, 今次一連試兩日, 但結果是....LUNCH SET有頗多款選擇, 意粉, 飯, 扒類, 漢堡都有, 價錢平均$100/SET,ALL DAY BREAKFAST好抵, 有湯/沙律, 連包同野飲, 都唔駛$100。份量唔少, 味道都幾好, 所以第二日再去, 今次叫左燒牛肉漢堡SET同牛肝菌意粉。燒牛肉漢堡SET好味, 薯條都好香口, 但牛肝菌意粉就一般。至於飲品, 熱咖啡飲完之後口乾。…Read More

昨天到尖沙咀搵食, 經過寶勒巷, 見到此店雖然新開, 但店裡很多客人, 便內進試試。船麵套餐, 連飲品及小食都只是$78, 便點了兩個試試。豬肉船麵有豬肉片, 豬潤及肉丸, 牛肉船麵有牛肉片, 牛腩及牛丸, 兩款麵的湯頭都很濃香, 但又不會有味精, 吃完也不會覺得口乾。再加一點點椒醋及老闆自制的辣椒, YUMMY~~小食點了炸豬皮及雞槌, 兩款都很香口, 下次到尖沙咀又多一個選擇。 餐具及牙簽都是來自泰國,店員親切友禮, 老闆還會問客人意見, 非常有誠意。…Read More

食物款式多，價格便宜，環境清潔，地點方便，很適合聚餐。侍應生態度良好，唯獨一位短髮女部長（冬菇頭，沒有帶眼鏡）態度惡劣。對熟客笑容滿臉，又送糖水，但對非熟客愛理不理。入座時已向門口說明有城大信用卡，只是門口的支客沒有寫在點心卡，埋單時侍應又沒有向我們拿信用卡，所以最後計多了錢。當發現後馬上跟短髮女部長說，但女部長推卸責任，只免回加一，沒有算回正確茶錢，還說是我不對，說我們沒有向門口交接，所以沒有辦法。身為部長，做錯事不認錯，還說成客人的錯，免回加一還像皇恩浩蕩般對客人說，實在要不得。…Read More