meow_life1010的個人專頁

上個星期收工去咗附近一間新開嘅火鍋店🐮後黎先知道原來係「中環珍姐」舊班底開鋪，終於食到啦！我試咗招牌的豬骨蜆湯🐷湯底一端出來就能看到大個隻手嘅豬骨，還有整鍋新鮮的大蜆肉🫕。店員仲叫我哋飲咗一碗湯先，海鮮的鮮甜和豬骨的香味交織，而且湯的厚度感十足，真材實料！我哋點了店裡的二人餐，份量相當充足。不得不說最令我驚喜嘅係熱辣辣嘅炸魚皮😍問過店員先知道原來由落單嗰刻開始就即刻炸起，怪不知咁薄脆香口🥹重頭戲當然係包含各種部位嘅🐮豪牛拼盤，當中豪牛拼盤（中）有🥩封門柳，牛頸脊，牛匙柄，牛小排，店員仲會介紹佢哋嘅各種特色，選擇困難嘅我每一款都好鍾意！另外仲叫咗牛胸爽，牛心頂，纖維感明顯，口感超級爽脆！唔係每間火鍋店都食到呢啲部位，鐘意食牛嘅人一定會好enjoy😋仲有令我驚喜嘅花雕醉雞，雖然望落冇咩特別，但一咬落去就好似飲咗大啖花雕酒咁🤯而且無論煮幾耐都依然咁滑，仲特登問咗店員可以點樣處理🤭店員都好好過左兩招😝而其他菜式無論丸類、魚片定係蔬菜或者面類，都係食得出好質量嘅食材！加埋兩杯飲品都飽到要抱住個肚走人🤪🤪🤪…查看更多

早排經過土瓜灣個頭，發現有間裝修好日式風格既串燒店，緊係睇下有咩好食啦😋佢地都有好多常見嘅燒物：🥩 厚燒牛舌芯肉質嫩滑，外焦內嫩。🍗 汁燒雞肝、燒雞腎口感滑順又濃郁。🌿 大蔥雞肉串雞肉和大蔥搭配，燒烤後香噴噴。🌶️ 泡菜豚肉卷豚肉包住酸辣泡菜，開胃又好吃！🐟 燒白鱔肉質滑嫩，燒出來香氣撲鼻✨🍄 黑松露豚肉滑香濃嘅黑松露味令到豚肉都昇華！仲有好多同水果配搭嘅串燒，我印象最深刻嘅一定係🍓士多啤梨豚肉卷，佢哋嘅水果好鮮甜，而且火候拿捏得啱啱好！所以食落去會有爆汁既感覺😍仲有兩樣不得不叫嘅鮮燒是日鮮同鮮選五點刺身🐟佢哋嘅是日鮮係每日去附近嘅街市，睇吓當天有咩新鮮嘅魚，直接拎貨再返嚟用泰式既方式去將魚嘅鮮味最直接呈現出嚟。我哋當日食嘅係馬友，唔洗5分鐘已經俾我哋清晒🙈而精選五點刺身有牡蠣、三文魚、帶子、赤貝、赤蝦。講真，呢碟嘢都唔使$200，但係所有嘅刺身都好新鮮，加埋來自日本嘅大大牡蠣🦪，絕對令到呢個串燒店變得更加豐富！💛差啲唔記得咗，佢哋仲有$500/50杯生啤🍺優惠，鍾意飲啤酒嘅朋友絕對不能錯過！同埋佢哋嘅串燒九點後仲有額外大優惠，適合鍾意食宵夜嘅朋友過去嗰邊一嚐！🍻…查看更多

已經數唔清飲咗Cupping Room既咖啡幾多年啦🥹一定係我心目中一間好鍾意嘅咖啡店，無論飲品定係食物都做得咁出色又穩定！絕對係同朋友放假嘅最佳選擇🙌🏻🩷咖啡一直都係比較濃厚嘅nutty口味，無論Latte or Mocha，都一樣咁香濃！食物我最鍾意食佢哋嘅Egg Benedict，每次加埋個橙同柚子肉，我就覺得好Fresh✨🥗仲有仲有，千祈唔可以錯過佢哋嘅意粉！🍝今次呢個墨汁大蝦意粉，個人認為比好多意粉店都好食！🥹唔單止個意粉醬汁好濃稠，而且啲大蝦都煎到好香🦐絕對唔係一間淨係打卡嘅咖啡店！唔講唔知，原來由即日起成為會員，買夠$500可作現金點數，所有分店都適用！即係仲抵左😍快啲去飲杯啡啦☕️☕️☕️…查看更多

呢排天氣轉涼又想食炸雞啦！今次就試咗位於將軍澳中心嘅Puradak Chicken，唔search 唔知，原來仲有間奧海城分店已經開業一周年！🙆🏻‍♀️見到佢哋嘅炸雞🍗有好多唔同嘅口味，我就當然叫咗兩個口味嘅雙拼：魔蒜地獄同埋韓式甜醬炸雞🥰其實仲有好多未見過嘅口味，例如紫菜脆脆、青陽辣椒、辣卡邦尼年糕…下次再試😝佢哋嘅炸雞上面都有好濃厚嘅醬汁，所以每嚿炸雞都一定夠晒味！食韓國菜當然唔係淨係食炸雞啦，所以我哋又再另外叫咗個海鮮薄餅🌮同埋牛肉紫菜飯卷🍙原來用佢哋嚟點炸雞既汁都一樣好夾😝再配埋兩杯好清爽嘅西柚梳打同埋梅子梳打，一啲都唔油膩！😋你哋又有冇試過呢間餐廳呢？…查看更多

今日去咗一間好舒服嘅Cafe ☕️，飲咗一杯焦糖咖啡，真係好正！咖啡嘅香氣同焦糖嘅甜味完美結合，令人心情都好好 😊。每一口都好有層次感，唔會過甜，真係一杯幫人解決blue Monday嘅飲品！跟住飲咗一杯lotus餅味的latte 🥛，味道好香濃，仲有一陣餅乾的脆脆感，飲落去真係好舒服！Latte嘅奶泡打得好細膩，令整杯飲品更加滑順，真係一飲成主顧！我仲試咗鴨胸雞肉雜菜沙律 🥗，新鮮嘅雜菜配上嫩滑嘅鴨胸肉，色香味俱全，完全冇負擔！沙律醬汁清新唔油膩，食完之後感覺特別輕盈，健康又美味 💚。再加上芝士火腿同蕃茄牛角包 🥐，芝士融化得剛剛好，香氣四溢，每一口都令人想再嚐多一口！牛角包外脆內軟，搭配火腿嘅鹹香，口感豐富，實在太好食！最後，我啱啱食咗伯爵茶嘅scone 🍵，外脆內軟，茶香四溢，真係好好味！scone嘅口感好鬆軟，食完唔會覺得膩，真係一個完美嘅甜品收尾。而且呢度嘅價錢實惠 💰，對於想食健康輕食嘅人來講，真係一個非常好嘅選擇！喺附近返工嘅朋友有時唔想食得咁重負擔，呢度絕對係一個好選擇！…查看更多

係筲箕灣開咗新一間港式麵檔🍲，正中大排檔📍最鍾意食四寶河嘅我當然要去朝聖一下啦😍切腩四寶撈粗同四寶紫菜河呢兩樣，就通常係我每次去食呢啲粉麵檔嘅時候必叫嘅王牌組合❤️對比起同街另外嗰兩間，佢嘅價錢絕對更加實惠！而且份量亦都比較多，飽肚感絕對係平時嘅兩倍！切腩：雖然話係切腩，不過食落去仍然有好多爽滑嘅筋位，半肥瘦，充滿牛味，而且份量真係好多🥹牛丸：牛丸10分爽彈，而且有濃濃嘅黑椒味，無論配河粉定係撈粗都十分之夾！雲吞同魚片頭同紫菜都好好食，如果一個人嘅話，絕對可以嗌切腩四寶再加紫菜！大滿足🤭🤭至於叫河粉定係撈粗，我個人就比較推薦河粉啦！因為啲河粉好爽滑，而且夾起上嚟都唔會斷，絕對值得推薦🙂‍↔️🙂‍↔️另外仲叫咗杯奶茶同油菜，成餐食完都唔使再食晚餐啦🤭…查看更多

「맛있다」(MA SHI DA)！😋上星期收工好想食炸雞🍗，咁當然唔可以唔去 @goobne.hk ！由大學時期已經好鍾意食佢哋嘅雞蛋捲同埋炸雞，佢哋嘅炸雞仲可以分為無骨同埋有骨！我就最鍾意食有骨嘅炸雞，佢哋有好多唔同嘅醬汁可以選擇㗎，我就鍾意食果味蒜香、甜辣、醬油等開胃又唔油膩嘅口味！佢哋仲好貼心為客人提供埋手套，咁就可以毫無顧忌咁大快朵頤啦！今次仲有另一個我從來未試過嘅卡邦尼芝士拉麵🍝，滿滿嘅芝士🧀同拉絲，係芝士控絕對唔能夠錯過㗎，不過值得留意份量都幾大，最好有兩至三個人分享就最好啦！佢哋仲會提供多一個蒜蓉忌廉包，配埋個醬汁食，邪惡到停唔到口啊！雞蛋捲🍳就一向都係我嘅最愛，入面放滿唔同嘅餡料，加上隔離嘅醬汁，作為送酒小食就一流啦！不過講到伴酒，又點少得足料又開胃既泡菜薄餅！每一啖都係滿滿嘅泡菜，滿足到鍾意食泡菜嘅我😍唔講唔知道，佢哋原來而家仲有一啲小工具，可以俾客人自己玩調酒💃🏻，通過燒酒同啤酒嘅比例，再加埋可愛嘅小工具，有種去咗韓國旅行飲酒嘅感覺添！加埋佢哋而家成日都舉辦唔同嘅live Band，請返本地嘅local 樂手上去表演，成個環境氣氛好好呀！咁啱當晚仲有人生日，全場一齊唱生日歌，仲會幫手帶動氣氛，估唔到淨係嚟食炸雞都有咁多驚喜😍當然，當晚嘅員工同埋經理都十分友善，加上佢哋都真係本地嘅韓國人，所以都見到好多韓國人過嚟一齊食飯同傾偈，加埋飲多兩杯，真係好似去咗韓國旅行咁🇰🇷…查看更多

冇咩韓國人唔認識嘅韓雅林 ，喺銅鑼灣做嘢嘅我已經食過幾次！最近去感覺耳目一新，而且菜式亦都越嚟越豐富！今次我就點左韓劇入邊最常出現嘅白飯小偷-醬油蟹！🦀伴住一碗蛋黃紫菜飯，當鮮甜新鮮嘅蟹肉伴上醬油淡淡嘅香味，果然係送飯嘅最佳朋友🐷食醬油蟹最緊要就係多膏同埋新鮮，而醬油味道又唔可以搶過蟹嘅本身，佢哋絕對完美體現到啊！水冷麵-又係一個經典嘅韓國菜，新鮮嘅梨加上涼涼嘅水冷麵，絕對係開胃之選！💓泡菜煎餅-煎到脆卜卜嘅泡菜煎餅，加上帶出鮮味嘅醬汁，一嚿接一嚿，見到我食得咁豪邁就知幾好味啦😝辣牛肉粉絲湯-充滿牛肉，粉絲，配菜，唔鐘意食飯既朋友叫呢個一定唔怕肚餓😂飽到上心口！ …查看更多

早幾日同朋友去咗黃埔，又想食炸雞，又想食豬手，一於試吓喺附近嘅K palace!餐廳座位闊落，都坐得好舒服，侍應好快俾咗啲前菜我哋食，估唔到黑豆又幾好食！之後，叫咗個冇骨嘅原味同埋甜酸味炸雞。我就鍾意食甜酸味多啲，上面有滿滿嘅醬汁，每一啖都酸酸甜甜，食多幾嚿都唔覺得油膩🐽之後，去到我念念不忘嘅豬手，呢個豬手真係要大力推薦，佢仲配咗好多酸辣嘅配菜同埋新鮮嘅生菜！好多餐廳都幾好少生菜🥹將唔同嘅配菜夾埋豬手放上去生菜一齊食，真係大滿足！雖然只係叫咗兩樣嘢，但係都已經飽到上心口，性價比極高！鍾意食豬手同炸雞嘅朋友，絕對不能錯過🫶🏻…查看更多

早幾日去咗旺角想食韓國菜，但係又怕熱氣，就醒起最近好大熱嘅韓式燉雞！差唔多下午時間上到去已經全場坐滿晒，有好地道嘅韓國人仲有韓式MV，差啲以為自己去咗韓國😂我哋叫咗一個大辣燉雞，一個海鮮薄餅，加埋佢哋嘅前菜，估唔到已經飽到上心口😂最令我有驚喜嘅係個燉雞，估唔到就算唔係用炸嘅形式去煮，個雞依然好香滑同入味！同埋有滿滿嘅配菜，所以其實可能淨係嗌呢碟已經好飽😂但係啲冬粉真係好好食🥹條條都索曬汁又煙靭，所以個薄餅都差啲食唔晒🙈薄餅都好香脆，每一啖都食到啲海鮮嘅配料，不過因為我怕太熱氣，所以就不斷用燉雞汁淋上去食，又係另一番風味😆…查看更多

行行吓街，好掛住韓國點算好？🥲突然間好想食炸雞同燒牛肉，好在馬鞍山呢邊都有個釜山炸雞，可以即刻一解我嘅為食😍我地兩個人先點咗個經典嘅人蔘雞湯同辣牛肉湯，暖吓個胃先！唔係講笑，所有嘢都好足料，兩個人飲完個湯都開始有啲驚食唔晒啲嘢🤣之後叫咗芥末同埋芝士味嘅無骨炸雞，上嚟嘅時候依然香脆可口！咬落去仲好嫰滑多汁！加埋無骨！必點！成日都掛住韓國嘅燒牛肉，今次點埋燒牛肩肉，配埋清脆可口嘅生菜同配菜，好refresh ✨✨最後仲點咗個睇韓劇成日都睇到口痕嘅炸醬麵😂冇錯，真係好飽，但由於麵條太彈牙，所以又一次過食晒🙈呢度簡直係性價比之選！可以唔使飛韓國住啦🤣…查看更多

我真係好鐘意睇人食醬油蟹既ASMR 🙈最近睇到忍唔到口要去食啦！今次一於試原本係尖東帝國中心既韓珍，最近改左名叫韓脈HanMat📍呢間韓式餐廳既頭盤除左有常見既芽菜、茄子、青瓜，竟然仲有鵪鶉蛋！🐣好豐富既前菜🤗之後當然唔少得叫咗個醬油蟹🦀同二人燒肉套餐，crazy既係二人套餐好抵！😳五百幾蚊包左兩種豬肉（豬肩肉、五花肉）同牛肋骨，再跟埋一個南瓜沙律、泡菜豬肉豆腐湯同飲品❣️飽到上心口！而且全程有專人幫你燒，你只需要坐定定等食就可以😌加埋部超級吸油煙機，只需要安心享受同人相處嘅美好時光🥳而醬油蟹亦都十分大隻，配上附送嘅紫菜飯同煎蛋🍳，自己一路擠啲蟹膏，一路拌入飯中，好似去左韓國🇰🇷咁😜在場嘅氣氛都十分熱鬧，無論係一大班朋友，抑或知己碰碰杯底，相信都係一個不二之選🍻…查看更多

懷念燒肉既我，一收工就諗起新羅寶既靚牛🐮當然佢既前菜都不得了！佢哋唔單止有兩種唔同風味嘅泡菜，亦都有我最鍾意嘅芽菜同茄子🥹波菜同西蘭花都唔錯，但索味度不夠前者😳正宗嘅韓國餐廳就係連前菜都會做到咁新鮮好食😋😭食過啲餐廳嘅芽菜同茄子完全無味，唔好話打開味蕾，簡直係減少食欲🫠而且呢度仲有泡菜蘿蔔任裝，好開心🤪首先，當然要叫個特大牛肋骨！大條到剪極都有，而且肉味好濃，一咬入去中左化骨綿掌咁，好幸福🥹牛肉一口接一口，又厚又鬆軟，新鮮牛真係好好食！OK燒肉有個鹹鹹地既鹽醬，must蘸！勁出色！當然我哋仲叫咗個泡菜薄餅，同埋韓式水冷麵試吓啦！泡菜薄餅都煎到好香好脆，加埋個鹹鹹嘅醬汁，食落一啲都唔覺得油膩！好好食，男朋友差唔多食晒成份🥵韓式水冷麵配上香甜嘅梨同青瓜都好refresh，夏天食嘅話真係不得了😝呢度服務又好，坐得又舒服，人均都係2-300！絕對係燒肉迷之選🥰🥰🥰…查看更多

真係好掛住台灣美食🥹唯有去住位於Musea 既饞·台式食堂解下饞先🐷首先緊係點個滷味拼盤開下胃先，上面有豆腐、牛筋、荀乾、貢丸同台灣酸菜，每樣都十分足料，岩曬貪心既我😝主菜方面當然要叫最愛既半牛半筋既刀削麵啦🐮，唔單止啲餸多到差啲食唔曬，麵條嘅質感十分煙靭，鍾意食牛筋嘅朋友必點！之前食過紅燒湯，今次食麻香湯，都別有一番風味，睇吓你哋想要濃厚啲嘅牛肉味抑或少少麻但係唔辣嘅湯底啦😝另外，由於太掛住饒河街夜市嘅藥燉排骨🍲，所以都叫咗碗藥燉排骨湯，同台灣嘅係完全截然不同嘅口味，但係冇變嘅依然都係咁足料，所以鐘意藥材香既朋友都可以試試！講起台灣，又點少得台飲🐒我哋叫咗杯芝芝芒芒同埋芋香珍珠奶茶，不過由於食物同飲品都太足料，最後真係飽到飲唔曬😂呢一刻，真係飽到似返咗台灣😂…查看更多

早兩日去咗觀塘嘅four0five_coffee 食大餐展開我嘅聖誕假期🎄絕對係令人身心愉快嘅一個用餐體驗🈵首先點咗蒜香蟹肉意粉🍝，同埋黑松露雜菌燴飯🍛。兩個主菜唔單止分量十足，而且材料亦都豐富，每一啖都係滿滿既🦀蟹肉同埋雜菌🍄，而且意粉同燴飯自己本身都已經好香濃入味，就算已經好飽都停不了🥹食完主菜，一定要叫佢哋嘅甜品！絕對有畫龍點睛嘅效果😭無論係流心爆漿tiramisu🍨，抑或係吉士焦糖梳乎厘pancake🍮，都一樣咁Q彈同驚豔到我😍我本身都唔係特別好甜品，但係呢兩個都好好食！tiramisu用咗另一個方式呈現，令到個口感唔會太濕，但係風味依然好出色🥹而梳乎厘pancake更加係出色過好多名店！真真正正既空氣感！加埋清甜真蜂蜜🍯真係世一⭐️⭐️⭐️重點：無論主菜、甜品、飲品都咁出色，$500有找！絕對係性價比之選❤️快啲去觀塘搵食！📢…查看更多