永遠都食極唔肥的個人專頁

My friend and I are skewer lovers - we love how the cooking method and seasoning can enhance the food. This is our second visit here, decided to give it another go because of their promotion: free oyster with every purchase! How exciting! We weren't particularly hungry so we ordered mainly vegetables with a bit of seafood and protein. Everything was fine but not exceptional. Reasonable for the price we paid though so nothing to complain  …查看更多

🍴通菜街西餐🍴-🤪西班牙風乾火腿薄餅 $98pizza係薄批底 鋪滿芝士同風乾火腿餅底薄身焗到好脆口 批邊都好脆Parma Ham 份量啱啱好 有咸香味但唔會過咸同芝士好夾 又唔會過膩 性價比高-🤪德國咸豬手配酸椰菜 $168豬手份量慷慨 外皮好香脆 豬肉焗到好淋身咬落好juicy唔鞋 調味唔錯 配酸菜食 好有層次感配菜仲有翠玉瓜 雞髀菇同埋茄子-🤪蒜蓉包蒜蓉包焗到好香脆 仲有自家製嘅蕃茄洋蔥醬酸酸甜甜 感覺幾fresh幾好食南瓜湯就味道甜甜地 少少太浠-🤪Peach Flower $48係Elderberry + Peach Soda下面有好多蘆薈粒粒 幾好咬 -🤪Big Boss $68係Apple cider + Lime juice 好清爽又夠大杯-🤪溶岩泡芙伴雪糕 $68泡芙係餐廳自己烤焗 非常鬆軟 加埋雲尼拿雪糕同oreo餅碎 溫度冷熱交融 好正-📍 LA Restaurant & Dessert Bar (旺角)旺角通菜街25號地舖…查看更多

哥哥添飯•妹妹泡茶喺觀塘美亞廚具城買完小爐具，少少攰有啲餓，行過啲觀塘道，有一間叫「哥哥添飯•妹妹泡茶」嘅台食店，個名好得意，座位闊落，於是入去坐低食飯歇腳。先叫杯飲品解渴。嚟得台食店，梗要叫台式飲品，先至不枉此行。黑糖珍珠奶茶($28)味道香甜，珍珠粒Q彈有嚼勁！朋友嗰杯薰衣草芒果烏龍水果茶($35)唔單止賣相靚，佢話水果甜味加薰衣草香再加烏龍茶鮮，組合得好好，冰凍解渴。晚市套餐除咗主食，有三小碟做前菜，再加米飯丶水果，豐盛得嚟可以樣樣食啲，啱晒心多多嘅我！我揀咗北海道元貝炒蘆筍配蟹膏拌飯 ($128)晚市套餐，香煎元貝肥大飽滿，蟹膏望落似凝脂，味道鮮美，拌飯一齊食，更加覺得佢油脂細緻！朋友嘅麻辣牛肉麵餐($88) 包埋魯肉青菜。牛骨湯味道唔錯(麵條淋咗啲⋯)，牛筋軟腍好食，厚切牛腱五香味濃，整體屬於小麻小辣程度。觀塘觀塘道388號創紀之城一期地下6號舖…查看更多

As a huge fan of tiramisu, I almost order it every time I see it on the menu. Today is no exception - I got a tiramisu and a hot tea to pamper myself on a chilly afternoon. The tiramisu didn’t disappoint - the mascarpone cheese is so delicate and soft that it almost melted in my mouth. The flavours of cocoa, coffee and Bailey balanced well. The finger biscuits were soaked in espresso which gave them a strong coffee taste. As for the tea, it’s kind of bland (goji berry and dates I think) so I wouldn’t recommend it. Next time I may get coffee instead. …查看更多

美味故事同老公逛完旺角，跟住食晚飯。佢揀個西日fusion一人餐，主菜食西冷牛跟冷麵 ($228)。先嚟的的骰骰南瓜湯，個笑哈哈面好盞鬼！蒜蓉包細細條，入口香脆。跟住有煙三文魚薯仔沙律。薯仔粒有咬口，三文魚可以再新鮮啲！韓式泡菜豆腐味道一般。慢煮安格斯西冷幾大份，點黑椒汁食，辣辣地更好味。墨汁冷麵顏色雖然烏卒卒，墨汁唔會太濃太杰。為咗貫徹fusion風格，老公特登飲越式滴滴咖啡($22)!！我鍾意海鮮同青醬，虎蝦青醬意粉($148)，正正就係我杯茶！蝦肉爽口彈牙，意粉掛汁，滿口青醬橄欖油仲有松子仁，味道油潤又豐富。白桃藍蝶花(+$18)係跟餐飲品，桃味香，飲落去好清甜。地址：旺角彌敦道732號寬成樓1樓…查看更多

Hong Kong Burger阿仔今日放學遲咗，跟住要去美孚上樂器班。時間倉猝，冇得坐低喺餐廳食午飯，唯有一人一份漢堡包餐⋯⋯呢間漢堡包外賣店，餡料組合多樣化：安格斯牛丶和牛、素牛丶炸雞丶手撕豬肉丶煙肉之類⋯ 買包加$10轉套餐，有罐裝飲品同小食(炸薯條或者蒜蓉包)，非常實惠！阿仔食嘅和牛芝士漢堡包($106)，跟士多啤梨醬，甜甜酸酸。望住佢大啖二啖不停咁食，就知道好啱佢胃口！粗薯條炸得香口，外脆內軟。我都鍾意甜甜酸酸嘅醬汁，於是揀咗千島醬手打炸蝦餅芝士漢堡 ($88)。麵包軟熟，攞上手好有份量。炸蝦餅大件厚身，仲俾我食到原隻蝦仁，果然係良心街坊小店。下次經過，一定再幫襯!!地址：美孚吉利徑6-8號美孚新邨第3期地下74C號舖…查看更多

紅燒三寶牛肉麵(牛丸,牛肋肉,牛腱) $88湯嘅味道微甜, 牛丸彈牙, 牛肋肉牛腱都炆得好淋, 牛味濃郁, 烏冬口感彈牙鹽酥雞 $38鹽酥雞炸得夠酥脆, 唔油膩, 椒鹽嘅調味適中芋圓燒仙草 $28有番薯、紫薯同芋頭丸, 口感煙韌, 好大碗, 味道唔會過甜綜合關東煮 $58有肉丸、魚蛋、福袋, 脆米, 福袋內餡係蟹籽府城蝦卷 $28鮮蝦腐皮卷包蝦膠, 炸得金黃鬆脆，配埋沙律醬肉燥燙青菜 $22蘆薈桂花雪梨茶 $24冷泡白桃烏龍 $24較清香 無糖…查看更多

人氣過江龍嘅牛大人台灣火鍋吃到飽喺尖沙咀都有啦，地方超大但大家都最好book定位。 呢度有9款湯底，呢次揀咗個湯底係藥膳鍋，湯底有牛蒡、紅蘿蔔、冬菇等，聽落好大長今神農氏嘗百草，但其實一啲都無藥材味，反清清地但又無平時啲清湯咁淡，令成餐都無咁油膩。飲品方面佢哋喺自助區放咗數個大型雪櫃，有各種嘅汽水，啤酒，有台灣獨有嘅蘋果梳打，亦都有佢哋自家製嘅茶飲，洛神花茶有少少甜味但都偏清清地，白桃茶就唔甜但都幾香桃味，每款都能消膩解渴，好啱食火鍋嘅時候飲。佢哋呢度有3款嘅套餐可以選擇分別係精選嫩牛，美國SRF極黑牛，澳洲極上和牛，而較高級嘅套餐仲可以食埋較低級嘅牛款。我哋揀咗最貴嘅澳洲極上和牛，套餐入面有7款唔同等級嘅牛肉任點任食，入面最好食當然係澳洲和牛M5牛肩卷，肉嘅顏色鮮明，油脂分布平均，食落會有入口即化嘅感覺，真係和牛個種滑。而除左牛肉外，佢呢個套餐仲有數款不同嘅肉類，同埋各類嘅海鮮，好似脆肉鯇魚，沙貝，鮮蝦同埋各式嘅魚漿等等。講到魚漿就要試下黑蚊蚊蟹籽墨汁漿，墨魚肉夠哂鮮味而且好彈牙，入面真係有一條條墨魚肉，真材實料唔係用粉整出嚟。自助區方面，有好幾個嘅大保鮮櫃，入面整齊放哂啲常見嘅火鍋配料，蔬菜等等，種類選擇多。佢哋除左火鍋用料上乘，佢哋仲提供牛媽秘製滷水作小食，有大腸，牛肚，牛筋三款嘅滷水，都幾好食㗎，等啲嘢食熟時可以keep住個口食緊嘢好滿足。…查看更多

🍱燒肉午餐🍱-🤤Lunch Set C上次黎食澳洲M5和牛吃到飽套餐 今次就食午市套餐一樣係M5和牛 可見脂肪比例唔錯一放落去燒一下記得即刻攞上嚟 口感最好！牛柳粒就油脂分布較平均 入口即溶安格斯牛板腱 口感比較韌 我麻麻牛舌好香 不過如果厚切 口感會好啲唯一缺點係佢個爐好痴啲肉 佢冇搽一層油喺面😭出面自助吧枱選擇有台灣腸 冬菇 翠玉瓜等等可以自己整一個紫菜櫻花蝦撈飯(佢有教學)因為淨食套餐啲肉…..係唔夠飽🥲飲品方面 有大概五款茶 止渴又特別-📍安平燒肉旺角彌敦道593-601號創興廣場9樓…查看更多

龍泉冰廳銅鑼灣呢個矜貴地段，食飯好鬼貴，作為一個師奶，茶記係我嘅當然選擇！今時今日嘅港式茶餐廳一啲都唔失禮，有質又有量。午市時段，食小菜套餐最經濟實惠。老公揀煎土魷肉餅($78)，我就要金菇肉碎扒豆腐($68)。一肉一菜，配埋例湯餐飲，啱啱好！煎肉餅有四至五件，煎得香口，有肉味有咬口，配白飯食一流。當日所見，好多穿著斯文嘅寫字樓男仔都有叫呢個餸。除咗豆腐火腩，佢直頭係男人嘅另一種浪漫！！ 金菇扒肉碎個芡汁唔糊，入口濕濕地，撈飯食都唔錯！食得興起，追加咗個芝士鹹牛肉奄列($38)。溶芝士落得幾多，加埋鹹牛肉，更加鹹香好食！地址：銅鑼灣蘭芳道5號地下…查看更多

Coti the Bistro週末同老公去MegaBox宜家傢俬睇組合櫃，之後諗住去餐廳食肉丸意粉，但排晒長龍！ 突然醒起：企業廣場裏面有間隱蔽西餐廳，嘢食唔錯，唔使等位，可以慢慢食。行咗成日街，有啲口渴。紅豆鮮奶咖啡 ($48)，甜甜地得來又可以提神。老公淨飲杯咖啡果皮茶($52)，唔加蜜糖。佢話果皮嘅甘香味仲出！慢煮安格斯西冷牛扒($188)幾大件，七成熟配黑椒汁，我哋食得津津有味！慢煮烤雞有半隻($118)，份量足不過雞肉有啲乾身，好在霹靂葡汁辣辣地，食落惹味得多。甜品一於打孖上！焦糖香蕉窩夫 ($78)係酥皮底，點焦糖醬食，酥香又夠甜。烤棉花糖朱古力 ($78)嘅賣相唔錯，外層微焦，入口甜到漏，撈埋下面嘅餅碎花生碎粒一齊食，口感豐富。地址：九龍灣常悅道9號企業廣場1期1樓4號舖…查看更多

泰式小食拼盤 HKD 69有2件炸蝦餅, 2件芝士雲呑同2件雞翼, 蝦餅爽口彈牙, 雲呑炸到好香脆，入面包住芝士雞翼好大隻, 好重香茅味, 點左甜酸醬, 好好食卜卜蜆冬陰公湯薯粉 $89份量大碗, 有蜆, 青口, 蝦! d蜆夠新鮮, 薯粉口感好煙韌, 加埋有小小辣嘅冬陰功湯底, 唔會太鹹, 好夾頂級安格斯牛肉船湯河粉 $89湯底好深色, 個湯好濃郁, 放左好多種材料同食材熬製，安格斯牛肉好淋 牛味夠濃, 配料有魚蛋、秋葵、 炸豬皮、 蘿蔔. 白魚蛋好彈牙, 泰式炸豬皮炸到好鬆脆, 蘿蔔好淋泰式蝶豆花特飲 + $18泰式蝶豆花特飲味道酸酸甜甜, 顏色好特別, 打卡一流青檸梳打 +$18…查看更多

平時灣仔都有好多優質台灣餐廳，今次呢間餐廳叫牛壹台食，佢哋午餐就好多選擇。今次就嗌左兩個午餐套餐。招牌紅燒牛腱心牛肉麵 ($78套餐)牛展非常大件，肉質好淋，筋肉比例很好，牛肉湯好清甜。必食滷牛飯 ($68 套餐)相比牛肉麵呢個滷牛飯更好味，滷牛飯醬汁非常多好似食緊湯飯咁。除咗小棠菜外，仲有半隻蛋添，份量非常足夠。特色煎蛋餃 ($32)口感同味道都一般，有待改進。鮮橙綠茶 / 蜂蜜紅茶兩杯茶味道非常足夠，但係小甜都係有啲甜，下次可以叫微甜。兩個套餐份量唔算多，唔想食得太飽，但係又想食有質素嘅台灣食物呢間餐廳就啱晒啦。餐廳位於灣仔中心喺附近返工嘅打工仔，lunch hour 可以黎試吓。…查看更多

天天海南雞飯今日帶屋企個化骨龍去圓方上溜冰堂，老師臨時改時間，突然要等多兩個鐘加上有啲餓，我入咗去呢間「美食聯盟」，點一個小食配日本清酒嘅推廣組合。呢個叫做SEAFOOD LOVES SAKE嘅推廣，由即日到九月底，食肆預先挑選三款海鮮小食，每款小食配一種唔同口味嘅日本清酒。我鍾意椒鹽，揀咗呢款盛惠$108嘅組合：椒鹽魷魚 配 帝松 辛口。鮮魷片好彈牙，外皮炸得酥香，再加埋椒鹽粉，真係超級惹味！帝松入口第一啖，有明顯甘辛味(不過酒精度唔算高)。咁都幾好，辛口可以減低椒鹽鮮魷嘅油膩。食吓又飲吓，小食同清酒，已經俾我掃清！地址：九龍柯士甸道西1號圓方一樓1050 A號舖…查看更多

第一次食印尼菜 估唔到都幾有特色 我要咗個沙嗲炒豬肉飯 豬肉炒得好入味 又唔會太硬 朋友要咗豬肋骨 佢話軟腍好食 除咗兩個飯我哋仲加咗兩串雞軟骨 燒到好似日本居酒屋咁好食 最主要都係個醬汁好味不過我哋最鍾意嘅都係雙色多士 粉紅色配黑色 型格得來又時尚 簡簡單單嘅食物都做得出色 麵包香脆 雖然有顏色但係唔會有香料味 餡料係kaya 飲品我哋就叫咗熱情果汁同埋青檸梳打 兩樣嘢都係酸酸甜甜啱晒夏天飲 唯一有少少驚奇嘅係熱情果汁唔係自家製 而係樽裝果汁 …查看更多