不眠王子's Profile

呢間，係我近年食過水準最差嘅冰室！試咗常餐之一，王牌特濃沙爹牛肉米粉 + 牛乳炒蛋 + 牛油多士，44蚊喺荃灣區嚟講唔算平，何況呢度係租金較平嘅樓上舖。但原來仲未計嘢飲，熱飲加$3，凍飲加$5。如果好食，仲可以接受，但....沙爹牛肉米粉濃濃嘅，係太重手嘅花生醬香，沙爹味極淡。有人話呢度嘅牛肉嫩滑，咁嫩滑都有分天然同人為嘅！牛乳炒蛋炒到平薄一塊兼過老，似煎蛋多啲！真係用3.6牛奶去炒？至於蛋味...係零！多士薄薄兩片兼軟腍腍，茶記少見。奶茶跟樓下某食評形容一樣，我唔想再提。瑞士雞翼跟餐加16蚊可以任食，若然你當係豉油雞翼食呢，味道係OK嘅！但佢寫明係瑞士雞翼喎！咁偏鹹嘅瑞士雞翼又真係第一次試，就當我見識少啦！…Read More

呢餐係「急趕而來，失望而回」。餐都未點就激心離開，過咗對面街，仲遇上另一食店的超有禮貌店員，天國與地獄，原來只係一街之隔。鰂魚涌工作的老友約食飯，當然要就靚女喺番鰂魚涌食，呢間餐廳係我揀，原意想撐小店，見店子新開幾個月，格調唔錯，感覺上穩陣。Well！感覺....有時都會失靈的！朋友午飯時間專程親身到餐廳訂枱，卻遇上黑面對待，未問清楚就晦氣回應午飯時段無得訂枱，朋友係斯文講嘢細細聲那種美女，當然嚇親啦！但佢照訂枱及想坐梳化位，而侍應亦確認所坐位置。晚上準時來到，晚飯時段全間餐廳一個客都無，只有疑似老闆跟幾個朋友在其中一枱開餐，而那一張正正是朋友所訂的枱，算！反正無客大把枱，就隨意於其中一枱坐低，卻無人埋嚟招呼。算！朋友未到，見對面張枱有個手袋放在椅上，於是起身行去搵侍應查問，朋友今晚訂咗枱係咪到咗？侍應埋去老闆那枱話，有人訂咗呢張枱，成班人只係望一望我，一聲回應都無，跟住繼續傾計食嘢！咩嘢態度呀？坐咗我張枱，我已經唔介意，而家只係問句朋友到咗未，竟然睬都唔睬？算！我返去自己張枱坐低，到朋友嚟到，依然無人埋嚟招呼，無耐侍應仲攞住個手袋離開。7 點半都未到，餐廳唔係收 10 點半咩？全程 18 分鐘都無人埋嚟招呼，忍夠了！見有對情侶入嚟，就同朋友決定離開，就算啲嘢有幾好食都係假，唔想再受氣呀！我有呢啲奇遇，你未必遇到，但我就肯定唔會再幫襯，完！…Read More

全 港 首 家 日 式 燒 肉 炭 爐 燒 意 思 係 話 日 式 燒 肉 炭 爐 自 家 燒 ，佢 係 和 幸 日 式 燒 肉 最 新 開 設 的 分 店 ， 兩 個 星 期 前 的 除 夕 夜 ，膽 粗 粗 去 到 一 樁 仲 裝 修 緊 的 新 食 廈 ，見 和 幸 有 新 店 開 張 ，即 管 去 試 吓！ 先 講 service ，可 能 新 開 張 ，招 呼 真 係 好 到 可 以 用 無 微 不 至 嚟 形 容 ，所 以 我 過 去 10 日 已 經 幫 襯 咗 2 次 ，希 望 食 材 水 準 及 招 呼 一 直 可 以 keep 住 吧！ 和 幸 吧 的 格 局 跟 銅 鑼 灣 店 完 全 唔 同 ，感 覺 比 較 高 檔 ，可 能 位 處 酒 吧 區 ，店 內 環 境 亦 好 有 酒 吧 feel ，連 吧 枱 都 可 以 玩 一 人 一 爐 的 日 式 燒 肉 ，當 然 室 內 燒 的 並 唔 係 炭 爐 啦！炭 爐 燒 於 店 外 的 露 台 進 行 ，有 7 、8 張 二 人 枱 ，枱 與 枱 之 間 有 一 定 的 距 離 ，坐 得 尚 算 舒 服 ，椅 旁 還 有 張 小 木 枱 俾 你 放 大 褸 、手 袋 等 雜 物 ，相 當 貼 心。醬 汁 配 料 有 蔥 及 蒜 蓉 ，燒 肉 食 其 鮮 味 ，蘸 少 少 OK 了！柚 子 胡 椒 豚 Toro ($42) 肉 質 粉 嫩 通 透 又 肥 美 ，睇 到 我 流 晒 口 水 落 張 木 枱 度。 豚 肉 Toro 入 口 超 鬆 化 ，帶 有 絲 絲 柚 子 香 ，感 覺 清 新。 蒜 蔥 燒 花 虎 蝦 ($42 / 隻) 必 點！花 虎 蝦 超 大 隻 ，無 12 吋 都 有 11 吋 吧！而 且 蝦 身 相 當 豐 滿。廚 師 早 已 將 蝦 開 背 後 灑 上 香 蒜 、香 蔥 及 芝 麻 ，令 燒 起 上 來 更 惹 味。 燒 到 花 虎 蝦 兩 邊 殼 轉 晒 至 火 紅 色 ，略 微 燶 即 可。蝦 肉 鮮 味 到 不 得 了 ，整 條 拉 出 來 用 刀 叉 去 享 受 ，人 生 一 大 樂 事。蝦 肉 超 爽 口 、勁 彈 牙 ，好 想 大 叫 一 聲 好 ~ 好 ~ 味 ~ 呀 ~ 特 選 肉 盛 ($268) 一 次 過 可 試 勻 岩 鹽 薄 燒 牛 舌 、日 本 依 達 赤 豚 、味 噌 手 羽 先 、黑 毛 和 牛 胸 腹 肉 及 特 選 牛 肋 骨 肉 等 和 幸 的 皇 牌 ，當 然 非 order 不 可。 更多圖片及內容喺我Blog : http://hk.myblog.yahoo.com/choro-q/article?mid=85883 …Read More

上 個 月 中 去 日 本 福 岡 旅 行 ，參 觀 過 當 地 的 和 風 菓 子 屋 ，返 到 香 港 竟 發 現 天 后 也 開 了 一 間 和 風 菓 子 屋。於 是 喺 平 安 夜 前 一 晚 ，趁 好 友 請 我 到 留 家 廚 房 食 晚 飯 後 ，順 道 到 這 間 瀰 月 屋 試 試。 個 人 覺 得 "和 菓 子 係 甜 到 漏 " 的 說 法 只 係 部 份 人 對 和 菓 子 的 一 知 半 解 ， 和 菓 子 係 日 式 點 心 的 統 稱 ，日 式 煎 餅 或 饅 頭 亦 算 係 和 菓 子 的 一 種 ，兩 種 味 道 都 唔 會 甜 到 漏。 去 日 本 不 同 地 方 搵 幾 間 和 風 菓 子 屋 試 試 ，就 會 知 很 多 和 菓 子 其 實 都 唔 會 甜 到 漏！瀰 月 屋 格 局 帶 有 少 少 博 多 的 和 風 菓 子 屋 風 味 ，滿 室 簡 樸 ，一 邊 係 普 通 的 木 枱 木 椅。另 一 邊 係 榻 榻 米 ，但 座 位 有 限 ，睇 你 好 唔 好 採 了。店 子 盡 頭 佈 置 成 70 年 代 日 本 家 庭 中 的 小 廳 模 樣 ，凡 係 有 相 機 的 都 唔 會 放 過 在 此 狂 影 一 番。Order 少 少 甜 品 放 喺 枱 ，影 出 嚟 會 更 加 好 feel！而 餐 牌 似 係 一 張 油 臘 紙 ，內 容 會 因 應 季 節 時 令 而 改 動。 泡 啤 啤 ($22) 表 面 上 佢 係 一 支 啤 酒 ，其 實 佢 係 一 支 蘋 果 汁 ，雪 得 勁 冰 凍 ，味 道 比 一 般 超 市 的 貨 色 清 甜。 蘋 果 批 ($38) 係 和 菓 子？西 式 甜 點 嘛！所 以 叫 洋 和 菓 子。蘋 果 批 個 look 似 足 一 個 有 蓮 蓉 餡 的 菠 蘿 包 ，用 原 個 蘋 果 製 作 ，去 核 後 再 釀 上 吉 士 焗 製 而 成。因 為 即 叫 即 焗 ，所 以 外 層 的 酥 皮 鬆 脆 熱 烘 烘 ，而 果 肉 軟 熱 清 甜 兼 帶 有 肉 桂 香 ，必 定 成 為 店 內 的 招 牌 甜 點。 瓊 脂 ($38) 係 全 店 最 好 玩 的 甜 點 ，皆 因 要 自 己 落 手 製 作 ，瓊 脂 兩 條 ，狀 似 大 菜 糕 ，跟 剛 才 提 及 的 錦 玉 一 樣 ，都 係 以 海 藻 經 過 特 別 處 理 而 成 ，咁 點 玩 法 呢？ 長 長 的 木 盒 ，吉 之 島 10 蚊 店 有 得 賣 (但 盒 身 用 膠 做 的)，叫 做 涼 粉 切 條 器。將 瓊 脂 放 入 箱 內 壓 成 條 狀 出 來。就 咁 講 當 然 無 睇 片 咁 傳 神 ，可 以 睇 睇片 吧！ 瓊 脂 壓 成 條 狀 後 ，放 入 碗 內 的 自 選 蜜 汁 就 食 得 啦！ 瓊 脂 爽 滑 有 咬 口 ，可 以 選 配 柚 子 蜜 或 梅 子 蜜 伴 食 ，個 人 喜 好 後 者 ，味 道 濃 啲！食 落 酸 酸 甜 甜 好 醒 胃。 超 過 20 張 相 及 更 多 內 容 喺 我 Blog : http://hk.myblog.yahoo.com/choro-q/article?mid=85686 …Read More

晚 飯 時 段 ，隆 姐 、洋 一 、小 曼 谷 等 人 氣 食 店 門 口 堆 滿 人 等 位 ，呢 度 地 方 唔 細 ，卡 位 又 多 ，格 局 確 係 較 一 般 車 仔 麵 店 光 鮮 ，但 卻 得 小 貓 三 、四 隻 ，咁 怪 嘅？一 坐 低 ，即 時 知 乜 嘢 事 ，女 友 眉 頭 緊 皺 ，問 我 覺 唔 覺 有 異 味 ，我 都 有 少 少 覺 . . . 異 味 唔 係 嚟 自 新 裝 修 嘅 油 漆 味 ，而 係 . . . 唔 方 便 喺 度 講 啦！可 能 隔 鄰 舖 位 裝 修 緊 呱！異 味 肯 定 有 ，但 唔 太 濃 嘅！ 不 過 呢 . . . 衛 生 就 真 係 一 般 囉！阿 姐 執 完 餸 、淥 完 麵 ，轉 頭 坐 喺 一 張 咁 前 衛 嘅 designer chair 度 ，感 覺 . . . 嗯！加 上 好 幾 枱 客 人 走 咗 好 耐 都 唔 去 執 枱 ，已 經 扣 晒 分 啦！枱 面 一 張 柯 打 紙 都 無 嘅？原 來 要 先 搵 位 ，然 後 行 出 去 配 料 櫃 對 面 . . . 在 牆 上 我 覓 理 想 . . . 食 嘅 嘢！跟 住 轉 身 向 阿 姐 講 要 乜 麵 底 同 配 料 ，最 後 喺 旁 邊 嘅 收 銀 處 俾 錢 就 OK！配 料 接 近 30 款 唔 算 少 ，啲 名 仲 改 得 幾 爆 笑、懶 有 嘢 咁！好 似 冰 糖 南 乳 豬 手、皇 牌 幼 滑 河 粉、香 滑 豬 紅、童 年 魚 蛋、清 雞 湯 豬 皮 . . . 尤 其 是 童 年 魚 蛋 ，唔 知 係 屬 於 90 後 嘅 童 年 抑 或 60 後 嘅 童 年 呢？清 雞 又 唔 知 點 "劏" 豬 皮 呢？ 呢 度 標 榜 用 清 雞 湯 底 ，雜 誌 話 栢 檔 將 每 日 用 剩 嘅 雞 骨、加 上 豬 骨、金 華 火 腿、瑤 柱 碎、大 地 魚 等 ，熬 大 半 天 做 車 仔 麵 湯 底 ，呷 落 有 濃 濃 嘅 雞 湯 味 . . . Well！堅 定 流 就 費 事 講 ，但 熬 大 半 天 嘅 湯 底 都 咁 稀 咁 水 汪 汪 . . . 真 係 無 奶 油 囉！我 碗 4 餸 車 仔 麵 揀 咗 牛 腩 ($7)、蘿 蔔 ($5)、豬 紅 ($5)、冰 糖 南 乳 豬 手 ($7) 及 河 粉 ($8) ，Total 32 蚊 ，同 區 嚟 講 唔 算 平。皇 牌 幼 滑 河 粉 好 似 鴛 鴦 粉 ，有 啲 切 到 河 粉 咁 闊 ，有 啲 就 切 到 米 粉 咁 幼 ，最 慘 係 質 感 腍 到 好 似 台 灣 麵 線 咁。 冰 糖 南 乳 豬 手 ($7) 係 另 上 嘅！無 論 賣 相 同 份 量 都 同 雜 誌 照 片 相 差 好 遠 (預 咗 啦！)。豬 手 係 就 係 好 入 味 ，但 唔 多 似 南 乳 味 . . . 正 確 嚟 講 係 南 乳 味 過 甜 . . . 咁 囉！牛 腩 正 呀！韌 度 超 強 勁 ，要 出 九 牛 二 虎 x 2 嘅 牙 力 同 佢 鬥 過 ，我 年 紀 大 ，咬 咗 一 陣 就 頂 唔 順 ，吐 番 出 嚟！以 為 清 雞 湯 蘿 蔔 清 甜 無 渣 ，於 是 一 啖 咬 落 去 . . . 講 真 ，我 真 係 "哎 呀" 嗌 咗 一 聲 出 嚟！蘿 蔔 咁 生 硬 、都 唔 腍 嘅？ 女 友 碗 4 餸 車 仔 麵 揀 咗 魚 蛋 ($5)、魷 魚 ($7)、牛 筋 ($7)、金 錢 肚 ($7) 及 河 粉 ($8) ，Total 34 蚊。咖 喱 魷 魚 都 幾 韌 、唔 爽 口 ，亦 無 乜 咖 喱 味。牛 筋 就 腍 到 無 晒 彈 力 ，但 味 道 還 可 以 嘅！ 童 年 魚 蛋 . . . 唉！算 把 啦！係 金 錢 肚 夠 入 味 ，軟 腍 有 咬 口 ，叫 做 中 番 個 安 慰 獎 囉！更 多 內 容 及 照 片 喺 我 Blog : http://hk.myblog.yahoo.com/choro-q…Read More

九 龍 城 無 一 間 水 準 似 樣 嘅 日 本 料 理 ，呢 間 新 開 料 理 店 又 如 何 呢？Not bad！環 境 都 幾 舒 服 ，招 呼 亦 唔 錯 ，但 師 傅 刀 功 及 部 份 食 材 水 準 扣 咗 唔 少 分 ，笑 面 暫 時 俾 唔 落 手 ，本 來 試 餐 牌 上 的 推 介 及 掛 喺 牆 身 木 牌 上 嘅 是 日 新 鮮 到 港 精 選 比 較 穩 陣 一 點 ，於 是 點 咗 7 款 嘢 ，由 最 平 $18 嘅 厚 燒 玉 子 到 最 貴 嘅 $180 飛 魚 刺 身 ，結 果 . . . 北 海 道 魚 生 卷 ($33) 所 採 用 嘅 其 實 只 不 過 係 三 文 魚 肉 ，味 道 唔 錯 嘅！海 鮮 春 卷 ($23) 外 層 唔 夠 香 脆 ，反 而 捲 住 嘅 係 鮮 味 嘅 長 腳 蟹 肉 而 唔 係 超 市 蟹 柳 ，算 交 足 功 課。汁 煮 牛 脷 ($28) 同 行 嘅 2 位 異 性 朋 友 一 致 讚 賞 ，炆 得 軟 腍 夠 入 味。三 文 魚 刺 身 ($18) 只 得 薄 薄 2 片 ，似 乎 貴 了 一 點 ，去 尖 沙 咀 食 同 類 料 理 都 無 咁 貴。飛 魚 刺 身 ($180) 比 外 間 貴 10-15% 左 右 ，Fine！如 果 好 食 嘅 又 有 乜 所 謂 ，但 師 傅 刀 功 接 近 慘 不 忍 睹 ，好 多 片 都 切 到 蓉 蓉 爛 爛 ，其 中 幾 片 更 帶 有 明 顯 嘅 血 絲 . . . 不 是 吧？睇 相 啦！燒 三 文 魚 薄 餅 ($73) 落 單 時 侍 應 話 是 夜 飛 機 貨 未 到 ，未 能 供 應。然 而 ， 食 至 全 餐 飯 嘅 尾 聲 ，侍 應 又 話 飛 機 貨 剛 到 ，一 於 試 埋 吧！好 彩 都 幾 好 食。厚 燒 玉 子 ($18) 落 單 唔 夠 一 分 鐘 只 上 枱 ，快 到 在 座 3 個 人 都 O 晒 咀 ，輕 咬 一 啖 ，蛋 味 欠 奉 、只 有 雪 味 ，質 感 亦 偏 硬 ，雪 得 太 耐 之 故 ，差 啲 想 叫 唔 該 回 水。店 子 太 新 ，希 望 水 準 日 後 有 所 改 善 吧！…Read More

睇 資 料 知 道 Don Alfonso 1890 榮 獲 南 意 大 利 米 芝 蓮 星 級 餐 廳 最 高 評 價 ，而 呢 間 Macau 店 喺 新 葡 京 開 咗 只 不 過 3 年 鬆 啲 ，出 發 前 睇 過 資 深 食 友 KC 兄 去 年 暑 假 嘅 不 快 經 驗 ，個 心 其 實 15 、16 ，但 聽 朋 友 講 上 年 年 底 廚 師 嘅 班 底 換 過 晒 ，總 廚 一 職 現 改 由 年 輕 的 Vincenzo Castaldo 主 理 ，整 體 質 素 亦 提 昇 咗 ，於 是 抱 住 即 管 試 吓 嘅 心 態 去 食 ，好 彩！全 程 有 88% 係 滿 意 嘅！世 上 有 幾 多 100% 完 美 呢？有 88% 滿 意 度 已 經 好 勁。餐 廳 環 境 當 然 係 富 麗 堂 皇 ，整 個 室 內 設 計 跟 杜 拜 嘅 帆 船 酒 店 及 香 港 嘅 四 季 酒 店 均 出 自 同 一 名 家 嘅 手 筆。嚟 呢 類 fine dining 嘅 餐 廳 當 然 有 dress code ，唔 好 以 為 身 上 嗰 件 係 猿 人 tee ，踢 對 涼 鞋 就 俾 入 ，加 番 件 外 套 先 啦！一 籃 子 麵 包 有 軟 有 硬 ，最 吸 引 嘅 當 然 係 印 住 代 表 店 名 1890 嘅 麵 包 啦！麵 包 雖 然 唔 係 熱 辣 辣 出 爐 ，但 攞 上 手 依 然 係 暖 烘 烘 嘅！原 味 、蕃 茄 味 都 好 正。軟 身 麵 包 相 當 鬆 軟 ，輕 輕 力 一 按 ，慢 慢 彈 返 原 位 ，食 得 出 新 鮮 拱 焗。硬 身 包 我 唔 太 食 ，no comment。食 麵 包 一 向 少 點 牛 油 、黑 醋 、橄 欖 油 ，但 Alfonso 自 家 嘅 陳 年 黑 醋 及 橄 欖 油 亦 好 出 名 ，一 定 要 試 吓！ 店 中 嘅 餐 具 清 一 色 係 Hermes 嘅 出 品 ，感 覺 格 外 高 貴意 式 甜 椒 脆 粉 卷 釀 銀 雪 魚 慕 絲 及 甜 椒 泡 未 配 水 瓜 柳 汁 ($220) 係 相 當 清 新 健 康 嘅 頭 盆 ，4 款 賣 相 精 緻 嘅 小 物 全 部 係 以 唔 同 嘅 新 鮮 蔬 菜 製 作 而 成 ，佐 以 水 瓜 柳 汁。銀 雪 魚 慕 絲 味 道 比 較 清 淡 ，蘸 少 少 甘 香 嘅 水 瓜 柳 汁 去 提 味 反 而 有 佳 嘅 效 果。呢 一 款 我 最 有 印 象 ，望 落 似 粒 海 綿 ，原 來 係 用 黃 椒 整 成 ，入 口 好 香 香 甜 甜 ，但 最 得 意 嘅 係 好 有 泡 沫 感 覺。脆 粉 卷 釀 銀 雪 魚 慕 絲 製 法 似 意 大 利 肉 卷 ，外 皮 薄 身 鬆 脆 ，裡 面 嘅 銀 雪 魚 慕 絲 入 口 即 溶。下 面 軟 綿 綿 帶 點 微 辣 嘅 其 實 係 紅 椒 嚟！都 幾 有 驚 喜 架！南 意 大 利 蕃 茄 湯 配 淡 水 小 龍 蝦 及 香 草 ($140) 係 一 道 相 當 令 人 回 味 嘅 菜 式 ，亦 盡 情 展 現 到 何 謂 fine dining。小 龍 蝦 肉 size 雖 然 細 ，但 肉 質 鮮 味 十 足。女 侍 應 捧 住 一 壺 熱 氣 騰 騰 嘅 意 大 利 蕃 茄 湯 順 時 針 倒 於 小 龍 蝦 嘅 外 圍 ，濃 濃 嘅 蕃 茄 鮮 香 即 時 四 散。蕃 茄 係 嚟 自 意 大 利 南 部 盛 產 蕃 茄 嘅 Campania ，Don alfonso 嘅 自 家 菜 園 ，香 草 則 嚟 自 Punta Campanella 指 定 嘅 獨 家 供 應 商 ，盡 見 餐 廳 對 各 種 配 料 嘅 嚴 謹 及 一 絲 不 苟 嘅 態 度。蕃 茄 湯 非 常 濃 稠 ，飲 完 咀 唇 仍 帶 住 陣 陣 蕃 茄 鮮 香 ，久 而不 散 ，跟 龍 蝦 肉 一 齊 放 入 口 ，美 味 得 難 以 形 容。傳 統 螺 絲 粉 伴 地 中 海 蜆 及 黃 瓜 ($150) 超 特 別 ，那 塊 一 大 片 炸 到 脆 卜 卜 嘅 ，原 來 係 黃 瓜 嘅 花 瓣 ，味 道 帶 有 少 少 甘 澀 ，螺 絲 粉 煮 到 啱 啱 好 夠 Al Dente ，柔 韌 有 咬 口 ，但 味 道 就 稍 嫌 鹹 咗 啲 啲！地 中 海 蜆 肥 嘟 嘟 、夠 飽 滿 ，味 道 鮮 甜 爽 口。炸 海 鱸 魚 雲 吞 配 醃 檸 檬 皮 及 特 色 香 料 甘 荀 蓉 ($380) 有 一 大 件 意 大 利 雲 吞 於 碟 中 ，外 圍 點 上 甘 荀 蓉。將 雲 吞 切 開 ，內 裡 嘅 海 鱸 魚 仍 然 係 熱 烘 烘 嘅！魚 肉 鮮 嫩 滑 溜 又 juicy ，唯 一 嘅 遺 憾 係 我 掛 住 食 ，忘 記 影 相 ， 雲 吞 皮 炸 到 金 黃 鬆 脆 ，相 當 香 口。Neapolitan 脆 葉 釀 玉 桂 忌 廉 及 櫻 桃 ($90) 係 Don Alfonso 嘅 招 牌 甜 品 ，豈 能 不 試？Neapolitan 睇 外 表 都 知 道 有 幾 酥 脆 ，數 以 十 層 嘅 酥 皮 層 層 疊 ，咬 落 去 香 脆 鬆 化 到 不 得 了 之 餘 ，仲 滲 出 清 新 嘅 肉 桂 香。 櫻 桃 醬 香 噴 噴 、甜 到 膩 ，配 合 酥 脆 嘅 Neapolitan 更 惹 味餐 後 點 杯 Cappuccino 中 和 吓！味 道 無 驚 喜 但 水 準 不 俗。凍 咖 啡 則 麻 麻 哋！唔 夠 香 濃 ，可 能 加 啲 嘢 會 好 啲 . . . Petit four 係 咖 啡 伴 侶 ，5 款 小 食 賣 相 一 般 ，但 部 份 味 道 唔 錯 ，用 嚟 送 咖 啡 個 人 推 介 果 撻 及 中 間 嘅 布 朗 尼 蛋 糕。 如 果 唔 想 好 似 我 咁 散 點 ，想 經 濟 啲！呢 度 亦 有 幾 款 lunch set ，價 錢 都 係 $300-$400 左 右 ，相 當 抵 食 架！更 多 相 片、更 多 詳 情 喺 我 Blog : http://hk.myblog.yahoo.com/choro-q…Read More

最 驚 喜 係 呢 間 日 式 串 燒 店 都 幾 正 宗 ，竟 然 係 採 用 炭 爐 燒 烤 ，仲 係 用 備 長 炭 添！雖 然 喺 好 nice 嘅 老 闆 娘 同 意 下 影 咗 相 ，但 基 於 一 份 尊 重 ，最 後 決 定 都 係 唔 出 炭 爐 嘅 相。 食 串 燒 ，切 忌 一 次 過 點 太 多 串 ，每 次 只 點 幾 串 ，嚟 到 再 點 下 一 輪 ，食 每 一 串 都 keep 住 咁 熱 ，食 得 更 happy！隱 泉 有 幾 和 風 feel？入 門 口 前 已 經 感 覺 到！入 去 正 門 前 先 經 過 日 式 庭 園 小 路 ，去 到 正 門 記 得 要 除 鞋 ，無 著 襪 嗎？放 心 ，門 口 已 預 備 好 拖 鞋 供 應。呢 度 裝 修 靚 到 極 ，一 邊 係 塌 塌 米 ，另 一 邊 係 吧 檯。一 個 形 格 老 闆 娘 加 一 個 靚 女 店 員 ，招 呼 殷 勤 到 極。串 燒 接 近 50 款 ，以 小 店 嚟 講 都 算 多 ，食 材 大 部 份 嚟 自 日 本 ，以 雞 做 主 打 嘅 多 達 12 款 ，雞 肉 係 用 出 名 嘅 日 本 赤 地 雞 ，由 普 通 嘅 雞 翼 、雞 肉 捧 、雞 軟 骨 ，到 雞 皮 、雞 珍 、雞 肝 甚 至 雞 掌 肉 、雞 頸 肉 都 一 樣 有 得 供 應。唯 一 要 挑 剔 嘅 係 佢 哋 嘅 訂 價 偏 高 ，平 均 比 城 中 幾 間 人 氣 日 式 串 燒 店 還 要 貴 ，店 方 要 多 留 意。餐 具 頗 精 緻 ，色 調 簡 潔。奉 客 嘅 熱 燙 玄 米 茶 質 素 亦 唔 錯。泡 菜 作 為 串 燒 嘅 前 奏 ，酸 酸 哋 係 幾 開 胃 嘅！不 過 . . .竟 然 每 位 要 收 $20 碟 . . . 似 乎 . . . .老 闆 娘 話 喺 日 本 訂 番 嚟！只 此 一 家 、出 面 無 得 賣 嘅 香 蕉 梅 酒 ，咁 特 別？我 樂 於 一 試。$60 一 杯 份 量 都 唔 少 ，老 闆 娘 見 我 只 試 一 杯 ，好 體 貼 咁 幫 我 分 成 兩 小 杯。我 一 飲 . . . 即 愛 上 ，梅 酒 透 出 清 香 嘅 蕉 味 ，但 又 唔 會 蓋 過 本 身 嘅 梅 味 ，一 小 杯 已 經 夠 你 慢 慢 嗒！最 後 我 當 然 有 encore 多 一 杯 啦！但 埋 單 後 至 知 收 $60 杯 ，之 前 問 價 時 明 明 係 話 $50 嘛 . . .試 咗 多 款 串 燒 ，大 部 份 都 燒 得 極 有 水 準 ，尤 其 是 燒 雞 類 ，詳 細 可 以 睇 我 個 Blog。喺 度 講 最 唔 合 格 嘅！希 望 店 方 睇 到 會 改 善 吧！串 燒 飯 團 ($28) 係 全 晚 最 令 我 失 望 嘅 串 燒 ，飯 團 唔 係 燒 焦 ，而 係 燒 燶 ，唯 有 解 釋 係 炭 火 較 難 控 制 吧！但 最 頂 唔 順 係 個 賣 相 ，一 啲 都 唔 吸 引。粟 米 ($38) 咁 貴 仲 以 為 係 嚟 自 日 本 某 個 縣 嘅 名 物 ，嚟 到 見 到 燒 得 唔 靚 ，食 落 亦 味 淡 淡 ，$10 都 唔 值。埋 單 $640 ，偏 貴！但 食 個 view 、食 個 feel 、食 炭 燒 . . . 又 值 得 放 喺 周 末 推 介 嘅！希 望 以 上 2 款 串 燒 嘅 水 準 日 後 有 改 善 啦！My Blog : http://hk.myblog.yahoo.com/choro-q…Read More

Paisano's 喺 美 國 有 2 間 分 店 ，Nice 到 極 嘅 意 大 利 藉 老 闆 Alonse Morelli 嘅 製 餅 手 藝 師 承 美 國 百 年 老 字 號 薄 餅 店 ，所 以 店 內 所 賣 嘅 pizza 都 係 紐 約 派 厚 批。除 咗 pizza ，佢 哋 亦 有 供 應 多 款 沙 律 及 意 大 利 最 地 道 嘅 意 式 餡 餅 Calzone 及 三 文 治 等。小 店 格 局 簡 潔 舒 適 ，主 力 做 外 賣 生 意 ，所 以 座 位 只 有 30 個 左 右 ，以 2 人 枱 為 主 ，最 大 嘅 枱 頂 盡 只 坐 到 7 個 人 ， 所 以 約 咗 7 個 朋 友 齊 齊 入 西 貢 挑 戰 24 吋 超 級 大 pizza。當 晚 7 個 人 食 到 超 開 心 ，由 黃 昏 食 到 舖 頭 關 門 ，食 足 4 粒 鐘 ，2 位 店 員 nice 到 極 ，老 闆 Alonse 又 講 得 笑 又 玩 得 ，臨 走 仲 應 承 咗 send 番 啲 相 俾 佢 添！呢 晚 雖 然 只 係 閒 日 ，但 24 吋 pizza 幾 乎 無 停 過 咁 有 客 買 走 ，當 中 9 成 都 係 外 國 客 ，2 位 招 呼 一 流 嘅 靚 仔 做 到 無 停 手。Antipasto Salad ($75) 真 材 實 料 、份 量 十 足 ，配 料 有 蒜 味 鹹 臘 腸 、辣 味 香 腸 、Provolone 芝 士、Mozzarella 芝 士 、熟 香 腸 火 腿 及 新 鲜 蔬 菜 等 ，Dressing 我 自 己 落 咗 至 愛 嘅 黑 醋。24 吋 薄 餅 視 乎 配 料 嘅 組 合 或 多 少 去 收 費 ，由 $180 到 最 貴 嘅 $320。 配 料 多 達 15 款 ，任 你 自 己 組 合 ，亦 可 請 店 員 代 選 ，除 咗 24 吋 特 大 pizza ，仲 有 14 及 16 吋 2 種 size 可 以 揀 Pizza 我 哋 揀 咗 最 貴 嘅 All The Way ，Pizza 係 即 叫 即 製 ，可 以 喺 店 內 欣 賞 到 老 闆 嘅 高 超 手 藝 ，而 店 員 拋 餅 、做 餅 手 勢 亦 到 家， 擺 放 配 料 相 當 有 心 機 ，靚 到 未 焗 已 經 流 晒 口 水。All The Way ($320) Pizza 需 時 20-25 分 鐘 至 焗 好。熱 烘 烘 、香 噴 噴 、超 震 撼。配 料 勁 多 ，甜 椒 、蔥 、蘑 菇 、黑 橄 榄 、蕃 茄 、大 蒜 、菠 菜 、Mozzarella 芝 士 、火 腿 、莎 樂 美 腸 . . . 乜 都 有。賣 相 靚 到 殺 死 人！24 吋 pizza 唔 只 得 個 大 字 ，味 道 仲 超 超 超 好 味 ，芝 士 又 多 味 又 香！配 料 堆 得 滿 滿 ，餅 邊 香 脆 ，餅 身 鬆 軟 . . . 好 耐 無 嘆 個 咁 正 嘅 pizza 啦！食 完 之 後 ，老 闆 鬼 馬 咁 攞 個 裝 24 吋 pizza 嘅 巨 盒 俾 我 哋 輪 住 影 相 ，我 仲 忘 形 到 連 門 口 相 都 唔 記 得 影 ，唯 有 用 老 闆 張 靚 仔 相 做 住 生 招 牌 先 啦！呢 晚 飲 埋 嘢 ，一 人 都 係 夾 咗 幾 十 蚊 ，抵 到 爆！更 多 內 容 更 多 得 意 相 喺 我 Blog : http://hk.myblog.yahoo.com/choro-q…Read More

這 是 我 喺 網 上 寫 食 評 四 年 幾 以 嚟 ，幫 襯 過 接 近 1000 間 食 店 之 中 ，最 憤 怒 、最 不 滿 嘅 一 次。所 有 合 資 格 成 為 黑 店 嘅 元 素 ，包 括 店 員 態 度 差 、無 招 呼 、入 座 安 排 混 亂 、漏 單 、出 單 次 序 混 亂 、貨 不 對 辦 、誇 張 失 實 、生 嘢 未 整 熟 . . . 一 次 過 可 以 發 生 喺 同 一 間 店 . . . 夠 經 典 吧？未 算 . . .上 星 期 五 晚 ，如 果 你 都 喺 京 魂 ，你 或 會 遭 遇 到 以 上 部 份 或 全 部 或 更 多 嘅 情 況 ，因 為 當 晚 除 咗 我 ，仲 見 到 附 近 好 幾 枱 客 先 後 向 店 員 投 訴 ，埋 單 離 開 嘅 ，無 一 個 唔 係 面 黑黑。新 開 張 嘅 京 魂 ，號 稱 全 九 龍 城 唯 一 一 間 串 燒 專 門 店。去 到 門 口 ，見 到 招 牌 有 啲 面 善 ，原 來 佢 係 食 評 網 上 劣 評 如 潮 嘅 "燒 魂" 所 開 嘅 新 店 ，故 事 由 未 入 去 嗰 刻 開 始 . . . 我 同 女 友 見 門 口 無 侍 應 接 待 ，於 是 入 去 攞 位 ，侍 應 話 暫 時 未 有 位 ，喺 門 口 等 等 先。之 後 有 另 外 2 對 互 不 相 識 嘅 情 侶 嚟 到 ，6 個 人 齊 齊 等 ，無 幾 耐 有 個 女 侍 應 攞 咗 啲 宣 傳 單 張 及 點 菜 單 行 到 近 門 口 ，派 俾 大 家 參 巧 之 際 ，有 個 企 喺 收 銀 機 較 高 級 嘅 男 店 員 離 遠 向 女 侍 應 大 聲 呼 喝 :「唔 駛 理 出 面 啲 人 啦！你 番 入 嚟！同 我 企 定 喺 度 . . .」Well！佢 公 開 咁 大 聲 去 鬧 下 屬 ，係 唔 太 好 ，但 都 叫 做 唔 關 我 事。但 頭 嗰 句 就 好 有 問 題 ，我 哋 係 等 入 嚟 幫 襯 嘅 客 人 ，唔 係 "啲" 人 ，乜 客 人 可 以 唔 駛 理 嘅 咩？大 家 聽 完 ， 2 對 情 侶 即 時 走 咗 ，而 差 唔 多 時 間 店 內 亦 有 6 個 女 仔 客 一 邊 離 開 ，一 邊 黑 面 咁 話 去 第 二 度 食 過。店 內 有 6 個 位 吉 咗 ，但 無 人 招 呼 我 哋 入 去 坐 ，正 感 疑 惑 之 際 ，有 一 個 男 人 入 咗 去 對 侍 應 話 2 位 ，即 刻 有 得 安 排 入 座 . . . 我 當 然 即 時 入 去 問 嗰 個 高 級 店 員 ，點 解 我 要 企 咁 耐 門 口？人 哋 唔 駛？佢 即 時 講 咗 句 唔 好 意 思 ，叫 我 哋 隨 便 坐。可 能 你 會 問 :「你 咁 都 仲 唔 走？」我 見 都 等 咗 咁 耐 ，個 場 又 咁 爆 ，照 食 囉！呢 度 無 乜 裝 修 可 言 ，上 手 本 身 都 係 做 日 本 料 理 ，枱 仔 又 多 又 細 細 張 逼 逼 狹 狹 ，坐 得 唔 係 太 舒 服。串 燒 師 傅 嘅 手 勢 亦 唔 正 宗 ，相 當 MK ，莫 講 話 跟 尖 沙 咀 或 銅 鑼 灣 啲 日 式 串 燒 專 門 店 有 天 淵 之 別 ，就 連 我 愛 去 嘅 鳥 羽 名 古 屋 日 本 料 理 ，師 傅 嘅 手 勢 都 純 熟 及 有 心 機 過 佢 好 多 ，一 睇 就 知 無 得 呃 嘅！剔 好 點 菜 單 ，見 咁 耐 水 都 無 杯 招 呼 ，算 啦！叫 個 侍 應 幫 我 哋 落 單 ，佢 竟 然 話 : 「攞 張 紙 去 櫃 枱 俾 錢 先 啦！」 吓？我 無 聽 錯 呀？自 己 埋 去 收 銀 機 度 俾 錢 先？串 燒 專 門 店 竟 然 要 好 似 去 大 家 樂 咁 ，客 人 要 喺 櫃 枱 俾 咗 錢 先。你 試 過 未 呀？我 就 真 係 第 一 次 囉！俾 完 錢 ，見 排 喺 我 後 面 個 客 嚟 完 汽 水 又 嚟 埋 串 燒 ，但 我 張 枱 就 空 蕩 蕩 一 片 ，最 諷 刺 嘅 係 ，有 個 侍 應 攞 住 堆 放 竹 簽 嘅 筒 逐 枱 派 ，去 到 我 張 枱 時 問 :「先 生 ，你 啲 串 燒 係 咪 嚟 晒 啦？」我 好 唔 開 心 ，回 咗 一 句 :「一 串 都 未 嚟 呀！」 "又" 再 問 個 高 級 店 員 ，佢 今 次 連 唔 好 意 思 都 慳 番 ，粒 聲 唔 出 望 吓 張 單 就 走 去 攞 2 罐 汽 水 埋 嚟 放 低 即 閃 . . . 呢 段 期 間 ，後 面 有 枱 2 大 1 細 嘅 家 庭 投 訴 緊 碟 串 燒 有 問 題 ，右 邊 有 個 男 仔 向 侍 應 投 訴 有 單 落 咗 好 耐 都 仲 未 到 ，近 牆 邊 又 有 枱 客 催 罐 已 經 俾 咗 錢 嘅 汽 水 催 咗 2 次 都 未 到 . . .新 店 開 張 期 間 ，有 款 魂 串 燒 盛 合 包 括 澳 洲 黑 毛 和 牛 + 足 7 吋 長 築 地 花 竹 蝦 + 迷 你 番 茄 total 3 串 都 只 係 收 $20？有 無 咁 筍 呀？上 到 枱 至 知 賣 $20 唔 係 無 可 能 ，澳 洲 黑 毛 和 牛 細 串 到 乜 嘢 咁 . . . . 足 7 吋 長 築 地 花 竹 蝦？散 叫 一 隻 要 $18？某 份 免 費 報 紙 報 導 話 超 值 到 叫 你 自 己 買 嚟 燒 都 唔 得？生 果 報 報 導 話 街 市 叫 價 過 百 元 得 幾 隻？自 己 月 初 至 買 過 4 隻 花 竹 沒 錯 係 要 $140 ，但 人 家 係 游 水 活 花 竹 兼 size 大 一 倍 有 多 ，佢 呢 啲 咁 細 隻 嘅 冰 鮮 花 竹 喺 出 面 只 係 賣 $10 左 右 一 隻 ，呢 度 賣 $18 已 經 賣 一 隻 賺 一 隻 啦！啲 記 者 都 唔 知 去 過 街 市 未 就 吹 得 就 吹！築 地 花 竹 蝦 足 7 吋 長？知 唔 知 一 支 原 子 筆 有 幾 長？5 吋 至 5 吋 半 左 右 吧！足 7 吋 長 . . . 我 諗 係 計 埋 支 竹 簽 啦！和 牛 串 燒 盛 合 ($38) 號 稱 係 鎮 店 必 食 之 作。3 串 和 牛 由 近 到 遠 分 別 係 日 本 A4 和 牛 、澳 洲 黑 毛 和 牛 卷 及 安 格 斯 一 口 牛。中 間 嘅 澳 洲 黑 毛 和 牛 卷 賣 相 真 係 . . . 超 肉 酸。4 和 牛 燒 到 又 韌 又 無 肉 味 ，安 格 斯 一 口 牛 叫 做 燒 比 較 好 兼 多 肉 汁。比 內 雞 串 燒 盛 合 ($28) 包 括 日 本 比 內 雞 肉 串 、燒 手 羽 先 及 礦 鹽 燒 雞 皮。我 哋 叫 咗 2 set 盛 合 共 6 串 ，但 嚟 到 只 得 一 串 燒 雞 翼 及 一 串 燒 雞 皮 . . .竟 然 漏 咗 4 串 咁 多？見 負 責 人 返 到 店 內 ，即 時 作 出 投 訴 ，店 長 望 咗 一 陣 ，就 話 漏 咗 隻 雞 翼 ，即 刻 燒 番 俾 我 ，呢 個 時 候 嘅 佢 仲 係 好 有 禮 貌 嘅 . . . 但 佢 返 轉 頭 我 再 問 佢 ，其 實 仲 漏 咗 2 串 比 內 雞 肉 串 及 一 串 礦 鹽 燒 雞 皮 喎 . . . 氣 氛 開 始 唔 係 咁 好 . . . 雞 腳 筋 串 ($10) 燒 到 乾 硬 化 ，部 份 燒 到 變 咗 粒 炭禽 豚 羊 串 燒 盛 合 ($38) 包 括 煙 鴨 胸 、鹿 兒 島 黑 豚 肉 及 美 國 羊 仔 肉 串 ，鹿 兒 島 黑 豚 串 出 咗 事 . . . 我 影 其 他 串 燒 相 嘅 時 候 ，女 友 攞 起 鹿 兒 島 黑 豚 串 咬 咗 一 啖 就 即 時 吐 出 ，兼 話 乜 咁 生 嘅？我 望 一 望 即 火 起 ，豚 肉 就 咁 燒 一 燒 ，由 裡 到 外 根 本 都 未 熟 ，色 澤 白 裡 透 粉 紅 到 直 情 係 生 嘅 啦！師 傅 係 咪 盲 架？知 唔 知 生 豬 肉 會 食 壞 人 架？忍 唔 住 再 叫 店 長 埋 嚟 ，好 串 咁 講 咗 句 :「請 問 你 哋 嘅 黑 豚 串 係 唔 係 生 食 架？」店 長 即 時 黑 面 亦 回 咗 一 句 :「得 得 得！唔 駛 咁 講 嘢 嘅！」即 時 攞 起 串 生 豬 肉 走 到 師 傅 面 前 ，提 高 聲 線 好 大 聲 咁 話 :「人 哋 話 豚 肉 係 唔 係 生 食 架？」即 係 暗 示 我 串 佢 ，喺 到 攪 事 啦！黑 豚 串 燒 返 俾 我 係 咁 樣 嘅 ，大 吓 睇 吓 相 差 幾 遠。我 哋 無 食 到 ，串 燒 一 到 ，影 張 遺 照 ，然 後 起 身 走 人。咁 嘅 黑 店 你 都 仲 敢 去 幫 襯？更 多 照 片 及 內 容 請 到 我 Blog : http://hk.myblog.yahoo.com/choro-q…Read More

啲 人 真 涼 薄 ，唔 識 食 或 唔 啱 自 己 口 味 就 亂 咁 俾 喊 面 ，仲 要 侮 辱 大 家 嘅 智 慧 ，睇 真 啲 其 他 食 評 ，無 數 俾 笑 面 嘅 食 家 都 寫 咗 數 百 甚 至 過 千 食 評 ，話 事 頭 婆 自 己 寫 食 評？用 吓 腦 啦！我 夠 可 以 話 呢 度 有 行 家 舖 頭 拍 烏 蠅 ，得 閒 無 嘢 做 上 嚟 中 傷 人。早 2 日 食 完 超 難 食 嘅 漁 民 樂 ，我 哋 食 唔 晒 就 埋 單 ，去 咗 附 近 嘅 車 品 品 再 食 過 ，一 肚 火 之 下 遇 上 事 頭 婆 開 朗 話 潑 嘅 笑 容 ，火 氣 即 時 消 失 一 半。落 單 時 諗 住 順 便 點 杯 熱 冬 瓜 茶 降 火 啦！事 頭 婆 笑 笑 口 話 今 日 有 凍 喎！試 唔 試 吓 呀？唔 係 成 日 都 有 架 . . . 呢 啲 咪 叫 服 務 囉！仲 係 發 自 內 心 嘅！兼 且 每 上 一 道 菜 都 無 微 不 至 咁 提 醒 你 "小 心 熱 呀"、"攪 勻 啲 至 飲 呀"、"要 加 辣 埋 邊 有 辣 菜 甫 呀" . . . 唉！咁 體 貼 嘅 老 闆 娘 去 邊 度 搵？忍 唔 住 埋 完 單 同 事 頭 婆 講 :「唔 好 理 網 上 食 評 嗰 一 小 撮 無 謂 人 啦！俾 心 機 ，仲 有 好 多 人 支 持 妳 架！」臨 走 前，同 老 闆 娘 Total 影 張 靚 相 先 . . . 係 呀！小 狗 係 老 闆 娘 ，招 呼 大 家 嘅 係 事 頭 婆 ，唔 好 再 叫 錯 啦！腩 汁 蘿 蔔 ($6) 因 為 點 餸 紙 寫 住 最 少 要 點 2 樣 嘢 ，所 以 好 多 食 友 都 以 為 食 蘿 蔔 一 定 要 配 多 樣 餸 ，其 實 叫 雙 份 白 蘿 蔔 都 OK 架！白 蘿 蔔 清 甜 無 渣 嘅 程 度 喺 香 港 都 算 數 一 數 二。食 完 車 品 品 再 食 大 利 嘅 蘿 蔔 ，你 就 會 知 道 麻 油 蘇 幾 咁 井 底 之 蛙 、幾 咁 無 料 到。三 溝 ($21) 即 魚 肉 、生 菜 加 碗 仔 翅 ，大 大 碗 真 材 實 料。瘦 肉 絲 係 有 肉 味 嘅 新 鮮 手 撕 豬 肉 ，幾 片 無 菇 邊 花 菇 夠 軟 腍 ，魚 肉 彈 牙 . . . 但 我 欣 賞 嘅 仲 有 佢 嘅 湯 頭 ，熬 得 清 甜 夠 火 候 ，飲 完 都 唔 會 口 渴 ，味 精 無 添 加 嘛！事 頭 婆 的 超 麻 不 辣 米 線 仔 ($14) 係 去 年 底 推 出 嘅 新 品 ，麻 而 不 辣 ，仲 要 係 超 麻！食 之 前 真 係 要 有 心 理 準 備 ，同 埋 最 好 叫 定 一 杯 飲 品 穩 陣 啲 . . . 米 線 仔 一 小 鍋 上 ，唔 好 低 估 佢 嘅 威 力 ，我 同 女 友 要 合 力 兼 用 咗 唔 少 時 間 至 可 以 完 全 征 服 到 佢 . . . 米 線 仔 熱 氣 騰 騰 ，無 乜 花 巧 ，第 一 啖 . . . 的 確 麻 而 無 半 點 辣 味 ，好 過 癮 喎！但 咀 唇 感 覺 到 麻 味 漸 漸 增 強 . . . 唔 係 講 笑 ， 咀 唇 嘅 麻 味 越 嚟 越 強 ，即 使 停 晒 手 ，麻 味 依 然 揮 之 不 去 ，甚 至 攻 到 上 腦 . . . 實 在 太 刺 激 ，但 又 忍 唔 住 繼 續 食 ，記 住 要 細 細 啖 慢 慢 食 ，唔 係 就 . . .終 於 明 白 米 線 仔 為 乜 咁 細 窩 . . . 乜 嘢 叫 超 麻 不 辣。冬 瓜 茶 ($10) 唔 係 經 常 有 ，凍 飲 版 本 更 少 ，所 以 呢 晚 唔 只 試 齊 冷 熱 版 本 ，仲 正 到 encore 咗 一 round。冬 瓜 茶 用 天 然 紅 糖 及 貴 價 嘅 灰 冬 瓜 去 煲 足 10 個 鐘。靜 靜 話 你 知 ，冷 同 熱 嘅 冬 瓜 茶 係 2 種 完 全 唔 同 嘅 感 覺。凍 冬 瓜 茶 冰 涼 甜 潤 ，生 津 止 渴。但 甜 味 跟 熱 飲 嘅 味 道 又 好 唔 同。熱 冬 瓜 茶 比 凍 嘅 更 滋 潤 ，仲 有 超 好 味 嘅 清 甜 冬 瓜 肉 增 添 口 感 ，而 熱 嘅 冬 瓜 茶 味 道 相 當 似 麥 芽 糖 ，好 特 別！開 心 咁 入 去 ，過 癮 咁 離 開！多 謝 事 頭 婆！更 多 相 、更 多 內 容 喺 我 Blog : http://hk.myblog.yahoo.com/choro-q…Read More

得 罪 講 句 ，下 面 個 食 評 肯 定 係 打 手 所 為 ，忍 唔 住 開 聲 ，俾 大 家 睇 吓 個 事 實。店 子 小 小 ，簡 潔 嘅 茶 記 格 局 ，主 打 魚 湯 火 鍋 、魚 湯 麵 食。招 呼 唔 錯 ，感 覺 本 來 係 幾 好 嘅！但 食 物 賣 相 跟 店 內 宣 傳 照 片 出 入 之 大 ，去 到 匪 夷 所 思 嘅 地 步，直 接 講 即 係 搵 客 笨 ，就 連 烹 調 水 準 都 唔 合 格 ，味 道 完 全 貨 不 對 辦。食 完 . . . 應 該 係 話 未 食 完 已 經 後 悔 到 不 得 了。漁 民 大 雜 麵 套 餐 即 係 乜 配 料 都 有 ，10 個 餸 唔 逐 一 提 ，自 己 睇。價 錢 貴 過 附 近 車 品 品 嘅 同 類 出 品 ，但 俾 面 佢 用 魚 湯 所 以 咁 貴 吧？女 友 見 可 以 配 魚 湯 冬 蔭 公 ，於 是 加 $2 試 試 ，再 加 $4 要 一 杯 凍 飲 ，又 加 $7 試 吓 好 似 有 啲 料 嘅 漁 民 香 辣 雞 翼 . . . 最 後 變 成 一 個 $53 嘅 套 餐 . . .漁 民 香 辣 雞 翼 一 睇 已 經 心 知 不 妙 ，唔 係 即 叫 即 炸 ，而 係 一 早 炸 起 再 翻 叮 嘅！咬 一 吓 更 加 肯 定 ，雞 翼 size 只 係 比 手 指 公 大 啲 啲 ，所 謂 漁 民 香 辣 只 不 過 喺 雞 翼 上 面 加 少 少 味 道 勁 似 臭 豆 腐 嘅 醬 汁 ，既 不 香 也 不 辣 ，失 敗！漁 民 大 雜 麵 大 大 張 沙 龍 靚 相 放 喺 枱 面 ，大 堆 餸 跟 魚 湯 通 心 米 線 分 開 上 ，吸 引 到 極！事 實 呢？漁 民 大 雜 魚 湯 冬 蔭 公 通 心 米 線 嘅 現 實 版 竟 然 係 撈 埋 一 堆 樣 衰 衰 . . . 我 哋 2 個 一 齊 惘 惘 然 ，仲 以 為 嚟 錯 咗 嘢。10 款 餸 嘅 份 量 亦 比 照 片 所 顯 示 嘅 大 縮 水 ，凡 立 貝 2 變 1 、蟹 柳 3 減 2 . . . 味 道 亦 唔 掂 ，帶 子 鮮 味 欠 奉 ，冬 菇 唔 夠 腍 、蘿 蔔 有 渣 、白 魚 蛋 質 感 死 實 又 無 味 . . . 最 離 譜 係 冬 蔭 公 嘅 味 道 直 情 貨 不 對 辦 ，就 咁 俾 你 飲 包 你 一 世 都 飲 唔 出 佢 係 冬 蔭 公 ，湯 底 亦 熬 得 唔 夠 火 候。魚 湯 冬 蔭 公 唔 係 未 飲 過 ，夠 火 候 嘅 魚 湯 ，香 濃 嘅 味 道 係 唔 會 俾 冬 蔭 公 蓋 過。通 心 米 線 亦 過 腍 . . .女 友 食 剩 半 碗 再 無 辦 法 食 落 去 ，我 幫 手 食 咗 2 啖 亦 要 放 棄 ，我 知 係 好 無 衣 食 ，但 咁 嘅 味 道，真 係 食 唔 落 . . . 吉 列 豬 扒 蛋 包 飯 ($34) 配 日 式 咖 喱 汁 係 寫 喺 黑 板 上 嘅 廚 師 推 介 ，但 味 道 仲 衰 過 快 餐 店 集 團 嘅 出 品。咖 喱 汁 稀 稀 ，香 味 欠 奉 ，比 超 市 嘅 即 食 咖 喱 還 要 差。蛋 包 飯 其 實 只 係 蛋 蓋 飯 ，根 本 就 無 埋 到 口 . . . 唉！雞 蛋 煎 到 好 似 紙 咁 薄 ，又 乾 又 無 蛋 香 ，切 開 一 睇 ，蛋 包 住 嘅 竟 然 係 唔 熱 又 唔 軟 熟 嘅 白 飯 ，失 望 到 極 點 呀！吉 列 豬 扒 完 全 唔 熱 唔 香 脆 ，肉 質 韌 到 極 ，疑 似 一 早 炸 定 ，大 快 活 仲 好 食 過 佢 ，起 碼 香 脆 熱 辣 辣。凍 檸 茶 無 茶 香 ，水 準 一 般。凍 柚 子 蜜 色 如 灰 水 ，只 得 柚 子 ，無 落 honey！ 開 心 咁 入 去 ，無 癮 咁 離 開！…Read More

呢 度 店 如 其 名 ，主 打 游 水 海 鮮 ，睇 得 出 魚 缸 水 質 相 當 唔 錯 ，海 蝦 、海 魚 游 得 好 醒 神。店 內 大 黑 板 上 清 一 色 係 點 菜 紙 無 嘅 當 日 新 鮮 供 應 靚 海 鮮 ，有 唔 少 稀 有 嘅 魚 類 ，價 錢 都 幾 貴 ，但 唔 算 搶 錢。跟 老 友 嚟 試 吓 呢 度 嘅 招 牌 火 焰 海 鮮 龍 蝦 湯 底 ，此 店 新 開 張 唔 夠 2 個 星 期 ，我 都 係 之 前 喺 附 近 食 甜 品 時 無 意 中 發 現 佢 咋！活 漁 地 方 比 較 細 ，似 茶 餐 廳 嘅 格 局 但 裝 修 走 中 高 檔 路 線 ，卡 位 尚 算 闊 落 ，但 靠 背 皮 位 太 硬 身 唔 太 好 坐。火 鍋 湯 底 及 配 料 嘅 價 錢 比 同 區 貴 ，款 式 亦 比 較 少 ，就 連 豆 腐 、芋 絲 呢 啲 基 本 火 鍋 料 都 無？但 又 竟 然 有 超 過 10 款 刺 身？仲 有 椒 鹽 瀨 尿 蝦 、脆 炸 雞 軟 骨 呢 類 小 菜？都 幾 騎 呢 吓！店 太 新 ，客 唔 算 多 ，但 上 菜 比 較 慢 兼 有 漏 單 情 況 ，服 務 水 準 亦 有 待 改 善 ，想 招 呼 好 啲？叫 男 店 員 吧！今 次 姑 且 俾 個 笑 面 ，希 望 佢 哋 嘅 服 務 盡 快 改 善 吧！活 漁 招 牌 火 焰 海 鮮 龍 蝦 湯 ($168) 話 明 係 招 牌 湯 底 ，比 一 般 湯 底 貴 一 倍 ，點 解 咁 貴？因 為 當 中 有 幾 隻 花 竹 蝦 及 蜆 等 配 料 ，而 湯 底 係 勁 香 濃 嘅 龍 蝦 蕃 茄 湯。窩 底 仲 加 咗 拔 蘭 地 ，侍 應 會 喺 你 面 前 點 火 ，先 將 海 鮮 稍 為 燒 熟 ，火 光 熊 熊 好 feel 到 極！收 得 咁 貴 ，全 程 添 加 湯 底 當 然 都 係 用 龍 蝦 蕃 茄 湯 啦！ 龍 蝦 味 香 濃 到 不 得 了 ，即 刻 taek action！鯇 魚 腩 ($38) 份 量 十 足 ，而 且 切 得 頗 厚 身 ，鮮 味 到 極！花 雕 醉 雞 件 ($48) 酒 香 夠 濃 ，雞 肉 肥 美 ，肉 質 好 嫩 滑。黑 豚 肉 片 ($38) 落 咗 單 超 過 20 分 鐘 都 無 嚟！同 疑 似 經 理 反 映 ，轉 個 頭 至 話 今 日 無 貨 . . . 吓？唔 早 講？經 理 見 我 哋 有 啲 黑 面 ，即 時 補 鑊 ，話 有 黑 豚 腩 肉 ，問 我 哋 試 唔 試。我 問 幾 錢 先？佢 即 時 跟 其 他 店 員 商 量 後 ，答 案 係 同 價。我 相 信 原 價 應 該 唔 只 $38 吧！黑 豚 腩 肉 勁 肥 美 ，灼 熟 後 入 口 鬆 化 到 極 ，未 食 完 已 經 忍 唔 住 encore 多 一 碟。日 本 魚 形 餅 魚 蛋 ($28) 解 凍 功 夫 未 做 足 ，明 顯 見 到 魚 蛋 有 層 冰 面 ，即 時 唔 敢 落 湯 住 ，無 益 嘛！但 熟 咗 嘅 魚 蛋 又 幾 彈 牙 ，仲 索 滿 龍 蝦 汁 ，好 好 味 噃！秀 珍 菇 ($28) 份 量 相 當 多 ，淥 到 軟 腍 腍 ，味 道 鮮 甜。自 家 製 手 打 四 寶 丸 ($68) 係 即 叫 即 新 鮮 手 打，點 解 咁 講？因 為 等 咗 好 耐 都 未 到 ，經 理 用 以 上 嘅 原 因 解 釋 . . . Anyway, 牛 肉 丸 、鯪 魚 肉 丸 、蝦 丸 及 墨 魚 丸 又 確 係 非 常 新 鮮 ，味 道 一 流 ，即 時 消 咗 啖 氣。油 麥 菜 ($18) 夠 嫩 綠 ，味 道 爽 甜。唔 好 睇 佢 咁 大 盤 ，其 實 一 淥 就 會 縮 晒 水 ，2 個 人 分 分 鐘 唔 夠 食 架！埋 單 差 唔 多 $600 ，以 2 個 人 計 都 幾 貴 ，但 值 得 一 試 嘅！…Read More

事 先 申 報 利 益 ，呢 餐 係 真 金 白 銀 埋 單 嘅 食 評 ，因 為 之 後 獲 邀 再 去 免 費 試 菜 ，詳 情 放 咗 喺 Blog ，內 容 太 長 相 太 多 ，唔 放 上 Openrice 阻 其 他 人 啦！約 女 仔 朋 友 夜 晚 去 食 星 馬 菜 ，10 個 有 9 個 都 以 為 係 去 啲 陰 陰 沈 沈 、破 破 舊 舊 嘅 餐 廳。當 我 知 道 有 間 fusion 星 馬 菜 館 喺 金 鐘 新 開 ，就 同 女 友 去 撐 吓 枱 腳 ，去 到 已 經 被 豪 華 嘅 裝 修 嚇 到 差 啲 唔 敢 入 門 口 ，我 哋 由 最 初 嘅 牛 刀 小 試 ，到 後 嚟 擦 番 餐 勁 ，埋 單 嗰 刻 發 覺 ，咦？又 唔 係 好 貴 噃！餐 廳 新 開 張，地 點 旺 得 嚟 又 有 啲 吊 腳 ，當 晚 連 全 場 只 得 2 檯 客 ，但 我 相 信 呢 間 浪 漫 嘅 紫 色 餐 廳 好 快 會 好 旺 場。全 間 餐 廳 以 紫 色 做 主 調 ，樓 底 相 當 高 ，格 局 豪 華 之 餘 又 帶 幾 分 浪 漫 ，我 唔 講 ，你 又 點 會 估 到 佢 係 間 主 打 星 馬 菜 嘅 餐 廳。餐 廳 總 廚 強 調 以 新 鮮 食 材 入 饌 ，每 日 會 到 中 環 街 市 入 貨 ，每 道 菜 式 亦 睇 得 出 花 過 唔 少 心 思 ，做 到 色 、香 、味 俱 全。至 於 service 亦 達 到 酒 店 級 ，侍 應 相 當 貼 心 (尤 其 是 女 嘅)，唔 少 創 新 菜 式 都 會 好 用 心 咁 指 導 正 確 食 法。靠 窗 位 置 有 幾 張 闊 落 嘅 皮 座 卡 位 ，就 算 4 個 人 坐 埋 一 齊 都 唔 會 有 侷 促 嘅 感 覺。 兩 個 廚 房 其 中 一 個 採 開 放 式 設 計 ，以 烹 調 喇 沙 、海 南 雞 及 小 食 為 主 ，內 裡 嘅 大 廚 房 則 由 總 廚 製 作 創 意 美 食。晚 餐 除 咗 可 以 自 點 菜 餚 之 外 ，亦 可 以 揀 $380 嘅 Tasting menu ，試 過 包 你 話 超 抵 食。餐 廳 內 仲 有 一 個 巨 型 酒 櫃 ，唔 係 裝 飾 嚟！真 係 可 以 買 嚟 飲 ，但 自 己 一 向 唔 好 杯 中 物 ，留 待 有 緣 人 吧！ 一 坐 低 ，就 見 佢 哋 用 意 大 利 Monteforte 礦 泉 水 奉 客 ，計 錢 嗎？頭 一 支 免 費 青 檸 檬 香 葉 茶 ($20) 即 係 檸 檬 茶？味 道 唔 同 噃！茶 味 香 啲 、酸 味 輕 啲！感 覺 清 新 啲！ 先 點 2 款 喺 menu 中 較 特 別 嘅 小 食 試 吓！ 濃 玉 米 汁 炒 蛋 ($20) 咁 簡 單 嘅 小 食 都 用 大 大 隻 靚 碟 去 盛 載？似 乎 有 點 兒 過 於 隆 重 吧？蛋 炒 得 靚 ，蛋 汁 豐 盈 、入 口 滑 溜 有 蛋 香 之 餘 仲 散 發 出 濃 濃 嘅 天 然 粟 米 香 ，炒 蛋 內 更 放 咗 唔 少 櫻 花 蝦 以 增 強 咬 口。我 一 邊 食 一 邊 諗 ，如 果 早 餐 有 得 食 咁 正 嘅 炒 蛋 ，我 願 意 朝 朝 都 早 啲 起 身 . . . . 班 蘭 雞 翼 ($35) 我 第 一 次 食 ，用 班 蘭 醬 將 雞 翼 以 類 似 天 婦 羅 嘅 做 法 炸 成 ，賣 相 有 啲 嚇 人 ，但 味 道 相 當 唔 錯！班 蘭 香 味 比 較 輕 ，熱 辣 辣 嘅 雞 翼 肉 質 非 常 香 口 嫩 滑。 Singapura 星 加 坡 拉 ($138) 係 晚 餐 6 款 主 菜 之 一 ，星 加 坡 拉 即 係 魚 尾 獅 皇 帝 蝦 配 海 膽 咖 央 調 味 醬 ，賣 相 靚 絕 ，華 麗 得 猶 如 置 身 高 級 西 餐 廳 一 樣。 皇 帝 蝦 勁 大 隻 ，連 蝦 頭 都 經 精 心 烹 調 過 ，肉 質 鮮 味 勁 彈 牙 ，加 咗 海 膽 咖 央 醬 香 味 更 突 出。蝦 頭 亦 有 番 咁 上 下 size ，所 以 蝦 膏 勁 多 ，烤 到 香 噴 噴。蝦 頭 同 蝦 身 中 間 係 海 膽 咖 央 調 味 醬 ，俾 你 蘸 過 夠。跟 住 就 點 咗 一 個 Tasting Menu ($380) 試 ，冷 盤 5 選 3 ，熱 盤 6 選 3 ，另 外 飯 、麵 、喇 沙 可 任 選 其 一 ，最 後 嘅 甜 品 亦 係 3 選 1。一 個 人 未 必 食 得 晒！2 個 人 嚟 唔 好 食 2 個 tasting menu 呀！點 一 個 再 加 多 個 standard menu 上 嘅 主 菜 ，足 夠 到 極。Tasting menu 每 隔 一 段 時 間 就 會 轉 款 ，所 以 你 食 到 嘅 未 必 同 我 呢 餐 一 樣。 當 晚 冷 盤 3 款 我 揀 咗 喇 沙 醬 海 鮮 卷 、海 膽 蟹 肉 沙 律 及 無 骨 紅 醬 鳳 爪。 無 骨 紅 醬 鳳 爪 無 乜 特 別 ，味 道 係 意 料 之 內。海 膽 蟹 肉 沙 律 勝 在 樣 樣 都 咁 鮮 味 ，蟹 肉 份 量 勁 多。 喇 沙 醬 海 鮮 卷 最 有 驚 喜 ，2 塊 黑 色 嘅 其 實 係 脆 炸 紫 蕃 薯 片 ，味 道 甜 甜 哋 勁 香 脆 ，海 鮮 卷 內 有 唔 少 蝦 肉 ，配 上 喇 沙 醬 香 口 惹 味 到 極！ 熱 盤 3 款 我 揀 咗 水 牛 芝 士 冬 菇 配 帶 子 、軟 殼 蟹 沙 律 及 星 洲 雞 卷。 水 牛 芝 士 冬 菇 配 帶 子 係 最 3 款 之 中 最 正 嘅！帶 子 大 大 隻 相 當 鮮 甜 ，但 水 牛 芝 士 冬 菇 就 更 精 彩。彈 牙 墨 魚 膠 釀 入 大 大 件 鮮 甜 冬 菇 ，一 咬 落 去 ，水 牛 芝 士 爆 射 而 出 ，熱 烘 烘 、香 噴 噴 ，成 件 放 入 口 感 覺 更 強。星 洲 雞 卷 亦 有 驚 喜 ，層 次 感 夠 豐 富 ，雞 卷 頂 上 嘅 黑 色 嗰 片 係 以 新 加 坡 黑 醬 汁 所 醃 成 嘅 雞 皮 ，香 滑 入 口 易 消 化 ，下 一 層 係 海 南 雞 肉 捲 住 麵 包 粒。味 道 獨 特 到 都 唔 知 點 形 容 好 ，但 絕 對 係 好 食 嘅！ 軟 殼 蟹 沙 律 最 特 別 並 唔 係 香 脆 嘅 軟 殼 蟹 . . . 而 係 軟 殼 蟹 下 嘅 香 滑 豆 腐 ，一 軟 一 硬 嘅 組 合 味 道 出 奇 咁 夾。上 面 脆 卜 卜 ，下 面 軟 綿 綿 . . .全 餐 跟 女 友 食 得 太 開 心 ，點 菜 比 平 時 多 咗 ，所 以 講 到 呢 度 ，內 容 確 實 太 長 ，想 睇 更 多 相 、更 多 內 容 去 我 個 Blog look look 啦 http://hk.myblog.yahoo.com/choro-q…Read More

拿 督 星 馬 冰 室 雖 然 係 新 開 張 ，但 其 實 佢 即 係 以 前 喺 尖 沙 咀 ，之 後 搬 咗 去 北 角 ，而 家 喺 小 西 灣 開 店 嘅 星 加 坡 陳 太 星 馬 娘 惹 菜 ，以 前 幫 襯 過 印 象 唔 錯 ，今 次 再 去 回 味 吓！地 方 比 以 前 細 咗 、吊 腳 咗 ，我 估 係 遷 就 舖 租 嘅 關 係 吧！冰 室 可 容 納 50 至 60 人 左 右 ，雖 然 有 卡 位 ，但 如 果 2 個 人 去 ，要 有 心 理 準 備 隨 時 被 要 求 搭 枱 ，我 寧 願 坐 大 圓 枱 舒 服 啲。侍 應 招 呼 尚 可 ，但 晚 市 爆 起 上 嚟 都 有 少 少 亂 ，始 終 係 新 開 嘛！全 店 繼 續 以 陳 太 拿 手 嘅 星 加 坡 菜 作 主 打 ，大 廚 亦 係 嚟 自 星 加 坡 ，因 為 係 冰 室 ，所 以 免 收 加 一。餐 牌 上 有 唔 少 頗 有 特 色 嘅 名 字 ，以 粉 麵 款 式 較 多 ，小 菜 比 較 少 ，如 早 餐 竟 有 香 煎 菓 皮 鯪 魚 餅 丁 麵 、生 煎 香 茅 豬 扒 多 士 、即 灼 薑 汁 豬 潤 老 鼠 粉 等 ，晚 上 招 牌 菜 有 各 種 星 加 坡 咖 喱 菜 式 ，全 場 最 多 人 點 咖 喱 麵 包 雞 及 以 下 菜 式 。星 加 坡 肉 骨 茶 ($48 / 細) 其 實 都 幾 大 碗 吓！夠 2 個 人 分 ，肉 骨 茶 相 當 足 料 ，有 大 量 豬 手 、冬 菇 、排 骨 等 ，煲 得 夠 火 候 ，但 味 道 稍 嫌 唔 夠 濃 ，藥 味 亦 唔 算 重 ，有 啲 失 望。馬 拉 盞 醬 汁 灼 魷 魚 通 菜 ($35) 醬 汁 香 甜 又 惹 味。 魷 魚 份 量 唔 算 多 ，但 彈 牙 鮮 味 ，通 菜 亦 爽 甜 無 渣。檳 城 鮮 黃 牛 筋 黑 豉 油 乾 撈 麵 ($32) 可 揀 撈 粗 或 撈 幼 ，黃 牛 筋 份 量 唔 算 多 ，仲 溝 咗 啲 牛 腩 落 去 ，牛 腩 肉 質 有 少 少 韌 ，不 及 牛 筋 軟 腍 入 味 咁 正，我 寧 願 佢 俾 晒 牛 筋 我 好 過。黑 豉 油 乾 撈 粗 麵 非 常 入 味 ，麵 身 爽 口 又 多 汁 ，好 味！燒 香 辣 蒲 魚 ($42) 惹 味 十 足 ，必 食！蒲 魚 即 係 魔 鬼 魚 ，係 星 加 坡 常 見 嘅 街 頭 小 食 ，坊 間 比 較 少 見。先 用 黑 醬 油 搽 勻 魚 身 再 煎 香 ，滴 少 少 青 檸 汁 就 食 得 ，蒲 魚 外 層 燒 得 香 脆 ，魚 肉 嫩 滑 到 不 得 了 ，而 中 間 一 排 嘅 軟 骨 部 份 都 可 以 食 架！仲 含 有 豐 富 膠 質 添！更 多 內 容，請 到 我 個 Blog : http://hk.myblog.yahoo.com/choro-q…Read More