天大地大's Profile

之前已經同朋友食過一次堂食, 覺得幾好食, 服務態度尚可, 尋日經過入去買隻雞翼同豬肉拎走啦, 等左陣, 佢比左兩串肉我, 咁我就同佢講我要一串豬肉一隻雞翼喎, 佢已經態度唔好咁話果度係一串豬肉一串雞肉呀, 我同佢講我係要一"隻"雞翼唔係一串雞肉, 佢就好悔氣咁整過隻雞翼, 咁我就再等啦, 等佢攪掂比左袋雞翼同豬肉我, 我問佢比D沙嗲汁我, 佢勁悔氣咁一手搶我袋雞翼同豬肉加D沙嗲汁落去, 跟住比返我, 我一行幾步就聽到佢講"咁麻煩", 我已經係自問由頭到尾都好好禮貌咁唔該前唔該後咁同佢講野, 雖然D野食都算OK, 不過哩間態度差到冇人有既野, 以後都唔會去!!…Read More

幾個月前去完越南之後, 喜歡上越南菜, 今次係第一次去大叻食, 叫左個香芧豬扒飯, 個人最鍾意既越南粉卷, 個香芧豬扒飯, 睇落個樣似煎豬扒飯多D, 味道就唔多覺似香芧豬扒, 味道算ok但唔覺似食緊越菜, 至於個人一向最鍾意食既越南粉卷, 一碟4件我只食左一件.... 食過好幾間越南菜既我從未食過咁唔好食既粉卷, 味道唔知點形容, 短期內唔會再試…Read More

夜晚同朋友行過旺角女人街見到哩間野重係試業中, 鍾意食越南菜又見佢價錢唔貴就入去試下, 食左個黑椒牛柳粒飯, 札肉湯河, 招牌乳鴿, 黃金珍珠露, 凍咖啡..... 真係好正, D飯真係好好食好軟, 牛柳粒都好正, 札肉湯河就係我個fd食, 佢都話好好食, 不過我冇食唔知點好法, 招牌乳鴿唔係炸到乾晒果種, 好好味, 唔怪得叫招牌乳鴿, 黃金珍珠露真係唔知咩黎, 一杯糊狀甜品, 但真係好好味, 朋友話咖啡應該係正宗越南咖啡, 個人推介一定要試招牌乳鴿同黃金珍珠露!!…Read More