pingtsang2003的個人專頁

餐廳有室內同埋室外，室內環境都唔錯，坐得舒服，而且食物選擇都幾多。我哋叫咗個二人餐，食物都幾豐富，夠飽。餐湯佢哋嘅餐湯係龍蝦湯，好濃嘅蝦味，唔錯。蜜糖雞翼6隻廚師啱啱新鮮製作，上枱時仍然係熱辣辣，雞翼大大隻，炸得香脆，上面淋有蜜糖，甜甜哋幾好味。雲南雞菌油配松茸菇意粉呢款意粉鋪滿松茸菇同一啲菇類，材料幾多，佢嘅意粉煮得啱啱好，唔會太腍，佢嘅醬汁加左雲南雞菌油，幾特別，同意粉好夾。魚柳佢嘅魚柳好大塊，上面嘅魚皮煎得香脆，而且味道好好，魚肉都嫩滑，魚柳下面鋪咗翠玉瓜等瓜類，唔錯。荔枝冰茶有荔枝味，又唔太甜。青檸薄荷梳打好清新，好好飲。…查看更多

早排同老公去到銅鑼灣嘅Siam 28食晚餐，呢間泰國餐廳環境幾靚，坐得又舒服，服務態度都好好。泰式燒生蠔4隻+1合清酒佢嘅泰式醬調味得好好，酸酸辣辣，估唔到同生蠔都幾夾，覺得幾好食。冬蔭辣酒煮花螺呢個冬蔭辣酒煮花螺好惹味，入面好多配料，而花螺吸晒湯入面嘅味道，而且又爽又彈牙。香蒜香茅燒雞（半隻）佢哋嘅燒雞燒得啱啱好，啲雞肉仲保持嫩滑，而且好入味。芒果煎糯米飯呢款甜品幾特別，芒果好甜，煎糯米飯食到雞蛋嘅香味，質感又特別。蜂蜜芫荽梳打見到呢款咁特別嘅梳打，好想試吓。以為好勁嘅芫荽味，點知又幾清新幾好飲，有芫荽味但唔會太濃，加埋蜂蜜，好飲。…查看更多

今期食牛大人嘅「日本黑毛和牛A4+套餐」，就送「江蘇太湖大閘蟹」一隻！真係要試下。我哋湯底揀咗「養生菇菌燉雞鍋」同埋「聰明魷魚沙茶鍋」，「養生菇菌燉雞鍋」入面有唔同嘅菇菌，味道好好，個湯好飲。「聰明魷魚沙茶鍋」湯底惹味濃郁，啲魷魚彈牙。日本黑毛和牛A4+真係雪花淥熟咗後口感柔軟，肉味濃。伊比利亞黑毛豬梅肉都係頂級嘅豬肉，味道好好同口感都好。仲有海鮮拼盤，全部海鮮都好新鮮，好有質素。仲送咗兩隻江蘇太湖大閘蟹，大閘蟹勁多蟹膏，蟹膏香濃又鮮味。今次我哋叫咗唔少小食，有蝦蝦霸霸脆多士、日本和牛橘梨伴豆腐、阿嬤豆乾魚蓉麵、烏金墨汁手作腸、夜市雞皮卷、滷味五香雞胗，全部都好食。飲品方面叫左芒檸蜜西米爽，味道清新，入面好多芒果粒同西米。老公話港式檸檬茶酒精特飲都好飲，檸檬茶加酒精，好易入口。…查看更多

同老公喺尖東搵咗呢間八木橋日式燒肉店，佢哋做緊優惠，A4和牛餐半價，我哋就揀咗呢個餐，好抵。當然要食日本A4和牛，我哋叫咗A4黑毛和牛三角腩、A4黑毛和牛牛肩、A4黑毛和牛和尚頭、A4黑毛和牛後腰肉同埋A4黑毛和牛薄切，可以試曬咁多唔同既部位，好正呀。黑毛和牛有好靚嘅雪花紋，燒起嚟充滿油脂香，肉質幼嫩，好味。佢仲有A5 和牛西冷，好大塊，雪花紋靚，好食。我哋都叫咗一啲海鮮，有鮑魚、白鱔、比目魚等，海鮮都好新鮮，燒起嚟特別好食。我鍾意食炸嘢，叫咗好多炸物，佢哋嘅炸物都唔錯，炸得香脆，我最鍾意食蝦天婦羅。仲有飲品任飲同雪糕食，好豐富好滿足。…查看更多

天氣涼涼哋，最啱打邊爐。同老公去咗尖沙咀嘅火鍋館打邊爐。餐廳地方都幾大，有圓枱、有卡位，亦有包廂。招牌香辣牛坑腩煲呢個牛坑腩煲調味得好好，入面仲加咗大量洋蔥，少量辣椒同埋芫荽，好香，而且辣辣地，啲牛坑腩完全唔韌，好腍。食完牛坑腩，侍應幫我哋加湯。自製四寶丸 半份四寶丸包括有豬肉丸、墨魚丸、蝦丸同埋鯪魚球丸，全部自家製，非常結實彈牙，用料新鮮。自製水餃皇佢哋嘅水餃自己包，每粒都好飽滿，食到入面既食材鮮味。自製雲吞皇佢哋自家製嘅雲吞皮薄餡靚，個皮好滑好薄，入面嘅蝦好彈牙同鮮甜👍自製韭菜餃好鍾意佢哋自製嘅韭菜餃，入面嘅韭菜同肉嘅比例適中，好好味。手打魚蓉麵第一次食呢個手打魚蓉麵，用魚蓉整嘅麵，估唔到質感幾好，咬落去好有口感。佢哋仲有自家製嘅涼茶，有竹蔗茅根、金銀花菊花茶同埋羅漢果茶，啱晒一邊打邊爐一邊飲。…查看更多

餐廳位於瓊華中心，地方好大，有圓枱有卡位。我哋揀咗B餐海鮮潮汕牛肉放題，有潮汕牛肉圈，圈上面有唔同種類嘅牛肉，有吊龍、雪花、五花趾、匙柄同埋好特別嘅胸口油，胸口油淥熟後，好彈牙同有口感，雪花牛肉都好嫩滑好味。另外，佢哋會每枱送海鮮拼盤，入面有鮮蝦、鮑魚、桶蠔同埋花甲，海鮮新鮮，特別係鮑魚，好彈牙。佢哋嘅小食都唔錯，我哋叫咗炸魚皮、燒粟米同埋生炸南乳雞翼，全部都好味。我特別推薦佢哋嘅蝦滑，真係好彈牙，用料新鮮。出面仲有好多各類型既丸同蔬菜，種類繁多，一定有啱口味嘅。佢哋嘅飲品除咗一般嘅汽水同埋啤酒外，仲有自家製嘅飲品同埋紅酒、白酒任飲。食呢個潮汕牛肉放題真係好滿足，食到勁飽。…查看更多

銀座炎藏燒肉位於荔枝角D2 Place One入面，餐廳裝修雅致，燈光柔和，座位闊落，好適合一班朋友傾偈聚會。和牛極致定食（3種）呢個和牛極致定食有3種唔同既和牛，可以一次試曬3種唔同口感既日本產A4黑毛和牛。和牛油脂比較豐富，一邊燒，一邊出油脂，燒得好香好好味。和牛肉味濃，有口感。個餐仲配埋漬物、沙律湯同白飯，好夠飽。追加左個上等牛舌，好彈牙好香牛肉味。和牛咖喱吉列豬扒飯定食呢個定食都配沙律、湯同埋漬物，豐富抵食。和牛嫩滑，份量都唔少。吉利豬扒新鮮炸既，上枱時仲熱辣辣，炸得好脆。個咖喱味道幾好，配埋飯食岩岩好。飲品方面，要咗可樂同埋巨峰提子乳酸梳打，好飲。…查看更多

呢間安平燒肉嘅環境好靚，掛滿燈籠，俾人好和諧溫暖嘅感覺，而且座位超級闊落，枱面可以擺好多食物。我哋揀咗日本A4+和牛饗宴，所有餐單上既食物都可以叫，好豐富。A4+和牛既雪花好靚，味道好，肉質柔軟。除咗日本A4+和牛，仲有日本A4+醬燒一口和牛丁、澳洲M8和牛肩胛同埋極厚切檸檬牛舌，真係好多嘢食。我哋燒咗隻烤霸王蝦同埋白鱔，蝦肉彈牙，白鱔新鮮，肉質有彈性。佢哋安平既清雞湯幾好飲，仲配左好精緻嘅小茶碗。另外，我哋都叫咗壽喜燒，個湯底好夠味，牛肉好大塊，放上個湯底都慢煮，煮出嚟好味。我哋都試咗安平櫻花蝦飯，可以自己揀唔同嘅配料，幾好。另外佢個十二味醬料區都好豐富，好多醬料可以選擇。飲品方面都好多唔同嘅選擇，有安平特製嘅雞尾酒同埋酒精飲品，亦有唔同嘅冷泡茶同埋汽水。…查看更多

呢間泰金鍋環境好大好靚，座位又闊落，我哋揀左卡位，坐得舒服。我哋揀咗火鍋放題B餐，即係美國產極選肩胛牛小排餐。老公揀左馬來娘惹叻沙鍋，湯底香濃，叻沙湯底味道好出，好香。我揀左青檸椰奶雞湯鍋，好有椰奶味，湯底濃郁，唔錯。佢哋嘅牛肉新鮮，牛小排好有牛肉味，牛舌彈牙，口感好好。牛胸腹就質地鬆軟，全部都好味。套餐除咗有牛肉，仲有炸物同串燒，我哋叫左炸蝦餅同燒雞軟骨都好食。套餐包流水蝦放題，啲蝦好新鮮，隻隻蝦都生猛，蝦肉彈牙，好有鮮味。最後食雪糕，我揀左士多啤梨乳酪雪條，味道唔錯。呢間餐廳嘅食物質素唔錯，種類多，服務態度都好好。…查看更多

荔枝蝦球荔枝蝦球擺設得好靚，蝦球掛喺樹上，外型真係好似荔枝，蝦球外面炸得好脆。古法藥膳土雞煲雞煲啱啱送到枱上，已經聞到藥膳味，佢嘅藥膳湯底幾好飲，入面嘅雞肉嫩滑，無骨，好食同方便。瑤柱蛋白菜粒炒飯飯炒得幾乾爽，但唔會太乾，有瑤柱同埋蛋白，唔錯。避風塘鮮魷我好鍾意食鮮魷，特登叫咗避風塘鮮魷，廚師用咗勁大量嘅炸蒜同埋辣椒，炒得香口。招牌脆皮BB鴿乳鴿個皮好脆，肉質幾嫩滑，唔會太鹹。炸饅頭我囡最鍾意食炸饅頭，佢哋嘅炸饅頭個面唔會炸得好硬，炸得薄薄一層，點埋煉奶一齊食，好食。風雲排檔入面嘅裝修幾靚，座位好闊落，坐得好舒服，係幾好既選擇。…查看更多

呢間侍拉麵係太子啲出口隔離，好近好方便，而且啲拉麵都幾好味，佢哋嘅甜品都唔錯，值得試。Samurai 醬油拉麵2.0呢碗醬油拉麵，個湯底唔會太鹹，有醬油嘅香味，叉燒肥瘦均勻，口感嫩，拉麵麵質好。濃蝦湯拉麵呢碗拉麵嘅蝦湯底好濃郁，未食時已經聞到好香嘅蝦味。湯底好有蝦嘅味道，除左拉麵，除咗有叉燒外，仲有兩粒肉丸，好Juicy。炸雞（兩件）炸雞炸得好香脆，入面嘅雞肉嫩滑有彈性，點埋佢哋嘅沙律醬，好味。焦糖布甸布甸好滑，又有蛋香味，配埋甜甜哋嘅焦糖同埋上面嘅cream一齊食，享受。開心果巴斯克開心果巴斯克有濃厚嘅開心果味，唔會太甜，而且質感唔會太硬。Cold Brew Coffee好特別既咖啡味道，唔太濃，好易入口。冷泡八女煎茶清香咁甜既煎茶，冰凍解渴。…查看更多

酒樓環境都乾淨闊落，唔錯。火焰鹽燒雞呢個火焰鹽燒雞幾特別，侍應會點火，火焰都幾大，幾岩打卡。打完卡，侍應會送返碟雞出嚟，鹽燒雞味道唔太鹹，有少少鹽味，肉質都嫩滑。冰鎮咕嚕肉見到隔籬枱點咗冰鎮咕嚕肉，好大碟，好多冰鋪喺上面，好似幾正，所以叫咗嚟試吓，入面嘅咕嚕肉一啲都唔肥，而且個皮好薄好脆，啱啱食時熱辣辣，擺耐咗，咕嚕肉雖然變凍，但外皮變得仲脆，有口感，熱食同凍食都好味。清蒸金邊老虎斑仔我哋叫咗老虎斑仔，清蒸已經好好食，啲魚肉好彈同嫩滑，個豉油汁甜甜哋，好味道。最後仲送咗兩碗番薯糖水，食到好飽。…查看更多

呢間燒烤堂環境雅致，坐得舒服，都多人食。鹽燒雞皮雞皮燒得脆，加埋少少嘅鹽吊味，又脆又好食。汁燒三黃雞氣管個名幾特別，估唔到都幾好食，味道甜甜哋，口感又好。雞皮墨魚滑呢個雞皮墨魚滑外皮脆，入面嘅墨魚滑又彈牙。鹽燒白鱔白鱔好新鮮，肉質彈牙，加少少鹽燒已經好味。紅蔥油蒜蓉粉絲燒元貝元貝新鮮，好香蒜蓉味，蒜蓉粉絲同元貝都好食。鹽燒雞軟骨雞軟骨調味得唔錯，好有咬口。薄切牛舌芯我哋最鍾意食牛舌心，口感好好，而且燒得香。牛小排牛小排燒得好Juicy，牛味濃。泡菜五花腩泡菜腩啱晒鍾意食泡菜嘅老公，佢話好好味。孜然蒜蓉茄子好香蒜蓉味，茄子唔會燒得太燶。鹽燒露筍、鹽燒翠玉瓜燒得啱啱好，仲保持蔬菜嘅水份。主食方面叫咗鰻魚炒飯同埋胡麻醬稻庭烏冬，好味得來又夠飽肚。飲品方面，我叫咗椰青，清甜好飲。…查看更多

放假同老公、囡囡去咗圓方行街，搵到呢間喺圓方商場頂樓嘅美式意大利餐廳，見到都幾多人食，所以試吓。Beef Slider兩個迷你嘅漢堡包，漢堡包嘅麵包好鬆軟，外皮又有少少脆，入面嘅牛肉扒好有牛肉味，口感好好，中間仲有洋蔥汁，幾惹味。Crab Linguine呢個蟹肉意粉味道都唔錯，入面有好多蟹肉，蟹肉夾埋啲蔥同埋意粉一齊食，味道幾夾。Kids Fingers,Fries And Cheesy Broccoli呢個係兒童餐，入面嘅雞柳炸得好鬆脆同好香，而且結實，好食。薯條都係新鮮炸嘅，熱辣辣，脆卜卜。我囡勁鍾意食。Tiramisu Tiramisu好creamy好滑，味道唔太苦又唔會太甜，岩岩好，可以媲美出面嘅甜品店。我同囡囡叫咗可樂，老公叫咗啤酒，夏天飲好爽👍…查看更多

裝修以木系同熊貓為主題，座位亦都好闊落，好舒服。和牛肉壽喜燒定食呢個和牛壽喜燒賣相幾吸引，食物精緻，和牛肉肉味濃郁，個壽喜燒湯底都唔錯，唔錯。鹽燒鯖魚定食鯖魚煎得幾香，味道足夠，唔會好淡，加少少檸檬汁上去，味道更好。海鮮炸物盛盒（蝦/廣島蠔）蝦同廣島蠔都現場即炸，熱辣辣，炸得好鬆脆。三文魚刺身三文魚刺身新鮮肥美。雪糕抹茶拿鐵抹茶味好香濃，而且口感順滑，加埋雲呢拿雪糕，好飲。冰極菠蘿寒天梳打有菠蘿味，又凍又清新，爽。自選特製新地見到有個新地，可以自己揀唔同味嘅雪糕球同配料，當然要試吓。我哋揀咗雲呢拿雪糕球、蕨餅、抹茶圓朱古力、焦糖同埋抹茶軟雪糕，揀晒自己鍾意食嘅嘢，享受。…查看更多