Eat eat cathy's Profile

位於大坑施弼街這一間日本居酒屋真係超正😍😍😍食物非常新鮮，海鮮都係提供野生捕捉而唔係養殖嘅海鮮，食落去好鮮甜彈牙，師父有30幾年經驗，徒弟仔服務一流，最緊要係性價比高，師傅宏哥仲好好客，又食又傾又飲，過咗個非常愉快嘅一晚。餐廳沒有什麼裝修，反而有一種日本貼地居酒屋嘅感覺，吧枱可以坐八個人，自己一班朋友包場就最正👍🏻👍🏻👍🏻我哋去嗰晚咁啱得八九度，非常之凍，師傅提議飲熱sake ，加燒過嘅雞泡魚鳍，慢慢滲出魚香真係正😋😋😋…Read More

因為疫情關係成年冇去星記，佢啲海鮮好新鮮，隻聖子蒸到啱啱好，好鮮甜。大蝦雖然係急凍嘅，但係老細會講明俾你聽，同埋整出嚟一啲都唔會鞋。最欣賞佢哋啲炸嘢，粉漿唔厚，又冇油溢味，炸到脆卜卜，又唔會太鹹😍😍😍豬肺花膠湯非常足料，淨係啲湯渣都面盆咁大盆。炸子雞，安格斯牛，薑蔥蠔，芥辣煎鮮魷，椒鹽九肚魚等等等等，依然非常之好味，仍然保持到水準👍🏻👍🏻👍🏻最緊要服務態度非常之好，上至老闆，下至員工，每位都有求必應！十分讚！…Read More

上網睇鴨脷洲必食《陳新記》一口西多士，果然名不虛傳👍🏻👍🏻👍🏻我俾佢溶化啦，外脆內軟有大量邪惡嘅花生醬煉奶牛油，真係好好食😋😋😋另外碗魚蛋雲吞河，魚蛋彈牙好食，雲吞一般貨色，重點推介辣椒油好辣👍🏻👍🏻👍🏻…Read More

《泰. 夯蝦》真係好正，有得玩又有得食😋😋😋啲蝦全部新鮮扎扎跳，食幾多自己夾，夾晒仲會不斷幫你加新蝦，還有鮑魚和牛送，肉類海鮮丸串燒都有好多選擇，仲有粉面湯甜品，最出奇嘅就係飲品都係任攞，通常自助餐飲品都係最搵錢！$388食足2.5小時已經覺得好合理，依家仲有七折添😍😍😍兩個大人去食，埋單都係$620！超值👍🏻👍🏻👍🏻同埋佢哋嘅服務態度非常之好，有什麼需要叫服務員攞嘢，立即回應👍🏻👍🏻👍🏻而家七折仲延長去到二月，一定要再去😍😍😍…Read More

很久沒有吃新明記，記憶之中佢啲牛肉係非常之好食，但係琴日去真的令人失望，「鞋」到根本咬唔到，我老公直情要吐番出嚟，一塊都唔食！我仲懶醒以為好食，兩個人去叫咗碟大牛肉😵😵😵我唔想咁浪費唯有自己食咗三分之一🙄🙄🙄好一餐唔好又一餐啦⋯⋯以後都唔會再中伏！不過又咁講佢個麻辣火鍋係幾好食，有麻又有辣，唔似得有啲麻辣火鍋淨係一味得個咸和麻，完全唔辣！但係食火鍋啲牛肉唔得既話，個麻辣湯識飛都冇用啦！😓😓😓…Read More

平時食開卑路乍街嗰間阿一豬扒話裝修，咁就去咗東邊街新開嗰間試下，好失望，同我食開的味道好大出入😭😭😭第一，冇豬潤；第二，冇上海麵；第三，唔夠辣（已經叫大辣）；第四，豬扒好薄。總之就食剩一大碗已經唔想食！希望卑路乍街嗰間真係只是裝修啦！🙇🏻‍♀️🙇🏻‍♀️🙇🏻‍♀️…Read More

昨晚七時去食只有我們一枱，水靜河飛，心知不妙，不過一埸嚟到就即本試下，因為記憶之中幾年前嚟過係好好食。打開餐牌，最平的海虎翅$380両，要四両起，咁同老公一人二両差不多啦，雖然覺得有d貴，不過若果足料既話都冇所謂！一上菜，拿個臉盤咁大的砂鍋，不過裏面好少湯，亦唔多覺有乜嘢翅😲😲😲，我同老公對望已經覺得瀨咗嘢！侍應分了之後，拿筷子夾起仲得人驚，全部碎濕濕，一住都夾唔起😱😱😱，之後索性攞匙羹食！第一碗還看見有翅, 第二碗已經差不多是齋湯！味道一般，不是出色也不是差，埋單＄1722，講真錢就預咗比，不過真係呃秤兼唔老實！若果我要食碎翅嘅，行過隔離幾間舖頭，＄85就有一大鍋可以食！不過俾人搵笨就係一次既啫！今時今日有食評可以寫，咁做生意，唔會有人嚟幫襯！🤬🤬🤬…Read More