MP9698's Profile

食火鍋就經常𠺢啦，朋友話去食蒸氣鍋, 咁咪友試下囉，去到坐底真係唔見個鍋，淨係見到個塔。原來蒸氣石鍋係將啲海鮮飯放喺石鍋上面再用組織成嘅荅佢咁絕蒸熟佢嘅，蒸出來的海鮮原汁原味好鮮甜同打邊爐完全唔一樣。我地今次嚟le 一間係有任食套餐嘅，有固定每人一份海鮮每人一份乳鴿乳鴿每人一個燉湯。另外仲有啲任食嘅海鮮同埋配料俾你任點，仲有任飲嘅Drink List.呢度啲海鮮好新鮮，龍蝦夠大隻，燉湯好好飲但又唔似落咗味精，最後仲有個粥底，個足底吸收晒海鮮入面嘅鮮味，鮮甜好食。價錢亦唔算好貴。今次之後我會比較喜歡蒸氣石鍋多個火鍋了😃。…Read More

成日聽到D人話大埔好多好嘢食，所以今次朋友約我去大埔食嘢我一口就答應左。仲要係帶我去打邊爐正合我口味😆。去到這酒樓睇到大部份嘅人都係食火鍋，心想這裡一定食火鍋出名了。坐底一睇佢地個Menu好抵食👍👍👍。除咗有任食嘅menu之外, 又有任飲嘅飲品，每位客人仲要包一個海鮮拼盤、一碟高級肥牛同埋一隻乳鴿😋。我最喜歡佢地肥牛，牛味好濃，肉質好滑。其他生料都非常新鮮，佢地的手打鮮肉丸都係我既推介。湯底選擇都算多，醬料也有好多選擇。鍾意打邊爐，又大食嘅人都一定夠飽😃。真係抵食又好食，一定會再嚟。…Read More

宜家俘虜左許多女孩子嘅甜品莫過於係pancake了，我地身為男仔都無得Say No la，其實甜品我本人就唔太喜歡，怕太甜。但今次介紹的Pancake又真係出乎意料咁好食。佢一客有3塊厚厚的Pancake, 好軟滑，淡淡的蛋香同奶香感覺好清新而且佢配了一些焦糖及牛油，令Pancake加了少許甜味及牛油香味，好適合唔喜歡太甜的人。超級推介。…Read More

我朋友講左九萬幾次話馬鞍山有間食廣東菜嘅食市，佢地製的砂礓豬手好好味一定要去試下。我就即管去試下，睇下係咪真係咁好食。一試之下，發現真係無講錯，D豬手唔係一般沙姜汁去煮，味道有沙姜味得來又好似用滷水汁預先滷過，而且全部去曬骨，啖啖肉，真係超美味，我一定會再嚟食過。另外佢地的鴿，皮脆肉嫩，香味撲鼻。而且仲好抵死。但經常都會賣曬😃。有機會不妨去試一試。…Read More

聽朋友講左好耐話合和中心有間日本料理超好味，今天終於可以去到。去得日本料理餐廳，點都要試下佢地的基本功力～ 蕎麥麵了。我點左一個凍的蕎麥麵，一份海膽。凍蕎麥麵嘅麵質好彈牙啊，唔會太硬又唔會太軟。每麵汁濃淡適中，做得剛剛好，非常出色👍👍👍另外海膽非常新鮮，餐廳仲好體貼咁比理紫菜可以包住海膽嚟食，外脆內軟，濃厚新鲜的海膽鮮甜味，食到停唔到口，而且海膽價格唔算貴。係主要推介。…Read More

我一直好仲意食Pizza, 但要揾真係好味的真係好艱難。我試過好多間pizza 店但結果都係失望而回。後來朋友話我知又一城有一間pizza店好好味，就決定去試一試。我去到order 左2款Pizza, 佢地的pizza的皮好脆好香口，topping材料非常新鮮，芝士好厚好濃醇，食落去口感一流，係我好久沒有食過的美味Pizza, 而且佢地仲有不少pizza以外的美食潻。…Read More

今日放假同朋友去到泥涌附近摸蜆，攞完蜆就順便去對面西沙茶座度食飯，我軒之前本身已經食咗少少野打底所以都唔係太肚餓。所以只叫了泰式菠蘿炒飯同沙嗲牛肉串。泰式菠蘿炒飯用料好豐富，有蝦肉、肉鬆、提子配上鮮菠蘿，而且黃薑飯香氣撲鼻，味道清新醒胃。沙嗲牛肉串肉質嫩滑又多汁，真係一食就返唔到轉頭，真係好好好好食呀 ！！！必食。…Read More