純情肥港女's Profile

勸各位唔好食屯門呢一間分店之前食過其他分店都冇咩問題，見屯門都有於是再去食但中咗伏兩個人入去食，手機落單，叫咗一個飯同一碟牛，上咗兩樣後男經理同我講燒肉唔可以只叫一碟，我問要叫啲咩，經理加$48有個牛，我問係咩牛黎，經理話五花牛囉，細細碟有幾條咁，態度好差又好唔耐煩，我同佢講睇睇先再諗叫咩，對方轉身走咗，再勁大聲全程用耳機同人傾電話同爆粗……..聽完果下直情唔想再叫入座前冇講最低消費，又冇講要叫多過一碟牛…我本身look緊餐牌叫豬定雞睇到呢個情境再聽完果下直情唔想再叫，岩岩坐低諗兩個人唔止叫咁少嘢食…..之後我哋都冇碗食燒肉，想叫職員俾我哋，叫咗十幾分鐘都冇人理，有3個女職員經過我哋張枱完全無視我哋扮聽唔到，叫到隔離枱望住我哋，叫到好攰打算放棄，打完食埋個飯同塊牛就埋單走人最後冇再叫嘢，兩個人$300埋單，食未飽閃人轉場第二間餐廳食過。勸各位請勿食這餐廳，連個男經理帶頭態度咁差，其他做細一邊hea 做…Read More

一去到餐廳發現有啲位好細同好逼，拉出咗張枱少少，個人先坐到入去，點知個職員叫我哋唔可以郁張枱，後面會冇位行。如果唔拉開張枱少少都坐唔到入去喎，總之未坐低個感覺又已經麻麻地，職員嘅態度唔係非常友善限時90分鐘，過程非常之趕，餐廳限時好多餐廳都有㗎啦，不過呢間餐廳職員就表示到好唔耐煩態度，好想你即刻走嘅感覺，彷彿我哋好似已經錯過咗時間咁嘅樣子，但明明都未夠鐘，我哋都仲有45分鐘右左可以坐低傾計。諗住賣單之際，點知職員無啦啦上兩個布丁甜品插咗支蠟燭，上完枱後叫住職員A，表示我哋都冇嗌甜品食，嗰個職員A當聽唔到放低就走咗，有職員B行過知道我哋想叫佢又急急腳走咗，最後叫咗幾次，職員A過黎先攞返走果甜品，唔知點解職員上錯嘢食唔太願意攞走，感覺好奇怪最後真係買埋單走人，我哋用信用卡埋單，埋完個職員只係俾返張單據我哋，沒有連同冇信用卡一齊俾我哋職員打算轉身之際，朋友叫停職員，問佢張信用卡呢好險，好彩即時攞返張信用卡…Read More

$68叫咗一個烏冬，你冇諗過完全係平時半份，即係平打邊爐會叫一個烏冬，果餅嘢的一半，呢間叫一碗烏東份量。我平時一個喜愛食烏冬的人，在家自煮一份黎食坐喺度食張枱又超級細，不過都終於明白點解咁細，因為佢碗嘢係根本都唔係好大份，張枱咁細係擺到㗎，食唔飽嘅餐廳自己食一次以後都唔會再嚟囉，因為唔飽你都會轉第二間食啦，都唔會再嗌多個啦，因為仲嗌多個都係唔飽㗎好想放張圖出嚟，其實到底個份量究竟有幾少但係個手機app 點整都放唔到圖個人嚟講去一間餐廳係為咗食飽個肚，而我唔會諗我要叫兩三個先食得飽…Read More

限時75分鐘其實食得非常之趕再加上啲嘢食嘅份量極度之少想食的蛋包飯話冇，但當時只係晚上7點就賣哂根本係一間只係影相嘅餐廳，唔係一家去食餐飽飯嘅餐廳以下的價錢已包括加一服務費計算鐵板和牛太陽漢堡扒 $262基本上呢個餐呢油到爆，高和牛漢堡扒其實一次就幾乎散晒咁滯，至於其他秋葵翠玉瓜都浸油咁唔太好食，咁你食完個飯囉係充斥着油膩感，並唔係一啲好飽肚嘅感覺可樂餅$108覺得性價比唔高，而且最主要就係食得好趕咁，未能好好品嘗，感覺好普通。小食拼盤$108應該成餐飯較為似樣呢碟，新鮮炸起係好食最後食個甜品櫻桃裝飾連影相都唔好睇，個布丁冇咗裝飾真係爭好遠個布丁收得人成$53 ，好hea布甸$53 成餐飯都好bad feeling 叫人倒果水都慢手慢腳咁已經食到成油想快手啲飲水架喇反知黎過一次不想來吧…Read More

臨時搵間餐廳食晚飯，沒有準備下得返呢間咁晏有得食又唔洗等太耐位，因為每人限時60分鐘食冬天着太多厚衫同大䄛都唔太建議食呢間餐，座位較逼沒有椅背，沒有位置可以放除下大䄛。由於自己動手燒肉，整間餐廳都濃罩着煙霧，所以衣服都佔滿燒肉味，大䄛要洗有點煩選餐方面建講配白飯比較沒那麼油，選錯了配月見味噌牛丼，上面的牛是用非常之多油炒，吃完感覺很油膩。值得注意是餐廳會於一些假日只可以選擇二人餐，不可選擇一人餐！一個人食或是想一個餐share 食都不建議進入此餐廳！進入餐廳前是記得問清楚當日可否食一人餐！…Read More

第一次食蛇宴覺得幾值得食，全部睇得出係用心制作，幾時話中菜真心難自己可以整到🤣，出去食最輕鬆選擇🙂淮杞烏雞八對蛤蚧燉湯好清唔油膩生扣野生大山端 食落似燉排骨咁秘制炆蛇腩有點似灣咗鰻魚咁生炒蛇崧生菜包蛇崧 感覺似炒豬肉龍飛鳳舞 （炒蛇片鴕鳥肉）肉質有點煙韌，有時候有啲爽口嘅感覺金龍獻珠 （炸蛇丸）感覺都係似炸肉丸太史五蛇羹 （每人兩碗）食到有時有啲蛇蘇味肉，有時又覺得似雞肉蛇膽酒一斤中式嘅酒聞落都係似跌打酒咁樣，倒出嚟係綠色酒，飲落似跌打感覺，大概浸咗4年，洒精含量約20-30%無圖： 古法白切雞：好一般，唔知係咪因為隻雞冇乜肉蛇汁時蔬：冇咩特別滋味生炒糯米飯：普通正常味汽水三升啤酒兩樽12人一圍 HKD$4,560…Read More

一踏入呢間餐廳已經有個好唔舒服的感覺，見到有兩把長掃把打橫咁放咗喺長沙梳化位上面，立刻覺得長沙發位有點污糟，頓時失去左度假嘅感覺但山長水遠入嚟又book咗餐廳又冇理由唔食㗎，咁就唯有坐低食嘢啦預先訂咗2點本來係想坐近沙灘嘅位置打卡實際訂咗同walk in 冇咩分別店員唔會因為你book咗會預留位置俾你，都係早到早坐所以勸喻想打卡影靚相嘅人，不如早啲到早啲霸位最實際食物方面最值得一提係burger舊牛乾到好難食，order 前有問我要幾多成熟，上枱一睇到同全熟冇咩分別，重熟到燶晒黑邊添🤡喺食物啱啱嚟齊，岩影完相剛開始食緊之際，大約坐咗一小時，餐廳嘅職員竟然同我哋講，而家你哋last order，問我哋有冇嘢要嗌，我哋枱面嘢食都未食到一半，點知我哋洗唔洗再叫呢，果時先知只可以坐90分鐘。其實滿心歡喜諗住想食個飯後甜品，因為好唔夠時間最後梗係冇食到啦餐廳嘅服務態度有點冷漠，加埋食物環境地點等，唔會再特登搭咁遠車入嚟食呢間只可以坐1.5小時餐廳，整體黎講有點不值得感覺。這裏本身個沙灘環境不錯，我下次會想再來游水，好肯定一定唔會再幫襯呢間餐廳。🤡…Read More

不會再來的餐廳實際圖片同餐牌照片有差距當你期望以為有一塊雞扒嘅時候但其實上枱係冇只係得四舊雞，食到最後都唔係好想食啲白飯因為都我已經冇哂餸兩個人去食，叫兩個飯，食完唔飽☺️有時都真係唔好亂食未食過新餐廳好睇運氣…Read More

星期四大約6:45嚟到等到8點先入座新開嘅黎試下啲嘢食其實都上得幾快 不過呢間嘢啲麵包都幾好食呢間比較啱食早餐或者午餐晚餐就太多麵包元祖咖啡奶凍 $55有啲奶凍再加啲咖啡再加cream，其實個味都幾淡，如果冇咗cream嘅話，呢就冇乜啡啡香味抹茶乳酪$58完全係冇乜沒抺茶味，一飲係勁濃勁厚嘅奶味，十分甜的話，有十五分甜，爆甜了，唔期望抹茶係一啲回甘味都冇炸雞香脆薯角$45佢炸雞幾好食嘅，薯角就一般啦炸蝦拼盤$108炸蝦來講我得嗰粉比較厚薯仔沙律多少少會好食啲Komeda漢堡$60都幾大個簡單芝士牛肉同生菜再加啲醬汁係甜嘅，好甜整體還可以，會想再來多次食甜品同埋啲位都幾大坐得幾舒服有啲位仲好似自修室咁，每個位都有插蘇位，可以靜靜地做下自己嘢…Read More

朝早行到攰諗住簡一間小店，唔係大形連鎖店食下，但食到一半已經後悔了，早知食八方雲集或者譚仔啦！係香港食過最難食嘅越南菜撈檬個汁鹹到一個點未食完忍唔住要企係自助斟位即刻連飲咗三杯水！成碗嘢無法可以食完連個鳳爪都食唔到果調味同撈檬汁一樣鹹到一個極點！完全沒有越南嘅香料味同青檸味，所有鹹味應該都蓋過晒原本嘅味道所有嘅嘢全部都係鹹味碗粉未食完好似食咗幾包斤鹽落肚感覺但眼見可以咁多外賣單，職員做到無停手咁不停包裝外賣重要見到好多外賣都係買撈檬！呢班人應該習慣食開非常之鹹同重口味濃嘅食物估唔到咁多人都咁重口味無語了…Read More

泰國綠奶茶 $30 成$30一杯，買之前問職員可否少冰，職員回答不可以少冰，咁唯有接受喇。但就有少糖可以簡。俾完錢等咗幾分鐘，見到樣子好靚咁，當然飲之前要打個卡影下，見好飲上網推介下。一飲落去茶味是可以幾好飲，點知飲咗都冇十啖，個杯就好大喇，包裝又靚，店面裝修都好靚，所以吸引咗口渴的我想買杯嘢飲，但冇諗過$30買咗一杯都得250-300ml 都唔知有冇奶茶？但係果杯又咁大杯，有點俾誤導同俾人欺騙的感覺一大開就勁，個杯有八成都係放冰.....怪不得唔夠幾分鐘就飲哂以上係飲完成杯嘢的一張照片多到過份吧這間是$30有80百分比賣冰俾你得20百分比係奶茶岩哂愛食冰的人，奶茶愛好者小心…Read More

龍蝦汁海鮮天使麵 $88個面入面的菇唔太新鮮.....但上枱就是熱熱非常好龍蝦湯 $25都算是不錯吧焗豬扒飯 $78水牛城雞翼 $58有六隻，兩個人就三隻，主餐再加小食食到好飽香蕉奶昔 $54比較甜，個cream 打得好粗，比較求其，應該唔似用真香蕉打碎去整.....好假糖精味道，唔覺有奶味死神 （可樂+ 朱古力雪糕）$48 呢個最正常果個食物豬扒飯就還可以，感覺有點快樂店同茶餐廳感覺咁…Read More

黑糖珍珠奶茶$33魷魚圈滷肉飯$78奶茶都還可以吧，茶味比奶味重有少少似港式奶茶，個人喜歡茶味較濃的叫了少糖，職員話唔會好飲無糖都覺得好飲，不過好多店都話係固定唔可以少糖🤨呢間話少咗糖珍珠本身已經係糖整出黎個人不愛太甜了我知我的口味都是屬於小眾吃什麼都想無糖川味紅燒牛肉麵 $78仙草凍抺茶鮮奶 $38麵太淋.....應該食一次就夠一個不會回頭想再吃的餐廳發現屯市戶外開放式餐廳座位都不夠冷氣感好熱😅…Read More

經典紅燒牛肉麵 $84啲牛都幾淋，係好食，不過整得覺面比較少，有分手功面同幼面，上圖是手功面，好似啲刀削面但再簿咁。招牌紅燒腱心牛肉麵 $84香芋珍珠奶茶 $28比較細杯，哈哈這間好吃過屯門食的老媽拌麵，上一次食嗰間真係好不行。不過呢間就都唔錯可以接受，但整體是份量比較少吧…Read More

星期六5點半walk in 呢間嘢，有位唔洗等。本來想午餐時間食，2點半重見到有人等，不過見到間店都有8個人企係度，唔想等冇食到，決定去屯市第二餐廳食正餐，食完行完街再過黎食甜品就唔洗等位置屯市的戲院對面，不過一坐低好熱咁，感覺商場開放式餐廳座位都好熱咁，所以叫咗兩杯凍飲解下熱Pancake 就幾好食，不過間中食下就好了，加埋一，要$97先有Tiramisu coffee .....底的咖啡偏酸的，都幾濃下，上面主要cream感覺東西，飲完呢杯再甜品好飽濟的感覺，果日兩個人食完呢餐甜品冇再食晚餐Matcha latte 重茶味多過奶香，不過不失吧…Read More