ChrisBearBear's Profile

想當年中五係灣仔補習O既時候，未夠鐘一定會上去買O野食。雖然灣仔周圍都有呢D小舖，但係總係覺得佢O既雞翼係最好食。年幾兩年後O既今日，雞翼仍然好吸引。試埋D 大粒魚蛋，好似長洲O個D 咁呀，正。最重要係，老闆娘都仲係咁好人呀O麻。其實都仲有好多O野想食，但係真係食得太飽啦，下次行過再食過。…Read More

同朋友So 去食越南o野，佢想食好耐o架啦，但係因為其他朋友仔唔鐘意食越南o野，所以只有我同佢o既時候就呢間啦。諗o左好耐，最後叫o左:香茅豬扒檬 - 我覺得D 檬粉濕o左少少，豬扒就幾香，幾冧，但係個汁就太酸啦。泰式無骨鳳爪 - 太辣，加上D 骨同D 筋去唔清，唔係咁好食。春卷 - 無咩特別，係大條過酒樓o個D 。可能我以前食開都係真係越南人開o既越南餐館，所以覺得呢間D 都係一般。我無係香港食過越南o野，所以唔知香港style 係咪咁，但係就一定唔係真正o既越南餐。不過，佢價錢係銅鑼灣o黎講，係幾平o既~~~…Read More

同靚朋友餓o左成日，想搵個地方食大餐。見到佢二人套餐，$68好似有幾多o野食咁，所以叫o左啦。點知o黎到o既o野真係好失望。檬茶，無味。所謂o既二人套餐，可以一隻8 寸碟放哂。八爪魚腳，霉霉爛爛，細過手指尾。咖喱薯餅，有怪味。雞扒，少到嚇死人。食呢D o野，$28 都俾多啦，仲收我$68。咁只可以迫我無下次啦。…Read More

靚朋友一見到佢個綿花冰poster 就話要食，要懷念一下去台灣o個次食o個個喎。靚朋友叫o左個芒果綿花冰($28)。我開頭叫木瓜綿花冰($28)，之後話無，我改香芋($25)，佢又話無，之後又話有。好明顯睇得出佢o地廚房同樓面溝通不足。靚朋友o既芒果味好似雪糕咁，唔多似綿花冰。我o既香芋，個味ok ，但係D 冰好大粒。而且唔知點解好多椰絲。不過不失啦。當然同台灣o既無得比。好想去台灣再食一次呀。…Read More

最後一次同朋友仔食飯啦。當然要食一餐好o架啦。朋友仔講o左好耐話要食板前，今日下什4 點幾5 點去到，見到都係要等三個位，就同佢試下啦。可惜到我o地o既時候要坐門口位，天氣熱，門又開開關關咁，其實都係幾熱o架。一坐到入去，眼見o既壽司，好似幾新鮮咁。坐低o左一陣，朋友仔已經動手啦。鮱魚壽司 - 我覺得好爽口，好似食蘋果蔬菜咁，都唔知點解有咁o既感覺。帶子壽司 - 幾好味，其實都幾大隻，但係之後見到珍寶帶子壽司，真係有少少嚇親。(order) 三文魚手卷 - 我一直都覺得手卷係比一般壽司好味，呢個都好好，紫菜好脆口，帶出三文魚o既味道，而且，只係9 蚊咋，抵呀。(order) 三文魚壽司 - 都唔會錯得去邊o架啦........(order) 吞拿魚壽司 - 幾厚切。(order) 火炙鰻魚壽司 - 正正正，唔會炙過火，個汁o既味好正，不太甜，不太「傑」，正正正。(order) 炸奶油薯餅 - 又係好正，薯溶好滑，陣陣芝士味，跟薯餅o既沙律醬令個薯餅更好味。蟹腳壽司 - 佢好似未解凍哂咁，入面好似濕濕咁，無味道，同街市買o既蟹「紐」一樣。佢o地D 飯無味，好似無落任何醋咁，影響D 魚o既味道。迴轉帶到竟然係無三文魚o架，差唔多所有都係貴價o野。而且可能係太忙，無人加水。佢o既食物，我個人認為一般，咁o既質素o既食物，價錢就太貴，唔值呢個價。呀，仲有，佢o地係cut 尾數o架。明明係$182.6，佢就收$183，我唔係話o個$0.4 都唔俾，反正我都會俾tips o既，不過，我覺得咁唔係幾好啦，好似唔老實咁。唔知有無下次啦~~~…Read More

第一次去梅窩，本來諗住租屋仔，煮飯仔。點知去到，有人係到整門。算啦，出去食啦。行到去熟食中心，只有兩間開門。求其一間之下，入o左呢間。兩個唔太肚餓o既人，叫o左咸魚雞粒炒飯，同粟米班塊。咸魚雞炒飯 - D 雞好似炸喎咁，所以幾香口，飯好乾食，但係，食唔到有咸魚，少少都無。粟米班塊 - 不過不失啦。睇完下面兩篇之後，覺得自己好好彩，無咩特別事發生。…Read More

八個人為朋友仔送行。所有人不嬲都無意見食咩，難得同事仔有意見o黎呢到食，問哂咁多人「意見」之後，Book o左呢到星期六，七點九位，聽聞係要會員先可以book 位。去到唔太多人，個個客人個樣都好似熟客咁(其實我未去過，又點知人o地係咪熟客呢?)，叫到成枱餸。一大班人講o左半個鐘先可以點到餐。砂鍋雲吞雞 - 個湯好味，好香，唔太油。但係雲吞個樣唔係上海雲吞，係廣東「lin」埋一舊雲吞。分好一碗碗酸辣湯 - (呢班人係咪傻o架，叫兩個湯) 我覺得好辣，朋友仔就話好好味。紅燒元蹄 - 真係好意外，一直都覺得元蹄係好多肥豬肉，食少少就夠o個D 。但係呢個元蹄食落一D 都唔覺得膩，好冧，齋食佢唔送飯都唔會覺得好油。生煎包 - 好普通o既貨色，好一般。炒鱔糊- 好似一碗燒鰻魚咁，我呢個鰻魚怪就覺得正正正。雪菜肉絲炒年糕 - 同事仔o既推介，但係，我覺得..............我自己煮o既好食好多。可能因為佢淡。朋友仔話佢幾好食，因為佢唔太糊口。我覺得佢炒得香口少少會好食好多。百頁棠菜 - 白煮小棠菜同百頁。清清地，百頁o既口感好特別(可能因為我未食過百頁)。桂花酒釀小圓子 - 我好鐘意食小圓子，D 桂花好香，酒好濃，但係唔知點解D酒釀比平時食o個D 酸。叫o左兩碗，佢明明話一碗係變兩碗，但係最後有九碗出現。桂花湯丸 - 比桂花酒釀小圓子甜，可能因為無o左酒釀中和o左佢o既甜味。炸湯丸 - 個樣好似笑口棗咁，我無食到，但係睇落唔太油，高力豆沙 - 我唔太鐘意高力豆沙，所以無食到。佢o既外表好黃色，感覺唔太油。九個傻婆係到大笑大聲講o野，都無人話，其實咁就更加唔好意思。有一樣要讚o既就係佢會再所有湯類o既o野分好一碗碗，就算無叫佢分o既糖水都分到一碗碗，細心，低讚。餸上得好快，Order o左十五分鐘左右就開始上菜啦。坐到十點，好似有D 唔耐煩，自動走人。最後叫個侍應哥哥幫我o地影相，但係...... 佢好不滿，好求其咁影o左一張好唔得o既相。睇完咁多人話個炸臭豆腐好食，真係好想試下呀。不過唔知幾時先有機會係呢到再食喎啦。…Read More

我屋企人過時過節好鐘意係呢間酒樓，貪佢係中環，無咩人，平D 。今次係為我個妹送行，30人BOOK o左間房，有得打麻雀，有得唱K 。7 點半開飯，9 點食完。1. 乳豬 – 個皮好脆，唔油，係酒樓好少有咁好食o既乳豬2. 蝦球翠肉瓜 – 無咩蝦，不過好大隻，但係D 翠肉瓜就唔係好得，好似放o左好耐咁3. 炸蝦丸 – 我覺得好似街邊炸墨魚丸咁，不過佢又唔太油o既，但係諗唔到佢可以上枱做一個餸。4.瑤柱節瓜 – 無咩特別，原粒瑤柱，節瓜我覺得淋得制，但係我屋企人又話唔係喎。5. 鮑魚冬菇生菜 –冬菇好咸，鮑魚好乾，我覺得係全晚最唔好o既一道菜。6. 雞湯翅 – 翅就唔多覺得有o架啦，不過就好多瑤柱、火腿，除o左D 翅之外，佢係好足料o架。7. 蒸石班 – 全晚最好o既菜，魚蒸得好滑，o岩o岩好，魚好大條，但係一D 都唔老，好耐無係酒樓食過蒸得咁好o既魚啦。8. 炸子雞 – 香脆，但係我覺得老o左少少。9. 伊麵, 炒飯 – 伊麵太油，同D 油有陣味。無食到炒飯。10. 壽包 – 好軟o既包，有少少咸蛋黃，另蓮容唔太甜。11. 紅豆沙 – 「傑」到我食o左一啖就唔食啦。D 服務都幾好，會幫你換碟，收碗。汽水會幫你加(當然最後係要俾錢啦)。全場走哂，都無趕我o地走。埋單，兩枱總共 $6200.…Read More

成日都覺得係街市D 熟食中心D o野唔會差得去邊，但係D 環境會令人唔係好想坐好耐。朋友仔話不如去街市食，其實我係幾期待。首先出場o既係西蘭花班塊($80)魚，食得出好新鮮，好滑，送飯一流。之後係鼓椒炒蜆($45)我呢個唔食辣o既人都食到lam lam 脷。無沙，細細隻，D 蜆好甜，唔鯹，正正正。最後係蠔餅($45)正正正，正過係長洲食o既。好香，好脆，蠔仔好食，仲好大份添。入面有生菜，令到個蠔餅唔會好油。加埋白飯都係$177 ，我認為好值得呢個價。有冷氣，地方都好乾淨。下次叫多D 人去，試多D 其他o野。…Read More

三日前係旺角食完，今日朋友仔話唔係太肚餓，所以又食壽司。銅鑼灣呢間好大，星期六都唔洗等位。D Sofa 坐得好舒服。叫o左:吞拿魚壽司........ 入口融，好食。鰻魚壽司....... 唔好食，個鰻魚凍o既。三文魚親子飯........ 三文魚子少少鯹，不過佢本身就係咁o既味，三文魚好食。我認為呢個$56 係幾低o架。呢間餐廳咩食物都唔錯，但係鰻魚真係好唔得。…Read More

好耐之前o黎過一次。開頭一望佢全賣拉麵，應該幾貴，但係望下價錢，又好低喎。o琴日行過尖咀，諗住快快趣趣食D o野就去油麻地上堂。就落去睇下佢有咩食啦。見到有下午茶 (當時6 點未到)，D Set 20蚊都唔洗，唔諗啦，就呢到啦。我叫o左個炸豬扒飯連飲品($16)，朋友仔叫o左個藏拉麵加飲品($18)。個豬扒飯又唔係難食o既，不過唔應該係麵店叫飯食。豬扒好乾，但係好彩佢有汁同蛋汁，唔會變到好似食柴咁。試過朋友仔o既拉麵，同味千o既差唔多，但係個湯好似多o左少少味精。朋友仔就話淋得制，我覺得o岩o岩好。不過，汽水真係好差，無甜無味無汽o既雪碧，俾杯水我都無咁嬲。兩個人34蚊，o係尖沙咀，係咁上下o架啦。…Read More

係旺角同朋友仔行街，買完衫要等一個鐘改衫。企係十字路口，左望右望，都唔見有壽司店。反正都係瓊華商場，望下有咩食啦。有三間日本餐廳，點指兵兵之下，去o左呢間<<壽司亭>>。當時上到去係7 點鐘，門口望入去一個人都無，都幾驚。之後有個好似著住校服o既妹妹仔問我o地幾多位。坐低後見到迴轉帶上o既壽司完部都乾哂，見到都怕怕，都係叫好D 。諗緊食咩o既時候，朋友仔已經拎o左一碟三文魚(到後o黎先知係三文魚腩)，佢話係新鮮放上去o既，真係俾佢激死。三文魚腩D 紋好靚，好肥，好甜。之後再叫o左幾碟:帶子 ……. 好新鮮，唔鯹，但係無咩味三文魚…… 我覺得同三文魚腩無咩分別，紋理分明，鮮，肥，正。(係到諗其實係咪佢俾錯魚腩我o地)鰻魚……好唔得，好乾，好似燒魚皮咁魷魚…… 好淋，好滑，好味甘蝦…… 我覺得D 蝦好霉，覺得好似結冰後再解凍咁吞拿魚…… 個樣好差，好似霉霉爛爛咁，但係入口又好好食，有入口溶o既感覺，仲要有和拿魚味，真係「魚不可貌相」野菜薯餅…… 好食，外面好脆但唔油，入面薯溶好滑再之後，朋友仔o黎多一碟三文魚，佢話呢個真係好低食，三文魚o既價錢，有魚腩o既享受。不得不題o既係佢o地手卷師傅，每一個order 都好俾心機，好細心去做，放到靚靚先上碟俾客人，值得一讚。D 茶都好好味，不停幫你加茶。最後只係要 $140 埋單，我覺得好低，元綠o既價錢，但係食物俾佢好好多。…Read More

又再o黎呢到。今次唔叫扒啦。同朋友仔一齊食一個豆鼓炒河，另一個朋友就食咖喱雞扒。個炒河D 牛好淋，但係唔係好夠汁，都幾野味。咖喱聞起幾香，但係食落唔夠咖哩味。下次都係食返扒低D 。…Read More

朋友仔話呢到D 扒好低食，佢同屋企人食過好多次，所以一定要同我試下。一入到去，係茶餐廳，茶己經係一早放o左係到，係到諗，呢到D o野唔方好食得去邊啦。再睇睇個餐牌，$35 一個西冷扒，仲要包埋野飲?唔係呀。算，食飽就得啦。佢可以選薯菜，意粉，炒飯，我要o左薯菜，朋友仔要炒飯。出到o黎，又幾好食喎。佢唔係好厚o既牛扒，但係又唔會係薄到紙咁。而且，佢又唔會好似牛肉乾咁，都係好淋。份量o岩o岩好，唔會好似係扒房到，飽到食唔落都要唔好浪費食埋佢(因為貴呀o麻)。40 蚊都唔洗，可以食到扒，真係好滿足呀。…Read More

Manager 無端端話要同D 新同事聚會，問我o地食Tea Set 好，定係食自助餐好。一直都好想試下呢個$308(一至四)/$338(五、六) o既自助餐係點o既，我立即舉手選Clipper Lounge。雖然話係話佢請，不過咪又係簽單，公司找數。算，唔關我事，我都只係食，邊個俾都無所謂啦。一入到去，見到好多魚生、壽司，之後就係好多Cake。坐底，佢就俾麵包，好好味o既炭麵包，好軟，好香麵包味。魚生有: 三文魚、吞拿魚、魷魚、甜蝦、八爪魚，大至上唔鯹，但係唔知點解無咩味。我D 同事就話D 甜蝦好鮮甜，不過我一直對甜蝦無咩興趣。以上魚生有o既，壽司都有，再加鰻魚壽司同加洲卷，都係一般啦，自助餐唔好要求壽司好好食。冷盆有長腳蟹，蠔，蝦同唔同o既蟹。長腳蟹好細心咁幫你開半。蠔一D 都唔鯹，好肥，好好食。之後就係沙律，好多種，每一種都好好食。我覺得最好o既係一個有燒菠蘿加火龍果o既沙律，好特別。其他o既食得材料好新鮮。有一種大蝦沙律，D 蝦大到不得了，而且好甜，真係好食。再之後係熱食。無咩選擇，有薯仔，小堂菜，羊扒，白汁海鮮，牛腩，炸魚，olive 煮魚，蒸三文魚扒，都數得七七八八，好少。係個羊扒最好食。然後係叫廚師切o既牛肉同麵士魚。牛肉我覺得太生，叫佢要熟o個邊，都係好生。個魚好好味，甜甜地，好似鰻魚汁咁，個魚好滑，好味。最後係甜品，好多種。最好食o既係個焦糖Pudding，但係同事話太甜。但係對個芒果Moss有少少失望，太酸。食到我好飽啦。無位食芝士啦~~~要讚一句o既就係D Staff 好好，好快手。問廚師D 食物資料，佢o地都會答。不過，講真，$338 加一就唔係好低食。…Read More