cpsltc82's Profile

自從畢業之後都好少經過紅磡黃埔一帶， 偶然行過附近，發現係重建項目側邊，開左一間同附近舊樓林立嘅街道幾格格不入嘅cafe。signature嘅圓形大玻璃窗設計，金色線條配上好搶眼嘅天藍色外牆，絕對係熱門打卡影相位，可惜窗口對住停車場空地，而且打卡位得兩個座位，如果主要為打卡而黎嘅話建議係平日非繁忙時段。內部裝修都比到人一種幾舒服嘅感覺，有梳化同高櫈位。客流量唔多，又冇限用餐時間，基本上冇咩客人都可以坐好耐，適合同朋友吹下水供應全日早餐、意粉、吐司、窩夫同各款小食，另外仲有是日意粉/窩夫，詳細要特別問番店員啦。飲品亦有多款咖啡、茶，果汁，其中仲有比較特別嘅海鹽焦糖口味咖啡。可能因為內外裝修關係而有過高期望，但以中上價格嚟講，整體食物質素真係好一般，甚至可以話係中下水平。如果單純想黎打下卡，搵個可以坐得耐嘅地方同朋友chill下傾下計都可以，但就未必吸引到回頭客煙肉卡邦尼意粉Bacon Carbonara🍝$85要試味梗係要試啲傳統嘅菜式，擺盤唔錯，份量正常，個汁亦唔會太稀，意粉硬度適中，都幾掛汁，配埋煙肉粒同洋蔥碎都算幾有口感，食落唔膩，但味道方面食得出carbonara醬汁唔係最傳統嘅做法，蛋香同芝士味唔夠好淡，忌廉味較重，味道更令人諗起某款市面即食意粉嘅味道，整體印象唔太好是日窩夫- 雜莓窩夫🧇$85窩夫即叫即整，上面鋪滿士多啤梨同藍莓，賣相唔錯。食落有蛋香，酸酸甜甜。但窩夫外皮唔夠脆，口感似食緊硬身少少嘅格仔餅，士多啤梨醬同奶油份量偏少，食食下好乾，覺得唔算好值呢個價錢薯條配蛋黃黑松露🍟$58薯條厚度適中，熱辣辣，但外層炸得唔得香脆，食落軟淋淋。蛋黃黑松露醬個量都幾多，但味道方面嫌沙律醬偏重，松露味同蛋黃味唔係幾食得出，而且個醬似岩岩由雪櫃拎出嚟咁凍冰冰，用嚟點熱薯條食，一冷一熱咁，有啲奇怪Latte☕️- 原價$39 （跟餐減$10）味道正路冇特別，只係若單叫咖啡，覺得價錢定得比較進取偏貴…Read More

呢間都幾出名嘅上水老字號由鋪面已經睇得出充滿歷史嘅痕跡，冇咩特別裝修，係比較舊式本土嘅街坊小店。鋪頭簡陋狹小，得三四張圓枱加摺凳，但都叫做乾淨企理小食就得幾款選擇唔多，可以自由配搭腸粉、魚蛋、燒賣、豬皮、腸仔，另外仲有粥同炒麵。雖然係區內幾有名氣嘅小店，網上評論大部份都話好好食，但老實講味道服務環境都一般，話超好食又未至於，不過廿幾蚊黎講都算唔錯，有時行過口痕想簡簡單單食啲小食醫下肚都可以幫襯下➤三式套餐🍡$21所謂嘅‘三式’即係有齊晒腸粉、魚蛋、豬皮嘅招牌配搭套餐，份量都唔少，廿幾蚊當早餐或者下午茶都可以腸粉夠軟夠滑，粉皮唔會太厚，卷得夠實淨，亦唔會蒸過籠淋哂痴埋一舊豬皮爽口都幾入味，陳皮魚蛋細細粒口感扎實，不過不失醬汁係腸粉嘅靈魂，呢度嘅醬料同芝麻都係自助嘅，自己落就可以按番個人囗味，想點混醬都得，個人就鐘意落超級多嘅甜醬同麻醬，食落夠哂惹味…Read More

呢間位於灣仔嘅漢堡店，裝修充滿美式簡約風格，以開放式廚房及吧枱櫈為設計，你仲可以喺餐廳嘅每個角落見到佢哋隻好得意嘅logo Bobby ，都幾適合打卡。而食物選擇方面，除咗有主打嘅burger外，仲可以選擇熱狗，炸雞或者其他小食佢哋主打嘅burger 料多夠大件，一個人食一個就夠哂飽，都算有水準，抵食😋 今次叫左兩個burger🍔Signature Chicken Burger 招牌炸雞漢堡$50推薦指數：👍🏻👍🏻👍🏻👍🏻炸雞扒大大件厚肉，香脆得嚟咬落去juicy多肉汁，再配上番茄生菜同酸酸甜甜嘅醬汁，口感好fresh，唔容易膩，推介👍🏻🍔Bacon Double Cheese Burger 煙肉雙層芝士漢堡$68推薦指數：👍🏻👍🏻👍🏻👍🏻鹹香嘅煙肉切成細細粒同半溶芝士互相交融，肉汁滿滿，幾好食想要套餐就可以加$30，包括一杯野飲同小食🍟Skinny fries 幼薯條推薦指數：👍🏻👍🏻👍🏻比平時一般嘅薯條幼細，唔會太油，初頭幾脆，不過擺咗一陣涼左都幾快變淋，份量偏少，鹹度適中，不過不失。如果唔鐘意幼薯條，可以選擇粗薯條，有口感啲🍗另外仲試左佢地嘅小食K-pop chicken 韓式炸雞$25推薦指數：👍🏻無骨唔太鞋，炸皮亦唔會太厚食落口成堆炸粉咁，但個皮被啲醬整到淋左，唔得香脆。而醬汁都麻麻，唔辣又唔算好韓式…Read More

呢間位於旺角嘅樓上越南餐廳裝飾風格時尚，環境幾舒服同chill，幾適合打卡，食物選擇不多，但都算有特色，如果平時都鍾意食越南野嘅話可以一試。1️⃣河內咖喱雞絲配斑蘭椰香飯$68推薦指數：👍🏻👍🏻👍🏻份量正常，唔太辣，食落有少少椰香味，配菜多，似食緊韓國拌飯。陣味正路，無特別驚喜，雞絲嫩，都可以一試。2️⃣香茅豬排配斑蘭椰香飯$75推薦指數：👍🏻👍🏻份量正常，個飯都係有少少椰香味，但冇咩特別，食落仲覺得個飯有少少dry，因為個飯冇咩汁，要全部配菜撈勻佢先有啲味，豬排亦都唔係好嫩，個人覺得比較普通，單純豬排配飯咁，不太推薦。3️⃣脆米紙薄餅$54 推薦指數：👍🏻👍🏻👍🏻👍🏻👍🏻呢一款薄餅比較特別唔係咁常見，幾特別，米紙底爽脆，以食落似豬肉乾嘅臘腸粒為主，咸香，配上千島醬同清新嘅蔬菜（青瓜同蘿蔔絲），唔太膩同有負擔感，都幾值得試吓。4️⃣南越蛋咖啡$35推薦指數：👍🏻👍🏻👍🏻👍🏻👍🏻本身唔太好咖啡，但見到呢杯咖啡個名覺得幾特別，有蛋係裏面，所以出於好奇想試下，雖然細細杯但勁好飲，有驚喜👍🏻上面嗰層有甜甜嘅蛋忌廉配合香濃咖啡，撈埋一齊非常夾，超推薦！…Read More