ma00's Profile

原來平常心去食晚餐影下相，點知極難食，吃了一啖湯拉麵食唔到落去，個湯仲衰過就咁鼓油加水，個麵質又硬！完全食唔到落去⋯⋯⋯千萬唔好食拉麵。朋友叫了沾麵都唔好食，但可以食到幾啖。另外炸物既雞件可以，最好食係雞件，最正常。燒墨魚丸都係難食，好厚粉醬同好乾身！其實做飲食做餐廳可否有啲心機？咁既食品質素想間鋪可以做到幾耐？我一定唔會推介朋友去！大家可以去買個$150拉麵碗就算，個碗幾靚，環境都幾靚既⋯⋯完。…Read More

今日lunch time經過華記食店，見比平時少人，所以走上去試一試，堂食$30，又有得送埋湯/糖水，自己去裝，幾特別喎！再望望外賣的話只係$24！！真係好好好平！要多啲嚟食啦～～…Read More

今日早收工，約左個朋友仔去取件再食野，係長康一期都唔知有咩好食既情況下，因為朋友仔要去報紙檔取件所以行左入去呢個長康市集入面，無意之中發現左呢間比較隱蔽的小鋪，見有幾個人排緊隊買外賣，就同朋友仔試試佢，我叫了個$48咖哩吉列豬扒蛋蓋飯試吓、加$2要埋支豆漿，又唔錯，幾好味喎！而我個朋友仔就order左個清雞湯雞扒米線，見佢食得都津津有味，就夾左佢一件雞扒試吓，層皮煎得真係好脆，雞肉就好滑，一試難忘。見佢個價錢都好平，有啲飯餐都係$30，下次要試下先。…Read More

這間店我食過咖喱吉列豬扒飯（一般）、秘製焦糖燒豬腩飯配糖心蛋（ok) 同卡邦尼煙肉意粉(推介），所以今次再次點了卡邦尼煙肉意粉，可能是即點即炒，等得會比其他飯會耐少少，而且覺得比起飯較好味！最欣賞這間店有飲品送，又多選擇，而且很健康的，我試過了龍眼杞子水及菊花雪梨茶都很不錯！…Read More

其實中環都有平價午餐，3餸飯送埋碗湯都只係$31，仲要好好味。係中環返工既我大約一至兩星期都會食一次，最近幾次食都見好多老人家來排隊，見到有貼張牌寫住星期一至五1:30至2:30會派飯畀長者，非常有善心。…Read More

同朋友行完山之後，朋友介紹食呢間老鋪，原來有三十多年歷史了，我揀了雞脾沙律下午茶餐加凍檸茶少甜，太好了！真係有少甜到，另外雞脾一上枱時望見好大隻，急不及待咬了一口，皮又薄又脆，非常好食，配搭的沙律份量都好多！…Read More