sp1cy__f_c's Profile

同朋友嚟食Mue Mue嘅體驗非常不錯，餐廳環境有格調氣氛好好，有幾個菜式特別驚喜。泰式小食份量剛好，豬頸肉微辣惹味，豆腐，蝦多士同雞翼都炸得好脆口。炭燒沙嗲牛串烤得嫩滑。泰式椰香鮮雞湯湯底鮮甜又足料。酒香火焰骨充滿香料味，慢燉至軟嫩，味道層次分明。泰胡椒和牛炒糯米河煙韌口感好特別，第一次食到呢個口感好鍾意！！！飲品叫咗兩杯都唔錯，幾清新，重點符合香港人要求唔太甜：）整體餐點融合了泰國經典與創新料理元素，值得再訪！…Read More

呢餐喺天天海南雞太古城中心食嘅，整體幾滿意。之前已經食過其他分店，覺得水準幾好，所以今次先試埋太古分店，質素依然保持得好穩定。50年代豆花椰奶咖啡味道幾特別，飲落唔會太甜，算係開胃飲品。雞油飯香氣十足，粒粒分明，做得相當好。黑椒羅氏蝦粉絲煲份量中等，蝦大隻新鮮，粉絲吸收咗湯汁好入味。最正係天天海南雞(大份)，雞肉嫩滑多汁，加埋獨有醬汁，配埋白飯一流。服務都幾好，職員留意到客人需要又友善，整體食物質素對得住價錢。適合兩個人嘅輕鬆晚餐，環境都舒服，會再去嘅！…Read More

深水埗真係好多寶藏Cafe！呢間Kokoni coffee，環境日系文青，壁畫有趣氛圍輕鬆，同朋友係度又食又傾🤣煙三文魚和龍蝦明太子Egg Drop蛋嫩味濃，搭配醬汁濃郁，Croffle酥脆，口感世一！手沖咖啡香醇，我揀緊呢款飲落有淡淡果皮香，fruity豆都幾得意！抹茶清新解膩，啱哂唔飲咖啡嘅朋友。總體價格合理，份量適中，適合輕鬆聚會。食材新鮮，口味豐富又簡單，推薦Egg Drop，視覺味覺都滿足！…Read More

今次去咗The Coffee Academics位於Harbour City嘅分店食下午茶，整體感覺真係幾正。佢嘅Buttermilk Pancakes真係有啲驚喜，煎得金黃香脆，配搭Oreo Espresso Butter，味道香濃又帶少少咖啡香，口感豐富又唔會太膩，真係食到停唔到口。仲有啲裝飾嘅果乾同埋堅果碎，增添咗層次感，好有心思。飲品方面我地叫咗Manuka同Dirty Original，咖啡質素唔錯，特別係嗰杯Dirty，濃郁之餘又唔失滑順。價錢方面，一份班戟$98，兩杯咖啡合共$107，整體$205 都算合理，尤其係好多心思擺盤同用料。餐廳環境寧靜舒適，服務態度ok，係一家值得再返去試新嘢嘅Cafe！…Read More

套餐D（原味＋三重芝士＋微辛番茄）
呢個漢堡餐真係正，原味加三重芝士同微辣嘅番茄醬，味道好豐富，三隻味都好食好啱配飯。店員話用嘅係自家農場養嘅十勝和牛，肉質好嫩又多汁，真係食得出香港首間手打和牛漢堡專門店嘅水準套餐C（黑松露忌廉＋甜洋蔥燒汁）
漢堡加咗黑松露忌廉同甜甜嘅洋蔥燒汁，味道香濃又有層次，帶甜帶香，我一啲汁都冇淨，好惹味！明太子雞翼2隻
雞翼皮好脆，裹住濃郁明太子，鹹鹹辣辣好夠味，一啲都唔油膩，好啱下酒牛油炒蜆
蜆肉牛油香味濃郁，食落去鮮甜帶啲牛油奶香Asahi香甜檸檬有汽果酒
呢杯果酒唔會太甜，又有檸檬嘅酸香，好清新，好啱配漢堡嘅濃味，一啖飲落去好爽快…Read More

一直都好鍾意食呢間蛋包飯，今期仲要同BT21出限定菜單，餐廳貼滿公仔，座位仲有BT21公仔，有可愛又靚又好食🤤BT21系列芝士炸豬排魔法蛋包飯蛋切開見到仲係流心！豬扒入面有滿滿嘅芝士拉絲：）飯嘅外形真係唔捨得食呀！！！所有嘢配埋香口嘅咖喱汁，勁快食晒成碟;0朱古力魔法甜點韓國大熱牛角包窩夫，又香又酥脆，開埋忌廉，好正！朱古力瑞士卷朱古力忌廉甜度剛好，好鬆軟，唔錯！魔幻星空蝶豆花蘇打好啱打卡：）底部有好多爆趣珠珠，適合小朋友飲！日常系列巴馬火腿卡邦尼年糕年糕超彈牙，外型有啲似意粉，調味好香濃，帶點鹹香，配埋中間嘅流心蛋，食落更順滑溶化朱古力 (凍)甜度苦度適中，唔膩，輕鬆飲哂成杯…Read More

海寶丼（特上）呢款好豐富，有赤身，油甘魚，帶子，蝦，三文魚籽，蟹肉等。新鮮仲要量多，啖啖都食到刺身，好滿足～另外呢間嘅特色係有壽司醋啫喱，可以自己決定落幾多去調節酸度：）仲有一壺高湯，可以食到最尾加入變成茶漬飯，多重享受！追加海膽係超正確嘅決定，因為真係好鮮甜，完全冇苦澀味/出水，單食都好正🙌🏻滑蛋豬扒飯豬扒炸得外脆內嫩，咬開有肉汁，唔會又乾又柴。滑蛋好soft,加埋少少洋蔥，配埋豬扒同飯一齊食好順：）…Read More

裝修好有氛圍感，傢俬，牆身，碗碟都有懷舊嘅味道。服務都好好，每個店員都好親切 重點依家有$1啤酒優惠!!’茶乾雞腳湯湯料超多，好足料，係屋企嘅味道～麻辣湯滿滿花椒，幾麻，好香口，扇貝&鮑魚有幾款海鮮選擇，揀咗嘅扇貝同鮑魚都好鮮甜牛摩王拼盤用上5個部位手切牛各6片，牛位十足，最鐘意手切牛肉同封門柳清燉牛腩片比想像中大盤好多，牛味超濃，適合一大班人分享鮮蝦丸，鮮牛丸食得出好新鮮，因為勁彈牙。重點係牛丸超多肉汁四拼餃韭菜餃最驚艷，韭菜好鮮好香…Read More

之前食過銅鑼灣分店好鐘意，試埋北角一樣滿意👍🏻明太子芝士玉子燒明太子唔會咸，總體都係清甜嘅海膽右口魚邊蝦卷海膽甜，魚片甜，蝦脆，冇嘢挑剔！究極炎之丼超強油脂感，火炙控要點！用上赤米飯，單食飯都好正究極海鮮杯外形可愛，刺身都好鮮甜，底部仲有啫喱，女士一定鐘意～4重芝士炸蝦卷芝士愛好者表示滿意，好rich好香！帶子他他大大粒帶子，炸完都食得出好新鮮京蔥地雞雞件外脆多汁，配上芝士忌廉汁，唔會有油膩感，個汁點埋幼薯條都得～…Read More

諗返有幾年冇食過日式放題，所以去咗銅鑼灣搵到呢間入圍OpenRice 2024開飯熱店過口癮！幾年冇食嚟講…呢次體驗都好有驚喜，除咗基本嘅壽司，刺身，炸物，仲有泰式小菜！啱晒一大班朋友/一家大細嚟聚餐，一定有嘢啱食：）以下係最推介嘅嘢食～三文魚腩刺身盤-所有刺身都係勁厚切，蝦又大隻，色澤都幾好，淨係呢盤都已經好滿足海膽帶子-呢盤賣相一啲都唔似放題！帶子大大粒，海膽比好足極品海鮮丼-居然有魚子醬！！！高級感滿滿！…Read More

雞叉燒魚介味玉沾麵用熱鍋裝住濃稠沾湯，魚介清甜配上雞湯的香醇，總體唔油膩唔死鹹。雞叉燒肥瘦適中。麵條緊實Q彈，好掛汁，真係沾一下就好濃味～味玉好入味，蛋黃係鮮橙色，仲要勁流心！！豚骨魚介味玉沾麵經典沾麵湯頭配上一大去又肥又焦香嘅叉燒，絕不出錯嘅選擇！！唐揚炸雞超大舊，外皮香脆又簿身，咬落去超多雞油，推！！辛辣唐揚炸雞比原味更惹味，唔算好辣～燒汁羽根餃子一底過嘅日式餃子邊有人唔愛，配埋燒汁就更香口！…Read More

過江龍星馬菜🙆🏻‍♀️火焰石燒沙嗲串串串燒都大份，最鐘意豬肉串，夠大件香口！迷迭香火焰叉燒上枱用火槍一燒，香味油脂爆曬出嚟，大大舊半肥瘦叉燒🙌🏻天天海南雞（中份）有雞腿雞胸肉，整體幾滑唔柴，加上天天海南雞獨特嘅醬汁，甜豉油&辣醬配埋油飯一流！雞油飯之前叫話成鍋份量太大，所以今次叫一碗兩個人分就可以食多啲餸啦；）豆花奶茶順滑，啖啖豆花～豆花恐龍美祿本身怕會好甜，意外地咁多美祿粉甜度都唔死甜。…Read More

每道都係出面食唔到嘅菜式，大同酒家嘅熱門都食得到，帶長輩食一定冇錯！燕窩鷓鴣粥必點菜式，海量燕窩配上金華火腿同鷓鴣，咸香味好出，加上紅醋都唔錯順德式撈起新鮮魚生係基本啦，加埋花生、蔥、紅椒、油炸鬼一齊撈起，再包生菜，白飯同新醬，好豐富同新鮮嘅味道舊荔灣豉椒蟹聽講係避風塘炒蟹嘅前身！用海量嘅豆豉同辣椒乾炒起，惹味得嚟又唔辣啵蜜汁火方小朋友最愛！方包加上波蘿同金華火腿，咸咸甜甜，好開胃清炒涼瓜唔苦甘甘地，食落幾解膩荷葉飯幾清淡，食到唔少嘅冬菇同潤腸炸子雞滑嫩嘅雞肉配上陳年鹵水汁，冇得輸蟹油撈面用上啱啱炒蟹嘅汁，所以精華都係哂到，冇可能唔好食！二十年陳皮紅豆沙煲得好綿，微甜，食到炒炒紅豆…Read More

兩層大落地玻璃Cafe,環境食物都有水準：）韓式辣泡菜雞肉飲管粉意想唔到嘅味道，食落咸味較長但底層有韓式辣醬嘅味道，加埋幾大舊雞肉塊，泡菜同紫菜絲，有層次又有記憶點：）龍蝦包龍蝦肉比得好足，每啖都食到，肉質都有彈性，絕對唔霉，配埋軟包真正啖啖肉。伴碟有大量沙律菜，新鮮爽口。Peach Ice TeaLunch Set 配嘅，飲落清新，底部仲有幾隻果似Bailey Mocha帶有淡淡的Baileys風味同朱古力味，柔軟順滑Dirty Tiramisu 賣相吸睛，底層係吸滿咖啡嘅餅，上面係滿滿嘅cream同朱古力粉，適合分享開心果巴斯克蛋糕中間係軟心嘅，濃厚芝士味滲透淡淡開心果味，口感好好…Read More

之前食過上環店覺得好食，嚟到中環做嘢就順便食埋呢間分店，一樣都係平靚正之選呀。溏心蛋上面係加咗黑白松露㗎！本身隻多都好夠味，加埋松露醬就仲正！香煎軟心芝士餃芝士餃脆口餃子皮同芝士咸香味濃，必點壽喜燒牛肉餃食落又真係幾似日式壽喜燒，有牛肉同洋蔥係入面，食落咸咸甜甜，都幾得意元貝餃湯面湯底清清甜甜，麵底幾爽口，加入海量蔥吊味。餃子揀咗比較特別嘅元貝豬肉餃，足料又鮮甜山楂雪梨水自家製，酸酸甜甜，開胃解膩…Read More