Gladys0396's Profile

星期六勁大雨，仲要紅雨警告，就揀咗一間位置近地鐵站嘅大排檔試吓第一次食樓上舖嘅大排檔，環境舒服，人流亦多環境也算闊落，每枱座位也不算太逼夾座位也有櫈背，坐得都尚算舒適顧住同好耐冇眼嘅朋友聊天，很多相都忘記影低，只記得食物照一定要影🤣🤣5個人嚟食，我哋大概叫咗7樣菜式分別有脆皮炸大腸、椒鹽豆腐、金沙魚皮、鬼馬油炸鬼、沙爹粉絲牛肉煲、豉油皇銀芽炒麵，蠔仔煎餅金沙魚皮超級多咸蛋黃，魚皮又夠脆身，超吸引香濃可口，重口味之選好邪惡鬼馬油炸鬼佢唔係普通嘅油炸鬼，佢裏面釀了花枝丸的材料進去，外層炸得非常酥脆金黃，裏面是丸類的微彈口感，配上酸甜醬食，層次更豐富且冇咁油膩椒鹽豆腐呢個係自己最喜愛食嘅小菜之一，椒鹽嘅鹹香加上金磚豆腐炸得香脆嘅外層，豆腐非常滑嫩熱辣辣非常惹味蠔仔煎餅也叫蠔餅，炸得非常之乾身，份量亦十足咬落也酥脆不會太油，配上魚露一齊食更加提鮮豉油皇炒麵麵炒得乾身唔會油淋淋，調味亦不會過鹹有椰菜，芽菜增加爽脆口感屬於正常水準沙爹粉絲牛肉煲果然沙爹係同牛肉是最佳拍擋，肉的份量不少粉絲吸了沙爹汁的精華，沙爹味道如果再重些，相信會更美味另外也有青椒黃椒芽菜等配料，減少油膩感脆皮炸大腸外層的確夠脆口，大腸有些脂肪，經油炸後更香口，有油脂香味，但不會過肥，亦沒有異味沾上微酸甜醬汁食更惹味飲品方面，會飲酒嘅朋友就叫咗藍妹啤酒，配上戰鬥碗去飲，超有感覺…Read More

嚟到旺角豉油街，成日都會經過呢間水門雞飯餐廳，感覺幾吸引，今日終於嚟一試店內嘅環境充滿泰式佈置，使我感覺置身於泰國一樣，充滿泰國風情餐牌簡潔清晰，有埋圖片兩個人嚟食，分別叫咗兩份主食、兩份小食和兩杯飲品：水門雙拼炸雞飯、金牌胡椒豬什金邊粉雞雜，泰式腩仔龍眼水、話梅茶餐廳名叫水門雞飯，又點可以唔叫嚟食？🤩見佢仲有得雙拼(水門雞+炸雞)一次滿足兩個願望，於是揀咗呢款嚟到除咗主角，仲有一碗冬瓜湯和兩碟醬汁～冬瓜湯清甜，裏面加咗胡椒，微辣味道使湯更有層次紅色嘅醬用嚟配炸雞比較杰身，微辣黑醬油裏面有青辣椒+薑粒，但唔會太辣水門雞外皮比較淺色，而肉質係可見的嫩滑，食落口覺得濕潤易咬。炸雞嘅炸漿都炸得脆身，唔會太乾個人比較鍾意水門雞而油飯嘅調味唔會過濃剛剛好，飯也頗乾身唔會油淋淋金牌胡椒豬什金邊粉麵底仲可以選擇蛋麵、河粉、粉絲等配料非常豐富，有類似炸雲吞皮，炸豬皮豬油碎豬肉會有少少脂肪，口感不會粗糙豬什有豬粉腸、豬膶，份量都幾多金邊粉口感幼滑雞雜係我比較期待嘅小食有三款食物分別是鴨血，雞腸和雞腎鴨血平時食開麻辣嘅多，而佢呢款唔辣嘅都好味，有鹹香而且食到鴨血味但唔會腥雞腸都洗得乾淨冇異味，口感微脆雞腎不硬也易咬開但又不失彈牙泰式腩仔外觀炸得香脆亦唔會太乾，有油脂香醬汁微辣加咗芫荽提味，配腩仔食味道更豐富飲品兩杯剛好也是棕色話梅茶比較少見香港有，出於好奇心一試，的確係幾得意嘅味道，有話梅酸甜且鹹香嘅味道，係消滯解膩一流嘅泰式飲品而龍眼水十分足料，見到裏面有唔少龍眼肉，甜味都浸曬出嚟，但唔會死甜，係龍眼肉本身嘅香甜味，所以飲落非常清甜解渴…Read More

鰂魚涌地鐵站一出嚟就見到呢間冰室，位置十分方便就腳，門口仲有佢哋招牌食物嘅壁畫，一於試吓佢嘅嘢食設計懷舊，完全擊中我的喜好椅子是醒目的紅色，座位寬敞坐得舒服餐牌設計十分吸睛，好多食物都附有圖片，呢點抵讚。款款食物都覺得吸引我哋叫了招牌嘅菜式，分別有：蕃加濃湯配煎蛋+吉列豬扒麻辣蕃茄濃湯配煎蛋+瑞士雞翼2隻炸薯角、兩杯飲品：紅綠椰冰&菠蘿冰見佢話蕃茄濃湯係每日用200斤蕃茄、豚骨，雞骨，以10小時熬製而成，不含味精。而且仲有加咗麻辣嘅蕃茄，唔可以唔試😋😋蕃茄湯見到果然好足料，有超級多嘅蕃茄肉，湯嘅顏色好深同杰身。飲落非常之香濃嘅蕃茄味，酸酸甜甜非常開胃。而麻辣蕃茄湯則多了花椒八角香味，唔會太辣，幾有麻香，令蕃茄湯更有層次特地揀咗通粉，就可以給吸曬蕃茄湯嘅精華😆佢嘅瑞士雞翼亦非常之出色，佢選用左頭抽瑞士汁豉油，再加上八角桂皮等香料製成。見到上枱咁深嘅啡色，就知道一定醃咗好耐，非常之入味一咬雞肉果然非常腍身，肉質嫩滑，充滿瑞士汁嘅香甜，調味唔會過咸剛剛好吉列豬扒嚟到時，真係嚇一跳，冇諗過會咁大塊，大過隻手掌✋🏻而且超級厚身，但唔係佢炸漿厚，而係塊豬扒肉本身好厚，炸漿算係薄身，而且新鮮熱辣，非常之香脆可口，有驚喜炸薯角就正正常常，但都要讚下佢嘅調味唔會太重，唔怕越食越鹹。而且切得夠大件厚身，一口一件非常滿足紅綠椰冰，即係有紅豆🫘同綠豆，感覺坊間比較少見到，所以就試吓。椰汁味濃清甜，紅綠豆口感軟糯，一邊飲椰汁又吸到紅綠豆食，層次豐富。菠蘿冰🍍也是足料多果肉，有差唔多半杯，味道清新，菠蘿酸酸甜甜十分開胃整體呢餐都食得非常飽肚又滿足，用嘅材料雖然普遍，但用心製作且份量十足，性價比頗高令人大快朵頤…Read More

嚟到旺角，唔想又去朗豪坊同西洋菜/豉油街嗰邊醫肚，就行去另一邊睇吓。見到有間店門口掛住紅色燈籠🏮寫住「居酒屋」就走嚟試吓雖然地方不大，但座位寬敞舒適，牆上貼滿不同日本動畫，頗有特色入座之後，店員即時俾了玄米茶我哋解渴而佢餐牌選擇都幾多，除咗壽司/魚生/海鮮丼，仲有燒物及串燒而牆身也有menu寫有一些新品推介，感覺燒三文魚骨幾吸引，不過今日諗住全部食壽司同魚生，留返下次再戰🤣總共叫了三款菜式：炙燒壽司盛盒12貫、北海丼，芒果吉列蝦卷炙燒壽司盛盒 12貫🍣沙律醬燒三文魚、沙律醬燒帝王蟹棒、沙律醬燒大蝦、芝士醬燒三文魚、芝士醬帝王蟹棒、芝士醬燒大蝦、蒲燒鰻魚、海鹽燒左口魚、醬燒帶子、醬燒紋甲魷魚、醬燒油甘魚、燒海膽全部壽司有很香的炙燒味，非常香口😋蟹棒一絲絲大蝦彈牙，鮮甜三文魚幾重脂肪感，入口即融，有魚油香魷魚軟彈左口魚都有魚油香味其餘壽司也是食得出材料新鮮芒果吉列蝦卷 6切🍤芒果微酸甜開胃，加埋沙律醬食，炸蝦微暖亦keep到鬆脆嘅口感，再加上蟹籽口感豐富北海丼🍱有牡丹蝦、海膽、三文魚、帶子、北寄貝、三文魚籽，吞拿魚蓉份量十足，材料亦夠新鮮鮮美壽司飯配埋飯素，令到壽司飯味道更豐富…Read More

最近都係多雲有雨嘅日子，一時晚飯唔太知食咩好，行行下經過見到呢度有食海南雞，店名「隨心」很貼合我宜家嘅心態，而海南雞啖啖肉都幾符合我心水環境闊落，坐得舒服仲有一個新加坡標誌嘅立體打卡位📸隨心海南雞飯(無骨）🐓嚟到緊係要試佢嘅招牌海南雞飯啦～都幾大碟，比較少見有黑木耳做伴碟，亦會附送一個雞湯，同三款醬料，分別是黑醬油、薑蓉，以及辣醬雞件夠嫩滑，油飯唔會太油比較爽身，亦唔會太濃味，唔使怕越食越鹹海鮮喇沙🍜材料十分之豐富😍：有蝦🦐，帆立貝，魚片，蟹柳，雞蛋🍳，豆卜，芽菜湯底有滿滿嘅椰香味，辣度亦容易接受😋佢嘅麵係摻摻即兩溝，但並非一般常見用油麵溝米粉，而係用瀨粉溝米粉，口感會比較彈牙爽口👍🏻新加坡黑蘿蔔糕係餐牌見到佢已經即時激起我嘅好奇心，加上都鍾意食蘿蔔糕，就一試佢會同平時嘅蘿蔔糕有咩分別原來佢嘅黑色係來自黑醬油，有些蒜味和辣味，外層煎得微脆，裏面軟綿綿，非常香口惹味椰香咖啡☕️🥥自己幾鍾意椰子味嘅食物，所以見到有椰香咖啡，就毫不猶豫咁叫咗一杯品嘗果然冇令我失望，幾重椰香味，椰子嘅香甜大大減低咗咖啡嘅苦澀味，咖啡又平衡返椰子嘅甜膩感，彼此相得益彰，讚😆…Read More

行過銅鑼灣糖街買嘢，經過見到呢間餐廳門口售買好多印尼食品，就被佢吸引咗眼球，見佢入面都有堂食位置，就入去食個午飯牛肉卷有4件，size 比想像中大，入面有滿滿餡料，調味唔會太重，有紅蘿蔔粒增添爽脆口感牛肉餡料嘅形態似茶樓食到嘅咸水角餡料。佢外層炸到金黃香脆，就算放咗一陣再食都仍然脆口印尼花膠湯班蘭雞粉皮非常清甜嘅花膠湯，飲落好舒服，有大大嚿花膠，食得好滿足，湯料仲有蟲草花，紅棗同杞子。雞件數量都份量充足，雞肉很嫩滑，仲食到平時海南雞有嘅骨膠原啫喱，配埋綠色帶微辣嘅班蘭醬，令雞肉味道更錦上添花羊肉沙嗲如果怕羊羶味嘅人應該都可以接受到，因為唔會太重羊羶味，而且一定要配埋佢嘅秘制沙嗲醬汁，十分之惹味，有花生香，亦唔會太咸咸魚炒怡保芽菜熱辣辣上菜，有咸魚咸香但唔會過濃味，爽脆嘅芽菜，仲有豆卜吸佢帶咸香嘅菜汁好惹味雜菜豆腐黃豆餅小食黃豆餅食到淡淡黃豆香味，豆腐大大塊有豆香食得滿足伴碟仲小魚乾，炸花生香口惹味🥜咖啡涼粉冰$38好大一杯，奶嘅份量偏多，咖啡味會淡啲，涼粉吸收咗咖啡味道，切成一條條幼絲，飲嘅時候就可以食埋涼粉增加口感，同時減低佢甜膩感牛油果沙冰$48亦系好大杯，好似座小山一樣。加咗朱古力醬系上面，估唔到原來朱古力同牛油果味道又幾夾。初時都會擔心牛油果味道本身淡味變成沙冰會唔會冇味，但結果唔會，係飲到佢好清新嘅牛油果香甜味無諗到叫嘅菜份量都比較多，味道又好，價錢相宜，所以覺得呢間性價比真係好高，食到個肚超級飽～…Read More

係北角買完嘢，覺得肚餓，就打算係呢頭附近搵下邊間餐廳食飯行過六合小巷呢間餐廳，即時被佢門外設計所吸引，掛滿唔同顏色嘅燈籠🏮，好有台灣夜市嘅風情黑麻油蟲草花濃雞湯麵可以揀粗麵或幼麵，店員提議粗麵比較多人揀，一於試試濃濃清甜雞湯，雞湯仲係上枱時店員即時由保溫壺倒落麵上，十分熱辣辣。湯一飲就知用咗非常足料去煲呢個湯底，既好味又健康麻糬芭樂骨有啲似黑醋骨，佢嘅麻糬同我想像中有少許唔同，比較稀身一些，並非固體狀，但能夠更好地與排骨混合一起食。醬汁非常濃厚，酸酸甜甜十分惹味，加埋芭樂粒食，感覺就更加清新😋😋蚵仔煎上桌會見到呢度嘅蚵仔煎同平時見到嘅樣貌不同，比較像是海鮮薄罉嘅形態，邊位炸得十分香脆可口，蠔仔鮮甜，加埋紅色秘製醬汁食一流😆🤩鳳梨乳酸爆珠佢係沙冰飲品，很重鳳梨味，加埋乳酸爆珠，非常之開胃，兩者味道十分之配合，令味道更加豐富，充滿夏日氣息，非常推薦熱紅棗杞子桂圓薑母茶叫咗杯養生飲品，紅棗杞子桂圓都有唔少，薑味唔會太辣，易入口。暖胃健康又美味…Read More

嚟到尖沙咀行街，經過呢間工業風漢堡店，被佢嘅裝修吸引，而且見到餐牌上嘅漢堡選擇十分之多，就決定入嚟食漢堡包環境十分闊落餐牌選擇也十分多，最後叫了4款：大烤菇鱈魚柳漢堡、吉列大蝦沙律、馬蘇里拉芝士條，蜜桃冰茶吉列大蝦沙律🥗沙律一來到覺得份量很大碟，應該足夠3-4人分享。吉列大蝦🍤很大隻，炸得脆香，炸漿不會太厚，配上清新嘅沙律，減低油膩感。沙律有紫洋蔥、火箭菜、生菜，蕃茄等，再配上酸酸甜甜嘅醬汁十分惹味食漢堡又點可以唔配返個小食🤩追個馬蘇里拉芝士條，一定要襯熱食，仲有長長嘅拉絲效果，芝士味十分濃郁，芝士迷唔好錯過！最重要嘅主角：大烤菇鱈魚柳漢堡🍔很巨型份量十足嘅漢堡：有生菜，蕃茄，混了黃瓜粒嘅沙律醬，鱈魚柳，芝士，大烤菇。鱈魚柳炸漿很薄身，魚柳非常厚身肉多，食得很滿足，大烤菇也很juicy 見到佢有自家製飲品，就叫咗一杯品嘗一下🍑蜜桃冰茶仲好貼心可以走冰～唔怕會被冰整淡蜜桃冰茶嘅味道，飲落清新, 有清甜嘅蜜桃味, 但又唔會太甜，正👍🏼…Read More

同朋友放工後相約係觀塘，想食韓式炸雞。而apm旁邊的亞太中心就有一間唔錯嘅韓式炸雞餐廳Dodam Chicken 去到就會見到門口有個很搶眼的公雞標誌，餐廳環境以寶藍色為主調餐廳環境闊落，燈光暖調，櫈亦坐得幾舒服來到炸雞餐廳，當然要叫一款炸雞試試，口味選擇都幾多，而最吸引我的口味便是黃金鹹蛋味😋而餐廳亦有一份和半份選擇，十分貼心因為只有我和友人兩個，所以我哋叫了半份炸雞一上桌便聞到好香嘅鹹蛋黃味，炸雞上亦見到很多鹹蛋黃。炸雞脆漿很薄身，但仍做得十分鬆脆的口感，亦有很香濃的鹹蛋黃味，十分足料。如果鍾意食鹹蛋黃，一定要叫呢款炸雞🍗！因為想飽肚一點，就叫了一個韓式手抓飯。見到整碗飯都被蟹子，紫菜和蟹柳舖得滿滿～拌的時候發現裏面還加了沙律醬配料十分充足，拌好的飯都痴住卜卜脆的蟹子，香甜嘅蟹柳和紫菜香味，不自覺地就食曬成碗飯小食方面就叫了照燒汁焗魷魚🦑同樣十分足料，餐廳很貼心將成隻魷魚切好，十分方便食用。魷魚易咬開不韌，配上甜甜的照燒汁十分惹味，再配上沙律感覺更加清新食嘢又點少得叫返杯飲品～呢杯Mango milkshake 十分大杯，有清清的芒果味，味道亦唔會太甜，飲落順滑，充滿韓式水果奶的風味🥭…Read More

嚟到D2 place 打卡聖誕節裝飾，再行咗一陣呢度嘅市集，正覺得肚餓嘅時候見到呢間餐廳嘅menu幾colourful，就吸引咗我眼球行過去，見到原來係食魚生飯，感覺佢嘅配搭都幾豐富又健康，就入嚟一試本身佢都有十多種已經配搭好唔同魚生配菜同醬汁嘅款式供客人選擇。但如果都覺得冇適合嘅配搭，仲可以從頭自己去選擇肉類例如雞肉、三文魚、吞拿魚，八爪魚、熟蝦等配菜例如和風、蛋黃、山藥、紅菜頭、泡菜等醬汁例如醬油、印度香料汁、照燒汁、蜜糖芥末、泰式魚露等今次我哋分別選擇了已配搭好嘅菜式：經典三文魚(和風配菜：包括烤南瓜、王子燒、四季豆，毛豆)配沾烏冬，烏冬用了他們自製醬汁，十分惹味煙燻油辣味三文魚(紅菜頭配菜：包括紅菜頭、甜黃椒、紅腰豆、羽衣甘藍)配沙律同menu上面圖片都算係一模一樣，望落又夠鮮艷，很吸引到大家食慾，而且份量足夠…Read More

平安夜同朋友想去一間比較有氣氛嘅餐廳食飯，就選擇了這間意大利餐廳因為係平安夜餐廳都有聖誕menu，亦有海鮮dinner set我哋就叫了一個海鮮set，本身前菜是配生蠔🦪，但因為賣曬就轉咗俾意式蜆肉煲，份量都多，蜆肉都鮮甜無沙海鮮煲就有青口、蝦，魷魚、蜆肉，湯底是龍蝦湯，覺得湯是最好飲的😋另一個前菜叫了風乾牛肉配帕馬臣芝士🧀，份量都多，味道正常大蝦蕃茄手工意粉：意粉因為係手工做，比較粗身一啲都彈牙，幾鍾意呢種麵質。蝦🦐都新鮮，肉質爽彈，蕃茄🍅酸酸甜甜十分開胃。美國春雞配煎薯：初時以為煎薯係薯角咁樣，但原來係薯條😂但新鮮熱辣又係粗身薯條所以都好好食，春雞🐓似係用焗嘅方式焗至微脆，仲配埋沙律🥗減低食肉嘅油膩感海蟄蝦芝士意大利粉：海蟄蝦🦞有啲似平時見到嘅瀨尿蝦，但唔確定係同一種蝦抑或只是蝦的近親。芝士味唔算好濃，如果再濃少少會食得更滿足飲品就分別叫了一紅一白嘅酒，味道普通都易入口🍷🥃…Read More

呢間食堂每到食飯時間都會好多人，因為係觀塘區都係幾出夠嘅平民食堂，所以捧場客唔少。舊址係駿業街熟食街市入面，宜家搬咗嚟駿業里，位置更加方便～呢間餐廳每星期都會更新一次餐單，一般有A-H 八個餐，A-E是常駐套餐，F-H是限定套餐，套餐最平$48就食到，最貴都只係$58！今次同同事都叫了限定餐，分別是意大利陳醋慢煮豬仔背肋骨配黑松露洋蔥炒薯仔，以及脆炸芝士粉香草雞柳，檸檬青瓜乳酪沙律醬配黑松露洋蔥炒薯仔，每個套餐都會跟餐湯和餐包，今次餐湯餐包是忌廉三文魚湯配蒜蓉包慢煮豬仔背肋骨食到意大利陳醋嘅味道，而肉質都好淋好容易咬開，炒薯仔都香口脆炸芝士粉香草雞柳，炸粉唔會太厚，雞柳肉都唔會太乾，佢嘅檸檬青瓜乳酪沙律醬都幾清新，係幾特別嘅醬，亦好幫助減低炸雞柳嘅油膩感，不過芝士味就唔突出，不過價錢咁抵都冇乜投訴啦🤣份量夠多一定夠飽…Read More

呢間韓國菜餐廳性價比很高，想食韓國菜嘅時候時常想到嘅餐廳老闆係韓國人，所以菜式十分地道，而且價錢親民，份量又多😋第一次同朋友係午飯時間，入到去店員就會俾六碟前菜：泡菜、薯仔🥔，西蘭花🥦、蘋果沙律、花生拌四季豆，菠菜拌大豆芽果然泡菜是最好味的，不是太辣，幾入味有趣是我覺得蘋果沙律🥗唔似係韓式前菜，但味道係好食嘅😂我們叫了兩份午餐，都會包一杯飲品，我們都選又罐裝汽水我選擇了韓式飯卷配韓式炒年糕，年糕煙煙韌韌，同韓式飯卷很配合，食得很滿足。而友人則叫了鮑魚人蔘雞湯，份量也很足夠，大大份熱辣辣咁上枱。清清嘅蔘雞湯食得很舒服，雞肉都有蔘湯味道，仲有糯米吸曬湯嘅精華～只係叫咗兩個午餐，但就食到咁豐富嘅飯菜，價錢又親民，一定會再嚟食飯！😋😋…Read More

門口帶有神秘感嘅afternoon tea環境幾靚，坐得幾舒服Afternoon tea是二人份量，每人會跟一杯飲品，我們分別要了早餐茶和伯爵茶等咗15分鐘左右就上菜了甜點會比鹹點款式多3種，但個人會比較鍾意食鹹點鹹點：有4款1. 鴨肝慕絲配山羊芝士、甜椒、無花果醬2. 蟹肉紅椰菜三文治🥪3. 挪威煙三文魚配黑麥麵包🥯4. 香薯炸蝦🍤(4款鹹點我自己都覺得唔錯嘅)甜點：有7款1. 雲呢拿野莓泡芙2. 榛子朱古力棒3. 檸檬蛋糕4. 草莓慕絲5. 法式蛋白杏仁餅(Macarons): 芝麻，綠茶6. 英式鬆餅（個人最鍾意呢個甜點，其他對我來說都是偏甜）7. 瑪德蓮蛋糕等緊上菜期間店員仲俾咗啲特別嘅6款朱古力我哋試食～淺棕色：牛奶朱古力，偏甜深棕色：堅果朱古力，正常粉綠色：開心果味，都算重開心果味，但偏甜一點綠色：印度香料味，幾特別有驚喜估唔到香料同朱古力可以咁夾藍色：波子汽水味+熊仔軟糖紅色：辛辣味，超辣⋯辣味好持久🥵題外話：餐廳裏面仲有一個好靚幾乾淨嘅粉紅色牆廁所🤣🤣…Read More

同媽咪呢度黃埔呢邊行街行到有少少餓見仲係下午茶時間，行過呢間餐廳見係食葡國菜就入嚟試吓叫咗兩個tea set1. 芝士咸牛尾尖肉滑蛋烤夾歐包配小份薯仔沙律🥗芝士同咸牛尾嘅咸香再加滑蛋，口感豐富，唔會太鹹，歐包都算鬆軟，有薯仔沙律稍微解膩2. SO酥窩芙配沙甸魚柳亦配有小份薯仔沙律🥗係餐牌見到呢個配搭覺得幾新奇第一次見，出於好奇就叫咗呢個tea set試吓佢用咗窩芙做包去夾住大大嚿沙甸魚肉，窩芙口感綿密有蛋香，配埋煎出了魚油香的沙甸魚肉，十分香口以上食物都會包自助沙律吧和飲品一杯沙律吧嘅沙律選擇唔算多，但勝在沙律嘅配料夠新鮮亦夠凍❄️有車厘茄、粟米🌽、生菜🥬、椰菜絲、紅菜頭，豆苗等再有橄欖油、黑醋、千島醬，沙律醬俾大家自己配搭飲品有咖啡/奶茶/水果茶🍹我哋選了水果茶，入面有百香果，幾香幾清新好飲…Read More