konglui.food's Profile

[ 霜瀛 ]呢間壽司刺身Omakase店1年前由上環搬去尖沙咀，人氣依然強勁！最近晚市做緊第2位第3位半價優惠、酒精飲品第2支半價。晚上9點前仲可以無限追加手握壽司😲！✿ 「櫻」廚師發辦晚餐+壽司追加放題 $1680/位套餐有3款先付、蒸蛋、3款日本生蠔、6款時令刺身、季節料理、10貫手握壽司、吸物、甜品拼盤。3款先付🥢當晚前菜係芥末湯葉、三文魚籽豆腐、汁煮東風螺，清新開胃。 蒸蛋🥚茶碗蒸加入櫻花蝦、香菜等材料，蒸蛋嫩滑帶鮮味。3款日本生蠔🦪當晚款式分別係 岩手縣米崎蠔、兵庫縣武士蠔、岩手縣令和之怪物。生蠔體型、肉質、口感和搭配都有不同，唯一相同係生蠔夠新鮮。6款時令刺身🐟🍤當晚刺身有 間八魚、活赤貝、煙燻鰹魚、拖羅蓉海膽最中餅、甘蝦、北海道白粟米。間八魚捲住海草再配烏魚子，魚肉爽脆帶烏魚子鹹香，鮮味更上一層；鰹魚用上日本木煙燻，相當打卡！鰹魚魚皮燻得微脆，金箔與昆布醬增添奢華感及味道層次；拖羅蓉海膽最中餅，海膽濃郁與拖羅油脂夠哂滿足。 季節料理🧫慢煮鮑魚配鮑魚肝醬，鮑魚煮得軟嫩卻不失彈性，濃郁肝醬及山椒葉香氣讓整體風味更立體。 10貫手握壽司🍣當晚款式有 魴鮄魚、金目鯛、赤蝦、帆立貝、深海池魚、葉血引、金線鯛、銀鱈魚、拖羅、北海道馬糞海膽杯，全部魚生都新鮮厚切。除咗有火炙壽司，調味方面各有特色，會配搭柚子胡椒、黑/白松露醬、烏魚子粉等。⚠️最重要係晚上9點前仲可以免費無限追加手握壽司(除咗海膽)😱😱！吸物🥣清澈高湯有舞茸菇、蓴菜，飲完暖胃。甜品拼盤🍐🍨有日本蜜瓜同埋雪糕。提早預訂更可免費升級甜品拼盤，慶祝節日一流。總結🫦 Omakase食材新鮮日本直送，手握壽司仲可以免費無限追加！而且有好多優惠做緊，性價比夠高。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿霜瀛地址：尖沙咀金馬倫道33號The Cameron 1樓102號舖電話：3188 8007✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ 牛站(駅)麻辣火鍋放題 ]天氣涼涼地最啱去打邊爐，今日同朋友嚟尖沙咀行街，順便去咗The one對嘅牛站食野，地理📍位置方便。✿ 3號特上牛小排套餐 正價成人 星期一至四晚上 $348/位湯底簡咗金湯花膠雞鍋🐔，可以先飲湯再食雞&花膠😍😍。火鍋配料肉類🥩🍖必食特上牛小排、SRF美國極黑和牛片、美國安格斯牛板腱，每款肉都高質，有肉味之餘唔會好韌口海鮮類🦪🦐推介必點大頭蝦、生蠔、鮑魚、新鮮又好味🤤！自助熟食區除咗多款打邊爐配料外，燒腩仔同麻辣小龍蝦🦞都係任食😋😋，仲有唔少涼拌菜式，而藤椒魚皮超惹味呀🌶️🥵。飲品類珍珠奶茶🧋自家製冷泡茶、紙包飲品多款選擇。甜品類häagen-dazs多款口味，任君選擇🥰🥰，鐘意食甜品唔好錯過。總結🫦 整體性價比高，由肉類、海鮮類、甜品類都質素唔錯，值得回訪‼️‼️✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿牛站(駅)麻辣火鍋放題地址：香港尖沙咀加連威老道2-6號愛賓商業大廈1樓102號舖電話：3188 2882✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ 鳳城1954 ]新派順德菜品牌「鳳城1954」最近推出秋冬系列「肆人大閘蟹宴」，四人套餐只需$888就食到大閘蟹🦀、蛇羹🐍、羊腩煲🐑等經典秋冬菜式。✿ 肆人大閘蟹宴 $888 (四位用)菜單：時令大閘蟹 (四隻）太史五蛇羹一口金磚豆腐魚湯杞子浸豆苗秘制羊腩煲脆皮炸子雞 (半隻）驅寒薑茶每隻大閘蟹公有三兩重，蟹黃甘香濃郁，蟹肉清甜，蘸上蟹醋顯鮮甜。太史五蛇羹醇厚綿滑，以蛇肉絲、雞肉、木耳等煮成羹，肉絲帶來嚼感，加埋白胡椒粉辛暖胃。一口豆腐外層炸得酥香輕薄，內裡豆香軟嫩。豆苗以奶白色魚湯為底，豆苗清嫩，魚湯鮮甜且解羊腩油膩。羊腩煲每件羊腩都大嚿厚肉。帶著皮層嘅羊腩燜得軟爛入味，羊味醇厚，南乳醬汁鹹香而不膻，與花菇、枝竹等配料融合。炸子雞雞皮香脆，肉質保持豐盈肉汁，以少量椒鹽提味。最後以驅寒薑茶作結，辛辣回甘。總結🫦 $888「肆人大閘蟹宴」份量充足食得夠飽👍，套餐適用於荃灣愉景新城店、九龍灣MegaBox店、上環店、銅鑼灣店。需另收茶芥及加一服務費。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿鳳城1954地址：荃灣青山公路 - 荃灣段398號愉景新城3樓3003號舖電話：2328 8398✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ 大灣咖啡廳 ]紅磡「香港嘉里酒店」大灣咖啡廳 由即日起至2025年11月30日推出「大師之味：韓日饗宴巡禮🇰🇷🇯🇵」自助晚餐，由前米芝蓮指南推薦餐廳創辦人暨韓籍女主廚Una Yoo客席主理超過25款正宗韓式料理。✿「大師之味：韓日饗宴巡禮」自助晚餐星期一至四 $738/位、星期五至日及公眾假期 $838/位供應時間：晚上6時至9時30分入座後立即感受到正宗韓式用餐體驗，店員會奉上6款經典韓國小碟前菜，包括新鮮自家製韓式泡菜。韓式料理🇰🇷款式多元化，肉類有烤頂級韓牛👍、韓式烤牛肋骨、韓牛漢堡扒、香濃韓式豬五花腩、韓式炸雞等。仲有自助餐罕見、即點即煮嘅 韓式部隊鍋🍲！由食客任選配料例如拉麵、年糕、午餐肉、香腸、拉絲芝士等製作部隊鍋。最後必食即煮韓式粥，推薦韓式鮑魚粥👍，鮮甜養生。日式料理🇯🇵有蒲燒鰻魚、迷你魚生飯等。刺身有三文魚、油甘魚、八爪魚等，全部都好厚切鮮甜。星期五至日及公眾假期有日式磯煮鮑魚、蟹膏蟹肉壽司。冰鎮海鮮🦀🦐自助區任拎麵包蟹、青口、蜆及大蝦，大蝦大隻厚肉夠鮮甜。星期五至日及公眾假期有龍蝦。其他熟食🥘有即切燒西冷牛扒、 紅酒燒羊髀、印度咖哩、椒鹽軟殼蟹、中式燉湯等熱葷菜式。飲品🍹無限暢飲果汁、咖啡及茶。星期五至日及公眾假期更可無限暢飲韓國米酒、日本清酒、啤酒、汽水。甜品🍰韓日式甜品有韓國紅豆鯛魚燒、韓式脆米餅、雜錦麻糬等。另外有意式手工雪糕、西式甜點，連港式雞蛋仔都有。總結🫦 今次酒店邀請到韓籍女主廚Una Yoo客席主理正宗韓式料理，原來Chef Una大有來頭，除咗係前米芝蓮指南推薦餐廳創辦人，早前更為韓團Seventeen及G-Dragon團隊準備Crew Meal😳。此外，現凡於酒店網上商店購買6張自助晚餐券，即可參與Chef Una親自主理嘅韓式烹飪課程，學習正宗韓式飯卷獨門秘技。@kerryhotelhk✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿大灣咖啡廳 地址：紅磡紅鸞道38號香港嘉里酒店3樓電話：2252 5246✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ 鮨 央泰 ]隱藏於海港城主打江戶前壽司體驗嘅Omakase店，私隱度夠高，而且用料新鮮。✿ 皇 SUMERAGI $1780/位✿ 先付・三点三点有沖繩水雲草、灸燒蛋黃日本生芋、汁煮吞拿魚，賣相精緻又豐富🍱。✿ 刺身・二点1️⃣深海池魚腩野生深海池魚，質地嫩滑。2️⃣北海道八爪魚🐙八爪魚經過4個鐘熬煮，原條八爪魚呈現，入口彈牙。3️⃣平貝包紫菜平貝經灸燒，鮮味突出，肉質爽口。✿ 燒物梭子魚配上山藥泥，好香口。✿ 握り寿司・八貫1️⃣白魷魚魷魚夠爽身，加上海藻鹽，咸味提鮮。2️⃣和歌山花竹蝦花竹蝦新鮮彈牙，而且擺盤精細🦐🦐。3️⃣北海道北寄貝北寄貝經灸燒後油份突出，配搭檸檬汁🍋食用。4️⃣時令秋刀魚芽蔥加即磨芝麻，時令秋刀魚非常新鮮🤩。5️⃣醬油漬野生吞拿魚 吞拿魚背部位置經熟成10天，入口油脂平衡。6️⃣鰆魚煙燻過後外皮脆口，肉質彈牙。7️⃣對馬島赤鯥魚赤鯥魚以碳燒處理，份外香口。8️⃣拖羅拖羅取至吞拿魚下巴位置，油份高，入口即溶🙂‍↔️。9️⃣ 浜中町馬糞海膽馬糞海膽色澤鮮艷，入口鮮甜😋。✿ 玉子燒玉子燒加入蝦肉、魚肉製作而成，味道咸咸甜甜，好鬆軟。✿ 椀物 魚湯✿ 甜品 靜岡縣密瓜總結🫦整體味道新鮮，而且調味不會過重，能夠品嚐到食材嘅新鮮度，味道不錯👍🏻👍🏻。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿鮨 央泰地址：香港尖沙咀廣東道3-27號海港城港威大廈地下G111號舖電話：2383 3366✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ Pici ]Pici每月都會推出不同限定菜式，呢期主題係蘑菇🍄‍🟫，鍾意食蘑菇嘅人唔好錯過啦😆😆。✿ Homemade Mushroom Meat balls 蘑菇肉丸 $130蘑菇肉丸🧆🧆混合濃郁菇肉，入口鬆軟，沾上特製醬汁，味道濃郁😋。✿ Handcut Pappardelle, e Porcini 蒜香芝士牛肝菌手切寛帶麵 $198寬帶麵厚實有嚼勁，牛肝菌香氣撲鼻，帶有微微酒香，蒜味不算好重。✿ Strozzapreti,Finferli e Salsiccia 辣味香腸雞油菇扭紋意粉 $140微辣香腸同雞油菇組合意外地夾，扭紋意粉掛汁力強，辣度適中，整體味道創新又特別👍🏻。✿ Hazelnut Tiramisu 榛子提拉米蘇 $70榛子碎增添堅果香氣🌰🌰，入口輕盈不膩，咖啡酒香平衡甜度，食落有d似食緊繽紛樂🤣。✿ 晚市套餐 $258Starter✿ Burrata Cheese 🧀 布袋芝士 Pasta✿ Fettuccine Creamy Lobster 🦞 澳洲龍蝦扁麵 +$20龍蝦醬汁濃稠鮮甜，扁麵吸附滿滿海鮮味，雖然要額外加錢但物有所值🫶🏻🫶🏻Dessert ✿ 是日雪糕• Cookies and Cream +$10總結🫦Pici今季以蘑菇為主題，手工麵條水準依舊，榛子Tiramisu有驚喜❗️環境悠閒適合約會，人均$300左右可以試盡每月限定菜式，菇迷速訪☺️。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Pici地址：香港中環蘇豪鴨巴甸街24-26號地舖電話：2755 5233✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ 麺屋こころ Kokoro ]最近呢間人氣東京撈麵推出季節限定海膽系列，每日限量發售，售完即止‼️海膽控必試呀🧡✿ 海膽撈麵 $168海膽汁超濃郁，入口CREAMY，加上大量飛魚籽，可以提升鮮味，令人食唔停口🤤。✿ 明太子忌廉撈麵 $99明太子鹹香同忌廉奶滑平衡得剛好，醬汁稠度適中，掛麵力強。明太子微辣，另外仲加入黑胡椒，非常惹味🫶🏻。✿ 追加海膽 原價$75 追加$32追加價錢實惠，新鮮度同主菜一樣，可以直接加落麵拌勻，滿滿奢華感🤩。✿ 抹茶拿鉄加抹茶牛乳雪糕 $52抹茶控必試🍵香濃而不甜膩，頂層雪糕綿密帶微苦，融化後變成冰涼奶蓋，雙重享受。記得先吃雪糕再攪拌🙂‍↔️。✿ 焙茶奶蓋拿鉄 $52焙茶香氣撲鼻，奶蓋鹹香，尾韻有烘焙茶嘅焦香，搭配濃郁麵食非常解膩👍🏻。✿ 雙色蕨餅 $32蕨餅口感Q彈不黏牙，抹茶同黃豆粉味甜度適中，面頭再淋上黑糖醬點綴。總結🫦海膽系列創意兼具，海膽撈麵令人驚艷，推薦海膽控必試‼️店內座位有限，建議早d嚟排隊呀🙌🏻。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿麺屋こころ Kokoro地址：香港沙田沙田正街18-19號新城市廣場一期7樓704號舖電話：3422 8662✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ Nana‘s Green Tea ]Nana’s Green Tea日本人氣店係黃竹坑Southside都有店舖，📍位置方便。✿ 嫩雞肉明太子茶漬飯 配鰹魚湯 $88清爽嘅茶漬飯搭配嫩滑雞肉&微辛明太子，淋上鮮香鰹魚高湯，味道層次豐富👅。✿ 海老蕃茄豆乳鳥冬🍅 $128彈牙鳥冬麵配上濃郁蕃茄豆乳湯底，湯頭酸甜，帶豆乳溫潤，口感滑順又開胃🤤。✿ 凍抹茶牛奶白玉綠茶雪糕 $52經典抹茶牛奶飲品，加入軟糯白玉&綠茶雪糕，抹茶微苦回甘，雪糕綿密🍦🍦。✿ 凍焙茶牛奶白玉焙茶雪糕 $52焙茶香氣濃郁，柔和順口，搭配焙茶雪糕&白玉，炭焙風味突出卻不苦澀，適合偏好厚重茶香嘅人😍。✿ 黑芝麻白玉芭菲 $88層次感十足芭菲杯，黑芝麻醬香醇濃厚，搭配白玉、脆片和冰淇淋，口感豐富，芝麻控絕對滿足🖤🩶。✿ 焙茶蕨饼芭菲 $88日式蕨餅結合焙茶冰淇淋、紅豆🫘&奶油，茶香同甜味交織🍵。總結🫦每款菜式都展現咗日式茶飲同甜點細膩風格✨，選擇豐富💕💕。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Nana‘s Green Tea地址：香港黃竹坑香葉道11號THE SOUTHSIDE 2樓206-207號舖電話：2117 0639✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ Santa Monica Cantina ]中環鬧市中嘅墨西哥小館，菜式精緻而且風味正宗，好啱同朋友嚟小酌一杯🍹🥃。 ✿ Ceviche $138新鮮開胃嘅秘魯風味前菜，肉質彈嫩，醃漬得恰到好處，酸爽檸汁搭配洋蔥🧅&芫荽，層次分明。✿ Baja Fish Taco🌮 $128炸魚外脆內軟，麵衣輕薄不油膩，搭配清爽椰菜絲同微辣醬汁，用玉米餅夾住食，風味地道。✿ Vegan Buddha🥗🥗 $158健康之選！藜麥底搭配蔬菜、牛油果🥑、醬汁酸甜開胃，素食者都啱食。✿ Margarita $98經典款調酒🍸 tequila酒調濃郁，杯緣鹽粒同青檸平衡味道🍋‍🟩🍋‍🟩🍋‍🟩。✿ Captain Morgan $58簡單嘅蘭姆酒配可樂，甜度適中，適合佐餐解膩🥤🥤。總結🫦餐廳氛圍輕鬆，適合下班小聚，而且菜式都好啱同朋友share食👭👬🫶🏻。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Santa Monica Cantina地址：中環些利街9號地舖電話：9054 0775✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ 芝加哥串燒酒場 ]喺中環收工想搵個地方chill吓，同朋友嚟咗蘭桂坊呢間串燒酒場，唔同日子仲有推出不同啤酒優惠🍻。✿ 極品即燒乳豬+荔枝豚肉卷+椒鹽日本黑豚＋炭燒豬頸肉拼盤 $98✿ 招牌雞皮墨魚滑+芝士雞肉串+雞肉軟骨棒＋蜜糖雞翼拼盤 $89拼盤價錢實惠，而且肉質燒得剛好，入口夠juicy🤤🤤。海鮮✿ 香蒜燒鮮鮑魚 $82✿ 招牌燒法國鵝肝 $82鮑魚夠爽口彈牙，調味十分惹味，送酒一流👍🏻👍🏻鵝肝油脂感滿滿，食落勁滿足❤️。肉類🍖✿ 招牌雞皮墨魚滑卷 $33✿ 牛油果豚肉燒 $28✿ A5 品和牛粒 $128推薦必點雞皮墨魚滑卷，外層雞皮烤得香脆，內裏墨魚滑彈牙，層次豐富😋😋。蔬菜類🥬✿ 玉子燒 $38✿ 黑松露芝士焗雜菌 $53✿ 韮菜燒 $16✿ 新鮮翠肉瓜 $16酒類🍺✿ 麒麟生啤 $99✿ 生力清 $99📌逢星期一麒麟生啤買一送一優惠📌逢星期二生力清買一送一優惠📌嘉士伯全日買一送一優惠總結🫦串燒價錢經濟實惠，而且仲有好多唔同款式選擇，好啱收工嚟飲返杯食吓串燒🤤🍢🍢。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿芝加哥串燒酒場地址：中環榮華里12-14號榮華大廈B座地下L及M號舖電話：9777 7532✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ Siaw ]前排係尖沙咀行街搵餐廳食飯見到呢開新開泰國菜，透過門口玻璃望到開放式廚房內都係泰國廚師，感覺好正宗一於試吓😍。前菜✿ 珍寶脆炸手工蟹肉卷 $168外皮係金黃酥脆嘅腐皮卷，內裡係泰式扎肉加絲絲蟹肉，口感扎實。蘸上兩款泰式醬汁，更顯惹味。炒嘢✿ 醉貓炒河 $108可選牛肉或蝦肉。泰式河粉均勻裹上深濃醬色，味道微辣，鑊氣十足。✿ 黄金虎蝦鮮魷 $138虎蝦肉彈牙，魷魚新鮮爽滑有嚼勁，與咸蛋黃、辣椒一同爆炒，香氣撲鼻。伴菜✿ 飛天通菜 $68通菜炒得好夠鑊氣，口感清脆微辣。甜品✿ 芒果糯米飯 $78芒果肉清甜多汁，糯米飯溫潤軟糯，椰漿香滑濃郁而不膩。飲品✿ 泰式青檸茶 $38✿ 泰式奶茶 $38兩款充滿泰式風味嘅飲品，茶香醇厚。前者酸冽清爽解辣解膩，後者係標誌性嘅橘色泰奶，奶甜順滑。總結🫦 餐廳食物、飲品都好有泰式風味，用餐區樓底好高，富有空間感。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Siaw 地址：尖沙咀赫德道8號地舖電話：9229 1655✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ YAKINIKU KAKURA ]放假去元朗搵朋友行街食飯，原來元朗都有日本過江龍烤肉店🇯🇵🔥🐮。黑毛和牛來自九州鹿兒島，可單點或者選擇套餐。✿ 黑毛和牛二人燒肉套餐 皇盛 $896野菜沙律🥗前菜盛鰻魚塩味上牛舌👅若鷄雞脛柳🐓黑毛豚脛肉🐷黑毛和牛精選1款🥩封門柳🥩大判燒！黑毛和牛西冷🥩佐賀米飯🍚套餐從清爽嘅野菜沙律開場，脆嫩生菜搭配微酸油酸汁。前菜盛係漬物及泡菜，進一步喚醒味蕾。 鰻魚外皮烤得香脆，肉質肥美，口感爽彈，配鰻魚汁或山椒粉食都咁好味👍。烤鹽味牛舌及日本雞頸柳肉質細嫩彈牙。黑毛豬頸肉油脂豐潤，烤至微焦時，焦脆外皮包裹著柔嫩肉質。重頭戲當然係鹿兒島黑毛和牛大判燒西冷。西冷超大片😍，和牛脂肪紋理細緻均匀，油脂豐富，口感軟嫩，入口即溶，帶有堅果香氣。配埋蛋黃及日本佐賀米飯，送飯一流👍。飲品✿ 白桃乳酸梳打 $48✿ 巨峰堤子乳酸梳打 $48總結🫦 二人烤肉套餐份量充足夠食得飽，鹿兒島黑毛和牛質素高，味道與係日本食到嘅無異😋。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿YAKINIKU KAKURA地址：元朗朗樂路1號元點1樓B155號舖電話：2686 1891✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ 酒屋一杯喜 ]放工去咗天后呢間日式居酒屋🇯🇵食嘢飲返杯，主打串燒🍢、拉麵🍜，另外有小食、刺身、壽司、鍋物、天婦羅等等款式。飲品🍻✿ Asahi Sour有汽果酒 $68/杯✿ 燒酌Highball巨峰梳打 $78/杯坐低緊係先叫杯酒飲，呢度清酒、燒酌、啤酒都有得飲。漬物/酒菜🍶✿ 沙甸魚乾 $48✿ 芥末碟魚鰭邊 $48✿ 青瓜片明太子小龍蝦沙律 $68再叫幾款前菜小食，沙甸魚乾鹹香超酥脆，另外兩款小食鮮辣交織，喚醒味蕾，佐酒一流。天婦羅🔥✿ 沙錐魚 $48天婦羅炸衣夠輕薄酥脆，裹著細嫩魚肉。熱鍋物🍲✿ 牛汁大根 $68牛肉及大蘿蔔燉得通透，吸飽和風高湯嘅清甜。串燒🍢✿ 雞頸 $42✿ 胸三角軟骨 $48✿ 軟骨豚肉丸(3粒) $58✿ 明太子燒飯糰 $38✿ 鵪鶉蛋(3粒) $28✿ 豆腐 $28串燒簡單以鹽燒調味，火候恰好。雞頸肉嫩滑彈牙，胸三角軟骨爽脆，鹽燒豚肉丸揉合軟骨脆感。烤明太子飯糰有脆卜卜飯焦，鵪鶉蛋好特別有酒香味。刺身/卷物/壽司🦐🐟✿ 三文魚籽海螯蝦 $128✿ 月見海膽拖羅杯 $178刺身擺盤精緻，海螯蝦刺身甜潤透亮，配搭三文魚籽提鹹鮮；海膽與拖羅蓉佐以生蛋黃攪拌，濃郁滑順。拉麵/沾麵🍜✿ 【鹽喜】柚子鹽味叉燒拉麵 $98拉麵同埋沾麵都係呢度嘅主打，湯底係店內自家熬煮，夠哂有誠意！柚子拉麵嘅柚子清香平衡濃醇，叉燒及雞肉軟嫩，幼身麵條爽彈有嚼勁。總結🫦 呢間日式居酒屋有室內、室外座位，裝潢糅合現代酒館風格。逢星期二晚有live music有氣氛，逢星期二至六營業時間去到凌晨2點。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿酒屋一杯喜地址：天后清風街1A-1B號美城花園大廈地下KL6號舖電話：6689 8581✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ 印度皇 ]「印度皇」藏身於唔起眼嘅大廈裡面，原來餐廳有唔少正宗嘅印度菜式食😲😲。✿ 印式燴茄子 $88茄子🍆燉煮得軟爛入味，搭配濃郁番茄咖喱，香料層次豐富，微辣中帶酸甜，適合配烤餅或者印度飯🙌🏻。✿ 牛油雞🐔🐔 $115經典北印度菜，雞肉嫩滑，裹上奶油醬汁，帶淡淡奶油甜味，風味濃郁。✿ 烤三文魚 $188三文魚🐟外皮烤得焦香，用鐵板呈上，熱辣辣🔥，另外可加檸檬🍋汁提鮮🆙。✿ 瑪沙拉燴蝦 $118鮮蝦彈牙🦐，瑪沙拉醬辛香濃稠，蒜香🧄&薑味突出，辣度溫和，送飯一流！ ✿ 印度飯皇 $78長粒香米🍚炒得香口，入口鬆散不黏膩，係食咖喱菜餚嘅最佳搭檔‼️✿ 芝士烤餅 $44餅皮酥脆帶焦香，單食或沾咖喱都出色👍🏻。✿ 芒果酸奶 $39濃稠酸奶加入新鮮芒果泥，味道帶微酸，清爽解辣🥭。✿ 印度拉茶 $37茶香濃郁，奶泡綿密，甜度適中。總結🫦「印度皇」環境低調但菜式夠正宗，推薦牛油雞同芝士烤餅嘅組合，香料運用細膩👍🏻👍🏻。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿印度皇地址：上環干諾道中137-139號三台大廈1樓電話：9420 3094✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

[ Pici ]12月Pici又推出一系列全新菜式，到訪仲有機會贏取大阪雙人遊連酒店✈️😲😲。✿ Seafood Soup 海鮮濃湯 $110濃郁湯底融合鮮甜海味，配料有蜆肉、蝦仁、青口等，外層酥皮香脆，吸滿海鮮湯汁食，口感豐富😍。 ✿ Polpettone Ripieno 意式芝士肉卷 $120肉卷扎實多汁，中間夾住流心芝士🧀是亮點！啖啖肉好滋味🍖。 ✿ Pasta Al Forno 番茄肉醬芝士千層麵 $148層次分明麵皮夾濃厚肉醬，拉絲芝士😋頂層微焦脆感加分✨✨。✿ Red Prawns & Mozzarella Bottoni 紅蝦芝士鈕扣意大利麵 $188鈕扣麵掛汁力強，紅蝦🦐彈嫩。醬汁富奶油質感，味道濃郁。✿ Pappardelle Beef Brisket 慢煮紅酒牛腩寬帶麵 $178寬麵彈牙，牛腩燉到一壓即散，好淋身🐮，醬汁稍為淡口。✿ Pistacchio Tiramisu開心果提拉米蘇 $98開心果醬綿密，開心果味比咖啡味更突出，頂層有脆粒增添口感，開心果控必試💚💚。✿ Aperol Spritz $95✿ Bellini $95總結🫦12月限定菜式別具特色，而且餐廳環境氣氛不錯，好適合嚟節日慶祝用餐🍴✨。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Pici地址：香港尖沙咀漆咸道南29-31號地舖電話：2771 2231✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More