KillMeHealMe's Profile

呢間都食左幾次，因為自己唔食牛，最盡都只係食到lv3，第一次去食時我印象中有食過雞泡魚干，今次問就話要lv4先有咁算啦趁個網乾淨，一黎就燒左d魚仔先燒肉谷d肉味道有好多款，同個部位肉會有幾種醬汁可以揀，鹽，味噌，泡菜？但其實燒完點醬汁都係唔係太分到，佢個醬汁超好食，淨點原味肉都夠但想講下雞腎搞唔掂切丁切角咁，厚身仲舊舊有3面其實幾難燒，燒完一面轉第二面轉到第三面已經縮晒水，又硬又韌，切片會好燒好多。雞軟骨要讚好好食，上枱仲熱辣辣，其他小食都唔錯，仲點左個烤香蕉朱古力，加乳酪雪糕自製香蕉船，超邪惡總結：肉類款式多，啱晒食肉獸，而飲品款式唔算太多，選擇困難症既就唔怕，甜品小食款式都多，仲有豆腐花，好香豆味，必食！對我呢d中場就食一輪甜品既人黎講，其實都食得好滿足。…Read More

朋友返港就同佢去返工附近工廠區食雞煲，貪佢僻僻地唔太多人，呢個位唔係成日經過的話真係唔會留意有雞煲食，仲有羊腩煲同酸菜魚。好幾年前未叫家廚之前黎食過一次，果次係好好味所以先再返試，但有d失望，個味已經唔同左，個辣味冇左d甜味，不過工廠區晚市同呢個價其實都唔會有好大希望或驚喜，係突然想食雞煲可以止下隱，雞都滑既，點完師父即炒。鋪頭招呼好欣勤，剛開始招呼算周到既，拎左2碟話自家製既餐前小吃，跟手輕輕sale下d醬料咁囉，魚乾都幾乾，辣辣地。豬手可能雪櫃拎出黎冇耐有少少硬身，攤左陣食就ok好食。話就話飲品任飲，但個雪櫃非常細同冇幾多罐飲品可以拎，我拎第2罐可樂時都係得一罐仲要好似有刻意收埋咁，係d佢地堆自家製既醬料後面，個雪櫃咁迷你家用式都有d唔相信。食晒雞就點邊爐餸，豬牛賣相都非常一般，唔太吸引，醬汁冇放枱供應，要問先有，仲要只有豉油冇蔥冇辣椒冇蒜，我寧可加雞淨食雞煲，一分錢一分貨。朋友食左幾碟牛，到差唔多last order前諗落多碟牛，應該係闆娘，就話牛賣晒咁佢轉點羊，佢落完羊成煲野羶到我頂唔緊喇店職員都算nice既，有個小朋友打瀉左野佢地都冇鞋面仲關心小朋友有冇整親。招呼算幾好，但食物質素同供應滿足唔到客人，都唔會再返轉頭嚕。…Read More

平時返工好少會出去食，如果出去食都想黎呢間。因為都多款揀，西餐，日式，韓式，拉麵都有，仲有全日早餐，正！原本想食大滿貫全日早餐，因為有三文魚同大啡菇，但肯定食唔晒所以揀輕食版，因為午飯時間到下午茶時間呢間都好多人，入座唔駛點等既，只係點完餐等左20分鐘先上餐。個餐個色水好靚，成個餐都冇咩驚唔驚喜，都係唔駛調味既野，煎熱炒熟完成。可以讚既係個薯餅keep到脆口，好好食。豬肉腸都好食既同個茄汁一齊食唔錯的。但個窩夫就咁放左上炒蛋上面，煉奶會流出溝左落去，個蛋有幾啖就會會變得甜甜地，味道唔會夾。而個炒蛋炒得好靚，不過冇落鹽淡口，如果有蛋味冇鹽都接受既，可惜佢冇蛋味，冇味既蛋炒得靚都會失色，而調味樽通常卡位先有，2次都坐中間d木枱又遇著繁忙時間就冇叫職員拎鹽，食健康d囉。2塊煙肉就超油喇，煎完冇晾油就出餐？結果就搞到最後食既窩夫唔係油就係濕，因為沙律菜會落醋食同佢本身都有少量水份。其實第一日食個窩夫少少燶邊好脆口，正到不得了，所以隔左幾日又點多次，不過第二次食就唔脆淋晒喇。如果煙肉可以處理一下油量既問題，同解決到個窩夫搭上蛋會流煉奶既問題或者煉奶另上杯仔比客自己倒，又或者隔開的話，呢個餐真係good good平靚正喇。…Read More

素食餐廳繼續搵，因為當日去睇子華神所以係山林道搵食。素食放題緊係要試啦！因為午市冇預訂，睇完食評有提及要排隊，所以就預早少少到，去到都已經有隊了，午市開始前有職員mark人頭，之後都好快可以入座，佢係一輪咁入，冇咩派籌等位既野，基本入第一輪就坐滿。食物款式都算多，一輪先夾少少，芋頭紫薯控既應該會好開心，有好靚好吸晴既紫薯球，微微甜紫薯味其實唔係太食得出，有芋球同芋頭馬蹄既東東，我覺得好好好好食，可惜第2輪出去拎時已經冇晒，第三輪拎水果甜點先見到但都食唔落冇拎嚕。蔬菜類都好多款可以揀，西蘭花，菜心，椰菜花等等，個椰菜花小小辣好好食！仲有炒麵炒飯，麵咸左少少，滷水蛋好味，入口微微甜，好味要食。第一輪錦滷雲吞幾好食，第二輪refill個餡太少食唔太到餡，而且冇汁醬就失左少少色。咕嚕合桃，開初以為係麵根之類既食材混合桃，冇意識到主角係合核，因不喜合桃唔啱食小食甜點有芝麻餡煎堆正呀！仲有芝麻卷，紅棗糕，綠豆沙，碗仔翅，菜蔬饅頭等等，碗仔翅睇佢稀流流但都唔失禮，夠味之餘口感都唔錯。饅頭仔涼左皮就un，就中包味不太特別，夾主要黎影相靚d🤣整體都幾好，款式唔算少，雖然大部份味道唔算太出，清清淡淡幾健康。環境都唔錯，拎食物時大家圍住食物區，又唔覺好迫或撞到人，冇搶夾之類情況發生。而餐廳都要求食客用完餐具杯碟自己放返去回收區，我地就最後先一次處理，職員都主動幫接收我地手上既餐具，都好好禮貌。好抵食…Read More

朋友聚餐食飯，因為想搵D素食餐廳，search素食就彈左呢間出黎，見佢韓國野就好奇點素法，原來只係有素餐而非所有餐都係素，不過韓式食物我一向都好捧場，睇食評又好似唔錯就book呢間，開頭經ig查詢預約既，回覆就要電話預約。而當日店職員都有打黎confirm booking，我地準時到店，到左繁忙時間都好多walk-in等緊。因為得90分鐘所以快快手揀餐點餐，6個人就點左6個食物，炸雞必食啦，韓式甜辣炸雞同黃金鹹蛋炸雞2款雞各半份，甜辣雞我覺得一般般，個醬汁同平時食果種唔同，冇咁好食，黃金鹹蛋炸雞就好好食，好香口上面仲有D應該係紫菜粉黎，食第一啖後有叮一聲既感覺，呢個推薦。 另外仲有這點素食既：炸菇同韓式素牛肉飯捲，炸菇冇咩特別好就唔會好油，素牛肉紫菜捲就其實食唔出咩味，因為充滿住濃濃既麻油香，紫菜包飯我超鐘意點都好食！魚糕湯賣相我就冇太大興趣，只夾左一個魚旦既東西，小斟左一啖湯就冇然後，因為太淡口冇咩特別印象，而且係SHARE食既冇碗可以滔，所以個湯都一口止冇人飲，粟米煙肉三重芝士薄餅好香既芝士，好食唔會好漏。非常建議大家預約，鋪仔細細坐唔到幾多枱，因為得90分鐘，店員會好積極用行動通知大家睇鐘，我地未食到一個鐘，店員就密密偵測枱面進度同旋風式收碟收杯。整體黎講食物質素可以，份量都剛剛好夠6個人一人一件咁，想食多件都冇，7-8分飽。店內裝修同氣氛都算好舒服。…Read More

好耐都冇同舊朋友聚餐，之前食黎食去係旺角尖沙咀，今次轉場到大角咀！食完晚餐一定係食甜品，附近行左一圈，又serach左一圈搵到呢間，裝修好有特色，成個場好簡約好RAW，個氣氛又黃金金，特別個廚房裝修到好似冇特別裝修過咁，好家的感覺！一行6人各自點唔同既野，因為有個消所以都係點左6款，但當日人手有限所以冇熱款，只能點凍款，我地常見既、少見既糖水/甜品都有點，常見款例如芋圓、芒果、燉蛋好快就到，早到既有4個半都有影到大合照，但可惜等唔齊影唔到團體照。BTW點解係4個半呢？因為開心果心太軟應該配乳酪雪糕加隻甜筒仔，但出黎時只有心太軟，等左好耐先補個盒仔雪糕要自己倒返落隻碟度，同埋甜筒仔都冇跟雪糕上要追先再補回，但隔離枱就完整上齊，知道忙但個set咁樣出就唔係咁ok囉。介紹返我點左既海鹽焦糖爆谷香蕉木船，呢個壓軸真係好壓軸，靚到好似皇上出巡咁，成枱人瘋狂影佢相，影完一大輪我終於可以食喇！賣相真係好吸引，成隻木船擺得好豐盛，條蕉細細條仲有塊焦糖貼住，味道非常夾，軟同脆既組合好得意，爆谷都好好食唔怪得有得一桶桶咁買，仲有甜筒仔插住可以自製小甜筒拎住食，乳酪雪糕我自己覺得有D酸，可能食完甜野令到酸度增加左， 整體上好滿意，份量仲非常夠，乳酪雪糕有2球架！可以再返去食既店，一定會再同朋友去食。…Read More

網上book位話送小食，但我地掛住傾計同點餐完全唔記得左，店家都冇提我地，所以係冇兌換到個優惠Book前網上睇時已經覺得間野冇咩野食，點知真係冇咩野食，主餐就係得幾樣，一般西餐廳最普通既野。我地4個人點左芝士吞拿魚天使麵*2同卡邦尼長通粉*2，真係普通到唔普通既野😂配朱古力咖啡/香蕉咖啡/榛子朱古力咖啡同花茶。主菜味道係不過不失，冇咩驚喜。榛子朱古力好甜，咖啡飲完叮一聲，好飲！對得住個店名！個香蕉咖啡開頭都諗會唔會中伏，伏就唔算既，有d似香蕉雪芳蛋糕咁囉另外花茶好香，淡淡地我覺ok, 朋友就覺得淡得濟。店員都算nice, 不過就好急咁收盤，一食完就秒收盤收杯，雖然都冇趕客，但好似有d chur既感覺。氣氛其實還好，但應該唔會再晚餐時段上去嚕，或者下次可以試試個all day breakfast…Read More

食物質素唔錯！都算多款式，肉啦，雞翼啦，蔬菜啦，仲有棉花糖，超正！雞腎我重點食，因為太好味！但芝士腸要小心，會爆醬，唔小心會比d滾芝士彈傷。枱上面幾種醬料可以揀，牆上都有晒指示食物燒既時間同建議落咩醬汁，不過食物本身都夠味，落唔落都ok! 除左主食材仲有沙律，糖水，雪米慈，仲好多野飲可以揀。有架車仔分晒類放廚餘，鐵枝，廢物等，幾好！用餐飲券仲抵好多添，2人送每人半隻龍蝦，有手掌咁大架！正！只係串燒盤d鐵枝與鐵枝距離埋得濟，一轉可能只落到10鬆枝，所以2個鐘都係好夠時間XD 鋪頭招呼好好呀！真係溫馨小店，有機會4人去，想試下個海鮮車。…Read More

間野呢~~~~其實已經去過幾次,食物不過不失, 係價錢比較親民........不過附近好多可以選擇, 真係是但都搵到間代替,而果個女人, 唔知佢打工定係老闆黎....就永世都黑口黑面, 好似入去果D人都得罪過咁, 態度差之餘仲成日都漏呢樣漏果樣, 一個SET,有沙津, 有主菜, 飲品都可以唔同花式咁漏單..5個人點野, 黎少左個沙津, 問佢係咪漏左, 佢間硬賴係我地問題...WTF?餐會漏, 餐飲更加唔駛講, 其實做得咁辛苦不如唔好做啦你又唔開心, D食客又唔開心…Read More

因為直接約朋友係店內等, 所以我坐低先知原來係一個一個點, 唔係放題形式既...咁點野食真係要就住個荷包嗌喇XDD野食其實好貴, 50 60 70咁....丸呀果D份量都好少, 都係點菜, 丸, 肉, 平時會食既野囉...其實成間店, D野食我冇咩感覺, 火鍋都係果D野,.但餐桌、用具、醬料等, 有個感覺: 好講究! 實木盆, 實木小櫃放醬料同餐具..呢個反而吸引到我  我同朋友坐2人枱, 坐低後發覺同朋友距離好遠..因為張枱好大, 個鍋又一D都唔弱XD變相我地傾計好吃力, 要好大聲......埋單, 價錢其實同平時放題相約, 咁都唔算好過火同埋平時食果D放題...次次食完都飽,到唔想郁, 但今次啱啱好, 慳左荷包之餘,冇勉強掃晒D野食又冇浪費食物, 都OK啦... …Read More

公司聚餐, 到步先知有咩食...高檔餐廳, 氣氛環境服務都好好, 待應都好貼心, 而且景觀開揚, 落地玻璃唔駛行出去都睇到靚景! 夜景既話應該望景都夠飽。到食物方面, 屬半自助, 先享用salad bar,  蔬菜、水果多選擇, Main course 因為唔食牛我揀左豬, 肉質非常鮮嫩, 鋪面既紅色醬果就唔係好記得係咩, 酸酸甜甜, 但同個肉非常夾, 賣相都好靚!甜品精緻吸引...根本都唔捨得食...連環喪拍見d雪糕好似催促我快d食先開始品嚐!曲奇碎拌雪糕都唔係咩新鮮野, 好食囉士多啤梨...又係酸到盲公開眼, 唔知點解香港食親都酸.....整體好滿意, 雖然份量唔算多, 不過夠飽! 同埋咁樣先冇咁強罪疚感... 呢個價錢,有晒靚景觀, 好服務, 高質食物真心要讚! …Read More

都年頭既事, 而家先寫返食評..果時見佢新開冇耐, 所以去試下餐又試下咖啡咁...同同事叫左SET LUNCH, 我係沙津, 整體都OK既, 就菜呀雞絲呀, 胡麻醬, 都好難整得難食菜都新鮮! 不過就貴D喇....同事叫烏冬,佢地就一路食一路話好普通, 唔值, 同埋...餐份量其實非常少.....食完唔夠飽囉...事隔咁耐, 可以搵日再返去試多次既...:)…Read More

之前見到網媒介紹, 其實都唔知有D咩味, 淨係一聽到個名就勁想飲!!終於拖埋朋友仔去試!其中一個朋友點左吃米...飲完勁飽囉!另一個就點左芒芒, 呢杯正!! 早知我都點佢呢個.. 我自己就點左VC益生草莓...唔..有D失望架!草莓味唔夠....3杯係果時TOP 5架...係我自己果杯失望囉, 下次試第2個味!…Read More

LUNCH想食熱氣野, 同同事過黎食, 係門口都等左一陣, 不過點完餐到到餐都唔算等太耐~正常速度但成碗好似食皮多過食肉...是是但但食晒D飯就算。前菜OK D....下次唔會叫呢個嚕:(…Read More

同同事farewell, 因為有幾位同事都唔食牛所以一人一鍋邊爐,其實都幾唔鍾意以牛既級數去決定食邊個SET, 唔食牛果D緊係揀平既黎食, 食牛果D又緊係揀好食架啦,咁中間好難取得平衡, 不如分單嗌仲實際....收工時間食,好多人等緊呀,好在有BOOK位!有幾款湯底揀, 豉油鍋要跟上一級既牛先有得點,咁冇啦我地食Cheap野冇得揀豉油鍋,幾個同事揀左個所謂膠原美肌, 個湯食唔出有咩特別,我就唔食牛既, 所以都只係食豬, 一般般囉, 都係咁上下, 至於出去拎既就除左菜都只係菜好食, 不過菜就有好多款可以揀,羽衣甘藍仲成棵樹咁添!出面野飲斟晒又冇refill, 得返D一開波已經係度又冇人吼既橙汁, 局住飲..雪糕最多人排, 等到可以挖已經冇晒朱古力味,到佢fill返又話要埋單, 所以都係食唔到~唔...唔會有下次嚕~真係冇咩野食! 計埋加一, 咁既價錢可以食第2間邊爐加壽司放題~…Read More