KarisY's Profile

近日見到openrice訂位5pm~6pm有6折，於是嚟試吓酸菜魚，曾經在尖沙咀店試過酸菜魚，份量少又不夠熱，覺得其他菜式如毛血旺、辣子雞更出色。今次沒有抱太大期望，結果這中環店的酸菜魚很不錯，魚肉份量和質素沒將貨就價 （我們一坐低就問清楚係咪6折，店員有禮回應）。其次是辣子雞，真的新鮮現做、有風味，雞粒也算大粒，已成了每次必食之選。連涼拌木耳亦很好，只可惜沒有炒萵笋絲。這店令我想登記做會員，只是帶著小孩不是常有機會來開餐還是算了吧…Read More

星期六下午去到美麗華諗住搵嘢食，間間排隊，見呢間裝潢幾特別又唔使等，而且以為牛肉麵應該比較穩陣，於是就入去試吓啦。第一個驚喜係全部餐點七折。等咗差不多廿分鐘，見到啲出品仲真係超級驚起。🙄所謂嘅清燉牛肉麵，好似清水白烚牛肉麵。紅燒牛肉麵便當，知唔知咩叫便當? 呢碗應該係老牛大碗飯？叫凍珍珠奶茶話冇珍珠，轉「苟葯」，諗住算啦，應該冇問題嘅，我收到時，隻杯仲暖，見到真係唔多想飲。當我取餐時，佢地放低杯茶時倒瀉到餐盤，但佢地竟然可以唔理，抹都唔抹就咁出餐。食食吓聽到廚房「嘭」一聲，應該係倒瀉嘢，然後有人點餐，佢地竟然話今日冇食物供應了。。。星期六下午四點半就已經冇食物供應？？今日已經好肚餓，不過見到啲食物都唔多想食。其實係咪想 「本per」唔做？難得租到大商場開舖，點解唔努力啲做好佢？好少彈得咁緊要，不過真係唔好意思，佢地絕對需要檢討品質。…Read More

食物不錯、價格大眾化，卻輸掉服務務態度* 6:30pm門口冇人帶位，冇明確"指示"，餐廳未算繁忙，只有六七成客，無理及無禮地要求客人轉枱* 店內當時只剩四人卡位和一般四人枱。女侍應："食飯時間要留俾人坐"。不准人坐的位置不如放個"留座"牌，避免誤會。* 服務態度實在有待改善，茶記伙記還要好一點！* 世事冇兩全其美，有時都會有，但呢間餐廳就應該冇，下次直接唔去呢間店算吧…Read More

因為同老公唔鍾意雞煲mix打邊爐, 之前食過一間好味既咁啱又冇開舖, 行下行下發現到天機, 知道佢地既有雞煲又有烤魚, 於是試下啦. 我地試咗麻辣雞煲(小辣) 同酸菜鯇魚鍋(中辣). 鯇魚鍋既魚有分細邊(較多細骨, $12X)及硬邊(骨較粗, $16x), 我地揀咗細邊, 其實細骨只不過好似食鯇魚片, 不至於容易哽骨, 但係魚片比一般厚, 而且啲魚走過油, 好香口, 較晒濃味. 雞煲出場, 辣得來好好味, 無辣不歡的朋友啱晒. 食食下個口真係有少少麻痺咗, 飲啖冰凍汽水再食過. 難得係佢哋服務態度好好, 而且仲有好多其他食物選擇, 價錢合理…Read More