super cucumber's Profile

上網搵散水餅，因為急住第二日要，所以搵返公司附近諗住送貨方便啲。見到Tartes and Pops啲相好吸引，價錢合理（但唔平😆），最重要第二日送到貨，即刻網上落order！ 送貨超準時（我約2-3點哥哥仔準時2點到樓下），包裝非常堅固，啲撻送到嚟好靚仔。個個獨立包裝，包裝上有數字分辨各種款式，方便派發。撻好好食，我食咗無花果烏龍茶，茶味好香，少少甜帶點酸，撻底好鬆脆。餅店亦好環保，交還包裝禮盒可以換$25優惠卷👍🏻👍🏻 因為心急派，其他冇影相😭…Read More

見到好多雜誌介紹呢間新開嘅餐廳, 趁朋友生日就走去試吓。一去到餐廳已經有驚喜, 餐廳環境幽雅寬敞, 一入門口就見到一張放滿appetizers嘅長檯, 即時口水都流埋。然後聽到一把好靚嘅聲音唱緊歌, 原來餐廳每晚都有樂隊駐場, 邊聽歌邊食飯實在係一大享受!一行7人點咗1) 自助頭盆(喺張長檯自己攞 ^^b)2) pasta有紅蝦意粉 (signature dish ^^b), 牛肝菌意大利飯(香噴噴菇味!), 鱸魚意大利雲吞3) main course有波士頓龍蝦(勁爽勁彈牙 ^^b), 燒春雞(去骨肉滑 ^^b), T-bone steak (好香好有肉汁, 二人份量但portion好大!!!)4) dessert有apple pie, 檸檬sorbet (呢個酸酸甜甜又凍冰冰, 感覺勁refresh~~ ^^b), 仲有個雲呢拿雪糕當上生日甜品時樂隊嚟到我哋張檯唱生日歌, 之後同我哋玩咗一陣, 任我哋點歌比佢唱。原本以為呢啲高檔餐廳氣氛會好拘謹, 估唔到都可以玩得咁開心~~~~老闆話可以包房開P, 有機會一定再去試!!! d^^b…Read More