man20000929's Profile

今日3人去了葵興旭日酒店食半自助晚餐，地點不算方便，但是有免費接駁巴士，見它有七五折優惠所以想試下，主菜原價$248起，主菜點了韓式炸雞、三文魚闊條麵及帶子意大利飯，面和飯都還好不算難食，但是韓式炸雞炸粉太厚，另外他那款比較像日式炸雞，然後旁邊比個韓式醬汁感覺不太正宗，主菜其實也不算太糟糕未至於負評，但是出邊自助餐真的一肚氣，半自助餐講到明去到9:30，但是7:45左右出到去拿食物的情況如圖所示，壽司配料、炸物、烤野菜、蘑菇湯、芝士火腿拼盤、玉子豆腐和部份前菜也沒有也不refill，問了職員話不會加，之後差不多八點入了兩台客，餐廳求其出了點燒雜菜、蘑菇湯、咖喱角、前菜敷衍下，壽司料、芝士火腿拼盤、玉子豆腐也沒加，至於第二輪個蘑菇湯簡直是經典，第一輪好濃味好好飲，第二輪個蘑菇湯成碗水，我都不知道自己正在喝什麼，最後埋單人均都要$220，但是如果不是八點入了兩台客我相信食物完全不會 refill。 …Read More

見下午茶好似幾平，午餐70幾蚊仲有八五折，所以試吓，套餐有一個主食、一個小食，加幾蚊有嘢飲，小食叫咗鴨血，正正常常，至於最難忘就係嗰碗肉燥飯，得個死咸完全冇油香，都真係食過數一數二難食嘅肉燥飯，同台灣嘅爭好遠，至於鹽酥雞扒啲肉係幾滑幾多汁，但係出邊嗰層炸粉唔夠酥脆同埋偏鹹，但係雞肉裏邊又冇調味，至於杯奶茶算幾淡味，以為台灣過江龍應該會幾好食，點知完全大失所望，最後埋單65蚊，算幾抵食但係真係唔好食。…Read More

經過‘美食熊貓’叫咗個大少爺丼飯，平台價$72，魚生數量勁少，三文魚只有2片，厚度同平時壽司嘅三文魚差唔多，虎蝦2隻，少量玉子、蟹籽、中華沙律同埋一丁點海膽。至於三文魚算幾肥美，成碗飯最好係三文魚，虎蝦懷疑就係急凍貨，完全冇鮮味冇咬口，玉子同埋蟹籽普通質素，至於海膽唔係咁新鮮味道都係一般。白飯數量算OK，但係基本上白飯食到最尾要淨食，啲料完全唔夠搭嚟食，成碗飯都冇咩賣點食完都唔夠飽，X鮮40幾蚊嘅便當好食過佢同埋份量會多啲。…Read More

今日叫咗豬手午餐，$68 包餐湯嘢飲，跟埋意粉同埋粟米以呢個價錢同份量嚟講其實真係抵食，可惜質素同以前食爭一大截，湯同嘢飲唔評論啦正常水平，至於豬手係幾大舊，圖片影出嚟嗰時我已經食咗幾啖，但係啲肉又鞋又乾，皮嘅地方還好，都叫食到落肚，但係去到中間啲肉好難咬得開，係要夾硬吞落肚先食到，最後食到一半放棄咗。至於意粉係扁意粉，味道正常但係偏冧。最後埋單連加一$75，價錢係幾平，但係咁嘅質素冇下次。以前疫情期間成日食，午餐又平又好食，但係到而家做到有啲起色就hea做，又話準備開另一間叫‘扒X X王’嘅餐廳，咁嘅質素真係遲早執笠。…Read More

見佢下午茶$40 一個焗豬扒飯包埋嘢飲幾抵，所以試吓，下午茶鐘要去去到6:30幾好，但係食物質素真係無話可說，首先佢個焗豬扒飯唔算大碟，配料有蕃茄洋蔥，算比較少配料，首先評論豬扒，應該走過油，全部都縮埋一舊，入口幾鞋下冇咩豬扒味，至於最最最垃圾一定係個豬扒汁，剩係得個甜味，仲要甜得幾離譜下，少少鹹味都食唔到，唔講仲以為食緊甜品，至於飯底正常，但係雞蛋份量偏小，真係難聽啲講句，我去便利店買個叮叮飯都好食過佢…Read More

經過見到$88中午點心放題包埋茶錢，埋單唔使$100一個人覺得幾抵，所以試吓。首先，排隊都差唔多排咗20分鐘，入邊基本上冇空位，小人都要同人搭枱，不過其實都冇咩所謂。但係最大問題係叫嘢食係咁漏單，一個點心普遍要等超過半個鐘，甚至有啲一個鐘都未到，叫10樣嘢最後可能只係嚟得五樣，但係嘢食味道係唔錯，但係腸粉個皮偏厚比較一般，食完90分鐘之後其實都唔係食得好飽，覺得有啲搵笨，雖然話任你點，但係基本上都唔會嚟齊同埋浪費晒啲時間喺等上邊。…Read More

樓上老嘢阿姐服務勁串，一坐低就吹你落order，落單時態度又差，黑口黑面，勁串嘅語氣問你仲有冇，你講la，見你有空碟空杯問都唔問就即刻收走你，啲嘢食係幾好食，炒粉面飯咖哩都係六七十蚊一碟，份量都唔錯，食滿$200可以加1蚊換野，價錢又唔貴，一個人平均一百蚊多啲可以食飽，又唔洗加一（可能咁嘅服務態度都唔好意思收加一啦），不過更平更好食都無用，服務態度差成咁，唔洗錢都唔會再食，咁嘅態度都唔夠膽問多佢兩句，食完lala 聲走人。…Read More

黃竹坑每逢公眾假期附近都冇嘢好食，於是去咗買個咖喱豬扒飯，原價好似$38，跟住特價$33，之前食過呢間嘢嘅蒸飯簡直係垃圾之中嘅垃圾，附近冇咩食局住幫襯佢，白飯硬身咗少少，冇咩飯香，不過白飯冇咩好挑剔，至於咖喱入邊有薯仔，洋蔥，紅蘿蔔同埋豬扒，豬扒份量都OK，有5塊，豬扒都仲有咬口，算OK，薯仔，紅蘿蔔同埋洋蔥煮得比較林，至於個咖喱汁基本上係冇咖喱味，食落去剩係得少少辣味同埋少少椰汁嘅味，綜合來講唔叫難食嘅，比起佢嗰啲蒸飯叫好好多，但係呢個飯除咗方便冇咩賣點值得再幫襯…Read More

見佢下午茶幾抵，30幾蚊起唔使+1，諗住去試吓，叫咗個吉列豬扒拉麵，配一杯嘢飲，橙汁竟然唔使加錢，感覺上幾抵食，但係可惜啲嘢食質素非常差，豚骨湯底非常油膩，但係豚骨味唔重，只係飲到少少味，拉麵偏硬身，綁埋一舊，至於重頭戲係炸豬扒，外皮炸得非常脆，不過我諗佢應該改錯名，叫做炸豬片會適合啲，因為根本薄到成塊肉片咁，我諗只係比肉片厚少少，目測豬扒位置得0.3cm厚左右，而食入口完全食唔出豬扒味，連咬口都冇，我相信佢用咗好多鬆肉粉搞到口感都冇埋，成餐最好係杯橙汁…Read More

見佢推出外賣優惠，$168 羊腩煲加$10有糯米飯，埋單連埋外賣$180.5，嘢食分量一般至偏小，羊腩煲就大約半個火鍋咁多，糯米飯就大約半個茶餐廳外賣盒咁多，至於羊腩煲真係非常垃圾，羊腩鞋個鞋底，醬汁就OK嘅，入邊有竹筍、芋絲、腐竹揼配料。見佢嗰個糯米飯原價話$98，同埋佢嗰度比一碟糯米飯嘅圖片，以為係一碟嘅份量，但係而家佢個份量只係大約一個半酒樓咁大碗，如果呢盒嘢就咁樣賣$98我覺得真係會俾人鬧囉，所以如果嗰盒糯米飯大盒啲就好…Read More

聖誕推出了優惠，$468/兩位自助餐+唱K，唔同出面放題唔洗再加節日附加費，24、25、元旦嗰啲都適用，如果加埋一每位都係$260左右，學生可免加一，我25號聖誕節去了，下午5:00-8:00，但自助餐6:00先開始，自助餐有幾十款嘢食，多款海鮮例如豉油王大蝦、炒蟹、炒蟶子、焗蟹蓋等，而且有刺身同埋生蠔（但係大約七點先開始供應），另外有多款小食前菜、鐵板燒、火鍋等，食物種類唔輸蝕酒店自助餐，食物質素唔可以話好高，但係正常擺得落口，唔會話難食，呢個價錢係聖誕節其他餐廳食個自助餐都唔得，呢度仲要包埋唱K，好抵玩，如果時間可以再長啲就更好…Read More

24號平安夜出面食嘢周圍都多人同貴，於是求其去食快餐，我嘅要求唔高，但都要出嚟寫食評，佢個海陸空鐵板餐$57，支x寶減$10 即係$47，算係幾平幾抵食，食物味道唔評論，普通一般快餐店水準，佢嘅服務當日亦比較求其，但係人多可以理解嘅，但係鐵板嘅整潔程度真係完全接受唔到，喺食之前見到成塊鐵板凹凸不平以為係使用痕跡，於是冇多理會，但係食完之後，攞隻叉去撩塊鐵板撩咗好多黑色野出嚟，相信係之前燶咗嘅殘渣而冇清潔乾淨，而且係冇可能由我果個餐整出嚟，因為果塊板根本唔熱，用隻手可以直接摸塊鐵板，所以冇可能由我嗰啲嘢食整出嚟，如果係食之前見到，真心真係會冇晒胃口…Read More

今日去食壽司郎，平時都成日嚟開，其他食物同壽司平常質素，唔係話差，但以呢個價錢cp值唔低，但唯獨是甜品卡達拉挪唔掂，下便係芝士，上面係焦糖，上面個焦糖有一半係黑色，勁燶，個廚房應該係燒過頭，食落去完全係苦味，下面個芝士係幾好食，芝士味道幾濃，凍凍地，好似食緊雪糕咁，但係上面個焦糖完全食唔落口，個焦糖食咗兩啖之後都食唔落口，完全唔明白點解咁燶仲可以出比客，同埋1.5倍量嘅卡達拉挪份量太多，食得多會好滯，唔明白點解唔出返1倍量。…Read More

Lady M 一件蛋糕閑閑哋都講緊七八十蚊，基本上可以算高價蛋糕店，但水準也就是中等至中上，覺得唔值呢個價錢。我買咗件玫瑰花口味千層蛋糕，玫瑰花味真係唔係好食得出，剩係得最頂頂果層係有玫瑰花味，但係如果同蛋糕一齊食，個蛋糕嘅味道就會蓋哂玫瑰花嘅味，同原味唔係太大分別，蛋糕大約有二十層左右，每一層cream都幾層，唔會話啲皮黐埋一舊，個皮薄如紙，cream食落去唔會話好滯，唔係太甜，但係出面可以做到呢啲質素嘅蛋糕店都唔少，但係價錢上平一節，名過其實，真係唔會再買。…Read More

今日去咗呢間野買外賣食，叫咗個椒鹽魷魚肉操飯，飯都有幾多配料，有滷蛋、一條菜、一舊蕃茄仔同醃蘿蔔，配料正常味道，但主菜冇一樣係得。椒鹽魷魚：大約有四五舊，正常份量，但個外衣厚到死，入面舊魷魚勁細舊肉操飯：肉操分量正常，但係完全唔香，除咗肉之外就冇其他配料，例如：香菇等，飯就完全冇飯香，相信係用埋啲平價米，唔好食。雖然價錢$46，係旺角區唔算貴，但食物質素真心唔得，出面好食過佢嘅台式野大把，唔會再幫襯。…Read More