little_fat_to's Profile

香港少見既美式烤肉店，我覺得幾失望既，大部分肉類菜式肉味好淡，肉既煙燻味亦唔算獨特，醃菜仲好食過肉，試一次就夠🙈Bone Marrow ($138)牛骨髓食落唔香，只覺油膩，反而旁邊多士仲好食🙈Texas Fish Taco ($48), Beef Brisket Taco ($48)兩款Taco都好食，炸魚嫩滑，牛胸肉濃味Loaded Tater Tots ($98)炸薯寶幾香脆，薯仔味普通，表面既手撕豬肉乾左啲，單點既手撕豬肉就冇呢個問題Beef Short Rib 500g ($688)牛肋骨，質素唔值呢個價，肉質軟冧同有輕微既煙燻味，但係肉味唔夠，鄧記既牛肋骨價錢平啲，肉味仲要濃郁得多Pulled Pork 200g ($198)手撕豬肉，係咁多款肉類當中最好食，多肉汁又有明顯煙燻味All American Brisket 200g ($228)美式烤牛胸肉，有幾件偏瘦既肉食落有啲鞋，半肥瘦既就香口好食Spare Ribs 500g ($198)烤豬肋排，似又乾又瘦既蜜汁叉燒，肉味極淡，太劣食到一半放棄左🫠價錢: $550 (有加一)環境: 7/10服務: 6/10味道: 7/10性價比: 5/10…Read More

Belly Boys係灣仔舊鋪既時候已經食過至少二十次，食到老闆都認得我🤣新鋪搬左黎銅鑼灣，環境比以前更舒服，招牌Smash Burger水準依舊，新出既鱈魚柳漢堡同薯寶都值得一試晚市套餐$118有包、小食同飲品，大部分食物都要額外加錢雙層芝士牛肉漢堡(+$20), 三重芝士牛肉漢堡(+$40)牛肉漢堡係必食，我最鐘意係三重，三塊牛肉一齊食既口感同味道係最好，只係食完會好飽，所以有時會揀雙層😂另外建議同店員講肉煎燶啲，牛肉本身味道唔算好濃郁，所以煎燶而散發既焦香味就變得好重要我食過唔少既漢堡包店，如果單單睇牛肉既質素，Big Bite同Diplomat係更好，但前者麵包麻麻，後者價錢太進取，$180一個包唔會經常食🙈Honbo既漢堡同呢間幾似，但自從Belly Boys開左之後我就冇再去，份量大，價錢平啲，麵包烘得更加香脆，只要我想食漢堡就會過黎😝鱈魚柳漢堡(+$10)估唔到呢個包咁好食，鱈魚柳材料靚又厚身，炸粉薄，炸既時間啱啱好，每啖都好嫩滑，麵包、莎莎醬同魚柳非常夾，值得一試😝薯寶配煙肉芝士醬(+$18), 卡津辣味蕃薯條 (+$5), 炸雞翼 (+$8)薯寶絕對係最出色既小食，炸得香脆又有薯味，配埋芝士醬食係無得輸，至於蕃薯條同炸雞翼就正常質素😂舊鋪既薯條好好食，但我當日去係冇既，希望遲啲會出返價錢: $168 (有加一)環境: 8/10服務: 9/10味道: 8/10性價比: 8/10…Read More

我未去過○de▽ 鯛白湯らーめん既中環總店，唔知質素如何，但中環Basehall分店真心好差，我原本想試鯛白湯或者沾麵，但兩款都賣晒，唯有試鯛清湯鯛清湯($138)湯底雖然唔腥亦有小小鮮甜味，但味道同雲吞麵湯底好似，炸魚皮亦同港式粉麵炸魚皮差唔多味，我唔係唔鐘意雲吞麵湯底同炸魚皮，但唔想食日本拉麵時令我覺得食緊港式粉麵🫠配料仲有魚肉同叉燒，兩樣都整得差，魚肉輕輕燒過但食落似煲完湯既魚肉，叉燒肉味淡，肉質鞋，我加$15要左隻櫻木煙燻蛋，隻蛋充斥著一種好奇怪既香精甜味，同蛋唔夾，其餘配料，芽蔥、洋蔥、筍正常質素麵煮得太淋，我食左10分鐘，已經淋到似放左20分鐘，食左一半已經頂唔順放棄左，要去其他餐廳再食，點解一碗賣$138既拉麵，可以湯底、配料、麵三樣野都做得咁求奇？另外朋友試左兩間係Basehall既餐廳，Porker同Mashi No Mashi，兩間既質素都比總店差啲🙈價錢: $153環境: 7/10服務: 7/10味道: 4/10性價比: 2/10…Read More

唔好去，我食完行出門口幾分鐘就肚痛，懷疑食物唔乾淨🤬大壹燒鵝滋味全餐 ($78)套餐既湯同白飯都正常既，叉燒幾奇怪，外皮太燶同埋唔知點解會甩左出黎，正常食叉燒紅色外皮唔會甩架嗎🤔肉就太肥，叫左半肥瘦但同肥叉差唔多，亦唔夠入味，唔太食得出叉燒醃料既味道。燒鵝就正常好多，肉味唔錯，只係有小小膻同埋皮唔夠脆最大問題就係佢地既生菜，第二張相會見到碟生菜好黃，賣相又差，然後食落去係有魚腥味架🤮🤮🤮邊有生菜有魚腥味架，咁我就同店員講碟生菜有怪味，叫佢換過碟，第三張相就係換左既生菜，望落去好青綠，諗著冇野啦，食左一條，又係有魚腥味既🤮🤮🤮我幾肯定佢地既淥菜水本身就有呢種魚腥味，無論換多幾多碟都係咁，所以放棄左🫠食完出門口三分鐘到，我已經好肚痛，應該就係生菜既問題，千祈唔好去價錢: $86/位環境: 5/10味道: 2/10性價比: 2/10…Read More

連續十一年獲得米芝蓮三星的意大利餐廳，三間三星Fine Dining餐廳當中，Caprice環境、服務最好，Robuchon食物最好，Bombana就最平凡，試過一次就算🙈三款餐前麵包都好食，最鐘意係麵粉味好香既麵包條，開胃菜係火腿配哈蜜瓜，配搭好穩陣，主要食食材原味Four Courses Lunch Set (Appetiser+Pasta+Main+Dessert) ($1080)AppetiserRoasted Octopus最有驚喜既一道菜，八爪魚表面有一層好薄焦香既脆皮，肉質柔軟，有好濃郁既鮮甜味，係我食過最好食既八爪魚😍配菜既烤雅枝竹同樣出色Mushroom Consomme蘑菇清湯味濃但清澈，加埋黑松露碎飲更香，意大利餃入面係洋蔥餡料，類似好甜既焦糖洋蔥，兩款前菜都做得好好😆PastaCavatelli朋友話睇落好似茄牛通，我都覺得似🙈海鮮湯底鮮甜有層次，龍蝦肉好淡味，海膽質素幾好，但加落湯反而減少左湯既鮮味Spaghetti Chitarra魷魚條、烤魷魚、魷魚粒組成既魷魚意粉，魷魚幾鮮甜，口感豐富，不過整體味道唔算特別，較好既意粉專門店都做到類似既質素MainRoasted Kinki Fish我第一次見到咁求其既擺盤，用既碟係普通白碟，喜之次、菇、菇片好似烤完就隨便放上碟，連擺盤都唔記得咁🫠烤喜之次我幾滿意，魚皮烤得脆，肥美嫩滑，但我朋友既烤喜之次係瘦削同近乎冇魚味，兩件魚分別極大。而配菜既烤菇及烤菇片係毫無誠意，用既菇係平價貨色，同係街市隨便買既菇一樣，用咁既食材無論點烤都唔會好食🙈Iberico Pork Pluma and Cheek伊比利亞豬肋眼賣相好似叉燒，食落亦似叉燒，個人認為就係一件好鬆化肉味好濃既叉燒😂旁邊既豬面頰肉整得好差，似煲湯瘦肉，薯蓉味道同Robuchon差唔多，都係好香牛油味，但冇好幼滑既質感DessertPeach “Tabacchiera”桃、桃味雪榚、甜醬好夾，但賣相一般🙈Cherries車厘子應該有用酒浸過，好特別，開心果雪糕都好食價錢: $1268/位環境: 8.5/10味道: 8/10性價比: 6.5/10…Read More

香港其中一間幾出名食燒鳥既餐廳，本店係日本東京，所以對佢幾大期望一共叫左12串雞串燒，串燒火喉掌握得好，但味道冇驚喜，收咁既價錢我會期望雞肉本身味道好濃或者有好獨特既調味，但大部分串燒兩樣都冇，有啲串燒我覺得無咩特別就唔寫啦Aburatsubo雞尾皮 ($46)無諗過雞屁股都咁好食，冇任何怪味，只有香濃既油脂味Sunagimo雞腎 ($46)爽口有彈性Otafuku雞甲狀腺 ($48)有著油脂香及內臟獨特既味道，係所有串燒最好食既一串🤤Kashiwa雞髀肉 ($46)嫩滑多汁，醬汁味道唔錯Negima大蔥雞串 ($48)同雞髀肉串燒做法相近，但肉質唔滑，雞味淡，反而大蔥好出色Bonjiri雞尾 ($48)同雞尾皮差唔多，甘香肥美Soriresu雞生蠔 ($48)雞生蠔係雞脾前端既一小片肉，見好多人有叫，但我唔覺得特別好食Tokkuri雞頸 ($48)Tsukune雞肉丸 ($46)Achilles雞腳筋 ($46)Kanmuri雞冠 ($46)Maruhatsu雞心 ($46)Puroboroone Chiizu燒芝士 ($58)好鹹🥲Yaki Toumorokoshi 燒粟米 ($68)燒得好香既，但粟米只係普通貨色，平時係屋企食既仲甜啲🙈Yaki Onigiri燒飯團 ($98/2件)我冇諗過係無餡，仲要個飯無咩特別調味，咪就係將一件普通飯團燒到脆脆地，我接受唔到一件咁冇誠意既飯團竟然要$49🫠Mitarashi Ice cream醬油雪糕 ($58)估唔到醬油同雪糕幾夾，唔錯酉玉唔係唔好食，而係唔值呢個價，同埋每串份量太少我食完得五成飽，要去附近食多個拉麵先夠飽🙈價錢: $512/位環境: 7.5/10味道: 7.5/10性價比: 5/10…Read More

早排係Fini's食過一次佢地既mac n cheese，用簡單既材料就整得好好食，所以對佢印象幾好，今次再黎就好失望，我亦唔建議大家去食Daily Lunch Buffet ($139)呢個價錢又唔會好高期望，食物種類幾豐富，大部分食物質素都對得住價錢，係有兩樣野食比較伏，醃鯷魚好鹹好腥，米蘭豬扒好難先切得開，肉質類似麥樂雞🙈但係呢個buffet有好大既衛生問題，我食到一半既時侯，發覺有兩隻烏蠅係食物附近飛黎飛去，而全部食物係冇用任何物品蓋著，之後果兩隻烏蠅就係幾款食物上面停留🤢係buffet area附近有三個員工，但冇一個去驅趕，由得烏蠅係佢地面前飛黎飛去😰見到烏蠅後我都唔敢再食果堆食物了，好彩食完之後冇肚痛既Linguini Clams (+$40)蜆肉扁意粉，應該係我食過最難食既意粉，之前係Revol食既卡邦尼雖然難食，但未至於食唔落，呢碟意粉我食左兩啖已經頂唔順叫侍應過黎換做另一碟意粉。我食左兩隻蜆，兩隻都好腥，但侍應話佢地既蜆係每日新鮮買返黎🙈另外扁意粉極乾極硬，咀嚼左一段時間先吞得落，即使連埋酸辣汁一齊食亦無補於事，真係想像唔到點先可以煮到咁劣既口感🫠Typhoon Shelter Crab Linguini侍應幫我換左呢碟避風塘蟹肉扁意粉，用同一種意粉但煮得冇咁乾同硬，有進步到😂如果係避風塘風味我期望既係一個有鑊氣食落香口既意粉，但呢個完全做唔到，炸蒜唔熱，鹹味辣味亦唔夠，好在蟹肉份量多，味道鮮甜價錢: $197/位環境: 2/10味道: 3/10性價比: 3/10…Read More

同朋友去左間好高質既西餐廳~環境好chill，員工服務態度好好，上菜後會介紹菜式，食物特別推介烤既菜式，好有驚喜~Grilled Octopus烤八爪魚擺盤好有心思，八爪魚烤到外表焦香而中間又保持到嫩滑多汁，仲要好鮮甜，超好食! 炸薯仔粒都好正，薯味濃郁，香口唔油膩~Black Angus Steak Tartare最近好鐘意食牛肉他他，一見到呢到有就揀左，牛肉好新鮮嫩滑，芥末奶油醬外型類似雪糕，味道偏柔和，突出牛肉鮮味!USDA Prime Ribeye牛扒表面呈現好靚既網格紋，上枱時聞到好香，輕輕一切就分開，係好完美既Medium，嫩滑多汁，肉味超濃，果然係Prime級數既牛扒!怕油膩既話可以點三款不同既芥末醬鮮膩，個人覺得柔和既法式芥末同牛扒最夾~Spanish Red Prawn Pasta西班牙紅蝦烤既時間掌握得非常好，蝦肉爽彈，蝦味濃，中間係半生熟~店員建議將蝦膏加落意粉，Al dente既意粉加上香濃蝦膏真係好正!Apple Crumble Pie食完主菜已經好飽，最後我地叫左蘋果金寶批share食，金寶香脆，蘋果好甜，有小小既肉桂味，配埋自家制既蜜糖雪糕食好夾~店員推介既兩款飲品都好好飲，整體好滿意，期待下次再訪~…Read More

鋒膳既焗豬扒飯係我食過最貴既，$190一個，係普通餐廳既兩三倍，網上評價幾好，抱著好奇既心態試一試餐前會送爵士湯，呢個湯係鄧肇堅爵士喜愛飲既湯，所以叫爵士湯，主要材料有哈密瓜、螺頭、豬展，湯清澈而且鮮味獨特，好出色既湯，亦令我好期待焗豬扒飯煎蛋串茄焗豬扒飯 ($190)焗飯上枱時好熱，茄汁酸甜適中，味道濃郁有層次，煎蛋同串茄材料都好靚，炒飯底炒得夠香，所有野都好出色，直至我食左一塊豬扒，真心同連鎖店既豬扒無咩分別🥲餐廳話佢地用既豬係宮崎快樂豬，我食係食唔出有咩特別，嫩滑但豬肉味真係好淡…我隔左兩日特登去大快活食個焗豬扒飯，豬扒以外既食物當然好普通，單論豬扒既話，肉質比較鞋但味道係差唔多🫣有一間我食左十幾年既茶餐廳，叫東橋餐廳，賣既焗豬扒飯味道比鋒膳遜色小小，但只要$52，$190既焗豬真係不了🫠價錢: $190/位環境: 7.5/10味道: 7.5/10性價比: 5/10…Read More

一直好期待試呢間餐廳，要提早兩個半月先訂到，當日食既幾款菜式都係餐廳推介，但大部分質素普通，定價過高，唔明點解會長期full booking餐廳冇免費既水提供，最平既Still/Sparkling water都要$32/位，另外餐前麵包好硬，牛油普通貨色Chicken liver parfait, red onion compote ($108)炸薄麵包有些少油溢味，洋蔥幾甜，雞肝醬順滑，味道濃烈，係一種衝擊但單調既味道，無層次無餘韻，唔差既，只係太普通Steak tartare ($208)第一次食牛肉他他，牛肉有咬口，味道稍淡，但生牛肉有咁既肉味應該算好。我唔知正宗或者好食既牛肉他他醬汁應該係咩味道，始終第一次食，但我真係覺得醬汁幾似魚柳包醬🙈都係果句唔差既，但同想像中差太遠食到呢到我已經對其餘菜式冇哂期望，同朋友開始討論一陣食咩好🫣Duck a lorange ($358)鴨胸外皮煎得香脆，但每片都差咁啲，一半就肉質鞋但好濃鴨肉味，另一半就滑但淡肉味，幾夾橙味醬汁。反而配菜好出色，紅蘿蔔蓉好滑好甜，烤紅蘿蔔塊質感類似蕃薯，食落甘甜軟綿，呢個口感絕對唔易做到Honey madeleine ($28/件)外表微脆，內裏鬆軟，牛油味超香，我唔鐘意甜品都覺得好好食😝我唔算大食，但食完只有五成飽，如果要食到飽我諗要叫多2-3樣野食，但咁既食物質素我完全冇意欲再叫多啲野去試，之後去左食咖喱牛腩飯先夠飽🥲價錢: $435/位環境: 7.5/10味道: 7/10性價比: 4/10…Read More

發掘到一間上環既隱世小店~餐廳主打泰國及越南菜，佢地既泰菜都好高質，下次再黎要試埋越南菜式~串燒沙爹 (雞/牛/豬)三串都好食，醃料味道複雜而又突顯到肉味，亦有串燒既香味，最推薦係豬肉串燒，三串當中最嫩滑鬆軟，味道最好，可以叫多幾串😆泰式甜豬肉蝦膏炒飯老闆娘推薦既炒飯，炒得乾身有鑊氣，鹹香為主，旁邊既肉鬆、甜豬肉、青木瓜、乾蔥同炒飯味道好夾，想味道複雜啲可以配上青檸汁同辣椒一齊食泰式海鮮冬陰功湯河湯底香濃，酸辣味道適中，最特別係有肉及海鮮既甜味，相當有特色既冬陰功😋河粉滑溜，上面幾款海鮮都好鮮甜泰式奶茶既冰係熊仔樣，好得意🥰茶味幾濃，唔苦澀，亦唔會過甜…Read More

Revol有兩間店舖，佐敦係總店，某啲foodie講到總店既卡邦尼係全港最好味，個個都吹到係世一，Lunch近近地就試左灣仔分店，心諗分店最多咪差小小，但冇諗過呢個卡邦尼係我食過最難食既Revol 卡邦尼煙肉意粉 ($118)呢碟意粉我食左兩啖已經唔想再食，為左唔浪費食物我先食埋佢。有人覺得卡邦尼醬汁冇忌廉好食啲，有啲就相反，我覺得冇所謂既，你整得好食就得，而Revol既意粉就兩樣都唔係，因為根本就冇醬汁。意粉有橄欖油味，加黑椒同香草，但係連小小既鹹味都冇，加上冇汁，真係好難繼續食落去定係呢碟意粉真正食法係將蛋黃篤穿，再將所有材料撈勻，去做個汁出黎？撈勻之後，除左意粉多左蛋汁外，味道一樣咁差，都係冇鹹味，如果肉或芝士味滲到落意粉汁，唔落鹽冇問題，但係做唔到既話點解唔落返鹽？雖然用左兩種肉，但都係廢既，一種係又乾又硬冇肉味既煙肉片，另一種係廉價味道既豬面頰肉粒，而芝士碎仲係一塊塊冇溶到成碟意粉比我既感覺就係未完成，只不過將卡邦尼要有既材料放埋一齊，一個連醬汁都冇或者得蛋汁既卡邦尼，仲應唔應該叫卡邦尼？睇返佐敦總店既卡邦尼，似乎係同一做法，我完全睇唔透點解一個煮法咁有問題既意粉，可以有人覺得係全港最好味？4月10號係灣仔分店營業既最後一日，如果有人真係想試下呢間世一意粉，就去佐敦店啦價錢: $118/位環境: 7/10味道: 3/10性價比: 3/10…Read More

竺扶大班燒味係灣仔人氣燒味鋪，每逢Lunch time必定大排長龍，因為幾款燒味質素都幾好，而服務就普通茶餐廳質素黯然銷魂飯 ($58)叉燒比較睇彩數，食過十幾次半肥瘦叉，好既時候咬落去會有好香既煙燻味，差既時候就比全瘦柴皮叉燒🙈而我多數食都係呢個情況: 肥瘦均勻，有小小燶邊，鬆化有肉汁，肉味唔錯。煎蛋有蛋香，嫩滑但煎得唔夠脆，燒味汁夠多夠惹味，配埋蛋黃送飯一流😝不過菜芯就比較硬身同菜味淡燒鵝燒腩仔飯 ($58)燒鵝皮唔脆，勝在肉嫩多汁，每件都有小小肥膏，食落甘香，鵝味濃郁。燒肉質素好穩定，燒肉皮酥脆，肥瘦相間，油香肉味並重價錢: $58/位環境: 6/10味道: 7.5/10性價比: 8/10…Read More

Nikushou係日式燒肉專門店，但亦有提供其他料理。我食左幾次都仲未試燒肉，因為佢地既鰻魚飯太好食，係我係香港食過最好既鰻魚飯😋招牌脆皮鰻魚山椒燒飯 ($258)多數食既鰻魚都係蒲燒做法，用山椒醬汁去燒好特別。魚皮燒得超脆，魚肉有彈性，肥美甘香，脆皮加魚油香真係冇得輸😝山椒醬汁微甜又有小小麻，表面既山椒粒比醬汁味道會更濃，同鰻魚非常夾傳統蒲燒鰻魚飯 ($258)傳統做法同樣做得出色，鰻魚脂香味好強烈，蒲燒汁唔會過甜。鰻魚保留左脆皮，雖然都係好好食，但傳統做法我都係鐘意冇脆皮，食落入口即融既感覺招牌飛驒牛筋麻辣咖喱飯 ($148)牛筋煮得好軟淋，差唔多係入口即融，但肉味唔係特別濃，肉既份量都少。咖喱香甜，帶有小小牛肉味，但味道太簡單，尤其係牛肉味唔重既情況下，我覺得應該落更多既材料去煮個咖喱，不過幾欣賞佢配既麻辣油，同咖喱好夾價錢: $284/位 (有加一)環境: 7.5/10味道: 8.5/10性價比: 7.5/10…Read More

DK1885係我覺得最好食既越南餐廳，餐廳賣既係北越菜，而普遍香港食到既都係南越菜，北越菜會比較清淡，強調食材鮮味。下午同夜晚我都食過好多次，下午抵食啲而夜晚食物款式較多同更加特別法式豬肝醬燒雞肉卷 ($148)第一次食豬肝醬，肝醬好香濃，雞肉嫩滑有肉汁，肝醬同雞肉中間有一層芥末醬，食落冇咁膩😋香茅魚露煮活蜆($118)蜆肉鮮甜厚肉，但蜆湯先係精華所在，湯比蜆更鮮，再加上大量香茅、蔥，飲落更香甜，每次都會飲哂個湯😝北正宗烤乳豬 ($198)水準有啲唔穩定，好果陣係我食過最好既乳豬，皮脆到好似食緊豬味極濃既薯片🤯肉質嫩滑肉味濃。醬汁配搭亦有花心思，脆皮配蔥油，肉配酸辣汁，將成道菜提升到另一層次。但今次食係冇咁好果次，皮依然咁脆，但皮多過肉，落鹽亦重手左冇咁食到豬肉甘香🙈老街魚露燒豬肉伴檬粉 ($88)每次食店員都會講解食法，將檬粉放落小碗，再加豬肉、九層塔、小小湯汁撈埋一齊食。湯汁酸酸甜甜，由於魚露份量比較多所以好鮮，豬肉肥瘦均勻，就算肥既位都會爽口，肉味唔錯，不過檬粉份量比較少，撈完全部檬粉都淨返好多湯汁，我有時會叫多啲檬粉去撈埋佢😆價錢: $325/位 (有加一)環境: 7.5/10味道: 9/10性價比: 8.5/10…Read More