bennyshxtman的個人專頁

叫左一個松葉蟹海膽釜飯、一個豚肉鍋、一盤刺身盛同卷物。釜飯話係海膽釜飯，但係入面得幾粒海膽碎，撈落飯度完全食唔到，飯嘅份量又少，咁就要$238。豚肉鍋盛惠$328，但係豚肉質素同出面打邊爐放題差唔多，雖然豚肉份量尚可接受，鍋底都多野菜，但係肉嘅質素令人太失望。而刺身$368一盤就係得幾塊，完全同圖片不符。整體嚟講就係又貴又少又唔好食，其實貴都係其次，重點係份量少得離譜，仲要唔好食，就算有75折都完全唔抵，真係完全諗唔到再幫襯嘅理由。…查看更多

同朋友去食晚飯，當晚全場只有兩檯客人。我地食火鍋放題，肉類嘅選擇都算多，牛肉嘅質素唔錯，仲送炸物拼盤同海鮮船，加上有3送1優惠，以任飲任食同不限時嚟講算非常抵食。另外係呢度廁所非常乾淨，環境都好好，啱晒一班朋友嚟傾計。唯一挑剔嘅係火鍋食物種類可以多啲，比起出面嘅任食火鍋嚟講係算少，如果有埋甜品就最好。呢度員工嘅態度都好友善同有禮貌，呢間社企可能無咁多人識，但非常值得一試，希望可以推介呢間隱世嘅好餐廳俾其他人！…查看更多

原本打算與朋友食個晚飯farewell，見到有咁多好評就book檯，點知令人極之失望。整體嚟講，所有食物嘅份量都好細，女仔都唔夠食，食物味道調味偏鹹，油膩感好重，仲要加一服務費，四人總共食左$541，完全唔值呢個價錢，唔飽且鹹到要係咁飲水。雖然最後有送個甜品，係普通奶凍，味道正常，但都食到一肚氣。除左雞翼之外其他菜式都唔太好食，中下嘅味道水準配上一人百幾蚊嘅價錢，覺得性價比極低，差到要專登開食評，唔會再幫襯。…查看更多