要差不多人均$1000 的dinner buffet，光顧前已對此餐廳抱有很大期望，加上又有主打即煮即食海鮮，所以都覺得價錢合理。當然，呢類餐廳所提供的海鮮食材也會令人有些要求，例如新鮮度同海鮮質素。不過，經過今次嘅光顧之後，卻令我們都很失望。雖然種類尚算豐富，但每類海鮮烹煮方法不多，而且味道亦略嫌不足，有些海鮮甚至質素都比較參差。例如，我們叫了兩次兩人份量的蒜蓉蒸龍蝦，只有一件半隻龍蝦肉質是爽口的；豉椒炒蜆：蜆肉完全無豉椒味。鮑魚：因煮得太熟而變得有些韌；佛跳牆: 湯同配料一齊飲食，感覺有啲格格不入。凍海鮮中，長腳蟹拆開後蟹肉又乾身！總括然而，海鮮之中無話那款特別出衆！反而魚生刺身質素幾好，算係澳門食過的好質素。熱葷有些比較OK，例如乳豬，燒鵝，椒鹽瀨尿蝦，炸軟殼蟹，都係當日食過最好味道。至於有特別食品推出時會响鈴提示，要排隊攞的，例如：叉燒，凍食鮑魚，也未有很大驚喜。但餐廳提供嘅甜品就頗為出色，賣相及味道都很不錯，尤其雪糕，供應的雲呢拿雪糕裏見到很多雲呢拿籽，其他地方比較少見，估計都係自家製的。而餐廳所有員工服務態度也很好，很值得讚賞！當晚仲有一事令我哋覺得掃興，本來餐廳用餐時間是17:30-23:00，但我哋到18:45場時才被告知當晚因有VIP包塲，所以要縮短用餐時間到21:00。餐廳並沒有事前在門口或網上通知此安排，呢樣真係令我哋專程由香港過去訂住一晚酒店為品嘗此餐廳嘅食客嚟講，確令我哋很不滿😖。如果我們早點被通知，就可以自行安排用餐時間，而不會使整個用餐感覺那麽趕急。希望呢種情況餐廳往後可以改善，令其他光顧的客人不會再有不愉快的感覺。
另外，環境的確裝修華麗，但枱與枱之間很近，我斜對面有人講嘢大聲D已經覺好嘈。總之，在澳門食過咁多次不同餐廳嘅自助餐，今次真令人比較失望。😞…Read More
另外，環境的確裝修華麗，但枱與枱之間很近，我斜對面有人講嘢大聲D已經覺好嘈。總之，在澳門食過咁多次不同餐廳嘅自助餐，今次真令人比較失望。😞…Read More
