chumiu的个人专页

平日晚飯時段，朋友等了一小時才能入內，選了套餐，類似廚師發板，但竟然頭幾道菜都是炸物，食完覺得口渴，而其餘幾道菜以至甜品都平平無奇，收$300幾蚊，寜願去同場嘅 Butler 。…查看更多

雖然舖仔細細，但選擇非常多，仲有习鑚麵款同材料揀。今日試咗香蒜蝦子撈粗，仲加咗麻辣，香蒜汁幾香，驚太乾仲可以叫店主加碗湯，麻辣就夠麻夠辣。餸揀左牛舌芯同腩肉，牛舌夠腍，驚喜係腩肉，加咗孜然粉，好香。仲叫咗關東煮，個湯幾清甜，$12好多款食物。黑松露薯條即叫即炸，醉炸雞翼好特別，未試過醉雞翼係炸，但比較細隻。店主態度好好，我不停叫佢加湯加麻辣都好有禮貌。一定會再幫襯，但舖頭比較細，同得一個人serve, 所以可能要等。…查看更多

限聚令下，farewell 朋友的一餐為午餐，選址西貢呢間餐廳，因為好奇，之前經過白沙灣見到呢間酒店好似幾靚，住唔到酒店，都有機會試下餐廳。第一次黎就揀咗廚師發辯，每人$780， 價錢算合理，但始終有期望。點知第一道菜就嚇親，個沙律比和民賣相及味道更差，內心即刻一沉。猶幸之後嘅燒魚、魚生都幾新鮮，燒魚值得一讃，主打係金目鯛，個湯同甜品就普通。但食完呢餐唔飽。餐廳只供應日本水，要茶要另外收錢，但食完魚會想飲啖茶清下味蕾。今次坐唔到窗口位，無得對住個海食，有啲可惜。…查看更多

叫咗beef burger set外賣自取，連埋芝士薯條同罐裝汽水都唔使$60， burger連cheese, 洋蔥偏多，但尚算juicy, 薯條份量大，芝士醬另上，亦夠唒脆，因為太肚餓，無影到相。…查看更多

今晚約咗住喺大埔嘅朋友食飯，佢提議去呢間，鍾意食甜品嘅我舉腳贊成。因為無得訂位，又假期前夕，好驚要排長龍，好彩7點前去到即刻有得入座。點咗呢度最出名嘅軟殻蟹黑松露意粉，食物一上枱有啲失望，軟殼蟹係淋，味道還可，但完全無黑松露味，失望。另外叫咗肉醬薯條，薯條唔夠熱。甜品叫咗玫瑰士多啤梨窩夫，初初見到粉紅色嘅醬有啲嚇親，感覺好似人造色素，還好味道唔差，雪糕味濃。整體質素普通，雖然價錢合理，但主要靠食物外表吸睛，唔會特登黎。…查看更多

今日老闆請食飯，有人提議去呢間，無食過所以去試下，況且有人請就無所謂。間餐廳好大，仲有好多設施俾小朋友，至於平日就客唔多，唔使訂位都得。打開個lunch menu ，嚇到眼都凸，lunch set平均$250 至$380，一個pasta 加soup /salad加drink 同dessert，都要$200幾，以為自己去咗中環，雖然sell organic ，都唔使好貴呀。最後決定要Iberico pork ,湯係栗子湯，甜品原本係organic fruit ，但原來無所以改handmade chocolate 。栗子湯算幾大碗，味道都ok，好似栗子糊嘅咸版本。Iberico pork幾大件，煮得幾淋，側邊嘅配菜不過不失。對homemade chocolate 有啲期望，點知上枱又嚇親，每人被分配到手指甲大嘅士多啤梨味同朱古力味朱古力各一粒，好遺憾唔記得影相，味道又普通。連咖啡或茶，唔記得有無加一，但呢個價可以去酒店食，而食物質素高幾皮。無人請唔會再來，有人請都唔好意思。…查看更多

平日Lunch 約咗朋友喺MOKO，好耐無去個度食飯，見open rice 呢間餐廳未去過，野食又好似ok，姑且試下。12點半去到好彩仲有位，salad bar $88連飲品，加個main course 都只係$10-$40，幾瓦都加個軟殻蟹繪飯同明太子意粉。之後出去salad bar,湯有兩款，羅宋同磨菇，菜有好多款，例如貴價嘅羽衣甘藍、另外仲有紅菜頭、南瓜、辣椰菜花等多款菜，仲有火腿、薯仔、芝士、薯條同炸雞粒同大量醬汁任選。沙律菜全部都好新鮮，磨菇湯幾rich，忍不住再排。軟殻蟹飯不過不失，明太子意粉賣相貴氣，有少許海膽同三文魚子，意粉味道幾creamy。至於飲品可選咖啡或茶或可樂。俾起同樣提供semi buffet 既mr steak ，個人認為無論salad bar 同主菜嘅質素都較佳。PS 好彩12點半到，一點鐘無論等位定salad bar都排長龍。…查看更多

今日去新城市廣場食lunch，同事提議去呢間，搭緊車已經用apps訂定位，去到唔使等位。第一次黎，見餐牌好多款點心同小食，花多眼亂，我地三個人決定share個二人餐。同事推介叉燒皇，每件都幾厚，入口夠淋又有半肥瘦，好食。個餐可以選兩款點心，揀咗春卷腸粉同腐皮卷，春卷腸粉入口時仲熱，春卷香脆，腐皮卷香脆亦唔油。另外包一款飯麵，揀咗薑汁蛋白炒飯，飯粒炒得幾乾身，薑味濃。個餐仲有兩個湯同一碟炒芥蘭，三個人食夠飽。…查看更多

第一次幫襯Lex, 星期六嘅晚上客人唔多，餐廳樓底非常高，顯得餐廳更闊落。 Menu 選擇唔算多，三個人叫咗慢煮豬腩、chicken burger 同松露意粉。松露意粉不過不失，松露味唔算香，意粉夠al dente。Chicken burger 嘅雞肉有啲靭，唔太好食，nacho無汁點，齋食有啲怪。最好食係慢煮豬腩，夠嫩滑，有少許肥脂，醬汁係芒果汁同紅酒汁，芒果汁唔太匹配。另外叫咗杯venchi chocolate ,本來諗住會有濃朱古力味，但落得太多奶，蓋過朱古力味。環境較食物吸引。…查看更多

之前見有周刊推介呢間千層蛋糕，有朋友咁啱想試，約埋一齊食。初初驚星期六下午會好多人，但堂食仲有位。蛋糕款式差不多有10款，花多眼亂，見佢有新春special，桂圓紅棗千層，特別一試，另外叫咗平時都有嘅海鹽千層。桂圓紅棗千層賣相特別，有個銅錢，但入口食唔到桂圓紅棗味，只有微糖味。海鹽千層外貌似tiramisu ,上面有層朱古力粉，入口有䶢味，唔錯。呢度嘅千層整體感覺淋咗啲，個人較喜歡lady M明顯入口食到一層層嘅感覺。…查看更多

朋友介紹的小店，原來在正街斜路，差喲走漏眼，地下係cashier，樓上座位，要先到cashier付款點餐，然後再送上來。今晚點咗 green mushroom burger , truffle fries, prawn linguine , Yuzu smoothie and ABC smoothie (avocado, banana and coconut )晚上人唔算多，點菜後等15分鐘開始送上order。Truffle fries 夠熱夠脆，感覺有啲似用鴨油炸起嘅味道，truffle 味香，食唔停口。Green mushroom burger送上時有啲surprise,因為個burger其實係牛角包，切開裡面有牛油果，大磨菇同松露醬。個牛角包食落好驚喜，外面香脆，內𥚃鬆軟，大力推介。磨菇同牛油果都ok, 好難失手。Prawn lingerie 不過不失。ABC smoothie偏淡，只飲到牛油果味，同飲咗個幾鐘杯野仲結緊冰。為咗個牛角包，會再幫襯。…查看更多

喺火炭番咗幾個月工，誤打誤撞黎到呢度搵食間舖好細，地方淺窄，周圍放滿枱，裝修有啲似台式cafe，但menu又帶點西式加日式，共8款，有啲不倫不類，好驚會唔好食。餐飲係台加美式，寫明涷飲不可走冰走甜，費事煩。我叫黑松露野菌意粉加百香果綠茶，綠茶好快送上，味道都似平時飲開既台式飲品，唔錯。意粉等咗成15分鐘先到，黑松露味道香，野菌亦幾多，又夠creamy，意粉al dente,結果成碟掃清。同事叫咗蕃茄蝦意粉，都好食，蕃茄味中帶黑椒辣。可以encore…查看更多

專登來試黃金牛油果奶，叫咗走冰，三分甜，人唔多，但落完單都等咗10分鐘，未入口前充滿期盼，點知一入口有落差，只有甜椰汁味，沒有牛油果味，惟有麻醉自己呢杯係椰汁，仲要係偏甜嘅椰汁，如果無叫3分甜個甜度難以想像，中杯仲要成$27，偏貴，慶幸自己無叫大杯，個刻我好掛住深水埗第一郡嘅牛油果沙冰…查看更多

聽朋友講推出咗期間限定日式炒麺，每日限量供應，lunch time 本來唸住幫襯姊妹店食蠔拉麵都行多10分鐘去混亂拉麵。12點左右去到，因為間舖座位算多，唔使等位，一坐低即刻點個炒麵$78，等咗5分鐘就送上，首先係炒麵連溫泉蛋，侍應建議將温泉蛋撈落炒麵食，但温泉蛋偏熟，倒落去撈唔勻，炒麵配料包括椰菜同日式叉燒絲，一食落口覺得麵唔夠熱，叉燒同椰菜亦幾淡，成碟麵無乜味，好彩有紅薑絲，幫碟麵畫龍點睛，另外附送嘅菜湯幾鮮甜。下次會食番拉麵…查看更多

一直好想食好肥好腍嘅豬潤，對上一次食已經喺去生記，今日經過深水埗，記得漢發豬潤好出名，特登去一試。間舖距離地鐵站都成10分鐘路程，平日12點9去到，2個人唔使等位，明明有4人枱都唔俾我坐，迫我同另一個客3個人坐2人枱。初初唸住齋食豬潤麵，但見隔離枱碗雙併麵有成4、5塊豬潤，所以併埋牛肉加丁麵。碗麵一上枱非常吸引，豬潤肥厚，有好多片，牛肉都大件。一入口，豬潤好腍，雖然仲帶少許血水，但每件都好腍，如果有辣椒豉油點就正，牛肉亦都好腍，比我同區另一間我幫襯咗好多年嘅潤牛麵更出色。見另一枱叫豬扒好似炸得幾香，下次會試。…查看更多