keithkcwong's Profile

最近做緊周年優惠有折，所以特登去食。我朋友對魚生係勁有要求既人，佢都話哩間野既食物都幾有質素除左魚生，仲有叫左啲熟食，一樣都唔差，加上枝sake又幾好飲（特價果枝，無特價果枝反而覺得普通，可能口味問題），成餐好滿足。…Read More

夜晚經過本身諗住飲杯野就算，但坐低就打鼓，所以叫左啲野食。每道菜都感覺係用心整，而且味道非常唔錯。加上餐廳幾有氣氛，又坐得幾舒服。開左枝酒，慢慢食，傾下計，聽下音樂，係一種享受。…Read More

因為用某張信用卡有折扣，所以特登去食下，係抵既，至於食物整體評分都唔錯。點解食物評唔係太高，係因為感覺款式唔算太多，食左兩轉已經要食返轉頭但食物質素係高既，每樣野都新鮮，對於我哩種食得唔多既人就岩岩好。如果你係追求多款式既，可能要去第二間，但如果係想慢慢去享受哩一餐，就可以黎試下，因為佢無限時間，你可以慢慢坐慢慢食…Read More

本身見個鋪面咁迫唔係太想入去，不過見到碗魯肉飯幾吸引，所以就入去試下。叫左碗細既魯肉飯，一碟滷味同埋一杯冬瓜茶。細碗既魯肉飯其實都唔細，魯肉淋滿成碗飯，食落都夠味。至於個滷味，還好，不過不失。最後杯冬瓜茶，有飲開台灣飲品既人都知台灣落糖好似唔使錢咁，佢有得揀甜度，我揀左三分甜都已經夠甜。最後埋單都係七十大元，絕對係扺食既。有機會黎試下其他小食，睇下係咪做得返台灣既味道。（對比上九份芋圓就太貴了，想食但唔會叫黎食😂）…Read More

係渣華道哩條街突然開左間好光猛既餐廳，內裡裝修都幾舒服，所以就特登入去試下，本身無咩太大期待，不過食落有驚喜。首先個咖喱雞好夠咖喱味，雞都唔會好老，配塊鬆脆既薄餠簡直一流。之後個雞翼都唔錯，夠味。最好既其實係個炸蝦餅，啲料足，炸到岩岩好。絕對可以再試。…Read More

因為同事話未試過福建菜，所以特登黎哩間試下。四個人亂咁叫餸，叫左十幾樣食到最後食唔落。最後埋單每人都係百幾蚊，真係好抵食。啲野食又幾好味，特登個五香雞卷，外皮炸到好脆，配埋入面啲馬蹄，食落口感好正，第一推介係哩味送。另外個土芛凍，如果敢食既人都可以試下，食落口好爽。至於其他，其實都唔差既，不過整體都比較重口味，食過一次之後要隔一段時間先可以再試。…Read More

上次黎食過一次玫瑰叉燒飯，因為啲叉燒實在太硬，所以有啲失望。今次特登黎試多次個黯然銷魂飯，啲半肥瘦叉燒食落真係好唔同，配埋個醬汁簡直係無得頂。不過，有讚都有彈，隻蛋煎得太熟，另外唔知係咪就黎收工既關係，啲湯唔熱既，黎到飲兩啖已經凍左。總括黎講都好既，唔好怕肥黎食一次黯然銷魂飯，唔會失望。😀（係貴左啲啲😅）…Read More

講話係隱世，係因為平時會就咁直行直過，根本唔會留意到條橫巷入面有間拉麵店。至於味道又係咪一樣咁隱世呢？老實講，麵都唔差既，而最重要既湯又真係幾唔錯，我最後都飲晒不過個人覺得湯既溫度唔夠熱，食落感覺少左啲野。最後講既係果三大片叉燒，無得輸，堅正！！打哩篇食評完全係因為啲叉燒！…Read More

性價比高，兩個人七百幾食到食唔落。叫左個套餐食，除左一開始既魚生普普通通唔算太好，其他都幾好食。熱食好夠味，有燒帶子，仲有龍蝦鮑魚。食到後面個茶漬飯其實已經食唔落。臨尾叫左串雞肝，好掂！…Read More

哩間絕對唔係坊間果啲普通既牛肉麵店，因為佢地啲牛肉真係有返現咁上下質素。唔止味道夠，而且有咬口，難得係份量都唔少。另外啲小食指要讚下，特別係果碟鴨血，台灣既鴨血真係無得輸，好正！…Read More

推薦哩間餐廳，唔止係因為啲野食好味，環境非常舒適，而且服務態度仲好好。每一道菜都好好味，而且足料。兩舊鵝肝大大舊，香到不得了，外面脆，入口即溶。主菜牛排好大塊，鴨腿亦都非常岀色。而最後既甜品更加令人驚喜，自家制，最緊要係你食得岀佢既心思。…Read More

如果你試過係哩間食晏晝，你未必會再去，因為環境真係麻麻。但如果你黎食過夜晚，包你一定想再去多次。無他，好抵，好抵，而且都有啲水準。而只要你唔介意比多少少錢，你就會有意外收獲。今次既omakase真係有意外驚喜，試到剝皮魚，口感一係一流。其他魚生亦都好新鮮，你食得岀佢唔係比流野你食。如果你唔係太介意地方迫既，哩間真係誠心推薦。…Read More

近近地入去西貢食野，諗住是但搵間餐廳，不過經過全記見到坐滿晒人，阿姐又話有套餐抵食，我地見價錢又唔貴咪坐低試下。服務其實唔係差既，因為你無理由同酒店比。最緊要都係啲食物。老實講，咁既價錢有哩個質素，個人黎講係好抵既，而且又好食。不過可能係果段時間先有特價餐，夜晚就未必食到咁平。如果撞岩晏晝果啲時間搵野食，可以去試下…Read More

今日去排隊食，都真係為左個名而去。好彩都真係無令我失望。去到門口都已經有廿幾人排緊，兩個人等左十幾分鐘已經入得去。環境都唔錯，一上二層已經聞到好重既香葉味，食指大動。叫左碗生牛肉湯河，另加一個小食同一碟菜。菜就唔特別講，至於碗粉真係唔錯，最欣賞係個湯底，食完差啲想連湯都飲埋。價錢方面，係中環哩個地段，收哩個價銭仲想點？…Read More

每次黎食寧波，都預左重口味…高膽固醇…高熱量…總之好似無樣好，除左味道。但無辦法，每隔一段時間就會忍唔住黎食一次。因為真係好好味今次唯一可惜係食唔到個甜品八寶飯…Read More