joshualuk's Profile

女朋友叫晒肚餓，小弟當然要出馬搵嘢食。喺下午茶完結之前，決定試一試呢間開咗冇耐嘅Cafe。只不過有啲大失所望。我哋叫咗個二人下午茶(小食拼盤)，預期係話小食拼盤，不如係話香腸拼盤。基本上就係俾咗三種唔同嘅德國腸，以及佔咗一半嘅薯條。德國腸好好食，卜腸發揮得唔錯，但尤其好食是係法蘭克福腸，嗰種甜味係相當難忘。只不過薯條就比較普通，感覺食齊柏林啲薯條會好食啲。個下午茶唯一嘅亮點係杯三重朱古力(+19蚊)，無論外觀、材料同味道都非常好。至於杯凍奶茶就係普通凍奶茶，毫無特別。整體來講，成個二人下午茶餐有種唔抵嘅感覺，如果平返$10-20左右應該會感覺好啲…Read More

約咗個朋友喺觀塘，諗住睇吓百年一遇嘅音樂噴泉咁啱記得早幾日某Youtuber 介紹過呢間新舖，就試一試佢咩料。呢間舖係喺商廈寫子樓個層，對面係一間韓式餐廳。本身order 左杯iced latte, 但係等左接近10分鐘先嚟到，本身星期六等多陣係完全冇問題，只不過以佢既定位來講(整俾趕番工既打工仔同管理層)，實在慢唔止半拍。所以我覺得太慢啦，慢到有時間可以同我個朋友吹左一輪水都未到。個人唔知佢平日既速度係點，但唔好抱太大期望。個杯既樣係唔錯既、望住espresso 同奶慢慢融合係幾好睇。 味道方面就不過不失，奶味同咖啡味都算平均，我鍾意杯latte 唔會太過甜、但有保持一陣奶味既感覺。但環境比較狹窄，除非在附近返工，唔係既話未必有機會再過嚟試.... ⛑⛑⛑: 只不過如果係返工想試杯咖啡，呢間係okay 既…Read More

中午岩岩喺南區行完山，又未想番屋企，記得有班朋友成日影低呢間錫安cafe，又見佢有All Day, 所以決定係時候試試佢注意⚠️：由於係小有名氣既良心小店，加上座位唔多，peak hours / weekend 請預留至少15-20分鐘等位。入到去燈火通明，用既全部都係偏黃色嘅燈，基本上每個位都有棵植物喺到叫咗all day breakfast 同一杯Flat White, 等咗10分鐘，野食同咖啡就到了薯餅：外脆內軟，超級岩薯餅控煙肉：煙肉幾香，但係有少少overcooked，如果早少少攞上嚟會更靚法蘭克福腸：幾好食，唔太乾，驚喜在於有陣Rum酒味道🤔🤔茄汁豆：幾好吃，茄汁味重過豆味(比較啱我)蕃茄：幾新鮮，微焦幾香口火腿: 一般，overcooked，一個字: 硬麵包: Grain Bread 幾脆 ，份量足，同茄汁豆幾夾炒蛋: 滑，Gordon Ramsey級 ，但係唔夠味，加少少鹽作為all day breakfast，競爭力非常足，同價位(90-110)基本上都贏曬，但係比起旺角某間既性價比又差少少，整體味道亦不及佐敦某間coffee shopFlat White 味道濃，比其他酸少少，但係37 蚊嚟講都受落整體而言，除咗對得住良心黃店Cafe，食到全日早餐，西區既價嚟講非常有競爭力👏🏻👏🏻…Read More

元旦日想見下心愛既人，又想去附近睇吓日落，所以晨早揀咗呢個地方去食個靚all day breakfast.今次幫襯左 e字頭book 位，除咗甜品所有嘢食野飲都有半價。注意⚠️：由於係小有名氣既食店，加上座位唔多，peak hours / weekend 請預留至少15-20分鐘等位。入到去不單止地方廣闊，仲有好signature 既單車左喺到，個時因為啱啱過聖誕新年假期，所以仲有聖誕裝飾喺度。叫咗 一份Full English 同 Irish Egg Benedict (鹹牛肉 Egg Benedict)薯餅：外脆內軟，超級岩薯餅控煙肉：煙肉香，但係比較硬，略嫌比較乾身(但係好英式做法)法蘭克福腸：幾好食，唔乾，但除咗煎香嘅味道就冇啦茄汁豆：個人覺得還可以，豆味重過茄汁味Black Budding (豬血糕): 好食，幾煙韌沙律及車厘茄：幾新鮮，加分為係有碎芝士火腿: 比起上次錫安餐廳食既冇咁硬，煎得香麵包: 麵包幾脆，應該係咁多間個人最鍾意Yorkshire pudding: 少少鹹嘅麵包，同茄汁豆/茄汁好夾，令我食過返尋味炒蛋: 滑，Gordon Ramsey級 ，味道都足夠作為all day breakfast，一間英式餐廳嚟講，168 Full English 價錢應該有過之而無不及，個人覺得佢大概價值120 蚊左右，然而用埋E字頭個間既訂座優惠就覺得非常超值！另一半試左佢地既Egg BenedictMuffin: 好食，有保留脆口感覺，但個人幾鍾意佢沾上蛋汁同菠菜嘅味道菠菜：份量岩岩好，唔會太鹹，平衡返鹹牛肉鹹牛肉：將平時嘅免治牛煎香左，但味道係有升一個層次，個人未必太鍾意(比較鍾意有火腿既Egg Benedict)賓尼迪蛋：不錯發揮、流心蛋有👍🏻、蛋黃汁唔錯整體而言，個人覺得如果係用訂座優惠過嚟食比較好，不單止減唔少，同時佢嘅價值亦有更大發揮。當然就算Full Price 俾既 可能我都會食，只不過有得平有得更抵食就唔差在啦係咪先😏…Read More

朝早見到朋友去咗呢間食野，心思思又想過去食 quick breakfast，就試吓呢間到底有咩名堂注意⚠️：由於係有名氣既小店，加上座位唔多，請預留至少20-30分鐘等位。門面裝修以英國轉頭屋為主軸，bakery嗰個area 打通左上面嗰層，所以樓底高感覺幾空曠。Dine-in 座位以Bar 枱 mix 普通 cafe 枱。個人試咗杯大杯latte，咖啡味都幾濃，肯定唔係一般貨色，但係講到味道層次不及其他既樓上cafe(Openground, Cafe Sausalito) ，然而亦有可能受到杯嘅影響。整體而言，價錢是比較相宜，同市價差唔多。佢哋另外一款最出名嘅就係蛋撻同牛角包、由於朝早食左少少嘢我就試佢嘅蛋撻。唔知係咪因為擺耐左既原故，蛋撻唔算脆皮，同時嫌佢個皮太燶，我諗早2-3分鐘出爐應該差不多。…Read More

依家每逢weekday 都會經旺角食野然後去返工，俾我搵到一間新樓上cafe 。注意⚠️：由於係小有名氣既良心小店，加上座位唔多，Peak Hours 請預留至少15-20分鐘等位。入到去既裝修好岩溫書同午後小休，啲日系裝修好靚同好舒服！叫咗all day breakfast 同一杯凍檸茶, 等咗15分鐘，野食就到了薯餅：真外脆內軟，超級岩薯餅控，比起麥記好食幾倍煙肉：煙肉幾香，似用左台灣腸製作，同平時食開嗰隻味道有唔同法蘭克福腸：幾好食，略嫌唔夠juicy茄汁豆：幾好吃，唔會太溶，茄汁味重過豆味(比較啱我)蕃茄仔及粟米：幾新鮮，但普普通通沙律菜: 同蕃茄仔一樣，可以再多少少醬麵包: 普通多士，但夾埋茄汁豆好食炒蛋: 幾滑幾好食，但未到Gordon Ramsey級 作為all day breakfast，應該甚少有其他餐廳比得上佢，就算質素比得上，價錢都比唔得上。而杯檸檬茶喺咁好食嘅 All day 面前顯得普普通通，但勝在形象搭救。整體而言，除咗對得住良心黃店Cafe，仲係似非常親民價錢食到全日早餐，呢個真心係食客嘅福氣🥰🥰🥰…Read More

同友人喺城門水塘行咗個圈，夜晚落到黎路德圍食飯，結果揀咗加藤屋。入到黎姐姐好友善咁問我哋食啲乜嘢，但係講緊坐低大概2分鐘，略嫌覺得姐姐有點心急想落單，但呢樣都係小事。我叫咗一個咖喱炸雞飯，而友人叫咗碗特盛牛肉飯。佢個碗等咗唔夠2分鐘就到🤣🤣，而我嗰個就要等多7-8分鐘先到望落去其實就同其他連鎖牛肉飯店差唔多，略嫌個飯腍咗少少(個人鍾意食較硬身既飯)，但係炸雞做得幾好，真係外脆內軟，但如果同食字頭牛肉飯店比，個人認為食字頭做得好少少，但係呢個勝在都好抵。注:個餐包埋嘢飲，我叫咗可樂，冇咩特別🤣🤣整體來講，極速食個飯依個肚呢度都係唔錯嘅選擇。…Read More

朝早同女朋友入長洲Hea 下 Chill 下﹐臨上渡輪之前有啲肚餓﹐就行左去條巷仔搵Bagel食。呢間出晒名﹐平日排晒隊既Bagel﹐今日竟然因為菲傭姐姐而少左人幫襯個人都有點意外。叫完野食等左5分鐘﹐新鮮熱烘烘既Bagel 就到左。Maple Bacon & Egg on Everything Bagel煙肉流心蛋貝果超級鐘意啲多芝麻既包﹐今次變左Bagel 令到又少少鹹但多多脆!個蛋食個刻仲要係流心﹐真係不得了。女朋友都讚好好食﹐呢個Bagel 又搞到我入長洲冇心情食野 後記: 本身叫多左杯 Flat White﹐但係唔特別所以就不詳述了…Read More

今日行開深水埗，想搵個地方出去做下野同chill下，俾我搵到有間專做展覽同設計collab space cafe. 注意⚠️：由於係有名氣既良心小店，加上座位唔多，請預留至少15-20分鐘等位。利申：入去個次大概下午2:30，等咗45分鐘有連插座位置。入到去既裝修幾靚，同喺斜對面嘅 Cafe Sausalito 裝修 相似。今次想試下佢地既Piccolo 咖啡幾好，咖啡濃味蓋過奶同奶泡少少，裝飾普通但好飲其實呢間鋪最大亮點，係有完整嘅展覽，嗰時就做緊台北香港展覽，同時地下有介紹不同字體既設計書可以睇，非常適合坐喺度邊嘆咖啡邊睇書，只不過見多數人都係攞部電腦出嚟做嘢(始終平日嚟到)整體來講，算係一個又可以飲靚咖啡又可以chill 嘅地方，為深水埗區帶咗啲新面貌。…Read More

早牌想搵個地方出去做下野同chill下，俾我搵到佐敦有間非常厲害嘅黃店cafe. 注意⚠️：由於係小有名氣既良心小店，加上座位唔多，請預留至少15-20分鐘等位。入到去既裝修唔錯，除咗有一系列賣製作精品咖啡用具外，仲有一個滴漏咖啡壺。叫咗all day breakfast 同一杯latte, 等咗15分鐘，野食就到了煙肉：煙肉幾香但冇咩特別台灣腸：真係估唔到台灣腸同all day breakfast 都可以咁夾鹹鹹哋既腸，同煙肉配合得好好，又可以同薯蓉夾得到大啡菇：味道超正，又有預先煎香，味道非常突出，令到平時對菇類奄尖嘅我都心服口服，最快食晒都係佢，甚至比太子個間慢煮更加好食煙三文魚：超市買到嗰隻，冇咩特別茄汁豆： 平時真係好少食茄汁豆，一來又怕豆味，二來茄汁豆既texture 真係食唔慣，但今次居然突破到，同麵包又真係好夾，豆味相對冇咁勁，令我更容易接受到蕃茄：幾新鮮，又有茄汁豆醬汁令到相對濕潤麵包:質素幾高，相對軟但又好食，配合茄汁豆真係好夾炒蛋:準Gordon Ramsey 級水準，又滑又香雖然唔算稱得上係美式，但作為all day breakfast，應該甚少有其他餐廳比得上佢，就算質素比得上，價錢都比唔得上。而杯latte 喺咁好食嘅 All day 面前略嫌失色，但質素唔錯咖啡香較少，略嫌俾奶同奶泡蓋過，但杯咖啡好好睇整體而言，除咗對得住良心黃店Cafe，而且對得住佢以往攞過嘅所有獎。希望 唔止咖啡，連 all day breakfast 佢都會有獎攞🤣…Read More

啱啱打完風，想搵個地方出去Hea下，俾我搵到深水埗有間幾出名cafe, 又有All day breakfast, 就過嚟試一試。注意⚠️：由於係小有名氣既良心小店，加上座位唔多，請預留至少15-20分鐘等位。今日我等左半個鐘先入到去。煙肉：煙肉幾香但冇咩特別蘑菇：味道不錯，只不過比起其他有有預先煎香的差距較大，呢個位比較失落腸：砌開左一半，嘗試煎香條腸，但冇咩特別沙律菜及蕃茄：都算幾新鮮，但少左啲醬汁令到菜比較乾身，蕃茄少少酸味道okayBagel: 呢間舖頭嘅主打食物，質素非常高，就算冇其他餡料都又脆又好食，加上自己本身鍾意食較為鹹既麵包，所以all day breakfast 最大亮點亦都係Bagel本身想試佢地推介既Picollo 但嚟個時有少少頭痛，決定飲杯較為輕手嘅咖啡 Cappuccino，點知呢個選擇都相當之好。咖啡豆既果味相當突出，唔會比奶同奶泡蓋過，喺奶味當中滲透出少少酸味，非常適合自己所期望嘅味道，亦令我好想知佢地既Picolo 到底會係咩味。…Read More

平時冇食lunch 就想搵下邊間下午茶最好食，可以填番lunch個肚。日日行經奧海城三期都會見到呢間ZAKKA Cafe 日西餐廳(日式X 西式)。木造設計而打造既open restaurant，相當整潔，職員喺食客食完飯都會抹下枱，衛生程度okay. 今次想試下佢哋啲肉醬焗飯好唔好食。首先嚟既係飲品 Cappuccino相比起其他Coffee Shop既質素就爭少少，但同Starbuck 個啲差唔多。個飯大概等多5分鐘就到。肉醬味濃郁，芝士味重，溫泉蛋恰到好處，都真係幾好食，尤其是個人鍾意食側邊嘅焦飯，雖然硬身但同時好好咬。酥皮湯反而最遲先來，但係冇影到相，飲嘅時候超級熱，要開咗酥皮攤凍先飲得。同Mid-range餐廳嘅酥皮湯冇咩分別，有令到我諗起當年Spaghetti House個種酥皮湯。當日公眾假期就相當多人，尤其是係一家大細比較多，入座率大概八至九成，但1-2人未至於要等位。…Read More

個個入親去食Ruby Tuesday﹐9成都係課左金做會員攞membership 50% discount今次我用友App (E****go)攞半價。當然代價係入去食既時間唔會係最靚個D放工5點10分入到去﹐入座率低﹐得幾個散客新裝修果然唔錯是日精選湯： 龍蝦雜菜湯($78)少少被騙的感覺，以為佢會俾龍蝦湯但龍蝦味都夠，略嫌鹹咗少少今次想試少少特別野﹐所以叫左羊烤羊扒拼盤aka 蘑菇汁羊架配薯蓉($368)個汁非常出色﹐再加埋鮮蘑菇﹐味道比山頂餐廳更多同更好羊架冇乜羶味，只係食到燒烤的味道，但肉質算唔錯其實食Ruby Tuesday 除左真係食Tex-Mex 野同會員優惠，到頭來其實都係食情懷﹐依家既然佢都同友App 一齊賣大包﹐咁我都唔介意重溫下細個同家人一齊食Ruby Tuesday 個種感覺。…Read More

早排睇某假期雜誌報呢間野有幾勁﹐所以想過來一試﹐係咪真係咁把炮。星期六朝早相對少人﹐基本上唔使等直接落order﹐然後3分鐘左右野食就已經到左。我order左一份蛋牛治加一杯奶茶(經典奶茶)杯奶茶的確幾滑﹑茶味有﹑甜味夠﹐唔使再加糖(除非你飲開台式)﹐但以16蚊既價﹐我覺得唔係好值.....令我感覺有驚喜反而係份咸牛肉蛋治﹐本身咸牛肉治15蚊﹐加蛋加3蚊(Total $18)﹐唔算好貴﹐但係咸牛肉同蛋平衡得好好﹐最緊要係可以睇住佢整﹐份量亦比我想像中多。幾好!…Read More

學生哥搵野食，成日喺地鐵站出嚟見到呢間餐廳，終於搵到一次過嚟食。然而應該都係最後一次。野食難食？唔係。等得耐？都唔係。問題在於個侍應身上。招呼我個位中年男人好似想殺左我咁，我只係轉個汁然後佢就燥底，之後湯又扔過來，飯又扔過來，連單都扔過來俾我。心諗我都無得罪你做咩要咁樣對我食既野呢？好彩唔倒瀉姐，唔係既話多多錢請我都唔食！奉勸一句，如果隔離D快餐店唔爆既話，幫襯隔離都唔好再幫襯佢，費是食到燥底都似。…Read More