chebiko's Profile

接老公放工後去左灣仔一頭搵食，行下行下黎左近地鐵站既呢間「正潮樓」。咁啱老公話凍凍地想食蠔仔粥🍲所以就入左去~多數潮州菜舖頭都少不必有D舊或者唔太乾淨😅，但呢間好在完全冇呢個感覺，好光猛乾淨✨，係外面都見到佢廚房添。咁樣都食得安心D🍵。坐低一睇menu，發現佢真係好多款式，好驚喜連粿都有好多款!!! 😍因為我想食粿，所以個蠔仔粥變左叫左一客，咁樣兩樣都可以食。不過佢既一客都好大份，我同老公都每人食左兩碗😛除左必食蠔仔粥之外我地叫半份鵝肝🦢，雖然有D唔夠喉…不過呢D都係只能少食多滋味🤭。半份有4大塊都好合理，而且都幾厚切。而且佢好乾淨，冇咩「騷味」，同埋個鹵水汗底好香😚~豆腐都好食。另外一個驚喜係個蕃薯苗🥬🥦，好大碟而且真係全苗! 平時自己煮都唔會咁好心機「西」走D莖呀咁😏，但竟然出黎食飯反而有餐廳咁有心機處理D菜，而且佢用豬油炒得好香，亦有D豬肉片，多一份口感🐷脆皮九肚魚🐟就用炒漿包住炸，所以冇咁易爛，不過個人就鍾意包生粉炸好食D😬另外一提，除左a la carte之外佢都有2人套餐，不過下次先試啦，今晚食得太飽，飽到連甜水都食唔落😛👏🏼…Read More

記得以前未住大圍時已經偶然黎過呢間餐廳食飯，記得當時既感覺係性價比高既地區小店。所以搬左黎大圍住之後終於有機會再黎試下。😊今晚有波睇，所以現場都有唔少關於世界杯既佈置，幾有氣氛! 不過今日太早到，等唔到咁耐，唯有下次😅😜晚上主要叫a la carte為主，便和老公叫了個沙津、一個意粉同主食share😋落左單好快就先黎左個鹹牛肉沙津🥗，份量唔算好大，2-3人剛好，幾醒胃意粉我就揀左芝士🧀大網菇黑松露意粉🍝，出乎意料地好食! 個汁掛得好好，意粉的熟度都剛好，夠al dente又唔太硬，最緊要係個忌簾汁濃度好好，有菇既香味又唔會太漏，大啡菇梗係好食啦，加埋芝士就更香但又唔會over! 而且真係好飽肚，就算4個人去share黎食都OK，呢個意粉好掂👍🏼個意粉食到一半就黎埋個主食，老公揀左西班牙脆皮乳豬🐷，原來仲有煙燻效果，除左有油香仲有少少一層smoke味😋而且仲有焗薯墊底，保証夠食~個乳豬烤得好香脆，不過因為係乳豬仔所以舊肉油份係偏多，肉質就真係好嫩! 幾乎唔駛用牙咬咁😆 老公亦好鍾意個彩椒汁，佢話椒味夠香。我就都係鍾意平時食開既乳豬醬多D，仲好，一人點一邊🥳連埋飲品每人三百幾，唔算好平但價錢合理，又想睇波又想食飯可以考慮呢間小店，性價比都高。想平D可以試下佢D set lunch or tea set都可以😚…Read More

喺九龍塘返工，等呢間喺又一城開既劉一手等左幾個月，終於開張啦🤩🤩又一城多西餐日本菜，中菜都不外乎係飲茶廣東菜多，難得有一間麻辣火鍋進駐👹所以今日lunch 一於黎試試😛新開張既餐廳爆當然裝修得好靚好乾淨，座位都設計得唔迫好闊落。餐廳有好幾款午餐，我同同事就點左呢個特惠刺身丼午市套餐試下。果然先係3款小食都幾吸引，有沙律🥗、迷你丼同蓮藕開下胃。同時個湯底都到了，我地叫左鴛鴦湯底，要左少辣同皮蛋芫荽湯😜😋午餐仲包左主食，蔬菜🥬，仲有牛肉同豬肉🐂🐖我地叫左米線，二人份量都好大下，同事立馬試左碗麻辣米線，好正二人份既牛肉、豬肉都唔錯，份量剛好，菜籃🥗入面都有好多款式，加埋湯底本身入面都有菜，大滿足😍口痕加左返墨魚🦑丸，爽口彈牙套餐仲有飲品，我地揀左竹蔗茅根同埋洛神花查，配火鍋都一流。食左個開心lunch，如果唔駛返office就好😆…Read More

久違了~☺️ 自從疫情後真係少左出街食飯，一來仲有限聚令😕，二來都唔想增加風險…不過實在屈左太耐啦，同埋好難得在呢個時候仲搵到一D好食既餐廳😛，呢間礼真係我呢一年黎新認識既一間好野 🇯🇵🎌聽聞佢最近都開左唔少分店，我自己就鍾意黎呢間土瓜灣分店，有埋屯馬線都真心好方便😆，由地鐵站口出來都係3分鐘路程就到🚶🏼‍♀️。呢日係星期六中午，好彩朋友預先book左枱，因為餐廳小本經營，位置都有限，目測連埋bar枱都係20個座位左右。我地前面有位媽媽想walk in都冇法了。餐廳本身裝修好乾淨利落，深藍色主題中間有個大星球的燈罩好靚得黎感覺好靜好舒服🤩。加埋店員黎一杯熱茶🍵，立即同出面有D隔絕左，唔錯。Lunch menu相對比起a la carte平好多，好抵食! 而且份量都好!🤣六貫手握壽司配冷烏冬壽司🍣好有水準，魚生夠新鮮，質素也高，尤其係吞拿魚🐟，可以話係拖羅級。帆立貝都好鮮甜，唔錯! 冷烏冬份量好多，加埋配菜好豐富! 個茶碗蒸🍳都好好食，夠足料。雖然呢個set係最貴，但都值回票價天婦羅喬麥麵配生太卷我點左呢個餐，諗住唔會太大份，點知都係錯！！！個喬麥麵🍜真係大到食極都食唔完，小菜、茶碗蒸當然唔少得，天婦羅雖然唔係好多份，有兩隻蝦🍤同兩件蔬菜，但都真係夠哂份量（除非你係無肉不歡）天婦羅都幾有水準，唔會好油膩，隻蝦都好新鮮同甜，食落好彈口 生太卷🍣又可以足到你想食兩啖飯既口痕感，哈😉野川牛舌都係想食熱飯另一個好選擇，牛舌🐮好香滑，又唔會燒過龍。因為配上唔少蔬菜🫑，包括唔同顏色的椒同埋洋蔥，所以口感好豐富好有層次。個味噌湯都幾好飲。見好多枱人客都再有加串燒🍢，所以都心思思想試下，我地於是一人叫多一隻燒雞翼🐥，果然好juicy! 日本雞翼本身少D油脂已經好食，再同鹽燒下佢，實而不華! 如果唔好咁貴就完美了最後店員也溫馨提示like 埋 社交平台會送上雪糕🍦，我地分別點左芒果、豆腐同埋綠茶味，樣樣都不錯! 果然係一間高水質既日式料理小店，建議大家先來試試中午的lunch set，畢竟性價比較高~😇🥳…Read More

好耐冇出來食野啦🥳，一來有疫情啦，二來自己忙搬屋，呢個月終於settle down在大圍啦! 雖然話就話儘量要留在家抗疫，但日日自家煮真係又悶又攰🤥，所以今日放工就黎左屋企附近的呢間川味雞烤魚🐟大王食晚飯。隆亨其實都算幾方便，而且都算近地鐵，過條天橋就到，附近都多小巴巴士，所以約朋友黎食都好容易😆晚市時間都有唔少人，但當然都有1.5米安全距離，食得安心~而且難得我地兩個人都有個細卡位坐，唔錯。6點半左右到餐廳，現場所見個個都食烤魚🐟，咁我地都一樣跟啦 🤓朋友就揀左鱸魚，泡椒小辣🌶️迎合返我呢個唔太食得好辣既人 🌝佢既配菜🥗選擇都唔少，不過我地今次得兩個人，叫唔到好多款~ 點菜冇幾耐就上啦，同時間原來餐廳已經坐滿，還好佢都夠冷氣同通風，人人食烤魚都唔算好大陣味。我地個鱸魚到啦! 同時我地點左個蝦滑墨魚滑雙拼同皇帝菜🥬，加個出前一丁。睇條魚份量都幾大下，唯有下次再黎試下其他菜式…個魚好鮮味，而且個湯底夠哂酸辣，唔錯! 😋快食就個魚香脆D，再浸耐D就濃味，兩樣食法都OK! 其他配菜都OK呀，個蝦滑🦐都足料同夠哂彈口，如果再大份D就好，哈哈😅 而且湯底都仲有好多蘿蔔🥕同芽菜，除非你好肚餓，咁再叫多份肉都一定夠，我地就呢個份量都食到好飽食食下，伙伴大叫魚賣哂啦！7點半賣哂魚，嘩估唔到咁好生意，好彩早黎食咋😆今次冇叫薯粉，配一丁🍜都OK，好食😘 買單4百零蚊，大滿足! Like 埋 FB仲有折架~🥳…Read More

而家越來越多日本黎既拉麵店，不過食過咁多我都係鍾意食鬼金棒👹貪佢個麻辣好香!🥳我估而家由於疫情，bar枱同廚房相隔左，透過玻璃見到煮拉麵，係少左一點風味，但衛生程度令你放心。自己湛水、攞圍裙，用QR code點餐，又方便快捷，亦好啱黎食孤獨餐，哈哈🤪時間尚早，落單冇幾耐就先黎左朋友既走麻走辣既炒豆芽菜味噌拉麵🍜順利等我試下個味噌原味係點，其實都真係唔錯，香濃得黎唔會太咸，又掛得起個麵。芽菜🥗索左D汁好好食呀，又好爽脆，朋友都大讚，而且佢既叉燒🐷真係冇得燒! 其他拉麵店多數係一塊塊薄切，但佢係一大舊好厚身好似炆豬肉，好入味又甜! 芫荽辣麻🌶味噌拉麵次次都係我最愛，湯底配大量既芫荽完美地結合，加上拉麵🍜麵質軟硬適中，湯底香濃，做到有掛汁既效果! 我真係食到一口接一口，我揀左中麻中辣，剛剛好! 呢度既拉麵最好就係辣度與麻度都可按個人喜好選擇，適合不同程度既濃味怪😛最後店員介紹追加個飯🍚撈埋拉麵汁食，咁朋友又好想再食舊叉燒，所以就叫多個叉燒飯! 真係好不得了，個日本米好香軟，一加D麻辣湯真係好好食! 加上本身D飯有少少叉燒汁，香甜配上麻辣湯中和返少少，唔會覺得好chur! 🤓叉燒送飯食又係另一個層次，某程度上比同拉麵更加夾! 死啦，以後黎食拉麵都一定要加飯啦🤩🤩好彩早黎食，到離開時店外面都好多人了，不過好食既都值得排😍…Read More

係棉登徑既呢間平成，舖位細細但睇落都幾吸引，似一間日式居酒屋🍶咁。果然入到去地方唔係好大，數埋都係十個位左右，擺左唔少sake樽同埋貼紙，都幾有氣氛。晚市時間尚早，未有mood飲酒 (加上係星期一…🙁) 所以今次黎食下野為主。店員推薦左叫D小食，見到有個松葉蟹肉🦀炒野菌好似唔錯。剛巧店員話今日未有野菌，建議改為松葉蟹肉炒大蔥🌾，聽落都唔錯，可以一叫。另外就揀左個蛋餅、燒牛舌粒同烏冬🍜。冇幾耐就黎左個蛋餅🥚🍳，好香! 芝士🧀味既幽香，食入口又唔會好膩，夠哂熱同香，仲有D蔥花香味，得wow😉! 鹽蔥醬燒牛舌粒 – 又係一個多蔥之作，但又真係幾香，厚切牛舌🐮口感好好，唔會太so味，燒得剛好熟又唔硬，如果再大份D更好🤣松葉蟹肉🦀炒大蔥係一個幾新的combination，大蔥都幾爽脆好香。蟹肉都好多同鮮甜，同蔥香又幾夾。再來就係個烏冬，又係蔥🥳 好少見有左口魚🐟裙邊配烏冬，估唔到又幾清甜，個左口魚都幾爽口，稻庭烏冬當然又滑又香，我呢個少食澱粉質既人都忍唔住係咁食😆連埋梳打🍹，賣單600蚊，唔算話好平，但都物有所價，幾好食!😋…Read More

星期六陪朋友去太平道睇獸醫🐶所以喺附近行下，原來附近都幾多小店。然後就揀左呢間喺梭亞道既Are U Labeler坐低。門口有個陽台位，啱哂啲唔太鍾意吸冷氣既朋友。🤩呢區旺中帶靜，雖然未必會特登黎行街食野，但如果有機會行來飲杯野都不錯。😌呢間小店主要做西餐類既cafe，見隔離枱朋友食既all day breakfast都唔錯。所以同朋友決定叫野食試試。叫左個意粉同burger，可惜冇薯條🍟，店員主動建議burger的薯條轉做沙律🥗，都好啦，食得健康啲😜先嚟咗香辣蒜片鮮蟹肉🦀意粉，估唔到蟹肉同蒜頭味都幾夾，本來蟹肉比較清香，但用咗辣汁同埋蒜片調味都唔錯，令到成個意粉🍝惹味左，意粉份量也不錯。口感都幾好👍🏼手做漢堡🍔誠意可嘉，漢堡肉好厚身，麵包都幾好食，如果多啲醬料會好啲。雖然冇薯條，勝在沙律配菜夠新鮮。今次食得有啲飽，冇飲咖啡了☕️，見到小店啲野食都唔錯，下次可以再來試試😇…Read More

雖然而家抗疫時代，但日日屈喺屋企真心悶，所以今日過去石門食下飯行下睇下有冇貨入。喺京瑞廣場都真係幾多食肆，今日就食呢間之前阿妹食過既潯，佢話之前食lunch好抵，意粉又抵食😍晚餐當然冇午餐咁平，但價錢仲係好相宜。$70都有個意粉，加$15亦都有飲品，抵食。加埋10蚊仲有餐湯，不過我地怕太飽，中午又飲過湯，就冇叫到lu叫咗個日式胡麻張德國腸意粉，一於試吓佢嘅意粉🍝如何。果然冇令我失望，醬汁好香，同意粉好配合，意粉嘅口感都好好，但牙得來唔會太硬身。有少少芥末味嘅胡麻醬同德國腸🌭好夾，夠味得來又唔會太濃味，唯一缺點就係因為都幾好食，食下食下好快食晒，感覺唔太夠🤣蒜蓉牛油汁三文魚柳扒 - 真係幾大塊，煎到剛剛好，魚肉🐟唔鞋但又夠甘油香口！😛用薯蓉做個底都係好好既選擇，夠香滑，又唔會食到好漏！加埋火箭菜🥗做配菜，男女都啱食！整體食物質素都幾高，雖然係1樓舖位唔太易搵，但值得一試！🤩…Read More

臨近聖誕約左成班老友開 Party, 緊唔小得叫到會啦. 經過朋友介紹之下接觸到 Oyster Cove 蠔灣既到會, 上網睇見到都有好多唔同既套餐介紹. 由於我同朋友都係愛蠔之人, 所以最後我地選擇左海鮮拼盤 C餐.到左送外賣黎果一日, 外送服務好貼心, 送上黎前15分鐘就打定俾我等我準備好, 拎到上黎果時俾佢大大個黑色送貨袋嚇左嚇, 以為真係咁大袋…. 入返正題, 個拼盤都真係幾有 Heart, 份量大份不特止仲要好新鮮🦐🐟🦞D 蠔十分鮮甜而且開好曬，海膽都好清甜, 不過佢跟黎既紫菜如果無鹽會更加好. 特別要點讚既就一定係個紅蝦, 鮮得黎仲要個頭有好多膏, 食到人食指大動, 食到一半發現到原來個拼盤有得開燈, 拎黎打卡認真一流, 下次一定會同朋友再戰其他拼盤 !…Read More

話說最近內地好HIT食酸菜魚，而香港亦開始有主打做酸菜魚既餐廳，今次同男友係尖沙咀買野既時候留意到附近有間樓上鋪食酸菜魚，所以決定一試！🥰上到去一打開門就已經聞到一陣微微既花椒同酸菜味，有同我返大陸食酸菜魚既環境一樣！最重要係地方夠新又乾淨，又唔會好大陣油煙味，好舒服😌坐低後，店員送上免費小食 - 涼拌青瓜 🥒又麻又爽口!😛我地叫左小份既酸菜魚，加兩款配菜，包括係午餐肉同藕片。酸菜魚🐟好正宗，夠麻夠酸😋而午餐肉同藕片既份量都好夠，最緊要夠爽脆！餐肉口感都好，又唔太索汁，有啲酸菜香又不失肉味，好好既配搭！而且鱸魚🐟本身肉質好滑，好解味，呢個份量兩個人食岩岩好!🥘豬油椰菜鍋 - 好香豬油🐷味，椰菜🥬切到一條條，口感好好，出色既小炒飲品方面我地分別叫左荔枝風味梳打特飲 及 柚子特飲，一樣都夠大杯，一邊食酸菜魚一邊飲凍野，正!食到個咀都不禁麻麻辣辣地，叫返個冰粉涼下🤗雖然唔係話好大碗，但佢改良左加啲雜果🍧又清涼又夠甜，中和返，舒服又滿足🥳…Read More

好耐冇上黎isquare食野了，今晚黎返原來開左間台灣餐廳，價錢都幾大眾化，所以入黎試試。呢間「忠孝東路」走女文青💁🏼‍♀路線，少少粉色主題，店舖好光猛、坐位都幾闊落，一入到去既感覺幾舒服。第一次黎，都係要試返D經典台灣食品，所以叫了魯肉麵、魯肉飯同埋一個小食滷水鴨舌。先上了滷水鴨舌，滷水味幾香甜，同鴨舌🦆當然夾，適合唔食辣既朋友仔。份量還好啦，唔算話好多，但同價錢相比都合理。香蔥魯肉拌麵🍜真係好多蔥!!! 所以令到拌麵提味，好香! 而且麵質本身都好香好食，唯一有少少不足就係魯肉有D偏瘦，肥肉有D少。但本物個肉都幾香，高分合格。忠孝魯肉飯的魯肉同拌麵的係同一個底，但魯肉飯🍚仲有多D配料，加左隻流心蛋🥚更好食更香，個炸菜都好爽口好好食，我個人都就覺得魯肉飯性價比高D。買單唔駛200，都係一間快食好選擇。🥳…Read More

依家係香港越嚟越興食烤魚🐟不過質素亦都非常參差。好彩有朋友介紹呢間高質素烤魚令我今晚食得好滿意😋位於金馬倫道既小魚兒雖然係樓上舖，但都好易搵到門口，而且裝修都幾靚幾cute，一入門口都好多打卡位，唔錯💖睇menu都有好多選擇，首先揀魚 - 雖然我唔知有咩分別，但店員都幾細心說明，視乎你鍾意肉質如何、怕唔怕骨等。之後亦有好多款汁，酸甜、酸辣、麻辣⋯😍🌶可惜今日喉嚨有啲痛，唯有忍口食唔辣，就揀左白魚湯蒜香豆花味。叫左小食拍🥒青瓜，辣中帶麻、夠哂開胃同新鮮爽口😋呢個唔辣既蒜香烤魚大份得黎好香，爐魚魚質爽彈得黎又入到蒜香，但又唔會煮到好鞋！配菜加左個竹笙，大份得來佢洗得好乾淨，索晒啲蒜香豆花汁好好味😍而且佢本身湯底都有唔少芽菜同豆腐，好夠食！果然係食烤魚既好選擇🐟🥳…Read More

又黎到厚福街搵食啦，呢間泰式船麵既「船皇」🧜🏼‍♀都係一間快食午餐既好選擇。不過好多次中午黎都多人，所以今日放工經過先有機會黎試下。入到去原來都幾多位，以粉麵店黎講佢都好乾淨企理，坐位間隔都舒服。同橙色做主題有D東南亞🌈風，襯返佢賣泰式船麵為主。餐牌大大張好清楚，主要賣湯麵🍜同撈麵🍝，又有幾種粉麵底畀你揀，自由配搭。呢間仲有串燒賣，所以我地冇揀食主打既船皇麵，可以有位食下串燒。題下話，想輕食既話可以非正餐時間黎食細碗既麵，12蚊咋!😳 係細食但為食人既福音~ 當然正餐時間冇細碗供應都係好合理既安排。雞翼🐣雞絲湯河 – 先講個湯底真係唔錯，又有魚湯味但又幾香濃，似加左肉骨一齊煮! 加埋其他配料，同埋個厚河粉索到汁，幾好食! 而且要快食，唔係D河粉索汁會好勁! 兩隻豉油王雞翼同雞絲份量都多而鮮味，仲有塊泰式魚皮真係亮點，就咁食好鬆脆，點湯汁食又香濃。豬肉丸+豬肉🐷湯米粉 – 可惜晚上來豬潤已賣哂，所以佢畀返多D肉丸同肉我地，都唔緊要啦! 加辣左既湯底更惹味，辣得黎醒神，更香濃! 我個人覺得米粉底仲好食，因為米味香、同個湯底好夾。加左兩款串燒🍢🍡試下，我鍾意佢燒得一D都唔乾，魷魚鬚🦑好香好彈牙，襯返佢個辣粉好好食呀!!! 而且都係十零蚊一串有兩大條，抵食! 即刻要再加單呀~~~另外試左個牛舌🐮都好好味，冇咩騷味但好香，同樣又係唔會好乾，咬落去有汁又香，必試加配埋飲品都係200蚊有找，必食小店之選😌…Read More

出左糧啦! 😍月頭要食下好野獎賞自己，下個月先會有動力繼續努力工作😅銅鑼灣既一杯屋係一間極之日式🇯🇵既餐廳, 行入餐廳就感覺到溫暖既感覺，可能係因為燈光同裝修以致我有呢d感覺，格外舒服😌先揀左有木魚係面既炒雜菜🥬🥦原來木魚甜甜地配埋雜菜好特別，甜得黎多一份香氣，幾有創意👌🏼 串燒🍡🍢配櫻花冷麵：以為係紅麴製成既冷麵, 原來係櫻花🌸冷麵! 聽落都覺得好特別，有小小櫻花味，顏色好靚好吸引，唔捨得食!山姜豬肉🐷炒拉麵：呢個豬肉定食隻汁好好味啊! 定食有埋日式蒸蛋同埋湯! 個set都係百零蚊，重要有咁上下既質素! 讚!…Read More