sophie_bb's Profile

今日出到旺角食lunch， 唔知食咩好，所以去咗女人街度搵食。行到啲汗係咁滴，見到有間西餐廳平平地，又有特飲，試左先算。叫左個威靈頓牛柳 $98，7成熟，我呢啲窮鬼冇錢食幾百蚊果啲，唯有試吓平野先🤣個賣相唔錯，好重牛味，真心可以一試！另外再叫左個西冷牛扒，五成熟，都係$98！算幾大份，啲肉又唔鞋，薯菜又好食😋另外加特飲要$15，要左杯la mojito 同cookie sweetie, 極度推薦la mojito, 有檸檬、薄荷、香茅嘅soda水🤣🤣🤣勁解渴…Read More

話說早兩日，天氣熱到成36度，係條街行到人都癲。咁岩又見到間台灣茶飲店，天時暑熱，梗係要嘆番杯啦！最終就order左杯蜂蜜普洱鮮奶茶/微糖，個顏色又靚又好飲，茶味好濃，強烈推薦！另外就叫左杯芋圓鮮奶烏龍茶，又係好好飲！…Read More

話說星期六，無聊去左竹園廣場食燒賣，淨係食燒賣就緊係唔夠飽啦，見周圍咁多野食，兜左個圈就黎左呢間食船麵。咁就叫左個招牌船河，承惠39蚊，再加10蚊叫左杯泰式奶茶。招牌船河就有豬頸肉，豬肉丸同豬肉。我非常推薦佢既豬頸肉，好好食。豬肉片就麻麻地，有啲鞋難地。我揀左個船麵湯底，都幾好飲，有啲香料味。以39蚊有咁既質素，性價比都算唔錯。杯泰式奶茶有泰式奶茶既味，同時又唔會太甜，應該幾符合香港人既口味。另外仲有加多個炸蝦餅(28蚊4件) ，唔知果2條春卷係老闆娘送嘅，定係跟餐。😂熱辣辣嘅炸蝦餅同春卷都好好食。…Read More

我有舖食燒賣既癮，早排上網見到啲必試燒賣既推薦，就想逐間逐間試哂佢。琴日終於的起心肝，去左呢間燒賣王子試下。個地點距離地鐵站有啲遠，行上去條路又斜，但基於人生路不熟，唔識駁小巴上去，唯有死頂行上去啦。上到去個廣場都好多野食，定力少既話，真係會俾其他野吸引左。去到燒賣王子，嗌左一份手工燒賣一份黑燒賣，每份15蚊6粒。手工燒賣就係普通既魚肉燒賣，但係就同平時食開成舊粉嘅好唔同，軟熟好多。黑色就係墨魚汁燒賣，有啲墨魚粒粒，好有咬感，其他地方好少見。整體來講，呢間既燒賣都幾特別，幾好食…Read More