田味桔's Profile

同朋友嚟到大圍想食日本嘢，所以嚟咗試下呢間餐廳，見到佢套餐好抵食就入黎試下啦特色四色丼帶子鮮甜滑嫩，三文魚北寄貝新鮮，三文魚仲要厚切，好有誠意，味付海哲帶微辣爽口，配埋壽司飯好好味香煎脆脆軟骨餃子（5件）呢個軟骨餃子好有驚喜，皮煎到香脆，內裡嘅軟骨爽脆，好有咬口，配埋醬汁更加正三文魚味噌湯估唔到湯入面有好多三文魚肉粒同昆布，非常足料。味噌湯鹹香適中。薩摩便當三文魚壽司封門柳厚實柔軟有輕微焦香，份量好多。豬頸肉薄切炭燒味，咖喱甜中帶濃郁香氣，日式風味突出。 而且加飯又唔使額外加錢，非常滿足。中間有問店員可唔可以加汁，店員都拎咗一兜汁俾我哋加。環境方面，雖然舖頭唔算太大間，但係坐位唔會迫，裝修具有日本和風設計。總括而言，性價比好高會再同朋友嚟食！…Read More

今日同朋友黎到風車餐廳叫左佢既午市二人套餐凱撒沙律沙律上面鋪左煙肉碎脆卜卜幾香口，蔬菜新鮮爽脆，配埋凱撒醬汁，唔會過膩。廚師是日餐湯－蘑菇湯湯底濃郁香滑，蘑菇粒細細粒但有咬口，蒜蓉包好香脆， 一咬落去卡擦卡擦。喇沙帆立貝意粉一上碟見到帆立貝大大粒﹐煎到外層微脆帶焦香。意粉煮到啱啱好，彈牙唔會太淋。喇沙醬汁香濃帶有微辣，辣度適中， 撈埋意粉好惹味非常有驚喜。安格斯牛肉眼扒叫左七成熟煮得剛剛好，牛肉本身肉香濃郁，唔洗點醬汁都好夠味。凍檸茶同果茶兩杯都清爽解膩，果茶有少少似荔枝紅茶味，唔會太甜甜品咖啡奶凍奶凍滑溜咖啡味唔會過苦，唔會太甜帶淡淡奶香。服務方面都唔錯，員工有禮貌，上菜速度合理。環境舒適，幾適合兩個人慢慢食吓傾吓計。最後埋單連加一服務費，總共$328，以呢個質素同份量嚟講，算係合理。…Read More

飛魚籽沙律($48)沙律醬比一般平時食開嘅濃味，充份包裹住d沙律，青瓜絲同飛魚籽份量好多同新鮮關西風炸雞球丼定食($78)炸雞外皮脆卜卜，內裡雞肉嫩滑多汁。飯粒粒分明。面頭淋左d章魚燒醬汁同蔥，好有日式風味刺身四點配鮭魚子玉子燒丼定食($138)呢碟有三文魚、油甘魚、吞拿魚同甜蝦。刺身切得厚實大片同新鮮，玉子燒軟滑帶微甜，面頭鋪咗好多三文魚子，令到個層次更加豐富明太子醬燒鮭($30)+左口魚裙邊壽司($38)三文魚油脂豐富，燒得岩岩好，加埋明太子醬鹹香濃郁，每一啖充滿層次感，性價比高。左口魚脂肪豐富但唔會太膩，入口即化，炙燒香氣同壽司飯嘅醋香完美融合Kirin Ichiban啤酒($68)啤酒泡沫細緻綿密，入口順滑，依家有買一送一好抵飲！鋪頭唔算好大，但好有居酒屋既感覺好溫馨。如果你鍾意日式料理，可以試吓呢間舖頭…Read More

同朋友聚會都食過幾次Outdark， 對於鍾意食韓國菜嘅朋友一啲都唔陌生。今次約咗朋友兩個黎食野 韓式燉牛小排牛小排切得好薄，入口嫩滑，肥瘦比例適中，食落唔會覺得膩。粉絲吸晒湯汁，帶有彈性又濃郁入味，其他配菜如娃娃菜、金菇同韭菜增添咬口，層次豐富。湯底甜甜地帶壽喜燒既香氣，細味之後會慢慢出辣味。入面有條大牛骨一齊煲，令湯底更加濃郁。半份炸雞（香蒜蜜糖炸雞）炸雞外脆內嫩且肉厚，大隻多汁，醬汁可以包裹住啲炸雞。薯條同薯格炸得香脆，搭配唔同醬汁食，特別係甜辣醬同蜜糖醬，味道層次更加豐富，醃蘿蔔既爽脆酸甜感又可以解膩。飲品：白桃汁配1964啤酒口感方面，啤酒帶輕微苦澀感，配白桃的微甜果香，但唔會太膩，帶有啤酒既清爽同果汁的甜美，飲落幾特別。依家餐廳做緊活動，打卡送飲品芒果梳打梳打氣泡輕盈，入面仲有芒果粒鮮甜，整體飲落清新。呢杯我加埋杯小燒酒（＋＄8）攪勻變Cocktail後，帶有微微酒香，層次更加豐滿。熱情果梳打酸甜比例偏甜，適合喜歡甜口味的人。熱情果帶有果香同微酸，飲落幾開胃，甜味稍濃。餐廳環境方面，環境比較昏暗，但用咗唔同嘅小吊燈點綴，留意到餐廳佈置到好似星海。天花板掛咗好多唔同水母，仲有鯨魚同海豚，好有情調…Read More

平時係附近做gym見到呢間餐廳係正對面覺得好吸引！今日cheat day 同朋友黎食晚餐先😋🥗煙三文魚凱撒沙律煙三文魚鹹香適中，份量足夠，大大片，鋪上芝士碎但唔會搶味，搭配爽脆蔬菜清新又唔膩🍞餐包 五穀麥包有咬口，食落有穀物香，可以配搭餐湯一齊食🥣餐湯湯質濃稠順滑，帶有南瓜粒粒細膩感，南瓜味濃郁又唔膩口🍷果茶茶味清爽，有d熱情果汁輕輕酸甜🍕水牛芝士莎樂美辣肉腸薄餅Pizza係厚底柔軟有彈性，有少少似麵包嘅質感芝士奶香滑溜，見到流瀉曬出黎！🥩鐵板美式雜扒餐雞扒嫩滑，豬扒稍帶嚼勁，淋埋個黑椒汁上去微微辣。薯條十分脆口🍟金沙薯條套餐加咗小食 薯條粗身好脆口，條條薯條都沾滿咸蛋黃醬，令人一啖接一啖🍗水牛雞翼 另外套餐仲加咗雞翼，雞翼外皮香脆，內裡嫩滑，酸辣香氣醬汁厚實包裹每隻雞翼。醬汁濃郁，啱晒鍾意食重口味嘅人🥑牛油果乳酪有少少牛油果粒加埋燕麥奶入口順滑。唔會過甜，清新健康餐廳環境舒適，方便同朋友嚟敘舊食飯…Read More

平時經過通菜街都比較少留意到四周既餐廳，今日咁岩同同事喺附近做先野就見到呢間西餐。我地一人叫左一個餐🍄黑松露忌廉湯 套餐跟埋一碗黑松露忌廉湯。湯既質感都幾濃郁，口感ceamy。黑松露味道濃厚，但都唔會太膩，一啖接一啖好快飲曬🍚牛肝菌松露意大利飯個意大利飯煮得粒粒分明，保留了輕微咬感，有dd煙韌同彈性。黑松露個味道濃郁加埋牛肝菌味、洋蔥粒，味道好豐富。本身擔心意大利飯比較膩同滯，但估唔到呢個配搭唔會太Heavy，仲可以食得晒成碟飯，都幾驚喜😝🥩紐西蘭殼飼西冷伴燒汁（七成熟）*牛肉牛味重，肉質軟腍，火候岩岩好，仲保留左肉汁。不過因為牛扒鐵板上，建議留意番進食時間以免過熟🥔芝士煙肉焗薯皮套餐加配咗薯皮，薯皮外層烤得酥脆，上面既配料豐富，有番茄醬、番茄碎、洋蔥同煙肉，咬入口有d似pizza，帶黎多層次既口感🦪芝士煙肉焗蠔 套餐加配咗焗蠔，蠔上面加左煙肉同芝士，燒到外層有少少脆口既質感整體黎講，餐廳環境坐得舒服，西餐價錢比較平民，食物質素唔錯!😚會再過嚟食…Read More

一坐低用社交平台 follow 杉玉acc 先一個acc可以換一杯飲品我換左西柚汁同蘋果汁蘋果汁就普通 但西柚汁就超級酸同有少少澀池魚骨脆餅（$18）一碗滿滿既池骨魚份量都幾多，香口脆卜卜味道少少咸，魚骨都容易咬👍🏻冇話new 到口會痛就咁食有少少dry,可以吃店員另外加碗沙律醬口中沒休炸薯條（$25）薯條較幼身，連埋薯仔皮更加香口酥脆炸忌廉芝士細卷拌香辣吞拿魚蓉（$18）味道一般，勝在價錢夠平每件壽司面頭有粒類似酸青椒物體 比較似中菜既味道同個炸壽司唔夾大人的薯仔沙律（$48）薯仔蓉牛油味幾重又香滑，撈埋沙律醬、魷魚、洋蔥味道意外地幾夾 有驚喜海鰻青瓜（ $40 ）鰻魚既存在感極低，件青瓜又太大舊 ，淨係食到d青瓜同日式燒汁嘅味道😟完全唔值全吞宴（$113）同壽司郎嘅刺身質素差唔多，刺身有比較厚身大吞拿魚腩既脂肪紋路靚，食落魚油香味加埋醋飯係更加好味😋…Read More

叫左一個套餐（$62）豬肉生煎包（2粒）個皮底部香脆、面頭既皮唔算太厚內餡豬肉鮮嫩，包住超多肉汁建議食法：先攤一陣（因為會爆汁），面頭咬開一個細洞再吸份湯汁，再慢慢吃…Read More

火龍卷🐲每次黎我都會必點火龍卷，最開心係佢面頭毫不吝嗇咁鋪上一堆蟹籽，而入邊嘅炸蝦脆卜卜，好好味。一碟有八件，份量都幾多！燒汁牛肉飯🐮牛肉燒汁味道濃郁，同出邊連鎖店嘅牛肉飯味道差唔多，飯同牛肉嘅份量都比較多…Read More

日式和風鰻魚拼吉列魚柳飯（$65）一上碟就見到賣相對於茶餐廳嚟講算ok ，面頭仲鋪咗啲木魚碎吉列魚柳大大塊，外皮炸到脆卜卜，食落口唔會空心食到入面既魚肉。而鰻魚就比較細塊，比木魚碎遮住左但係食落冇骨同冇咩腥味，撈埋照燒汁就夠曬和風感！…Read More

你冇睇錯，$29真係有燒肉食太和呢間校長燒肉都開咗一段日子下午茶經過見冇人就入去試吓我叫咗下午茶一份牛同豬五花嘅套餐$48套餐已經本身包含咗白飯，飲品，前菜，店員仲話五點前呢啲野全部任裝，老實講就係入去食呢啲都抵本身諗住咁平，啲肉質素應該都麻麻哋，點知牛五花肉質幾好，好厚實，仲有牛味，不過豬就差啲前菜有泡菜，中華沙律，青瓜，芽菜我最鍾意食就係青瓜醃得好夠味，配埋燒肉食可以解油膩感呢個價錢都冇乜嘢可以彈個優惠唔知做到幾時，經過可以試吓…Read More

今日嚟到別忘了就食下午茶呢間嘢其實係主打火鍋不過見有下午茶，價錢又唔貴就試吓咁我就點咗個T4香酥雞扒 地瓜丸 滷肉飯香酥雞扒份量正常 唔算話好大塊 炸到外脆內軟仲保留啲肉汁 調味唔會過咸 確實唔錯地瓜丸普普通通，冇乜特別餐飲就叫咗杯玉蘭檸檬茶唔記得叫少甜 所以飲落有啲甜不過有些少茶香味咁嘅價錢有咁多野食 仲有杯台式飲品 性價比算唔錯啦…Read More

今日經過敏華 見到做推廣$35有黯然銷魂飯相信大家對敏華都唔陌生總有一間係左近而佢最出名係黯然銷魂飯平時賣60幾70幾見佢做推廣一定要試吓黯然銷魂飯老實講 可能做推介感覺上份量比平時細咗啲不過味道依然咁好個叉燒好有肉味又嫩口荷包蛋好香 似係籣王蛋果類叉燒燶邊配埋豉油蛋汁真係可以撈幾碗飯連埋凍飲埋單$38希望個推廣可以做耐啲…Read More

午市叫左個定食set-火炙壽司餐（$148）當中我最鍾意食火炙三文魚腩-三文魚腩十分肥美火炙左口魚-入口即溶，魚油充滿口腔刺身帶子-厚身鮮甜刺身都幾新鮮其剩係壽司就正常水準蟹柳壽司、鰻魚壽司、吞拿魚壽司北寄貝、龍蝦吞拿魚沙律 芥辣八爪魚仲叫左份海膽壽司 做緊買一送一優惠（$55）其中兩件海膽較鮮甜另外兩件就較偏濕不過咁嘅價錢已經算係唔錯…Read More

收工又過嚟食pizza啦今次單叫咗一個雙拼pizza意大利辣肉腸薄餅面頭好多辣肉腸同芝士，Pizza好足料！芝士味濃 pizza 邊脆卜卜😋卡邦尼薄餅D醬好Creamy幾濃蛋香味，上面仲鋪咗啲煙肉水牛芝士仲拉絲！蒜香牛油酸種波蒜油味重，鬆軟又有咬口…Read More