edwinarsneal's Profile

經openrice落單外賣自取不愉快經歷叫兩個餐，可以兩個餐都錯曬，究竟廚師唔識字定樓面唔識字我本身叫左個德國咸豬手配湯就＄89煙肉野菌卡邦拿意粉配湯就＄58共＄147準時去取餐，返到屋企打開完全係俾左唔同嘅食物變左一個豬扒意粉同雞肉忌廉意大利飯我真係當堂崩潰咁基本都可以錯得?我接受唔到其二，我已經預先經openrice訂俾錢，但俾錯餐嘅價值係＄116，即係蝕左30蚊俾openrice同餐廳但始終最嬲係食唔到心目中想食嘅食物為左唔浪費食物就逼住食錯嘅餐唔通拎番餐廳換? 我餐廳買完返屋企需時30分鐘，拎番餐廳又要30分鐘，再換番啱嘅食物等佢整又番屋企又幾十分鐘，餐廳錯係咪要折騰個客?又唔通真係要check埋個餐啱唔啱先拎走咩?個膠袋上面係釘住張單㗎大家要好好考慮仲幫唔幫襯…Read More

年尾果時抽中左公司現金獎，食餐好嘅賀一賀佢！久違了嘅放題，我要嚟啦～某日經過大埔見到呢間日式放題，地舖好顯眼，有唔少食物選擇，而且價錢相當合理，所以就試下啦。我最鍾意嘅刺身類有好多選擇啊，而且最回本識食一定係食刺身㗎啦。因為好肚餓嘅關係，第一輪刺身就樣樣都劃左啲（好貪心XD），仲要預佢整唔足呢，不過估唔到真係樣樣俾足，有齊三文魚、吞拿魚、蟹腳、甜蝦同鮑片，仲送左個好大好大嘅刺身盤裝住，上枱果陣隔離左右都望住晒XD，味道very good，好新鮮！特別係甜蝦要激Like ，大大隻好長好多肉，所以額外再狂叫左好多隻。跟手叫左好多好多嘅壽司，款式多到爆，唔係平時爭X果啲普通嘢，佢地壽司都唔係求其，好似火炙壽司都好足料，而最愛就係一口海膽手卷，話晒海膽都係回本野，唔腥，份量又啱啱好。不過食到呢度都飽左50%了，根住再叫啲熟嘢都好正斗，燒墨魚同河豚乾好香口，少少咸多多脆，好似去左日本居酒屋，燒菠蘿超得，爆汁又唔酸，可以Encore。手羽先(即係炸雞翼)，都幾有名古屋風味，最欣賞係上枱仲熱辣辣，唔會話攤到凍晒先拎出嚟啲飲品Menu都好足，有汽水有啤酒仲有梅酒，連酒精類都任飲真係比較少見，呢個價位嘅放題，都算值呀。…Read More

一間都想嚟呢度試下，有日下晝約左舊同事嚟，2半9度，見到門口有幾個人等，唔通咁晏都要等位? 見到入面都坐滿晒，原來入面有張2人枱冇人，唔駛等! 間舖其實唔大，座位得30個左右。然後好似車仔麵咁剔嘢食，款式都幾多，最激讚係下午茶時間係送嘢飲，凍熱都送，抵。米線有小鍋/酸辣/清湯，今次點左3款餸都ok，有墨魚丸，墨魚頭，墨魚頭係超爽唔un，又入味，呢個唔錯，湯底果啲都較得幾好，而米線底份量算大，啱啱好。可以再嚟。…Read More

行完山友人介紹話呢間出名但略貴，貴其實唔係問題，如果貴得嚟好食可惜雖然車仔麵餸種類夠多，之但係味道真係平凡到不平凡，首先個靈魂湯底真係冇乜驚喜，略為清淡，墨魚丸只有2粒但不見得好食，另外個魯肉係大伏，本身以為好似五花腩肉就肥肉瘦肉一層層，但我呢舊直情70%肥，皮上面仲有毛，會唔會係咁呀，講真真係食唔落。牛柏葉不錯嘅，爽口唔un。但咁樣3餸都接近40蚊，我覺得唔值囉。仲要咁多人排隊。btw 員工幾好相與。…Read More

759真係乜都有，連餐飲都撈埋，都知道公司附近有間759茶記，終於嚟試啦估唔到都有幾多野食，碟頭飯，炒粉麵，份量極多，未夠2點半阿姐都俾我哋叫下午茶。不過我目標不在此，唔知點解果日好想食常餐，咁就叫左常餐!! 常餐有一碗麵，再配兩樣野連多士，多士好食，鬆軟。不過滑蛋就唔夠滑了。份量嚟講都ok嘅。有會員卡8折，折完29蚊，真係相當抵食。…Read More

同朋友嚟到將軍澳行街睇戲影商場裝飾，夜晚諗住食日本嘢，食放題就啱晒啦。原來將軍澳開多咗間新舖，當然要試試。一開始整返個前菜先，雖然度度都有，不過好耐未食過，開心。刺身種類好似俾比之前食咗，拖羅同松葉蟹腳都有個new字，當然要試，拖羅切得好厚，見佢啲油脂紋好靚，食得出係正嘢，仲好食過三文魚，蟹腳都ok嘅，不過好懶拆蟹，都係啖啖肉嘅拖羅，帶子，赤貝，三文魚好。另外仲試咗青口同螺肉，都幾好。熟食主攻唔怕頂肚嘅燒物同天婦羅，食得出係即叫即製，上枱好新鮮，天婦羅夠酥脆之餘又鬆化。可能就係咁，所以製作時間較長，比其他食物遲上枱。最後要留肚食甜品，見到張甜品list咁長，樣樣都想試。推介雪米茲，涼涼哋細細件，好滿足，仲有韓國雪條揀，好少日式放題有咁多甜食揀，下次推介俾鐘意食甜品嘅fd。除咗原本嘅甜品list，仲有張隱藏版嘅甜品list，可以揀dryers或milktop雪糕，雖然我未喺出面買過，但聽講都幾貴，好邪惡…Read More

朋友介紹嚟呢間工廈cafe，食物真係好令人驚喜。先講個餐湯先，係紫色的，顏色好伏，但又好好飲喎，其實係紫薯湯，正!主菜揀左軟殼蟹漢堡包，其實心諗，點食呀?不過又ok喎，無想像中咁難咬開，因為佢哋將件蟹炸到恰到好處，好酥化，一咬就開，所以好夾到個漢堡。個餐仲配埋薯條，唔係普通出面見到啲馬鈴薯條，而係蕃薯條呀，又係驚喜之一。聽講呢個仲有水信玄餅食，不過晏晝好似冇…Read More

第二次嚟呢度食晏，今次食呢個黑松露蟹柳意大利飯，其實作為一間cafe，食唔飽都預左，所以都預左佢份量係細，大食就可能會差啲，味道方面5分有3分啦，又未係超爆好食。不過意大利飯口感算唔錯。而飯入面再夾雜住啲野菌，總結而言係幾清新嘅一個飯。lunch 會跟配湯同餐包及餐飲，佢哋有唔少特色餐飲選擇，岩石朱古力係加入咗啲啫喱，都算不錯。提提大家: 2點後叫lunch set有88折(門口banner寫9折)…Read More

睇網上資料話呢度有任食海鮮蒸氣鍋其實我都未試過蒸氣鍋，118位，以價論價好難平得過佢啦可惜嘅係任食海鮮已不復再，以前有咩聖子，龍蝦有得限量拎都冇埋，入座後冇耐送上一碟蜆，原來食完就冇，想再要就加錢買多碟啦。另外仲有魚蝦蟹都可另外購買。任食配料方面質素還ok嘅，冷門少見嘅如牛心頂都有，勝瓜同粟米蒸完都幾好食。另外仲有蠔仔可以任食，都算係海鮮嘅。讚賞位係飲品都ok多款。不過如果冇左免費海鮮，對我嚟講真係冇下次了。…Read More

周末下晝，諗緊尖咀食乜好，行下行下見到有南記，就試下。今次只係第二次食南記，望住餐牌比八爪魚丸吸引住，然後拼埋個墨丸雙拼河。先講湯底，味道偏咸，但可接受。八爪魚見到有少少紅色，但又唔覺好有八爪魚味，墨丸就爽口彈牙，又有細細粒墨魚肉咁，推介!!呢間舖應該係新開，環境都唔錯，光猛又有乾淨。食物出得更快，效率極高!…Read More

happy friday同同事嚟太爺雞叫餸食飯，早一日訂左位，嚟到全場滿座，非常多人同熱鬧，等左5分鐘左右入座，雖然人多但都唔算擠迫，幾好。小菜都有好多選擇，味道唔差。各叫左半隻豉油雞同醉雞試試，半隻size都唔細，咁大隻雞但估唔到都唔鞋，豉油雞勁入味又滑，肥瘦適中，果然係招牌菜。醉雞呢都好食，同時又有藥膳味都幾重，如果唔鐘意藥味就留意啦。另外蠔餅都值得推介。提提大家呢度唔收卡只收現金。…Read More

happy friday跟同事一齊食lunch，揀咗嚟呢間，觀塘區啲工廈真係好多cafe，駱駝漆我諗有成5間。lunch time嚟到，set lunch唔係話好多款揀，而且牛扒賣晒了。所以最後揀三文魚蕃茄天使麵喇，另外跟餐有白湯同餐飽。餐飲揀即磨咖啡。先講個咖啡，我覺得算係好啲質素，好濃好香好熱，唔會苦澀酸，落咗奶更好飲。意粉份量唔多，煙三文魚睇佢嘅紋理同口感食得出麻麻地，仲要得一塊，會唔會孤寒咗少少。唔講食物，環境係ok嘅，成間店好光猛，引入戶外自然光，感覺好有活力，而且有好多枱，另外木色嘅枱同好多綠色嘅點綴，令人好舒服，但如果兩個人傾計hea吓的都略嫌環境有啲嘈呢。最後，其實個價都幾貴吓。…Read More

晏晝成日經過呢度都好想試㗎喇，終於同同事試呢間，晏晝其實冇咩特別選擇，都係粉麵多，或者有熱狗或者包。揀咗米拉招牌雜錦，原來仲有得揀麵底，老細推介新竹米粉，仲幫我哋免費加底，正呀，結果整出來份量都唔少，而配料方面就叫樣樣都一件咁，有雞翼，鴨胸，鴨腎，墨丸，貢丸，鹵蛋......，真係好啲似屋企打邊爐，又有啲似屋企頹頹地煮個麵咁，呢個麵加嘢飲42蚊，如果係咁家常嘅質素，我覺得...係可以再平啲嘅。p.s 老板幾友善，好熱情p.s2 原來呢間店都好多人買嘢飲支持小店呀!!…Read More

第二次寫呢間放題喇! 上次係打完牌過嚟，今次行開呢邊睇戲，所以就響呢邊覓食喇。今次嚟到多咗好多新嘢選擇呀，有驚喜! 刺身方面最吸晴係有長腳蟹食! 佢哋嘅蟹size有啲迷你，肉唔係多，但品質唔算差，有淡淡海水味，而且一入座已經有較剪同蟹醋擺咗響度，都係幾貼心嘅。另外刺身都有一貫質素，帶子好正，夠新鮮夠滑夠厚，回本必食!熟嘢方面推介炸廣島蠔，仲有炸一口芝士，天婦羅嘅質素都唔錯。呢度都有唔少海鮮類嘅食物揀，好似炒蜆都有兩款，仲有焗蠔，釀蟹蓋，串燒蝦，燒魷魚等，感覺食海鮮會易啲回本，而且味道唔差，抵叫。甜品點咗個一口雪米滋，其實都唔係一口喇，一口拍落口會好凍，係幾正嘅，同埋有韓國雪條，呢個我第一次食咋，不過太大條，食完試唔到其他甜品。佢哋間唔時都會推啲新菜式出嚟，好想有生蠔任食呀！…Read More

油塘大本營有唔少新食肆，而且食肆數量好多，搵食好容易。小南洋響頂層大食代隔離，本打食星馬嘢，今次揀左食南洋鴛鴦雞2人餐，都只係138，除開每人60零，有鴛鴦雞(燒雞+海南雞)，例湯，灼菜，咖哩雜菜，魚肉豆卜，桂花糕，餐飲，望落都幾抵食，但味道就普通咗啲，燒雞好似都唔係燒出嚟，比較似係魯水雞，啲三色汁就正常，可以吊吊味，雞本身冇乜雞味。咖哩雜菜係成個餐最好食嘅，咖哩汁可以送到飯，個汁都算香濃。灼菜都算難食，凍嘅，唔淋。魚肉豆卜係炸嘅，似似地煎釀三寶，有得點泰式辣醬，唔算差。桂花糕ok，餐飲都係普通嘢，只包14蚊餐飲，一杯點了南洋奶茶+煉奶，同港式奶茶差唔多，另一杯飲薏米水(+4蚊)，都算淡口唔好飲。另外套餐只包2碗白飯，轉油飯係要每碗加3蚊，不過油飯都唔係特別好食。我覺得佢定位有啲快吐司工房，但人地好食好多，加上呢個商場咁多食肆，顯得呢間真係唔多掂。優點: 有梳化位算好坐。…Read More