LoveFoodBaby's Profile

荃灣泰國菜中，這間一定是當中最有人氣之一的泰國菜。店內裝潢設計用上近幾年流行的輕工業水泥+小清新風，拼上不少鮮綠植物，給人輕鬆relax休閒感覺。大蝦柚子沙律酸酸甜甜開胃前菜先打開味蕾，柚子份量夠多而且甜而juicy ， 食落醒神開胃。大蝦夠彈牙，這道前菜 完全適合不喜歡吃辣而又要吃泰國菜的朋友。泰式無骨豬手滷水豬手，有點令人覺得似台灣菜，但是鹹味不會太重，卻已經煮至入味又豬手淋身。再配上泰式辣醬，又拾回不少泰式菜的感覺。另外去骨真的方便食客。豬手真的極大件，建議4人分享更開心。菠蘿炒飯每間泰菜都會有的菠蘿炒飯，通常這道菜會令人感覺間間店舖都是差不多，但又有些不同各有特色。這間店最大特色就是著重配料， 可見份量非常多之餘，又層次分明放在飯的不同角落中，腰果及肉鬆都放在當眼位置，方便不喜歡過量的朋友更可以撥走。當中菠蘿，提子乾跟雜豆的配搭令炒飯吃起來更有層次，口感更豐富。…Read More

每次食呢間串燒店都好開心！嘢食高質又多款揀，個個朋友都大推！▪️蒜子蕃茄沙律開胃～▪️白子刺身入口順滑，有甜甜奶油感。◾️刺身3款天使蝦蝦膏味濃郁、帶子海膽鮮甜！◾️燒豬脷表面燒得香脆，入邊好似軟腍又香。推介！◾️燒黑豚豬肋肉相對上一款油脂會更加豐富, 配上香蔥蘿蔔蓉平衡油脂感！口感軟嫩但又有些嚼勁，好味！😋有串燒緊係要配埋美酒～唔太好酒既我揀左梅酒、柚子檸檬酒，甜甜地易入口◾️燒芝士翠玉瓜芝味多汁，唔好肉既朋友都啱食～◾️燒豬肚燒得香脆，少少五香粉香味配上甜甜燒汁◾️燒冬菇釀豬肉◾️燒豆腐有濃濃豆香味～◾️燒豬顎骨肉味濃濃，味道幾似牛肉◾️燒厚切白金豚肉非常邪惡！肥瘦肉均勻，油香滿溢🤩◾️紫蘇豚肉卷紫蘇爆汁，薄薄嘅豚肉燒香包住爽脆紫蘇◾️豚肉蒜芯一口咬蒜芯好香超爽脆多汁，夾雜豬油香，要encore!◾️青椒芝士豚肉卷夠熱辣辣，芝士仲可以拉絲◾️燒菠蘿幾乎每枱都會點!表面薄薄脆脆的焦糖，一咬香脆的焦糖包着爆汁的菠蘿😍…Read More

Gusto餐廳位置非常方便，一出地鐵站就見到。而聖誕期間餐廳有好多聖誕佈置，氣氛一流。而且餐廳全場爆滿，建議去之前要book定位啦！餐包伴碟的醋提味效果不錯，酸甜開胃。Gusto 61用意大利佛手柑加氣泡酒，再混入檸檬熱情果，酸甜醒神又有層次，幾易入口。Cajun shrimp salad 鮮蝦彈牙配新鮮沙律菜和牛油果蝦身沾了少少調味粉令蝦鮮味更出，而且份量都不少，牛油果大件抵食Four cheese fusilli四重芝士螺絲粉有fontina, gorgonzola, parmigiano reggiano同pecorino,芝味十足，入口後不同的芝士味道都會刺激味蕾，芝士的甜、香、奶、咸、滑感都集於一身，超芝味！！Australian lamb rock餐廳建議全熟會好食啲！雖然全熟，但係肉質軟腍多汁，沒有羊臊味，外層燒得又脆又香！擺盤仲有唔同顏色嘅瓜果，吸晴！入夜後餐廳人流真的非常多，除了酒外，食物質素不得不讚，是一個朋友聚會好地方！…Read More

朋友都推介牛惣嘅串燒正，啱晒同朋友聚會飲酒！生野菜沙律做前菜，味道甜鮮，配串燒肉正！蘿蔔煮牛腩牛腩煮得非常入味，而且肉質非常軟腍，蘿蔔入味又清甜！刺身四點分別有三文魚、油甘魚、帆立貝同赤蝦帶子鮮甜，隻蝦超大隻！萵筍牛肉卷（中）薄薄嘅牛肉燒香包住爽脆萵筍。蘆筍豚肉卷（右）個人最喜歡呢款，蘆筍非常多汁，同豚肉非常夾。蝦夷蔥牛肉卷（左）啖啖葱！燒牛舌牛舌超好味，外面燒得香脆，入邊好似軟腍又有牛香。推介！牛大腸大腸多汁！牛腱肉唔韌，肉味濃。牛肋條油脂豐富,口感軟嫩但又些嚼勁。鹹牛肉燒飯團飯團外燒香有飯焦嘅感覺，上面放上煎過嘅鹹牛肉，再用紫菜包住，幾好食！無花果自製果酒餐廳有多款自製果酒提供，包括有荔枝、菠蘿、士多啤梨、梅酒、桃酒等，見到有無花果味都幾特別，所以試吓，入口香甜，幾啱女仔飲～…Read More

上次食過虎鐵覺得佢地既鐵板都好好食，今次試下主廚套餐，水準依然keep到，唔怪得知可以全場爆滿！沙律黑松露流心蛋蛋上面有金箔、海膽同黑松露醬，用小匙羹𢳂起溏心蛋黃即滿瀉菊花煙燻帶子有好香菊花味，帶子大粒鮮甜，可以點旁邊嘅岩鹽提鮮，最後食菊花味啫喱清清味蕾南非孔雀鮑魚無加任何調味料，不過有鹹嘅海水味，旁邊有鮮味海苔蟹肉醬，海草同三文魚籽裝飾香煎鴨肝配青蘋果鴨肝油香豐富而且入口即溶，配爽甜青蘋果解膩，旁邊可點黑醋汁，最後有焦糖青檸片作結清味蕾，味道豐富熊本A5和牛薄燒，有香蔥炸蒜入口豐富，旁邊有岩鹽調味同炸蒜片，另有日本南瓜、茄子同美國嘅大啡菇juicy 多汁蟹肉炒飯有粒粒蟹肉，加入炸蒜同葱花非常香口帶子豆腐魚湯魚湯鮮甜好有家嘅味道，帶子煮熟幾鮮甜抹茶雪糕濃濃抹茶味，好食！…Read More

一坐低師傅就好細心介紹唔同醬料嘅用法番茄酸汁 配內臟柚子胡椒 配海鮮自製芝麻醬汁酒盜薯仔沙律酒盗是用鹽醃魚內臟半年以上而成的鹽漬物，味道濃郁帶微辣同鹹香，同薯仔沙律一齊食平衡返味道～日本鳥取和牛肉眼落少少鹽同黑椒調味已經好好食，油脂香溢，口感軟腍，入口即融而且juicy多汁甲羅燒蟹膏份量比其他他餐廳食到嘅多！月見免治雞腿肉 口感豐富，入面有粒粒雞軟骨，配生雞蛋撈埋好滑。燒帆立貝帆立貝鮮甜，師傅燒得嫩滑，仲有牛油香～鹽燒油甘魚鮫油脂豐富，魚皮燒得香脆的，令肉質更幼滑。牛肉盛盒有齊多款部位，包括牛心、牛舌、日本和牛腩、日本牛板腱、日本和牛背峰、美國翼板、日本和牛三角胸小排，啱晒鍾意試唔同款嘅我。日本雞頸肉質柔軟多汁，幾有彈性。日本山藥淮山爽嫩伊比利亞豬肋條食落有少少油脂，再帶少少筋膜，肉質軟腍多汁有咬口，燒完有滿滿香濃肉香。燒日式魚乾師傅燒到魚乾剛剛好，好香～不會太乾帶點濕潤，用嚟佐酒一流～任飲清酒呢間餐廳特別引入自助清酒售賣機，加$198就可以任飲18款清酒，有得玩又有得飲，好正！店員仲好細心介紹唔同清酒特色，推介易入口比較甜嘅可以試1-4號～…Read More

葵芳都開咗一鍋堂，仲要佔地超大，睇飲食post介紹有成13000呎，仲要係全港最大火鍋放題！雖然有成300個位，但坐位寬闊，每枱之間都有足夠距離，真心環境幾舒適。超多靚湯底可以揀，有成18款湯底任揀！有重口味有養生有清淡嘅，仲可以配搭。我就揀咗蘿蔔粟米豬骨，清甜滋潤！真係附送大大舊豬骨😂😂出面有多款配料任食，有前菜、丸類、小食、蔬菜及飲品等自助任取。最欣賞環境乾淨企理又舒適！飲品選擇超多，除了有紙包飲品同汽水，仲有自家製洛神花茶、冰糖燉檸檬👍🏻菜都有好多選擇，西洋菜、羽衣甘藍、油墨菜都有。肉類選擇都好高級，可跟唔同套餐揀，有精選進口肉、特選安格斯牛及高級澳洲和牛。我就揀咗B餐100分鐘安格斯牛任套餐，有得任食安格斯牛、封門柳、牛脷心托、牛板腱、西班牙栗飼豬同紐西蘭羊卷肉。推介安格斯牛板腱，質素不錯，肉味濃肉質軟。豚肉質素都不錯，油脂平均，肉質鬆軟。…Read More

出糧後便與朋友到位於尖沙咀人氣滿滿的 CHEF STAGE de Eddy Chu。因為主廚實力而令餐廳風評不錯，所以便提早預約訂位。餐廳內沒有任何過份奢華裝潢，有種樸實西餐廳感覺。雖然店內環境貼地，但坐擁180度迷人景觀又確實離地，更可享有部份維港景色，亦是店中一大賣點。另外餐廳更沒有規範待應員工要穿起什麼西裝，恤衫或端莊的衣服，只是穿起要員工輕便的公司服裝，有一種港式情懷在其中，營造一種似家又舒服的感覺。因老闆曾於多間星級酒店及高級會所任職總廚，所以食物質素不容置疑。煙三文魚芒果沙律頭盤選擇了一道清新開胃沙律菜作開始，煙三文魚味道不會過鹹太濃，沙律菜及蕃茄，芒果等等夠FRESH又清甜，另外所配的蜜糖乳酪醬更豐富口感。海鮮肉骨茶有淡淡藥材的味道但又不會遮蓋海鮮的鮮味，海鮮配料極豐富，有鮑魚、蝦、帶子、魚，估唔到味道可以咁夾，第一次飲到這種配搭的湯。黑松露蘑菇湯蘑菇有別於一般西餐店所飲「渴撻撻」般，湯清而不漏，但菇量極多，有粗粒幼粒，而黑松味亦濃厚口感超豐富!焗連殼法國田螺雖然寫著連殼但當然不是真的殼，而是仿殼皮我牛油威化。濃厚的香草牛油蓋上田螺，再放入仿殼皮中焗煮，底下再配上薯蓉，口感又脆又軟。黑毛豬肋條肉肉味超濃郁！豬肉非常軟腍多汁，帶有少少油脂香，咬落有少少筋膜口感，但又唔會難咀嚼，易入口,配上燒汁口更惹味！慢燒美國牛肉眼厚度十足，份量超多，牛魔王一定會好滿足。一切開肉汁四溢，肉質鬆軟易咀嚼，牛肉肉味會較濃郁。配菜都大大份，有薯蓉同蘿蔔。…Read More

餐廳keep住旺場，而且氣氛好，可能因為有現場鐵板即燒烹調食物，店員又好nice會同顧客互動，怪不得餐廳會咁受歡迎！蕃茄蒜子沙律蕃茄爽甜，配上酸汁同生蒜，感覺開胃。松葉蟹肉甲羅燒（期間限定菜單）餐廳每過一段時間會按食物時令轉換菜單。同朋友叫咗期間限定的松葉蟹肉甲羅燒，味道濃郁嘅蟹膏上面加咗滿滿嘅蟹肉，濕潤度同鹹味都適中，配餅乾/佐酒都十分滋味！鐵板海鹽炒支豆支豆較少以鐵板炒的方式處理，炒過後更香口，送酒一流。洋蔥泡菜炒豚肉泡菜洋蔥惹味，洋蔥份量剛好，增加口感和甜味 ，豚肉又嫩又爽脆！車海老超大隻彈牙，肉質富有彈性，鮮甜！啖啖蝦肉好滿足！燒白鱔真係超超超好食！極度推薦！白鱔皮燒得非常香脆，肉質乾身但咬落有魚汁， 肥美但完全不覺膩口，令人齒頰留香。豬肉御好燒御好燒份量剛好，細細哋每人2件不會太飽太滯。另外可以自己加蘿蔔同紫菜，增加口感！港女柚子味，加入sake 同vodka，入口清新，幾啱女仔飲。十八歲士多啤梨味，雖然都有加入sake,但果汁同汽水比例多啲同甜啲，酒味相對無港女咁濃烈，更易入口！…Read More

先前已經食過不少次Burger Joys, 亦是忠實擁，每次過灣仔都會食佢嘅漢堡包。當知道原來呢間 lucky smash 行運漢堡係佢嘅副線。而且位置亦非常方便，緊係要試一試。餐廳只做外賣，而鋪位面積對於一般傳統外賣漢堡店都要大，廚房位更加簡潔，一眼望哂!除此之外每個漢堡都是即叫即做，亦可以觀賞整個製作過程。雙層牛肉芝士漢堡店舖所主打的牛肉就是整個漢堡靈魂所在，據講會採用同BurgerJoys 相同的美國安格斯牛，每日手打而成。入口是明顯感受到肉粒都分明，有咬口，而且牛肉味濃又Juicy!!因為手打牛肉是掃上牛油後再煎香，咬開後油份會相對飽滿，夠滋味!另外配搭芝士超芝味，加埋濃厚牛肉，整體感覺就超邪惡!!~~~牛肉漢堡上面提及芝士會令整個包有所變化，呢一款單純只有牛肉漢堡就最能夠體驗得到安格斯牛肉口感同味道。牛肉汁味道會比起牛肉配上芝士後更濃厚，更膩。薯條新鮮即叫即炸，炸得香脆，可以套餐加配!以$48就試到真正的美國牛肉漢堡及唔洗過海都食到Burger Joys質素，可以話係超值。PS: 因為店內不設堂食，加上夏天，而且漢堡放置太耐亦會影響口感，建議買完就快啲食啦!!…Read More

開返晚市當然要搵間靚靚又有情調嘅餐廳chill下！知道佐敦新開咗一間日西fusion菜嘅餐廳，網上風評不錯，所以專程過嚟!呢間HARA 裝修吸引，極高樓底再配合型格工業風MIX高檔日系路線，門口又有小清新位可以打卡！晚餐時間用餐氣氛最佳。不過最吸引我始終都係食物嘅質素。前菜：木耳椰菜紅蘿蔔芝麻紐西蘭托托硯 配 Lemongrass n’ Coconut Sauce湯底可選清酒、蒜蓉或椰奶。但個人覺得清酒有點普通及常見，反而用椰奶煮都幾特別，果然呢個味道食落有驚喜。椰奶濃厚，而且份量十足，飲落口椰味幼滑幾Creamy，因用上香茅作配料，香茅香味滲透於椰奶中，帶點泰式風味。托托硯大隻，肉身爽且帶彈，亦有鮮甜肉汁，加上椰配搭令呢碟菜式更特別。睡蓮蟹肉意大利飯蟹蓋比我想像中大份！ 拆蟹肉同一齊煮，再連同煮成金黃色的意大利飯，再將RISOTTO放返入蟹蓋。傳統西餐RISOTTO都會比較硬身，但店內RISOTTO就好適中，有咬口而不會太硬而難咀嚼。旁邊嘅蟹膏醬蟹味十足及超濃味，一口飯一口醬入口就最好不過。屠夫牛扒這款亦是餐廳招牌菜之一，店員推介四至五成熟，牛肉切開嫩紅，整體牛肉juicy ，肉味濃郁。旁邊伴有燒蒜頭🧄同生椰菜絲解膩。煎芝士蛋糕用酥皮包住芝士蛋糕，口感豐富刺激，外熱內冷，外層酥脆，內裡軟軟的，好邪惡！餐廳裝潢有格調，菜式既有傳統日式/西式菜餚又有部份Fusion款式，非常適合城市人多樣性的要求，亦係一個約會好地點!…Read More

有各款燒味和自選台式滷味，岩哂買餸返屋企加料!仲有其他燒味可以即買金牌免切叉燒店舖標註出名所以試下，叉燒偏瘦啖啖肉，瘦得黎易咬，不會韌。怕肥的女士就岩哂啦！台式古早滷味食物選擇都幾多，仲可以自選配麵！首先拎點菜紙寫低你要的食物，交俾工作人員執料再即刻煮。收單後會俾張飛仔等叫no.，拎到野食之後再一次過俾錢。我揀左以下既料都唔錯既：豆腐-口感介乎係傳統豆腐同百葉豆腐之間，幾滑！牛筋-滷水牛筋入味，口感軟腍！牛展-入味牛肚-店員推介茼蒿-翠綠爽脆滷水煮過後味道剛好，仲有d醬汁👍🏻…Read More

知道荃灣呢間古今二人氣日本菜新開張，就已經急不及待要去試試。店來採用全開放式設計再加設人高屏風，既有私隱度之餘燈光又夠光猛。差不多7時半左右就已經滿座，想食就要提早啦!龍卷風沙律沙律用上菜、蟹籽、蟹柳、海藻、再在面上放上大量脆片。食前就好似,要龍卷風一樣將沙律攪拌均衡。入口清新，又脆，而且份量激多!!牛肉壽喜鍋鍋內都是典型組合配料，牛肉，菜、豆腐。熱辣辣鍋在冬天中是最適合不過，湯底會比一般壽喜鍋甜，點前需要留意!!煙花面上的紅色魚刺身蓉其實分別是辣味三文魚及辣味吞拿魚。加上再次運用脆片配搭，魚蓉帶有三文魚及吞拿魚油脂香，感覺似係魚生飯縮細版一樣，呢個配搭冇得輸。忘不了你單睇賣相就好吸引啦! 芒果面上淋上不芝士，令邪惡程度激增。炸牛肉爽脆，加上芒果肉配搭口感豐富多變，值得一試。雞泡魚乾以前去韓國都好喜歡在餐廳點嚟食，今次難得見到有當然必點啦。雞泡魚乾剪成條狀更方便入口，燒得夠香所以香味撲鼻，用來助啤酒一流!壽司款實在太多，下次一定要再試試其他款!!…Read More

位於大鴻輝呢棟大廈中不乏火鍋店，選擇眾多。不過呢間近期人氣熱爆的牛大人都要黎開分店，緊係要試下！不過聽講晚餐booking 超full，今次食午餐時間人數相對較少，坐位都鬆動d!阿嬤養生濃湯鍋🥘材料有紅棗、龍眼肉、桃膠等等，味道甘香鮮濃，啱晒怕重口味和怕熱氣嘅我！澳洲和牛M5牛肩卷必點！牛肉切得細薄，口感軟腍，肉味香濃！安格斯特選牛板鍵雪花紋理都幾清晰，而食落肉質爽滑上腹牛五花牛媽秘製滷牛筋呢個都必點，滷水牛筋超入味，放湯煮一陣牛筋已經好軟腍，而且滷水味依然保持！蟹籽墨汁漿一定要試！！個人覺得牛大人嘅滑都做得十分出色！墨魚味香濃，口感超彈牙有質感，值得encore！干貝鮮魚漿干貝味比較出，質感會比較細滑。私房鴨血除咗火鍋配料，小食要必叫鴨血，鴨血花椒八角味香濃，如果可以辣啲更好！飲品選擇都好多，除咗有汽水包裝飲品外，自家製茶飲非常吸引，有白桃烏龍、桂花烏龍、菊花普洱。蔬菜標注台灣直送嘅蔬菜，選擇都幾多，一盒盒連盒蓋放好，欣賞d菜擺得井井有條！醬料、麵款式夠哂多！台中仙草凍埋單可以點埋仙草凍！本身無太大期望，以為似普通既涼粉，點知比想像中滑！甜度ok…Read More

一間在旺角女人街新開糖水鋪。店面比較細，而裝修都簡單，用灰色做牆身再配木系風格枱櫈。夠薑蕃薯糖水平時大家食既嘅薑汁蕃薯糖水都會食到濃濃薑味，有薑辣感刺激喉嚨同食道，但呢間薑汁係超超超超超濃同勁，味道入口係激辣，個人真係唔係幾受得味道咁勁，不過如果鐘意食薑嘅朋友可以一試，如果冬天食真係可以一啖驅寒。另外蕃薯好夠甜，不過薑汁味道遠遠超過同遮蓋蕃薯味。價錢上就真係略貴要$26。店舖如果可以推出不同薑辣程度夠薑蕃薯糖水比客人揀就更佳。…Read More