keyter's Profile

同朋友慶祝生日，朋友話想食富貴雞，就特登book呢度，環境好夠優雅食物又美味，作為慶祝嘅餐廳一流因為好多味食物都好好食，所以就淨係記低重點「富貴雞」黎到大大舊野，要朋友特登拎個鎚打碎佢，打碎完後隻雞仲有荷葉包住，之後侍應就開始分雞，雞肉勁軟滑，滑得黎仲有唔少汁，味道就唔係濃，好快就食曬成味菜朋友話以前食過嘅富貴雞比較乾身，呢度嘅就多汁，可能各處煮法唔同啦，總之好食就得最後有甜品請大家吃，大家就過左一個開心嘅生日會…Read More

行過airside，突然想同朋友食燒肉，於是就試下呢間嘅二人餐，套餐有前菜、沙律、湯、和牛、蝦、蠔、飯、雪糕，原本望落每款肉同海鮮得兩舊，驚唔夠食，不過食落都幾飽，最後唔夠食係因為太好食前菜比較辣，沙律菜比較硬，不過唔係重點，重點係每塊和牛都油脂分布平均，食落牛油味同牛肉味都有，食到停唔到口真係想同朋友一人食一份二人餐海鮮都出眾，尤其是蝦，有肉有膏個飯同湯都有牛肉，食落都係咁正，最後個椰子雪糕又係一流，唔太甜又有椰肉，食完燒肉食呢個甜唔即刻balance曬…Read More

去荔枝角搵朋友，朋友介紹食呢間日本菜。去到個門面，都幾靚，同對面車房勁大對比餐牌都幾多選擇，聽朋友介紹試左吉列豬扒烏冬，勁大塊，又十分脆，以呢個價錢黎講勁抵食烏冬大大碗，彈牙，湯底就清。朋友叫左便當，佢話便當會定期更換，每次都有驚喜我見佢份便當都好豐富，味道方面朋友就話好食，不過我無親口食就廢事係度評論了另外我地叫左份小食，炸薯餅，又係即叫即炸十分脆口，薯餅中間流流地心，食落又脆又軟咁，味道都好好總括而言呢間餐廳真係幾抵食，可以再黎多次…Read More

平時得閒就會黎呢間餐廳食漢堡排或者牛排，今次見佢轉左新餐牌，有半自助餐，就立即試試。半自助餐有一向好好食嘅炸雞塊似日本便利商店果款，食完令人好想立即飛。4款沙律都好吸引，最好食係芝士沙律。仲有cold cut 同cheese platers, 令人一食再食。老老實實，食到呢度都已經幾飽，但係半自助餐仲有餐湯、主菜同飲品餐湯是雜菜湯，好多料好多菜係入面主菜要左羊排同牛排，羊排勁軟，味道唔羶，和牛排油甘十足，勁軟勁好食飲品叫了簡簡單單的凍檸茶，不過如果鐘意飲野，係可以加錢變free flow總括而言呢個呢個半自助餐好抵食同好好食…Read More

今日同朋友試呢間韓國午餐，以為呢個商場d餐廳應該幾貴，但係我地叫了3個餐+半份芝士炸雞，埋單唔洗500，抵到爛食物方面，點了人蔘雞湯餐、牛肋骨餐同鰻魚飯餐，人蔘雞湯普普通通，牛肋骨就十分入味同軟淋，襯白飯一流。鰻魚飯熱辣辣，食到尾仲有飯焦，脆卜卜好好口感芝士炸雞方面，芝士無渣流灘，雖然是半份，不過半份雞應該是指半隻雞，分量都十足，而且有得叫半份十分好，唔怕食完午飯之後食唔曬個炸雞下次再試下食佢嘅燒肉，應該都不錯…Read More

同朋友嘗試呢間餐廳，試了tasting menu，每樣菜式都唔太清楚佢係咩，此終好少食印度菜，不過侍應都會每道菜逐一介紹，可以了解一下印度菜有d 咩食。首先吃了脆餅，係每枱都有嘅welcome food，食落有d辣，配合芒果醬很開胃之後有兩樣前菜，一個撻一個脆卷，微辣但好好吃，尤其是脆卷，皮薄又脆之後有份牛肉，侍應話係24小時slow cook，所以入口即溶，直情好食過唔少扒房嘅出品主菜有4碟餸配naan，4碟餸分別是印度蝦飯、咖哩雞、咖哩豆、乳酪醬。咖哩唔太辣，配合naan 一齊食好夾，個飯好突出，每隻蝦都好大隻，配合印度飯好似食緊大蝦炒飯咁甜品有雪糕同埋杏桃，此終中東嘅甜品對我黎講都係怪怪的，所以唔係咁識欣賞總括而言以呢個價錢，可以係呢個環境食到印度特色晚餐，係值得一試嘅…Read More

今日約了朋友聚舊，係尖東想食扒，就諗起呢間餐廳。通常黎呢間餐廳，之前都是約一班朋友黎食斧頭扒，今次少人d，所以就只係點了肉眼和蟹餅。先講蟹餅，大啖大啖蟹肉豐富，加d檸檬汁，隻碟立即炸炸聲，聽到都想食多幾啖到肉眼黎到，放係250華氏嘅碟上面，油香撲鼻，更重要係慢慢食都唔會變凍，舊肉眼肉味濃，啖啖肉，最可惜無叫到sauce，食到尾就有少少油膩，導致無叫到甜品食下次想食到甜品，睇黎都係要約多幾個朋友share…Read More

星期日唔知午餐食咩好，咁岩見到呢間野新開，又咁岩唔洗等位，就一於試試佢！叫左兩份午餐，牛扒同黃油雞，配粟米湯同冰茶。粟米湯一黎到，就令我好期待主菜喇，皆因個粟米湯D粟米粒粒分明，直情食緊粟米蓉咁！以餐湯黎講，絕對係超班。可惜主菜牛扒就比較遜色，唔知係唔係粟米湯太突出令我太期待，份牛扒只可以話係屋企煎嘅質素，並無任何特別之處。但係黃油雞就不得了，鮮嫩得黎肉滑多汁，皮少少脆又唔油膩，打到呢度我都流曬口水想再食多次以百幾數嘅價錢，加上係呢個沙漠區，粟米湯加黃油雞＝超班！…Read More

你食過最大嘅漢堡有幾大？無得用刀叉架，間野得外賣！你真係要黎試下，佢夠膽係工廠區外賣漢堡賣成舊水，證明佢幾有料啦！就係咁，朋友又約我去荔枝角食飯，外賣上佢公司食。心諗，又介紹荔枝角工廠區D野食，係咪你日日食先至推介乍。到左舖頭條街，發現成條街都係外賣食舖，係咁多間中間就係呢間漢堡店。店面細細，但係有成十幾款漢堡揀，朋友一早到左話幫我柯打左英雄漢堡，最大份果個，話要挑戰我食量。返到朋友公司，一打開個漢堡，嘩，食曬絕對唔係問題，不過唔知點開始食！個包差唔多20cm高，諗住出下力整矮D佢食，又爆曬D肉汁出黎，仲有蕃茄生菜煙肉雞蛋，真係少D技巧都整到一地都係。跟餐仲要有薯條汽水，薯條好似某連鎖快餐店咁，一個紙杯裝完會再裝多下比你，驚你食唔飽咁，食曬成個餐真係晚餐都可以遲D先食！…Read More

走去荔枝角工廠區搵個朋友食午餐，佢話一定要襯呢個機會食呢間泰國菜。去到見到門面光鮮，比一般工廠區餐廳靚，就已經覺得呢間餐廳唔錯。點左海南雞飯同豬頸肉炒飯。海南雞飯多肉，味道好，唯一不足係飯量少，唔夠食。差唔多食完個海南雞飯，豬頸肉炒飯仲未到，搞麥鬼？問問侍應，原來即叫即炒，一講完就送到。同海南雞飯唔同，炒飯個份量多好多，又夠熱，味道濃，絕對值得一試！午餐包埋野飲，叫左杯檸蜜，食完炒飯飲返杯，潤一潤喉真係一絕。意想唔到工廠區都出到環境好價錢正味道一流嘅餐廳！…Read More

同朋友到西環行街，是是但但去左間餐廳。又估佢唔到，係有質素！叫左份卡津孜然雞扒，來到大大份，食落肉汁夠，個味都好香，一份就飽哂！試左朋友份冬陰大蝦意大利麵，食左兩啖想食多幾啖，開胃的酸辣加奶油的香滑。而且隻蝦好爽口，鮮味夠。如果你有食開冬陰公，我推介呢個意大利麵。紅茶香濃，解油膩，不過我更喜歡朋友點的焦糖咖啡。它的甜度剛好，夾埋層厚泡，都幾有質感。附近返工的朋友不妨試吓，出開去的，都可找找它，裡面都乾淨企理。店員都好親切！…Read More

朋友話呢間野嘅沙嗲牛勁出名，曾經要排成個鐘先食到佢個沙嗲牛麵，今日咁岩係附近搵呢位朋友午餐，佢就即刻帶我去試下呢間傳說中嘅沙嗲牛午餐時間等左一等，就可以食啦，點了個沙嗲牛飯另加雞扒，沙嗲牛汁真係好濃，味道好重，雞扒煎得幾香，成個配答一流最正嘅就係凍飲唔洗加錢，係咁熱嘅天氣下簡直係一大福音而朋友都分左少少豬扒比我試，話都好好味好正，一試，又真係幾香，醃得好入味，同雞扒不相伯仲，下次再食嘅話睇黎要食個雜扒餐…Read More

都唔知幾時先有得去韓國旅行，只好去尖沙咀韓國街走走，順便食個地道韓燒解解癮喜來稀肉出名唔洗我講，以前同公司位韓國人食過後佢都話正今次同行位朋友未食過，咁就等我決定食咩啦！叫左份最出名牛護心肉，之後黎多份豬拼盤，想食D主食所以叫堆雪濃湯同紫菜飯團。牛護心肉真係無咩好介紹，一個字正！肉味好似食緊牛扒咁，真係一人一碟都唔過份！豬拼盤有豬護心肉、五花肉、豬頸肉、豬大腸、豬皮。最驚喜係豬皮，豬皮係真係脂肪上面果層皮，燒完無油脂感，只有重重膠質感，好似食左舊骨膠原入口咀！雪濃湯又一驚喜，有五六舊肉，湯底係清香牛味，可以減輕返燒烤果個濃味紫菜飯團不過不失，不過呢個價錢，係值得一試嘅係香港黎講，呢間舖絕對係地道韓國燒肉，誠意推介呢間韓燒黎解解旅行癮…Read More

九龍城都有好食意大利餐廳？！我個朋友話帶我去試，咁咪試下lor，又真係幾女食wo！今晚去左名為Pavia 吃了一頓豐富晚餐。基本上樣樣都算唔錯，而且最餐廳好安靜，環境舒適，店員勁親切。其中最愛係意大利麵，連我呢個唔多鍾意蕃茄汁嘅都好鐘意佢個味，D汁唔會好厚身，配埋隻大蝦，啖啖肉，正！生蠔唔算係大隻，但勝在夠新鮮，淡海水味重蠔味！餐廳店員有介紹係澳洲入口，品質高。朋友就點左個蕃茄水牛芝士沙律，佢話我都會食呢個蕃茄，心諗係咪玩我，但我竟然真係食左，仲要唔止一啖！雖然新鮮茄味十足，但連埋水牛芝士一齊食，係有種平衡，將原先我唔鐘意嘅青味無曬。甜品點了apple crumble，質地比較散，味道都幾好呀！大家行過可以黎試下！…Read More

朋友知道我鐘意食牛，就帶左我黎食二鍋頭，咁係朋友介紹，就梗係等佢發板啦店員一放低個煲，我就同我朋友講，咪玩啦，呢個擺明係雞煲，又話咩帶我食牛佢就話好戲在後頭，好，咁我就食住雞煲等食牛原來呢間店係先食一個雞煲或鴨煲，之後再打邊爐，難怪個名叫二鍋頭，因為真係食足兩個鍋雞煲雖然唔係我今晚嘅就主角，不過幾入味，雞腳更加係唔錯食完雞煲，就到主角牛肉啦牛小排、牛頸脊、和牛肉任食，不得了個人特別喜歡牛頸脊，重肉味之餘肉地又滑，一食就知係極品，仲要係任食，朋友真係無介紹錯如果大家唔係咁好牛，店都有好多唔同打邊爐配料，飲品甜品任食，係三五知己相聚吹水好地方…Read More