kwaikit_1023's Profile

係銅鑼灣行街 行到攰 想搵d野食見到依間評分幾高就去左，一去到店員問拎左籌未話未拎要等半個鐘，見咁出名就照等下，最後一等等左大約九個字坐低後留意到餐廳d佈置都幾攪笑，我地睇完menu就叫左鰻魚蛋包飯 蟹肉麵 水蜜桃茶 同 咖啡沙冰先講下鰻魚蛋包飯 蛋包飯 每粒飯都有麻油味同鰻魚汁 鰻魚好入味 蛋好滑 鰻魚好厚肉亦好大條 木魚絲比勁多蟹肉麵 仲有蟹柳 好多蟹膏 蟹肉 蟹籽 每一啖都食到 蟹肉蟹膏新鮮 掛粉 但意粉份量較少 仲有紅椒咖啡沙冰 有Oreo 冰沙好濃咖啡味 唔會好淡 整體黎講幾好飲又大杯水蜜桃茶帶甜 桃味香濃 帶點蘋果的小酸 配合花香 味道清新又解渴 另外賣相精緻 有個小杯和茶壺仔 感覺似品茶最後埋單400蚊平均每人200 …Read More

經過佐敦想搵d野食，見依間招牌幾搶眼同埋門口餐牌睇落岩食就入左去試入到去環境好光猛，牆上布滿左唔同裝飾，位都好坐我地2人坐張4人枱，之後我地叫左三樣野同二杯野飲，炭燒豬頸肉，原個菠蘿炒飯，香茅燒春雞，青檸梳打同紅豆椰汁冰炭燒豬頸肉 豬頸肉燒到岩岩好 唔會太乾身 邊係脆既 個醬汁酸酸地 個人比教鐘意就咁食多d 上面仲有撈麵果d脆脆幾好食原個菠蘿炒飯 飯炒到夠乾身 好多材料 有尤魚 蝦 紅蘿蔔 菠蘿 粟米粒 蛋 豬肉鬆提子乾 果仁 咸中帶甜幾惹味香矛燒春雞 肉好滑 好多肉汁 皮脆肉滑 香茅味入哂成隻雞 店員話唔好刀切用手套撕黎食會好d 最後講埋杯野飲 好欣賞杯野飲紅豆椰汁冰 好多椰汁 七成係椰汁 中間仲有好多椰青蓉 底有好多紅豆 好足料 好好飲最後埋單每人大約150蚊 性價比幾高…Read More

香港食烤魚好多都好貴，又唔想返大陸食，機緣巧合下見到有間烤魚店做緊任食就去左試，1-4人 1.5小時任食 4人以上2小時任食。價錢都幾平$128 唔駛比加一入到去個128任食福壽魚有幾種口味，分別有酸菜味、蒜香味、蕃茄味同麻辣味，我就試左個酸菜烤魚酸菜烤魚比好多酸菜，條魚都好大條，同埋店員一上上左二條魚，好足既份量，不過湯底加左辣椒都小小辣，魚方面條魚好多肉，肉好易起出黎食，另外骨係大骨黎唔係幼骨好易將骨同肉分開，個人覺得好好因爲唔太識食幼骨既魚，另外條魚最底有d冬粉，索左d酸菜既汁之後好好食，不過冬粉比較小，最後食完二條魚已經好飽無再食，依間烤魚真係幾抵食推介大家試試。…Read More

同女朋友行街行到攰，見到依間工廈泰國菜幾多正評就去左試。入到去環境都幾唔錯 Menu 好多野選 同埋價錢都唔算貴最後我地叫左三樣野食 金邊粉，豬頸肉同埋生菜包肉碎 仲有青檸梳打 先講下金邊粉金邊粉 炒到夠乾身同埋質感唔會好淋酸酸甜甜好惹味開胃仲有六隻大蝦 好足料 每一啖都有豆卜 花生碎 菜甫 蛋碎 口感豐富 豬頸肉方面豬頸肉脆邊 本身已調味 小甜 個汁甜甜微辣幾好食 份量好多 性價比高生菜肉碎包生菜包飯 份量超大 肉碎帶酸 非常開胃 肉碎以瘦肉為主 健康 肉碎不會水旺旺 生菜很脆 新鮮 每片葉也很完整 大小也適中 包到很多肉碎 菜有十塊以上青檸梳打 好大杯 好夠味 有半個青檸 不過環境方面可能太受歡迎好多客所以都幾嘈，但服務方面真係幾好，店員見你飲到無咩水會主動幫你加水。最後每人食左170…Read More

一月果時同女朋友食過覺得幾好食，早幾日打算再去觀塘就book返依間。間餐廳裝修都幾靚仲有好多日式擺設，入到去座位好舒適 環境清幽 暖色裝修 配合櫻花裝飾 座位間夠寬敞唔會有好迫既感覺 沙發椅有cushion 。睇完menu後 我地叫左三樣主食（豆腐豚肉鍋，野菜牛肉鍋同埋原條鰻魚炒飯）加 二杯飲品（白桃烏龍茶，巨峰提子烏龍茶）野菜牛肉鍋 豬骨湯底 牛肉幾多有十片 牛肉好濃牛味亦都唔韌 豆腐豚肉鍋 麵史湯好好飲 好多料 有豆腐 菜 菇 湯底唔似落左味精 幾清 豚肉小左d 5-6塊度 豬肉半肥瘦 粉絲好煙韌同埋比出面既粗 配料好索汁原條燒鰻魚炒飯 鰻魚唔腥 好厚肉 炒飯佈滿鰻魚汁好好味 仲有沙律菜白桃烏龍茶 唔係色素 同 調味劑 調出黎茶味香濃 微糖唔會太甜 微微白桃味 味道清新巨峰提子烏龍茶 比白桃甜 但唔會太甜 茶味香濃 飲落酸酸甜甜整體黎講 餐廳環境好舒適 價錢正常 食物好食 推介大家經過觀塘試下…Read More

同女朋友旺角行街行到攰，經過top商場行行下見到依間睇落環境唔錯，門口塊板上面價錢又唔算貴就入左去試入到去座位幾好坐 位同位間好闊 唔會覺得好迫 之後就開始睇有咩食 一睇就比張圖吸引左，最後就叫左牛肉壽喜燒定食$99同埋生薑燒豚肉定食$84。每個定食都有一小碗南瓜，菜同一碗湯。先講下個南瓜，個人覺得個南瓜太甜好似浸過糖水咁，未必個個鐘意味道有小小似綠豆容咁，湯就比較咸同埋有小小辣似落左胡椒既感覺。講下主食方面牛肉壽喜燒定食入面既肉量真係幾多，同埋d牛唔覺韌，啲壽喜燒汁撈飯食都幾正。講下生薑燒豚肉定食，豚肉煎到個邊焦焦地幾香，唔會煎到好乾，沙律菜落左醋同檸檬汁都幾開胃。最後埋單發覺要加一，但價錢都算合理既，每人平均大約一百。…Read More

星期五放工，諗住食好啲，路過見到脆意雞就去左睇有咩食，入到去人唔算多，見menu好多野食最後叫左個大胃C餐（$293）叫左特色燒烤BBQ pizza，二set炸雞，小食併盤同五個粟米湯。特色燒烤BBQ pizza 好足料豬肉、雞肉、蘑菇同芝士佈滿成個pizza表面，另外燒烤醬亦都好多，唯一缺點係個皮唔夠脆，唔知係咪因為外賣返屋企太長時間淋左。小食拼盤方面，好多款野食份量亦好多有各4件（春卷，咖哩角，雞翼，雞寶），全部都炸到好脆又唔會太油，配埋個泰式辣醬好惹味炸雞方面 好大件比某連鎖店大好多同埋無咁油，即叫即炸d雞食果時仲好熱，咬落d肉亦都好嫩唔會好乾身。粟米湯方面，都幾濃同埋好多粟米。埋單293 5個人食 人均60度。…Read More

今日同女朋友去觀塘行街，行到肚餓想搵野食同坐下，之前聽屋企人講觀塘有間必試既漢堡叫MOO MOO BURGER就走左去試，位置距離港鐵站大約十到十五分鐘路程係工廈區附近，門口有好易睇到既霓虹燈招牌。到達後，職員讓我們自行入座。這裏的座位分為餐廳內和餐廳內兩個範圍，餐廳內的座位比較少，大概有20個，大部份是吧枱座位，所以我們選擇了人比較少的餐廳外的位置。餐廳內的位置像是food court，幾間餐廳一起共用中間範圍的座椅。正值晚餐時間，但人流不多，只要有空位便可以自行入座。現場空間寬敞，光線明亮，環境寧靜，並富有情調。經典之堡（$60）白菌之堡（$65）取餐後，漢堡的賣相吸引，食材層次分明，麵包烘過後很挺身，並帶有香濃牛油味，吃下去口感外脆內軟，香而不膩。手打牛肉充滿肉汁，但不會過分油膩和太鹹，每一啖均能吃出牛肉的香味。番茄和生菜也很新鮮，配合牛肉和芝士一起吃，感覺清新。漢堡的材料分佈平均，每一口均能吃到所有材料，口感豐富。秘製moo moo汁像是燒烤汁，並加了洋蔥粒提升口感，為整個漢堡生色不少。芝士肉醬薯條（$39）芝士肉醬薯條份量同醬汁都出符意料地多，每一條薯條都好厚好粗亦沾滿肉醬同芝士，食落覺得似辣既燒烤醬味，好好食，不過由於醬汁太多好快薯條就唔太脆但依然好好食，推介試下依個薯條。檸檬特飲（$28）檸檬特飲味道偏酸，但也有濃濃檸檬香，另外檸檬特飲以有氣水調製，氣味清新，能助解膩。清潔衛生方面，可能因為店內員工較少，其他食客離開後，枱面都一段時間無人清理抹枱，我和女朋友到達時也是自行用紙巾清潔枱面。整體而言MOO MOO 的漢堡同薯條絕對物有所值，所製作的食物十分有心思，亦非常美味，是我吃過的漢堡同薯條中最好食的，亦最有驚喜。我們都是第一次食脆包皮既漢堡，唯一缺點只係部分清潔問題，最後埋單2人 220蚊 平均每人110，叫左二個漢堡一個薯條，二杯特飲。…Read More