heimak0903's Profile

我地一早就係openrice到book左位，所以唔洗等位就好快有位了。環境都好寧靜，岩曬想談心的朋友們。我地少人所以叫既款式都好少。自製飯團($78) 上菜既時間仲熱呼呼的。材料都非常豐富，紫菜、蟹籽等。鍾意DIY既你一定唔可以錯過呢個小玩意，可以玩之餘仲可以食。大細size由你自己決定，所以食之餘仲可以玩。製成品。我地另外仲叫左醬油烤雞($158)，有8件雞，分別有唔同既部位，比較平均。不過味道過於淡味。喜歡濃味既你可能會覺得味道唔夠，或者可以試下蒜香，我覺得會再更惹味。不得不贊既係呢杯士多啤利沙冰($58)，味道非常濃郁，口感豐富。都係我飲咁多沙冰之中最好飲的一杯。黎到呢到一定要試，否則走寶。總結餐廳環境舒服，空間闊大，而且食物味道唔錯，喜歡韓國菜的一定要嘗試。…Read More

晚市堂食終於開返啦~一於搵D朋友一齊去食返餐開心下，又可以見下面 見屯市開左一間新既泰國野，所以我地就去試下，餐牌既款式都好多，我地樣樣都想試下，因為好多都非常吸引，結果簡左幾樣都唔錯。 冬陰功湯($68) 酸辣味好夠，而且蝦都非常彈牙，濃味超夠。岩曬鍾意重口味既你。青木瓜蝦沙律($68) 平時食泰式沙律通常都係簡柚子蝦沙律，貪佢夠FRESH。原本青木瓜都係另一種唔錯既選擇。不過就比較辣，我唔係好食得辣既就不太受到。精選拼盤($168) 有春卷、紙卷、串燒等等，都幾豐富。而且佢炸得岩岩好，鍾意香口既你會好喜歡。火山排骨($118) 排骨大大件，佢酸味好出，酸酸甜甜。配上排骨既肥膩，的確配合得岩岩好。雞肉炒飯($98) 好有鑊氣，炒得岩岩好。泰式大蝦炒金邊粉($112) 味道還可，不過不失。總結呢間都值得一試。味道都幾重口味。不過可能因為新開既關係，所以等候既時間會較長，要食既就要早點排隊啦。…Read More

屯門難得開鼎泰豐，當然要去試下啦新開既店舖都預左多人排隊，所以都只好早點排隊我地六點就去左羅飛，不過就係商場個到行下街大概七點半到就有位了，我地都覺得等待既時間都合理我地四個人，叫左五樣野食一定要叫既小籠包($66/6)，我地四個人所以叫左兩籠，好快就黎到，小籠包當然要趁熱食，味道果然唔錯，冇令人失望。小籠包皮薄餡靚，令人垂涎三尺，睇圖就知超級Juicy。然後我地叫左一個蝦肉紅油抄手($68)，醬汁好好味、好入味，所以食完會好開胃。加上入面餡料豐富，口感甚佳。之後叫左個紅燒牛肉麵($88)，湯底濃稠，而且牛根、牛腩都好入味，值得推介。排骨蛋炒飯($87)，排骨做得很出色，好入味。不過炒飯比想像中少，四個人Share唔太夠食。另外，我地都叫左油炸排骨湯麵($64)，排骨同排骨蛋炒飯的排骨一樣味道，要配上清淡既湯麵，簡直絕配。總結來說，味道唔錯，值得一試。加上係屋企附近近近地，如果想食清淡又唔怕等位既都可以一試。…Read More

第三波疫情總算回落，可以出去食返餐好既，不過就係限制左二人一桌，所以大家都要自行決定出唔出去食啦。因為九月係我既生日月，所以一定要出去慶祝一下既，最重要自己保持個人衛生就可以了。生日一定要食返一餐西餐先有代表性，所以就近近地簡左一間地理位置方便既西餐廳。我地個日訂左六點，怕多人要等位，實情就冇咩人，可以唔洗book位都得。之後我地叫左兩個餐，圖片如下:我地叫左兩個餐，所以就送左兩碗餐湯，忌廉湯加幾隻蝦，幾濃郁。All day breakfast ($138) 其實都好多野食，有腸仔、蘑菇、牛角包、蛋等等。十分豐富，而且都非常夠味，岩曬重口味既你。如果晚上唔想食太過澱粉質，呢個幾岩你做晚餐。三文魚燴飯($168) 近排知道三文魚非常有益，所以都會特意選擇返有三文魚既菜式。味道唔錯。另外見到佢地既飲品非常出色，所以都特登來試一試味。雜莓沙冰($48)酸酸甜甜，幾開胃。牛油果沙冰($48)健康之選，岩曬鍾意健康既你。呢間西餐廳不過不失，份量都幾多，而且環境舒服，岩曬朋友聚一聚。…Read More

因為屯門好少有上海菜，呢間都新新地既食店都會去嘗試，加上朋友當中有喜歡吃上海菜，所以上個星期六就去左試下。我地四個人，本來有朋友早到，大約6點係可以直入，但因為我地味齊人，所以唔可以先入。之後6點半到再去時，已經要攞飛等位了。大概等左20-30分鐘先有位，一入到去，職員就比我地簡飲咩茶。本身以為係一台簡一種茶，但原來係每個人自己可以簡返自己既茶。呢一點係覺得有驚喜既，比較細心，因為一台食飯既人大家未必岩飲同一種茶，所以值得讚賞。然後就叫野食了~魔鬼天使小籠包($58)係出面排隊之前，朋友已經強烈要求試呢個。加上應該係招牌菜，所以一定會叫呢個試。我地四個人岩岩好一人一隻，我自己就試左黑色(即墨魚汁餃+海膽)，味道還好。不過覺得同普通小籠包分別不大。鑊仔生煎包($38)朋友見旁邊既食客食呢個生煎包食得好滋味，所以就話要叫呢個食。但朋友話我地既生煎包煎得唔夠佢地香，所以係有少少失望既，不過味道係正常，不過不失。椰子竹笙燉雲吞雞湯($188)雲吞係會另上，大概有五粒。雞就細細隻，同預期既差唔多。湯亦都普普通通通，正正常常。好彩飲完都唔覺得口乾，所以味精應該唔太多。雪菜炒粉皮($72)雪菜都算夠味，加上粉皮食，都幾夾。第一次嘗試咁樣夾呢食，幾特別。不過粉皮粉得略微碎左少少，不過整體是可以接受的。紅棗糕($48)原本以為係一層層透明既傳統紅棗糕，結果係呢種，不過好彩味道都唔差。佢有點似白糖糕既口感，但係紅棗味，幾特別既口感，可以一試。總結黎講唔錯既一間上海店，特別係佢貼心既一人一茶，感覺上會滿足左鍾意飲茶的朋友們。加上食物都唔算太差，合格既水平。本身這店限時一個半鐘，但因為之後都冇人等位，所以都會比我地坐耐點，岩曬我地聚聚腳，傾傾計。…Read More

見呢排疫情好些，所以都多左約朋友出黎食下飯傾下計。我地冇特別簡定邊間野食，純粹見到岩既就入去。朋友話想食泰國野，咁岩行行下見到象泰，所以就入左去了。係應該兩三年前黎過食，所以都對佢有信心，結果都冇令我失望。我地睇下餐牌，好多都好吸引，有一個二人四人六人既套餐，可以係十幾樣野既野食中簡三或五或八樣野食，都見多野岩食同抵食，我地四個人，所以就簡左四人餐($398)。豬頸肉啫通菜 - 做得好出色。食通菜最怕既就係唔入味，但呢個絕對冇呢個問題，加上唔知係咪有些生蒜，提升左成個菜式，豐富左個口感。象泰小食拼盤 - 唔錯。大件加岩岩炸起，熱呼呼的，有炸蝦、春卷、雞翼、串燒。樣樣都試到，值得一試。海南雞(半隻) - 雖然寫左係半隻，但感覺上得四分一隻，份量較少。焗黃咖哩麵包軟殼蟹 - 唔錯，份量都多。平均每人都可以食到一至兩隻軟殼蟹。另外黃咖哩也出色，配上麵包食簡直絕配。網包鮮蝦炒金邊粉 - 我地都好好奇網包係咩一回事，原本係蛋，所以外表上有點似蛋包飯。雖然食就正常，但幾有心思同特別，唔會只係一碟金邊粉。因為套餐叫飲品有半價，所以我就叫左青檸梳打($11)。總結一下，呢間野由我幾年前黎到依家都保持到水準，食物唔差，而且價錢也合理，值得一試。…Read More

因為我地好旱就約好左31號一齊出黎倒數，所以好早就BOOK定位了。所以一入到去已經唔洗排隊，唔係既話呢D大事大節一定好多人等位。我地幾個女仔去食，食量唔大，所以叫既野都唔多。我地叫左既野如下:呢個係一個前菜。類似牛肉粒。整到好軟身，入口即溶，口感十足。龍蝦燴飯。我本人幾鍾意呢道菜，因為D飯吸收曬海鮮味，特別鮮味可口。而且龍蝦亦是新鮮的，很有鮮味，值得一試。海鮮意粉。本人覺得呢個冇燴飯做得咁出色。海鮮有魷魚、青口等，海鮮種類都多，朋友比較喜歡呢個多過龍蝦燴飯，大家各有所好。豬手。可能是即叫即整既關係，所以等既時間較耐。所以熱呼呼的。而且皮非常脆身，鍾意食豬手皮既你一定岩曬。最後我地叫左一個甜品，焗玉桂蘋果金寶件雪糕，同樣都係熱呼呼的，而且冷熱交替、一冷一熱之下十分好味，為今年既最後一餐完美作結。最後埋單一人大約200元，感覺上幾唔錯，係等待食物的時間長了點。而且光線暗暗的，非常適合情侶聚會。…Read More

因為聽朋友講呢間日日都好多人排隊，所以我地就預先係openrice到book定位。不過琴日去到既時候，比想像中少人，冇咩話要等位，walk-in都冇問題。呢間餐廳色調比較暗，所以幾有情調。我地豬 肋骨芝士鍋($332)，芝士濃厚，加上會有職員協助我地，服務不俗。旁邊有蛋、飯團、菠蘿、泡菜。感覺上幾豐富，而且豬肋骨都入味既，整體幾好味。泡菜餅($118)，呢個外表幾搞笑，有d似pizza。不過佢已經切左一細細件，容易食，唔洗自己下下去切，係比較細心既，值得贊賞。牛肉卷飯($88)，賣相唔錯，而且都好大件，份量十足。味道還可以，比較清新一點，鍾意食飯卷既你一定要叫。今次食飯約左一班好耐冇見既朋友，雖然出面都有少量人等位，但我地食完飯傾下計差唔多兩個鐘都冇趕我地走。所以朋友情侶想坐耐d傾下計既地方係唔錯既地方。…Read More

其實係屯門諗食咩都非常費腦，因為選擇真係唔係好多，所以只可以係屯市同VCITY簡。而且呢排VCITY冇開，所以聚會都係簡係市中心。我同朋友都冇試過呢間野，所以就個晚一齊去試下。餐牌如下:其實款式比想像中既多，所以都簡到野食。我地四個人叫左以下野食，可以參考下:馬拉風光($62) 味道偏向比較辣，因為我自己唔係好食得辣，所以覺得一般。不過朋友們都食得既，所以佢地覺得味道可以。黎到馬拉餐廳，當然唔少得試下佢既肉骨茶($139)，我地叫左一個大既。通常馬來西亞既肉骨茶偏向中藥口味，但呢個中藥味唔算太濃，都容易入口，所以我幾鍾意佢既味道。呢個係胡椒蝦($86)，味道算是惹味，而且數量都多，我地四個人每人平均都食到3-4隻，唔錯唔錯。海南雞半隻($128) 有點雪味，冇咩雞味，所以一般。鮮蝦炒粿條($66) 有點似河粉，味道正常。呢間野味道偏向重口味既。我地四個人最後埋單大約每個人200元，正常既價錢、正常既味道，不過不失。…Read More

同好耐冇見既舊同事搵左一個星期五晚見一見、聚一聚。哈哈，真係好難得KEEP到呀。廢話講完，入正題。我地返工既地方都差幾遠，所以就搵左個中間位約見面。所以尖沙咀就係我地既中間位。然後朋友就推介左呢間泰國餐廳，結果唔錯，比想像中好食。蜆肉鍋($96)呢個一定係個晚既重點，蜆夠曬肥美，而且肉質鮮甜，非常新鮮。另外不得不讚佢既湯，超酸的，因為我同舊同事都勁鍾意好酸好酸既東西，呢個簡直岩曬我地既口味，超級好飲，本人極力推介。同事仲話會再黎多次食既話都係因為呢個鍋。通菜($62) 不過不失，正正常常。不過火喉不太夠，唔夠入味。拼盤($185) 呢個係泰式拼盤，我地叫左一個大既，每樣有四件，岩岩好我地每人一人一件，有:蝦卷、蝦餅、泰式鳳爪等等。都唔錯，味道唔差既，算夠味。菠蘿炒飯($96) 呢個有三隻大蝦係上面，係我食過咁多菠蘿炒飯中比較有誠意既，雖然份量唔算多，不過味道還可以，畢竟呢味菜係泰國菜中必叫既一項。我地仲叫左一個冬陰功湯，不過就唔記得影相，抱歉。呢個湯都幾辣，因為佢都落左好多辣椒。所以食唔到辣既朋友就可以自行選擇叫唔叫。總括黎講，整體食物水平不俗。而且以地段黎講埋單每人$144唔算太貴，合理既價錢。不過招呼我地既待應係泰國人，可能就要用少少英文去溝通。…Read More

為左慶祝我生日 而且我鍾意食烤魚 所以朋友介紹左呢間野 我地星期五晚去到 都好多人 等左差唔多一個鍾終於有位入我地叫左海鱸魚 泡椒味 小辣 開始食時不算太辣 之後越食越出味 比較咸 唔算太辣 可能我地叫左小辣既關係($304)另外叫左炸牛仔骨($36) 燒得好好味 唔算太辣烤串燒 有豬頸肉($26) 鴨腎($22) 牛肉串($29) 做到好出色 非常濃味燒茄子($35) 好多蒜 所以食既時候好重蒜味 不太辣 味道岩岩好 燒土豆片($13) 燒豆皮($13)味道都好出色土豆片就比較辣 可能因為自己唔係好食到辣 豆皮就不過不失因為野食太辣同濃味 所以總要飲下野 自己叫左益力多沙冰($30) 酸酸地幾開胃 朋友就叫左百香果水果茶($39)超級大杯 而且又平 勁抵飲 因為佢冇得預先book位 所以想食既朋友仔又唔想等位既就早d去羅位啦 …Read More

為左補祝生日飯 朋友推薦呢間餐廳 西餐黎既 屯門黎講好少有咁高水平既西餐 生蠔 自己好鍾意食生蠔 因為覺得好新鮮好滑 呢到冇令我失望 入口即溶 新鮮到一個點之後就食頭盤 有芝士 三文魚等等 非常開胃 蝦子麵 呢到出名既食物之一 朋友覺得好好食 我覺得好夠味 牛肉 佢整到好嫩好容易入口 而且好入味 係我食咁多間牛之中最好食既一間豬扒 肉質厚身左少少 所以就比較難消化黑松露鮑魚 本身自己不太喜歡食黑松露 但因為佢比較多cream 中和左黑松露本身既味道 所以整體容易左入口甜品時間 蘋果批配雪糕 好好食 整體黎講 好好味 而且環境寧靜 適合知己情侶食 值得一試…Read More

自己好鍾意食壽司 所以成日去周圍發掘下邊到有壽司店食 點知朋友知道我鍾意食壽司所以星期六就去左食呢間野 元朗壽司店真係冇得輸 大件而且勁平 所以每晚都勁多人排隊 好彩個日我地六點就去到 所以唔洗等位就可以入去食了 我地五個人叫左好多野食 好似食緊放題咁 哈哈手卷系列:有八爪魚 螺肉 魷魚 海膽手卷 食材都非常新鮮 海膽好鮮味 另外朋友好想有fresh既感覺 所以叫左二人前芒果鮮蝦沙律 果然冇叫錯 酸酸甜甜 好開胃 係開飯前食一流魚生 新鮮到不得了 特別鍾意佢既三文魚 好滑 入口即溶 另外叫左一些壽司 超級大件 食一兩件已經覺得好飽 份量十足 性價比高鰻魚壽司 長長既鰻魚 絕對唔會有覺得唔抵食既感覺 而且新鮮 絕對要點明太子雞翼 朋友叫的 佢話有d辣辣地 食唔到辣既朋友仔可以考慮叫唔叫牛舌 好嫰多汁 好食炸物 炸薯仔 咸咸甜甜的 而且即叫即炸 絕不行貨 好似食了一個物超所值既放題 人均140元 食到飽飽的 加上又大件又新鮮 鍾意食壽司既你就唔好錯過啦 超級推介!!!!…Read More

係屋企附近開左一間甜品店 外表幾靚 加上屋企附近好少甜品店選擇 所以就去試下佢既甜品唔係一般既選擇 有好多我覺得幾特別既 好少地方有得食既 所以一試冇妨焦糖梳乎里($76) 幾梳乎 夠熱 即叫即整 好有誠意 另外配雪糕 我地簡左竹炭 好少地方有竹炭雪糕食 所以幾特別 要注意食完會令口部及牙齒染滿黑色 所以要小心呢一點另外叫左綠茶水信玄餅($32) 淡淡既綠茶味 唔會太濃味 配上紅豆 幾夾 幾好味我地叫左兩樣野食 當天有九折優惠 所以幾唔錯…Read More

同友人好想試下水果三文治 所以就上網search下邊到有得食 出左呢間店舖 所以同朋友就膽粗粗去試下 結果都幾唔錯兩個人叫左一個沙律 一個意粉同主角水果三文治 不過意粉唔知點解等左差唔多十五分鐘先上菜 就慢了點滑蛋沙律($82) 蛋果然非常的滑 有煙肉同幾款菜 感覺上營養好豐富 夏天食清淡些感覺唔錯煙肉蕃茄卡邦尼意粉($98) 雖然份量比較少 但因為味道較濃 而且芝士味好重 所以比較膩 不過整體係好食主角就係水果三文治 有驚喜 三文治夾住不同水果 好fresh 好好味 而且夾住的水果不會只得一款 包括有橙 士多啤利 奇異果 感覺又酸又甜 好正整體主菜感覺不過不失 水果三文治有驚喜 可一試 值得推介…Read More