apb7d2h9cmqb的個人專頁

如果唔係朋友住附近都唔會發掘到嘅餐廳🤣呢間係數碼港商場入面嘅一間日式料理餐廳，係呢一區嚟講都算幾平，晚市俾佢個蟹粥吸引咗，$108已經食到，點知坐低見到個懷石料理，我哋都無試過，最後嗌咗懷石料理，本身以為會唔夠飽，點知食到鯖魚已經好飽，特別出色嘅係鵝肝，佢唔會好似出面食開開個種又油又肥，係好爽好融唔膩，另外蜆肉松茸菰薈飯，佢哋係用石頭鍋去煲，staff一打開個蓋，即刻會聞到松茸嘅濃郁味，同埋飯粒吸收晒蜆肉嘅鮮味同松茸嘅精華，嗰時未等到啲飯結蕉已經食晒😂 另外蟹肉果凍幾特別，果凍裏面包住咗啲蟹肉，唔識形容嘅口感，但幾特別如果大家想舒舒服服食咁特別嘅晚餐，可以過嚟呢度試呢個懷石料理，因為佢擺盤，環境都幾舒服，仲要有Service，一碟碟等你慢慢食完先再上懷石料理*前菜 - 鵝肝脆方｜蟹肉果凍｜紫蘇魷魚｜清酒煮鮑魚*刺身 - 季節性刺身*酒菜 - 鯖魚｜厚燒玉子｜海老*煮物 - 生薑大蔥豚肉*主食 - 蜆肉松茸菰薈飯｜麵鼓湯*甜品 - 抹茶雪糕📍 奧壽司 (薄扶林)薄扶林數碼港100號數碼港商場3樓307號舖…查看更多

呢間餐廳真係驚艷到我，普通入去食個飯，估唔到係咁出色，尤其係個豆腐肉碎粉絲湯，又清又甜啲粉絲又爽，我同個friend喺火速飲晒，另外第二好食係香芒蝦仁炒飯，食落去唔會覺得唔夾，仲要啲芒果好新鮮，啲飯炒得夠鑊氣又粒粒分明，上面加咗啲肉鬆，一齊食會令到你覺得甜甜地，又有飯香，係絕對可以一個人食晒兩碟嘢😂本身以為燒雞係半隻完全上，原來佢好貼心咁斬好晒，佢有兩隻醬去點都幾特別，另外燒牛肉沙律，牛嘅份量比我想像中多同大件，不過有少少辣，鍾意食辣嘅朋友仔可以試吓👍🏻🥗燒牛肉沙律 $108🐣泰式燒雞（半隻） $108🍲豆腐肉碎粉絲湯 $78🍚香芒蝦仁炒飯 $128🍹Flow Fly $48🍹Thai Lemon Tea $48…查看更多

我見呢間都有好多分店，但未試過銅鑼灣呢間鋪，佢哋而家有個天天優惠，我星期一去可以$30食到大海蝦😋😋不過我覺得最驚艷到我嘅都係嗰個香濃芝士扇貝帶子，佢係好多芝士係面，甜甜地嘅汁，燒得剛剛好嘅帶子，十分推薦大家食呢個👍🏻👍🏻 我哋唔係叫咗特別多嘢食，價錢相宜，最緊要係可以慢慢一路食住嘢一路吹水香濃芝士扇貝帶子（2隻） $75大海蝦（2隻）優惠價 $30五花腩肉串（2串） $30阿拉伯羊肉串（串）$30雞軟骨（2串） $28脆香雞皮（2串） $26土豆片（串） $13豆ト（串） $15娃娃菜（串） $13…查看更多

而家想去返香港舊式扒房裝修嘅餐廳已經買少見少，所以今次見到呢間懷舊扒房，都決定要入去試吓！我哋叫咗個招牌英國威靈頓牛柳，出邊酥皮包到舊牛實一實，然後一刀切落去，酥皮鬆化脆卜卜，入面舊牛柳仲要係粉紅色！另外個英式雜扒，有羊架、豬扒、腸仔、煎蛋、薯條等等，正常大家可以一試反而最出色係個忌廉酥皮湯！我哋叫咗兩個湯：羅宋湯同忌廉酥皮湯。羅宋湯都係正常個啲野，但個酥皮忌廉湯簡直係一流！好耐都無飲過咁足料嘅酥皮湯，佢唔係一般嗰種硬掘掘嘅酥皮，而係好鬆軟，輕輕一篤就散開，浸落碗忌廉湯到，真係入口即溶！仲要個湯底好creamy，真係有好多蘑菇，爭啲想嗌多款，但好飽😂，所以黎到真係要飲👍🏻招牌英國威靈頓牛柳( 五成熟） $238羅宋湯英式雜扒 $196酥皮忌廉湯…查看更多

啲人成日都話德國啲豬手好好食，最近去完德國返嚟，覺得普普通通，所以想試吓香港嘅豬手其實係咪同德國差唔多，見呢間個豬手好似幾特別，仲要有四隻味（開心果蜜糖芥末、酸梅醬、避風塘、黑椒），所以就入咗去試豬手啲皮厚身又脆，我同個friend直程係用手食，酸梅醬嗰味甜甜地，反而似平時食糖醋排骨嘅感覺😂😂開心果嗰個幾特別，佢仲要加咗好多開生果喺上面，佢仲有配咗杯啤酒，幾好飲，易入口日本刺身帶子龍蝦汁燉飯，有2粒帶子，幾爽口，咬落去係一絲絲的，而個燉飯煮得軟硬適中，唔會太硬又唔會太爛👍🏻👍🏻白酒煮法國藍青口個汁好食，都唔會有太濃烈嘅酒味，剛剛好，一啖青口一啖汁配包，好食👍🏻👍🏻👍🏻四重風味德國豬手 $178日本刺身帶子龍蝦汁燉飯 $158白酒煮法國藍青口配（2塊法包） $124…查看更多

琴晚食完我都覺得要即刻開返個post！因為實在太抵了🤩🤩🤩佢宜家優惠期間 由9月8至9月17日（銅鑼灣Tower 535分店），所有放題買一送一，佢哋本身放題價錢已經好平，去到發現仲有買一送一優惠，最平簡直係$100都唔使就已經可以食到高質放題‼️‼️有12款湯底，椰子湯個個出奇地好有椰味，佢嘅配料，同埋嘢飲都好多選擇，我哋試左幾款，係香芋奶茶呢隻特別好飲，我哋瘋狂嗌咗好多杯香芋雪香奶茶😂😂完全同出面啲茶飲一樣，仲好香芋香味🫢炸物就好正常，可以唔洗留quote食，海鮮都很不錯🥰建議大家Book定位黎食，都幾full 🫕美國Prime Grade極上牛頸脊+海鮮夜市小食放題套餐 $313美國Prime grade極上牛頸脊西班牙伊比利亞黑毛豬Prime Grade牛肩胛肉西班牙無激素豬肉片虎蝦 鮑魚藍青口 墨魚仔麻辣凍豆腐（熟食）麻辣鴨血（熟食）鹽酥雞（熟食）…查看更多

真係唔誤打誤撞都唔會發現到呢一間Cafe，佢喺九龍城地鐵站B2出口行2分鐘左右，感覺佢哋每日都菜都好有心機整，因為就連佢哋個Expresso Tonic都同出面有啲唔同，係fruity d ，又好似有啲蘋果味嘅感覺，大家真心可以試吓👍🏻👍🏻另外佢個牛肉三文治，Menu上面括住五成熟，冇諗過真係咁啱啱好五成熟😂出邊一層薄薄脆邊，入面舊牛好嫩，其實淨係食呢個都好夠飽，唔好睇佢細細份另外三黃雞佢燒到好金黃又平均，本身夠千層薯望落去我以為係玉子，佢將個薯仔切一片片，又咬感得黎，甜甜地幾好食最估唔到係杯Mocha Latte😭😭嗚嗚，印左隻Labubu落去，超有心機呀😭😭順帶一提，佢哋平日lunch time menu 可以加多$35轉set😎烤三黃雞配千層薯 $170日式牛肉三文治（五成熟）配薯條 $150Expresso Tonic $50Mocha Latte $45…查看更多

永遠諗唔到尖沙咀有咩食都會行入厚福街，然後俾佢嘅自選四款魚生丼飯$69吸引咗入黎，不過最後嗌咗自選燒肉丼兩款😂佢價錢真係好貼地，可以用$100唔使嘅價錢已經食到燒肉或者魚生，我嗌左燒日本A5極級黑毛和牛（50g），同埋牛舌心（50g），而另一個fd除咗嗌咗黑毛和牛之外，仲嗌咗牛五花（50g），加埋杯嘢飲$300都唔使就已經食到燒肉🤭仲要佢杯梳打勁大杯，好似係平時出邊嘅Double份量😂兩個friend share飲都好夠🤣🤣…查看更多

終於可以試到成日有人打卡嘅火山排骨！本身想嗌埋個火山雞，但怕3個人實在嗌太多食唔晒🫢不過今餐真係好滿足！係食飽飽😆😆首先，我哋叫咗個 海鮮媽媽麵（冬陰功味）！見佢係推介菜，所以嗌咗一個嚟試吓，個湯底酸酸辣辣，啲海鮮都幾多，有蝦、魷魚、魚等等，好足料！ 之後，我哋叫咗個重點火山排骨！嘩！真係名副其實啲排骨堆到成座山咁高！ 好大份好足料！係四嚿大大個嘅排骨，食嘅時候要帶手套再拆開啲肉，點住佢下面嘅醬嚟食，特別好食😋我哋仲叫咗個泰式甜酸魚！呢條魚好有驚喜🤩佢炸得啱啱好，邊脆內淋，上面加咗啲甜酸汁，同埋菠蘿好開胃，好醒胃！原來甜甜地都幾好食👍🏻👍🏻👍🏻飛天芥蘭啲芥蘭炒得好爽脆，好夠鑊氣🔥！個調味啱啱好，唔會太鹹，好健康！🌿最後，我哋叫咗個泰式蛋包炒金邊粉，啲金邊粉炒得乾身，唔會好油膩，個蛋皮煎得金黃香脆，包住啲金邊粉，真係好好味！海鮮媽媽麵（冬陰功味） $178火山排骨 $228泰式甜酸魚 $188飛天芥蘭 $88泰式蛋包炒金邊粉 $118椰青 $52雲朵泰式奶茶 $46龍眼冰 $36…查看更多

嗚嗚，成日見到人推介已經想過嚟食好耐，係真係高質嫁😭😭首先兩個人過嚟食，嗌呢個二人套餐已經好夠飽，我真係好鍾意食牛小排，呢份係油脂分布均勻，好似大理石紋咁靚，燒左一陣入口即化，好正！另外全血和牛啲油花分布就更加細緻綿密，好似雪花咁，油脂甘香，完全唔會覺得油膩，最重要係有人幫手燒😂呢個先係重點，想講個吉列千層豬真係喜出望外，佢將啲肉搞到好碎，出面再炸到好鬆軟，有種食緊炸紫薯嘅質感，好好食！所以十分推介！仲要環境好舒服，希望佢多啲人幫襯🤪壽喜燒套· 人氣满满二人餐 $630✅澳洲和牛 牛小排 150g✅澳洲M9+ 全血和牛 100g ✅吉列千層豬 一份✅蔬菜拼盤 一份✅野飲 ml (自選）…查看更多

話說一上到去全部都係印度人，連廚房都係印度人，係正宗印度餐廳但竟然好少人幫襯！唔通只有同鄉先知🤔不過佢哋Drink Menu都幾特別，會有埋Cocktail, Mocktail，仲要幾抵飲，幾多選擇，可以揀Happy hour時間黎🥘HOUSE PANEER BUTTER MASALA $118呢個係好出色嘅汁！我見佢Menu話用番茄、洋蔥泥、格林馬沙拉、奶油和牛油煮成，再加芝士，估唔到係咁濃郁，我哋加埋牛油烤餅一齊食，十分好食👍🏻👍🏻👍🏻👍🏻十分建議🍚HYDERABADI LAMB BIRYANI $178我本身幾鐘意食羊肉炒飯，所以今日都嗌左碟🤪佢加左啲薑係面，加左啲香料，同埋有個蔬菜奶酪可以加落去，第一啖幾特別，但原來都幾辣，鐘意食辣嘅朋友可以嗌呢個！🫓BUTTER NAAN $38…查看更多

超級推介呢間喺尖沙咀近海旁嘅 Shisha Bar，除咗有得食Shisha之外，佢仲有印度餐，仲要好好食！我哋嗌咗個羊飯，同埋烤三文魚，再加佢哋推薦我哋食嘅雞，佢哋個羊飯冇平時食印度餐嘅油膩，羊肉口感做到啱啱好，粒粒分明得嚟，唔會濟同膩，另外佢嗰個烤三文魚真心好推介健康人士去食，外脆內軟同埋冇三文魚嘅腥味，唔點醬食都好入味，另外叫咗兩杯Cocktail，佢哋自家新調製，揀咗杯果味同埋甜少少，好易入口，平時唔飲酒嘅都可以試一試Wine ka Sharbaat $108Dark Spot $108Tagline Volcanic Chicken Tikka $188Awadhi Mutton Biryani $248Grilled Salmon $248📍Tagline (尖沙咀)尖沙咀麼地道68號帝國中心地下G02-G04, G18-G22號舖…查看更多

呢間Cafe好抵食呀！午餐、下午茶都好抵食，特別係黑芝麻提拉米蘇，同埋杯蜜桃乳酪，推介推介！另外欣賞佢哋嘅服務態度，平時個啲staff都唔會主動走埋黎幫手加杯水，但佢哋係同事與同事之間好似好friend，跟住聽得出佢哋同啲客都好熟，最重點係佢哋會成日留意吓我哋張枱有冇野要執，加水，幫手拎咁樣，好抵讚！🥗🥗Lunch Set🥗🥗1️⃣蜜桃香蕉乳酪沙律 $62是日餐湯脆炸魷魚鬚（Set） $28黑芝麻提拉米蘇 $482️⃣比目魚扒全日早餐 $983️⃣法式香草燒羊架 $149 是日餐湯法式焦糖燉蛋 $38蒜蓉/芝士焗生蠔（4隻） $68…查看更多

見佢呢間有很多分店，而且見佢哋啲套餐個價錢幾抵食，就同個fd去試下，估唔到份量都幾多，一卷紫菜包飯有10舊，粉絲好滿又大碟，炸雞雖然得半隻，但係都有9舊，仲要都唔係細舊，加上佢比左好多蜜糖，鍾意食炸雞嘅朋友真係可以過嚟，佢哋除咗呢個set之外，仲有部隊鍋石同埋泡菜，都係差唔多呢個價錢👭🏼👬🏼二人套餐 $228亞之媽炸雞半隻（牛油蜜糖）加左好多牛油蜜糖醬，甜甜哋，好香牛油味，好食👍🏻烤牛肉炒粉絲傳統雜錦紫菜包飯紫菜包飯有醃蘿蔔、青瓜、雞蛋、火腿等等，味道清新…查看更多

第一次打邊爐係用佛跳牆湯底，原來係咁好食！仲要佢啲料好新鮮好足料，入面有鮑魚、花膠、魚翅、冬菇等等，我見佢哋啲海鮮都係新鮮養住，要嘅時候先煮，真係性價比超高嘅海鮮火鍋，個煲攞上枱，入面啲鮑魚生猛得不得之了，staff好好，會提我地先飲個湯，食曬入面啲料先再打邊爐，2個女仔我諗淨係食一個足料佛跳牆都夠飽，因為嗌左2碟肉最後都食唔曬🤣如果以呢個價錢有咁多料，仲要係新鮮即叫即捉，確係推介👍🏻👍🏻👍🏻真•厚福足料佛跳牆 $298鎮店騸牯牛頸脊 $328西班牙黑毛豬肋條 $98竹蔗茅根 $18加多寶 $15…查看更多