TracyCheng114's Profile

先黎蒸點心過下口癮，一上雞煲，香到充滿期待，食落少少辛辣，不過真好味，老板娘話辣味有得調校，不過要食正宗重慶風味，點都要試少少辣。乾雞煲有專人睇火，差唔多就撈起啲雞，再放湯打邊爐。2小時有汽水啤酒任飲，上台嘅火煱夠晒料，不過都仲有得自助拎。冷氣供應，打邊爐都打得好舒服，而且老板娘同員工非常友善，幫埋手影相同傾計，值得一試。價錢相宜，另外亦有午市及晚市套餐供應，有茶飲有電視睇，方便一家大細，可以電視撈飯。哈哈哈~~…Read More

老牌屋邨內多一家大細嘅餐廳選擇，價錢亦比必勝客便宜，一早預計無人滿之患，但全店食客寥寥可數，依然堅持嗌咪要食客自取飲品，眼見鄰座單身客放低晒身上財物出去拎個飲品，實在有危機感。餐具自取本來非常平常，但樽鹽入滿晒，滿到根本倒唔出，要開蓋取走部分才有空間去灑。最反感是食客聽唔到個服務生講野，佢都唔行埋啲（間餐廳啲客1隻手數得晒）講，感覺唔好。食店內長期見唔到服務生，都寧願躲在廚房，食客求助都要走到柯打櫃臺，難怪鄰座喊“全自助”。…Read More