Heymrelvis's Profile

黎銅鑼灣食野選擇太多，有時反而因爲選擇困難症而無從入手。今日行經呢間專門做蘭州牛肉麵既小店，門面見到師傅隔著塊玻璃搓麵團，覺得幾新鮮，於是就入去試下。原味牛肉佢係牛𦟌黎，牛味好香，薄切得黎亦保持到牛肉質感。蘭州特色素涼麵因為係涼麵所以好岩夏天食，湯底帶少少濃稠口感，加埋西芹、芫荽、紅蘿蔔等素菜，夠晒豐富。麵底係即叫即打，所以每一條都好長，而且爽口彈牙，店員仲推介落埋佢地既秘製辣油一齊食，雖然d油望落紅卜卜，但原來唔辣，仲好有麻香味！紅燒蘭州牛肉麵因為都係手打關係，麵夠爽口，掛湯能力唔錯，牛肉粒配埋微辣湯底夠晒開胃。烤羊肉串非常惹味，食得出落左多款調味料，同一般街邊食到落重孜然粉既肉串有明顯分別。…Read More

閒日同朋友行經中環，有朋友話想食辣野，於是就黎左呢間食川麵既樓上鋪。一入去見到個場都幾大，裝修係有特色既，有d似而家上深圳食飯既特色餐廳。先唔講野食，我地一心想黎試網上好多人推薦既冰粉，同店員落單時佢話已經賣晒。我地報以一個可惜既苦笑，果位店員忽然一句：你望住我都冇用嫁！令人莫名奇妙。Anyway, 最後我地嗌左好似車仔麵咁既湯麵，眼前既係瘋狂肥腸麵，因為我中意食辣但又唔太食到好辣，諗住嗌BB辣，原來BB辣對我黎講都算幾辣！豬腸乾淨，麵質爽口，整體係唔差，但略嫌份量有點細。跟餐小食亦係一人份量，個人推介泡椒鳳爪，顧名思義係滲過山椒既鳳爪，果種辣係個口入面揮之不去，鐘意食辣既人唔好錯過。講句公度說話，呢度既野食係ok, 除左該名店員令人費解既態度，都值得一試既。…Read More

星期日行完屏山文物徑，見到附近屏欣苑有間幾得意又唔貴既餐廳，就諗住去食個便飯。因為屏欣苑係新落成既屋苑，入面好多設施都好新包括呢間餐廳。我地用餐時係晚餐時段，首先講下蕃茄忌廉大蝦意粉，蕃茄同忌廉都幾夾，蕃茄既酸甜令整碟菜式食落冇咁膩，不過粉好似淋左少少。大蝦好爽口，配埋洋蔥、磨菇等配料，都幾豐富。之後到呢個黑松露野菌意大利飯，黑松露味好香，飯亦夠淋又做到粒粒分明。日式叉燒豚骨湯拉麵，麵質夠爽，叉燒有4塊，當然呢個價錢唔可以同拉麵專門店比，所以以呢個價錢黎講係唔差。其實餐廳既食物性價比高，但質素唔會因此而將就，係值得推薦既。不過可能員工太忙，佢地未必成日聽到食客既呼喚。…Read More

觀塘工業區出名多好野食，今晚就睇中左呢間泰國餐廳。餐廳空間唔算大，但因為我地事前訂左位，所以黎到就有得坐。期間亦有唔少人黎walkin但都要等位。我地一班人叫左9個餸，overall份量都唔細，多人share就最好。首先講下前菜，大家可以睇到呢個蒜蓉包上面既蒜蓉絕對唔失禮，包底亦夠脆，好惹味！魚露蒜子炒椰菜，因為落左魚露，所以好惹味，椰菜炒到好爽脆，好快就清晒成碟。小食拼盤入面有蝦餅、春卷同雞棗，各有特色，但未稱得上好特別，多人分享可以嗌。鮮蝦炒金邊粉，金邊粉有咬口，蝦鮮新鮮，口感彈牙。泰式無骨滷水豬手，豬手非常入味，豬皮部分入口即溶，下面墊左芥蘭比大家清下味覺。脆脆雞翼帶微辣，肉汁仲keep到，要趁熱食！串燒只有豬同雞揀，但份量唔失禮，比一般食到既大舊。泰式燒豬頸肉，個人認為可以更juicy, 但配埋個辣辣地既醬汁食又幾特別。最後要講下呢個泰國街頭雪糕-椰子味，剩你睇賣相已經好吸引，上要仲有香港唔係成日食到既芭樂，不過因爲個殻好輕，食既時候要小心唔好成個飛走😂…Read More

放假成日黎銅鑼灣行街，周圍既野食都已經食到厭。偶爾見到網上有人推薦呢間專做日本炸串既餐廳，位於銅鑼灣Sogo附近，位置唔難搵，於是抱住好奇既心態一試😋甫踏入餐廳，就聽到一連串日本既greetings, 原來餐廳由侍應到廚師，差唔多全部都係日本人，而食客都講緊日文，唔講唔知仲以為自己去左日本。再講下食物，首先係呢個大陂傳統料理土手煮，就咁睇中文可能會一頭霧水😅原來佢係一個牛筋煮，牛筋煮到好稔，湯底好似係味噌，好岩撈飯。之後到呢個大阪代表美食章魚仙，一盤有六粒非常抵食，底部仲墊左大塊蝦餅，廚師好細心咁將蝦餅分左幾塊，以防因爲比醬汁整淋左而分唔開，讚👍🏼之後出場既係三文魚茶漬飯，三文魚碎配淡淡茶香，最岩係食炸串時比喉嚨清下味。一碗份量絕不失禮，岩晒食唔飽既大食朋友😂講左咁耐終於到主角炸串出場啦！呢度會將食客既炸串order逐開單整，所以炸串都係一次過上。我地二人嗌左幾款，總括黎講炸皮夠薄，仲keep到食物鮮味，配埋酸酸甜甜既醬汁，真係好開胃！以下係炸串既簡評：特選牛：夠juicy, 切成牛粒唔驚太韌蘆筍：食落索索聲，好清甜黑松露件魚蓉：口感特別，咬一啖黑松露味噗鼻而黎牡蠣豬肉卷：兩種食材都幾夾，蠔唔會有怪味日本雞蛋豬肉卷：朋友大力推薦，蛋仲係半流心狀態，總之就係好好食最後要講下呢個麒麟啤酒，佢有多種口味揀，我地揀左百香果味，原來d味係黎自上面有沙冰口感既泡，食住炸串飲，夠晒解膩！…Read More

平時行尖沙咀比較少行到漆咸道盡頭，但朋友推薦呢間越南餐廳，當然要特登黎試下。甫入座，店員已經好熱情咁簡介佢地既餐牌同埋推介是日美食，服務唔錯。望下餐牌，食物都幾多元化，但我地得兩個人所以嗌左兩個粉麵加一個小食，應該足夠吧。首先講下呢個鮮茄蟹肉湯檬，蕃茄湯底好清甜開胃，飲得出唔係茄膏入湯既質素，手拆蟹肉份量唔失禮，加埋大蝦、肉丸等等配菜，令成碗檬粉更加豐富。到呢一味大娘皇牌火車頭，湯底勝在夠清甜，食落唔會令人好口喝，一碗有晒牛片、肉丸、牛筋、牛柏葉等菜料，都幾飽肚！最後唔少得呢個是日推介既魚餅，佢本身自帶辣味，點番泰式辣醬可以用甜辣中和番估純辣味。魚餅魚味幾香，食得出唔係落左太多粉去整。…Read More

閒日經過呢間尖沙咀新開既水門雞飯，甫到已經見到門口大排長龍，等左大概差唔多15分鐘先有得食。因為本人比較中意食泰菜，而且見到餐廳既菜式平均都唔貴（最平$50可以食到一個雞飯），於是我地二人嗌左耐兩個雞飯，兩個餸同野飲😋首先講下呢個水門雞飯，以$50既價錢，佢既份量尚可，雞可以再滑d不過都符合預期，同埋個油飯個人認為係好夠味同有驚喜。順帶一提個隨飯附上既醬汁係微辣，可以再問佢另上甜鼓油。另外個湯係重胡椒味，我就幾鍾意，幾岩呢排涼涼地飲，但食唔到辣既就要留意下啦！接著係呢個脆炸蝦波，外層係麵包糠，入面係啖啖蝦肉，好有口感，炸粉唔會太多。到呢個泰式炒通菜，個人覺得幾符合港人口味，唔會太咸又有好香豆瓣醬味。泰式奶茶，係正宗泰國既甜，唔好甜既朋友都仲有其他選擇。總括而言，餐廳性價比高，食物質素符合預期，會再試😋😋…Read More

行經石門京瑞商場，朋友推薦呢間都頗為隱世既小店，於是就抱住一試無妨既心態入去。因為係閒日午飯時間，入面已經坐滿左人，要等一陣先有位。聽人講呢度既卡邦尼意粉好好食，好奇既我當然要試下！上碟見到既係有落忌廉炒既卡邦尼意粉，一聞落已經好香，食落味道幼滑香口，個汁亦做到好creamy, 食完個口都唔算膩。飲品方面點左一杯latte, 個人應為有少少淡，咖啡同奶味都唔係好濃。以小店黎講，個人認為佢係用心經營既，食物質素亦唔差，只係繁忙時間大家可能要忍耐一下，雖然我地都等左半個鐘先有得食，中間仲要漏單，不過見佢地人手不足都可以體諒既。…Read More

閒日夜左收工，唔係好有胃口，於是就揀左呢間係Vcity既特色茶記食野。餐廳既裝潢以懷舊香港情懷為主調，睇得出係幾有心思，再睇下餐牌，選擇都幾多，於是我點左兩個主食試下。首先講下呢個羅麥雞翼撈丁，即係瑞士雞翼撈出前一丁，雞翼好入味，撈麵亦食得出唔係剩係用番出前一丁既味粉，個醬底都唔錯。好多人話一間茶餐廳好唔好食最緊要係試佢既常餐，但因為呢度冇常餐嗌，於是我自己加左呢個羅記炒蛋，但個人認為份量偏細，味道亦冇乜大驚喜。因為一個人食關係，叫唔到好多，而且價錢唔算平（上面加埋都$8x)，建議大家去可以叫一d餐廳特色既菜式，如果叫番一般茶記都食到既野就好似唔太抵。…Read More

行過佐敦附近見肚餓，見到呢間麵皇主打手工麵就即管一試。見到呢度主打係牛，於是叫左一個牛展粗麵，本身想嗌清湯，但係鋪頭姐姐好熱情咁推介胡椒湯底，於是就轉左。上菜時，第一眼係覺得成個賣相一般，因為除左牛展、麵同芽菜就冇其他野，撈一撈先發現原來底下責左幾條生菜。先試一啖湯底，濃濃既胡椒味旋即填滿你每一個味蕾，少少辣得黎幾刺激，本身少食辣既我都接受到。至於麵質，佢既粗麵同我以往認知既粗麵有d唔同，起初以為係車仔麵檔比較扁身，可能因為手工製作，佢係一條粗左既管狀麵條，食落幾彈牙，可以一試。…Read More

石門不嬲都多隱世美食，今日朋友帶我黎呢間隱世工廈餐廳試下。餐廳裝潢以紅磚色調為主，空間寬敞，牆上有一個個電子menu寫滿唔同國家為主調既菜式，都幾多元化！今次我就揀左呢個日式咖哩流心芝士漢堡蛋包飯，再配佢既奶茶。首先講下個飯，佢蛋包飯既份量都唔少，配埋日式咖哩汁既甜辣係非常惹味！個流心漢堡一切開就有芝士流出黎，令到成個飯既口感更加豐富。可惜漢堡既份量有d細，建議可以整番大塊d! 奶茶係重奶味既配搭，屬意料之中。總括黎講，餐飲既選擇多，坐得舒服，CP值亦唔差，下次會再黎試下其他菜式。😋…Read More

出街食餐餐都大魚大肉，有時都想食清d。今日約左朋友黎K11食飯，見到牧羊少年有沙律揀就入左去。我地二人叫左兩個主食，首先講講呢個紅菜頭木瓜葡萄藜麥沙律，份量好豐富，藜麥排係中間好似飯咁，口感軟稔，配埋爽口既各款沙律菜、木瓜、葡萄、紅菜頭咁，有多重口感，醬汁係蛋黃醬，都唔錯。之後到呢個香草青醬雞肉蘆筍意大利粉，可能以前食開某間連鎖餐廳既青醬🤣呢度用既青醬會冇咁甜，羅勒既味道會出d，配菜有我最鍾意既蘆筍同松子，不過食到最尾好似有d油。…Read More

星期日同朋友行街行到悶，想早d食飯，經過呢間火鍋店就扮住試新野既心態入去。大概我地入場時間仲早，場內食客唔多。我地二人點左一個牛肉高高鍋，同埋兩杯特飲（指定有買一送一優惠）。首先講呢個高高鍋，賣相睇落好似好高咁，但撕開先發現原來個係外層牛肉，包住入面既野菜，有少少失望。不過個魚湯就好鮮甜，由頭食到尾都仲好夠味，唔會比牛肉味搶左。而份量黎講兩個人食唔係好夠，加埋個烏冬就差唔多。至於特飲，我地嗌左兩杯日式梳打，一杯巨峰提子，一杯洋梨，上碟時係兩個膠杯再用紙飲管奉上，佢地冇一般日式飲品咁甜，都幾清新。…Read More

放假同朋友去摩星嶺camping，入營前諗住去附近既士美菲路熟食中心祭下五臟廟，估唔到咁都會發現到隱世美食！熟食中心位於街市上層，佢同一般既熟食中心間隔無異，於是我地就揀左誠記。本身都鍾意食沙嗲牛肉公仔麵做早餐，一如既往嗌左一個開始新一日，點知一食真係不得了，絕對係我食過最好食既沙嗲牛麵！佢既沙嗲微辣得黎有層次，食到少少花生碎同好細粒既調味料，麵底亦夠彈牙，唔會overbooked，質素拋離一般茶記，隨行朋友都食到Lam lam脷另外食店既員工記性同心算都好好，因為佢地唔會出單，所以食完都係乖乖地去收銀埋單，佢地就會秒速同你講要幾多錢。…Read More

星期日行開銅鑼灣，唔想食到好飽，但又想飽餐一頓，通常我都會揀食麵。近年係香港食多左沾麵，主要係因為整體質素都比以前好左，唔會一味得個鹹字。今次黎到呢間人氣麵店，亦冇失望。因為係得獎食店，上網睇同聽人講佢好多時都會大排長龍，不過我地今日7點黎到就唔洗排，實在太lucky!第一次黎當然要試下佢出名既特製沾麵，佢整體份量一d都唔吝嗇，叉燒有三大塊，麵底唔洗加底都好大個！令人驚喜係，呢個麵既掛湯能力好強，每一啖都食到湯，至於湯就有好濃既木魚味，唔會只有鹹味，食完亦冇口喝。日式叉燒係半肥瘦，入口即溶，好滿足！…Read More