foodieintown's Profile

睇到網上報道話周記醬油開咗間分店喺紅磡，鍾意食燒賣嘅我，決定去試一試。去到嘅時候，見到大排長龍，一心嚟到，決定都係排隊。等咗15-20分鐘，嗌咗佢哋嘅魚肉燒賣同腸粉，咁樣就可以同一時間試到佢哋嘅燒賣同醬油質素。好失望。一啲魚肉味都冇，好似淨係食咗一對粉團，粉團裏面有好微細嘅蝦米味道。腸粉方面，係滑嘅，但係我深信其他小食店都有呢個質素。燒賣味道真係好差，其他店舖嘅燒賣好食過佢好多。真是一句講晒，好失望，試一次就夠啦。…Read More

The view, service, price and food are excellent. I reserved this place for celebrating my friend’s birthday. They arranged a very nice window seat for us. Rosy was the lovely lady to answer my enquiries when I called them for the celebration arrangement in advance. When we were seated, Rosy came to greet us and it’s truly impressed me. I feel so warm and welcoming by Rosy and other restaurant staff. I am so sorry to say it’s so rare to find this professional and warm service nowadays. When the dessert came, the birthday message is being written on the plate, the staff sang and offered to take pictures for us. They even gave us a printed & framed photo for my friend as birthday present. It’s such a lovely memories and thank you so much. Very good value dining place and highly recommended. …Read More

同家人一齊去呢間居酒屋食omagase 做冬，睇到menu 嘅時候，心諗佢哋嘅價錢比出面其他日本餐廳優惠咁多，會唔會質素同份量會差好遠呢？我仲睇定a la carte menu ，之後可能會加單。我嘅擔心絕對係多餘。食物嘅質素同份量真係超晒班，自問自己成日去唔同嘅日本餐廳食飯，高價嘅或者平民化嘅餐廳都經常探索，真係未試過有一間好似呢間咁令我同屋企人咁surprise 同震撼。環境乾淨舒服，好有親切嘅感覺。最後仲要飽得滯，食唔到海鮮粥，打包返屋企，全家飽到抱住個肚返屋企。多謝老闆的安排，令我一家過咗一個溫馨開心嘅冬至。…Read More

兩個人想食個簡簡單單嘅晚餐，又想食少少海鮮，因為有朋友介紹，所以去咗大馬路試一試。叫咗豉椒炒蟶子，粉絲蒸扇貝，同埋海鮮雜菜煲。蟶子鮮甜，一啲都唔鹹，同埋有好多隻，抵食！扇貝好新鮮，肉質彈牙，好好味！海鮮雜菜煲啲湯底好清甜，非常足料。開頭諗住唔肚餓，所以只係嗌咗三樣餸，食少少，估唔到三樣餸，已經令到我哋捧住個肚返度假屋。大馬路入邊嘅夥計，個個都好友善，招呼十足，老闆好好人，出嚟同我哋打招呼同傾偈。下次嚟南丫島，一定會再去幫襯！…Read More

一間真心充滿人情味嘅咖啡店，老闆係一個對咖啡豆充滿熱情同專業嘅人，我好幸運係我南丫島之旅，可以認識到咖啡店老闆，同埋品嘗到佢嘅虹吸同手沖咖啡嘅手勢。如果你對咖啡係好有熱誠，同埋真正認識咖啡嘅人，你會發覺咖啡譜裏面嘅咖啡真係好高質素。我兩日裏面，試過Burundi Kayanza 嘅虹吸咖啡同埋Kenya AAA 嘅手沖咖啡,兩者咖啡香氣撲鼻，入口嘅時候係好順滑同埋舒服嘅感覺。Burundi 嘅茶感好出，感覺好香醇。Kenya 嘅黑棗同烏梅味好出，果味香濃。咖啡譜絕對係一個寶藏，咖啡豆好高品質，所以我買左包咖啡豆返屋企。我真心欣賞同佩服老闆對咖啡嘅專業同熱誠，佢毫無吝嗇咁分享佢炒豆同沖咖啡嘅心得，我知道我好快又會返去南丫島再去品嚐咖啡譜嘅咖啡。…Read More

工作好忙，兩點先食 lunch。我哋兩個人去左上環食堂嘆羊腩煲。見到有個羊腩煲二人餐，即刻嗌咗，等香港天氣轉凍，都等咗好耐啦，終於可以食羊腩煲。餐廳所有嘅員工都非常親切，特別是友善親切嘅女服務員，全程都招呼周到，好耐都冇試過有咁親切同人情味嘅招待啦。羊腩煲二人餐，超值好味。味道非常傳統，真材實料。椒鹽魷魚熱辣辣，新鮮炸，香氣四溢。女服務員見到我哋開始食羊腩煲嘅時候，主動問我哋好唔好開大啲冷氣，等我哋唔使太熱，呢啲咁細心同關心嘅服務，而家可以去邊度搵？呢間上環食堂，充滿街坊嘅人情味，非常值得推介。…Read More

充滿期待嘅心情去試試佢哋嘅咖啡，睇吓係唔係好似飲食網站介紹佢哋咁講，話手沖咖啡係一個療癒，需要心機同耐性先可以沖到一杯好嘅咖啡。可惜，事實上，佢哋完全真係得個講字！一入到舖頭，想試試佢哋所謂出名嘅手沖咖啡，之後問男咖啡師有咩咖啡豆選擇，佢指一指身邊嗰幾個盒豆叫我自己睇！由此可見，佢同其他好有熱誠嘅咖啡師差天共地！你唔介紹唔緊要，咁我自己睇囉！之後嗌左杯手沖咖啡，佢沖完之後，見佢試飲咗一啖，之後佢就將個Server同一隻杯放喺個counter 上面，一句聲都唔出，好彩我一直有留意住佢嘅動作，否則都唔知道杯咖啡係唔係我嘅！攞到返埋位，聞一聞，完全亳冇香氣，可以話係冇味道，再試一啖，苦澀同唔應該有嘅壞酸味出晒嚟，好明顯杯咖啡係好有問題！最後我飲咗幾啖，已經覺得個胃好唔舒服，所以冇再飲落去！跟住我將隻杯同Server攞返去counter度，嗰咖啡師望到成杯咖啡冇乜點飲過，仍然一副愛理不理嘅態度！由此可見，睇得出佢哋完全係唔會重視咖啡同客人嘅感受！我深信做得一個咖啡師，你對咖啡嘅評價會有一定認識，你有試過，仍然堅持將呢啲咁差嘅咖啡比客飲，可以睇得出你到底有幾專業！唔好話療癒，簡直係摧毁客人嘅心情！…Read More