排骨飯's Profile

彤記雲吞牛腩麵：來回地獄又折返人間昌運中心後方面向大埔中心市區的士站，OK便利店後因為早前看過地區網台介紹，看似有點吸引，加上抱著支持地區小店的想法，今日中午親身去體驗。分享個人食後感，希望幫襯時識得選擇食物款式，不喜勿插：1️⃣雲吞湯底奉送韮黃而不是蔥，正宗廣東雲吞格局。以$ 39價錢嚟講，湯底不可以要求太高，雖然淡但合格2️⃣雲吞大小合適，唔會大過乒乓波（一般街坊店尺寸）或者细細粒（麥丕、正斗高檔路線）。 雲吞餡有蝦、豬肉、肥肉、大地魚粉），好食3️⃣麵條爽彈、冇梘水味，好食4️⃣南乳豬手，附有花生，味道似阿媽煮咁，入味唔會死鹹，而且豬手炆得剛剛好，不會太硬也不會一夾就爛，我會覺得好食過雲吞5️⃣五香牛腩麵，絕對中伏。🔹一上枱個樣以為係肉骨茶(馬來西亞嗰種)，飲湯分唔出咩味道。 🔹好出奇會有蘿蔔，不過因為湯底太深色，起初以為係牛薑，因為成個外貌黑晒。🔹牛腩更不濟，比車仔麵的碎腩也不如，有啲肥到似五花腩、另一啲全部係牛肉邊，同一樣唔夠火候炆，全部放棄 🔹（個人相信因為為成本理由，食材揀選最似牛腩嘅嘢，再加蘿蔔以為可以砌得好睇啲）6️⃣個人認為廣式雲吞麵應該配辣椒醬而非潮州辣椒油7️⃣筷子筒內有活生生小強 😨🔹醬料盛皿及筷子筒都有心思用上較好的物料，可是當拿出筷子🥢時，筷子中間黏附着一隻綠豆般大小的小強🪳，仲係生㗎！🔹即時通知唯一的女性店員，她好有禮貌地取走筷子．．不過沒有即時更換筷子筒。我亦抱著支持的心態，繼續在筷子筒上取筷子用（當然用紙巾猛摔）🔹奇怪地，當我食完俾錢，女店員仍沒有動靜去處理筷子筒。本著對接下來的顧客利益，我離開前開口叫佢要處理，至於事後有冇處理，就不得而知⋯⋯你問我會唔會再去，我會答有機會，不過會特別留意衞生同埋唔會叫肉骨茶牛腩囉…Read More

間中見到網友分享，今日例休日決定慕名探店，由新界東出車到九龍西。小店原來係利奧坊附近。因巿區重建帶動的士紳化，在大角嘴也非常明顯，榮記小食正處於舊樓群中，夾雜在車房、鐵器工程之間，與對面的高聳的玻璃幕牆屋苑形成強烈對比。小店據說已經經歷幾十年，由上一代創業夫婦，轉交下一代兒子及媳婦經營。男方主力水吧麵檔、女方協助煮食、樓面、外賣。兩個人都以turbo模式，團團轉咁應付客人。呢度大概可以容納十二、三人，但係無論堂食定外賣，全部食客都跟店長夫婦有傾有講，而店長也似乎知道佢哋會食乜，揚溢著小有的人情味。熱奶茶是受推介的其中一個，端上枱溫度及濃度絕不比其他名店失色，縱使見到呢度係採用雙囍淡奶沖茶。我先要了牛腩冬菇雙拼麵。麵係平價即食麵，不過我見幾位熟客都會轉出前一丁，而且仲會指明黑蒜油或者豬骨湯款式。牛腩係用上碎腩，下欄嘢不過炆得入味同軟淋，而且仲夾雜着牛筋。冬菇炆得軟淋滑溜，而且保留咗冬菇的香味。碗麵食到一半，忽然傳來「抄牌」的聲音，星期六上午都絕不鬆懈，唯有貢獻庫房啦！！事到如今，不如坐耐啲，叫咗煎鯪魚餅、炸雞翼。鯪魚餅香口有咬口，雞翼脆卜卜(不過空口食有點鹹)，而且由女方係後面廚房即製，熱㷫㷫上枱，非常好味。…Read More