*bear*'s Profile

晚上8點半到達, 等位都要等11張, 看著店內的人別得7788, 照等吧!一邊等一邊有疑問: 為何非卡位的4人檯只坐兩個人, 非不把檯開變成兩張2人檯呢??看見有最少4張都是可以分, 即有4張2人座spare, 店員都沒有這樣做, 叫等候的繼續等。最後我等左超過35分鐘先安排我入座 是日點了一個pasta (parma ham雞肉花邊粉)、總廚沙律、banana crumbleparma ham雞肉花邊粉花邊粉唔係咁多地方有供應, 呢種意粉的口感是一流, 因為一條意粉有 一邊是厚點, 花邊那邊是薄d, 一啖有兩種口感,而呢種粉同忌廉汁好配, 好掛汁的。至於pasta的材料, 我沒有什麼特別評價, 雞肉是粒狀, 有d pepper味, ham就有一般貨色, 味道似金華火腿多d~ <-- 是給花邊粉的 沙律點左總廚沙律價值$92,上菜後我真搞不清如何值$92???盛沙律的碟, 表面面積很大, 沙律卻只是平舖薄薄一層,蔬菜用上平價西生菜, 配幾束貴少少的沙律菜,汁用上日式芝麻醬,材料方面有火腿粒, 蕃茄仔, 幾片salami腸, 雞肉...這個真非常失望!食到尾聲叫左banana crumble (原名好長, forgot:-p)你只要想像把蘋果批的蘋果換上香蕉, 就是那個味道了!有d脆粒在面, 有球雲尼拿雪糕。焗得唔夠熱, 雪糕一球唔夠喉, 呢個都不錯的!overall, 我唔會再黎食, 一來服務上的愚蠢座位安排, 二來食物同價錢不成正比。…Read More

星期五晚上, 7時多到達無須等候便可入座一行五人老友相聚, 環境而言是個不錯的選擇第一次光顧, 我是衝著"抹茶"二字而來!晚餐有個優惠SET, 惠顧兩個主菜, 兩杯飲品, 兩款甜品, 價錢可減50元,於是我們叫了兩SET單叫一主菜+飲品今日我叫了Carbonara udon為主菜+紅豆白玉抹茶+抹茶巴菲先來主菜 - 一個Fusion菜式味道完全是西式, 但Carbonara還是跟意粉比較襯,再者, 呢度d烏冬口感似噹噹此類平民烏冬, 絕無手打的煙un,我一個女仔食唔曬成碗, 因為真係好"漏"... no more...巴菲, 好睇唔好食, 好多cream, 足足厚厚兩層, 雪糕唔夠滑, 味道又唔得,而且杯子的設計, 實在有礙我品嚐此款甜品...poor....而飲品so far係最好的, 但又唔係最好...因為又係好"漏"而白玉是好大粒成粒湯圓咁, 放在飲品有點怪怪,而紅豆是一個球狀的紅豆蓉, 又為何會放在飲品內?? 點飲?!我朋友飲類似的飲品卻沒有坎cream, 佢地都話好漏...overall, 呢間餐廳, 食物真有待改善!服務一樣, 有待改善!! 員工工作態度懶散, 不會主動, 禮貌一般!!請 貴公司積極正視食物品質及服務問題, 否則, 即使掛著"抹茶"的旗號, 留唔住客亦好快令你滅亡的!…Read More

最近上野推出左好幾款新包, 是次買左三款試一試!首先, 第一款係無影相, 買完即食的樹頭包!呢個樹頭包的外型同A-1 bakery的樹頭一模一樣,由於我係樹頭包的fans, 一見到上野有就不加思索買了。點知......此樹頭不同彼樹頭, 呢個包可以改名為"蜜糖法包"而法包的口感就很一般, 外皮不脆卻是un呢個包...係第一個令我比的包!!!第二個包就係下圖呢個, 面頭有辮子的檸檬芝士包 <--(真正名稱已忘了)呢個matching都幾少見, 食落幾fresh, 而且餡料絕不吝惜, 第一口已吃到餡!不錯的, 但沒有令我encore的意慾!第三個就係"童話"啦~ 即係藍莓芝士包呢個係店員們大力推介, 價錢唔平, 同"綠森林"差唔多大小卻索價$20包內有cream cheese, 但份量不如洛神包多, 只有少少, 唔係好夠喉!另有一些藍莓粒, 面頭有藍莓醬。而包肉其實唔係純白色, 係有少少紫...據我的整餅經驗, 我估計制作的過程係落左...有藍莓肉的"聖xx"牌子的果醬造的至於味道, 是可以的, 唔太甜卻有莓子香... 但我覺得唔值20元!事實上, 仲有好幾款新出的包未試, 下次再戰吧~…Read More

週末的下午4,5時, 是日衝著3D Latte Art而來。這個時間, 幾乎都滿座了, 幸而仿有些客人完結他們的休閒下午, 讓我找到個梳化位。同朋友除了咖啡外, 還有兩甜點一沙律, 包括︰拿破侖榛子蛋糕這個是非一般的拿破侖, 酥皮, 都沒有了。這拿破侖由果仁碎, 蛋糕, 朱古力軟心, mosses cream...組成, 層次分明。一入口就是濃濃的果仁香, 甚是滿足。Tiramisu看著樣子是頗吸引的, 比平常有較濃的酒香, 口感亦較濕潤, 而且軟軟的吃出是沒有魚膠粉的凝固品。說真的, 兩款甜品都比一般的甜, 但是可接受範圍, 還是能吸引我再試其他款式沙律點了煙肉薯仔沙律配柚子汁,新鮮開胃, 菜都是mixed那種, 仲有rocket呢~ LIKE!飲品方面: 點了兩杯Hot mocha硬著頭皮地向店員要求3D 貓拉花.....嗚... 被拒絕了店員解說由於order比較多, 都不能花太多時間拉3D花了那退而求其次, 要求拉個熊仔好嗎?!慶幸店員答允...奉上...雖然只是2D平面, 但可愛的熊足以令我開心了整天咖啡味道嗎? 咖啡味太濃, not my cup of coffee...下回會點半shot expresso好了下次還是找個好時間再來, 尋找3D拉花....這裡環境舒適, 空間大, 檯與檯之間有距離, 雖說不上十分寧靜,但已是一個與友談天的好地方了!…Read More

又來到太子附近, 同樣不自覺地走到這裡 (即使不順路)今次買左4個包, 1) 蕃茄吐司 (已評論過) 2)洛神花包 (好多人評過, 不評了) 3)養生歐克 4)綠森林 (定綠精靈?)養生歐克 ($15)第一次試呢個包, 之前好多次唔試, 係因為佢個外表吸引唔到我去夾佢,但見網上又有唔少人講, 店員又落力推介, 就即管一試,真係包不可貌相, 呢個包表面白雪雪, 睇落好似無咩味,原來個包係好香, 係奶味? 仲要材料充足, 每啖都食到料 (nuts, 芝麻, 杞子...)真好味, 又鬆軟, 食一個好飽足!綠森林包細細, 餡多多。呢個包係綠茶包做皮, 裡面有豐富的紅豆及糯米磁好有口感, 面頭的芝麻豐富左個包既味道幾乎每啖都食到餡~ 又唔會話好甜~ps: 似乎排隊人潮已過~ 好彩唔駛排隊~呵呵…Read More

訂左位的緣故, 無需等候便可入座。預約的時間是6:30pm, 訂座時講到明8點還檯。6半到達, 準時入座。這裡的員工一如以往的殷勤, 介紹自己後又介紹一下食物推介。朋友有vip的關係, 除了餐牌上的都有半價, 亦有本期優惠: 煙肉芝士薯條 (vip價$22)於是點了一客, 再加牛扒拼盤 (vip價 $168) 及chicken salad3人食剛好~食物很快上檯: 煙肉芝士薯條份量約2-3人吧, 薯條偏"淋", 味道ok, 如果是正價一定不會叫!牛扒拼盤在蝦同帶子中選了前者蝦用調味炒香, 但意料之內是沒有鮮味, 一定是雪藏蝦牛扒叫7成~ 火喉剛好~ 不會"un", 有牛味但不濃而side-dish是焗薯配煙肉芝士及sour cream~ 不錯! chicken salad沒有影相了, 汁是自動分開上的, 該是白汁印象中原價是$158左右, 老實說, 份量很少, 沙律都ok新鮮, 雞是無皮雞肉, 幾好食但真係唔抵食, 如想食多d菜, 還是建議+$88食任食沙律吧好了食到大約7:45pm, 侍應提我們交檯時間及問要不要甜品!而清曬桌上食物,侍應亦自動波收拾,8時正我們準時離場!其實同朋友食飯, 都是想開開心心談天說地, 收到時間的規限, 好不暢快。所以, 這不是一個與有聚會的好地方呢~…Read More

晚飯時間, 在朗豪坊尋尋覓覓, 見呢間人唔多, 唔駛點等位, 於是決定食呢間!拿飛後幾分鐘就可以入去!餐廳的環境不錯, 位置尚算闊落, 燈光同音樂都好relax, 係朋友相聚的好地方!與一名友人點了二人套餐 - 兩主菜, 一沙律, 兩蔬果汁or湯是日點了溫泉蛋煙肉忌廉汁意粉 & 照燒野菌雞肉意粉 + 是日餐湯: 椰菜薯仔忌廉湯先上桌的是田園沙律, 配的是芝麻醬。根據餐牌所建議, 可以加$5/ $8配d toppings, 如雞肉, 三文魚, 南瓜, 櫻花蝦etc...因此沙律係expectedly的清淡, 只有羅馬生菜同車厘茄, 仲要唔係好新鮮...之後上兩個湯, 一飲... 麵粉味好重...好似飲緊麵粉漿...實在未飲過咁味道既湯, 飲左幾啖飲唔落主菜陸續上場, 先來照燒野菌雞肉意粉是個炒意粉, 味道有d茶餐廳的乾炒牛河feel,配料頗多, 味道ok啦~意粉口感尚算煙un之後溫泉蛋煙肉忌廉汁意粉吃前用撈一撈面頭隻蛋...但發現....汁很少, 乾爭爭的, 一吃, 也是很乾...而且好漏,最後食左半碟, 放棄了...無幾耐, 隔離檯的人也點了這溫泉蛋煙肉忌廉汁意粉,但我見到人地o個碟係比較多汁的... 失望的...是廚師的不專業, 製作不認真和不標準...呢個二人餐實在唔建議點... 我選了湯而沒有叫的蔬果汁,是因為我見跟呢個餐的蔬果汁是細杯, 多冰, 被溝稀得顏色清澈,反次見到有呢客點的原價版的蔬果汁, 是大杯, 顏色亦明顯沒那麼稀...這是什麼道理??????? 為何餐的食物質素要較差??????以後來朗豪坊, 都不再來這間了!ps: 聽到有人問, 原來帶蛋糕黎切, 要比$100大元切餅費....你是什麼大餐廳嗎??? sazuki…Read More

因它的名氣，今日過開中環就黎拜訪一下。叫左招牌老金煎餅加肉鬆，另一客烤鴨煎餅。即叫即造的煎餅5分鐘就上，快！餡料方面，店員都毫不吝嗇的落左很多！老金煎餅是素食的，店員會問你要不要辣。辣的會下豆瓣醬。此款味道香濃，肉鬆加強整體口感。烤鴨的則啖啖肉，實則有點吃北京填鴨feel, 嗜肉者不要錯過。煎餅由$30-38不等，份量大，一般女仔食半個飽曬！對我這種吃得清淡的人，這個有點heavy了，哈哈！但我很欣賞老闆的毅力，把喜愛的煎餅從北京帶來~…Read More

屯門長大的街坊們都知道小巴黎屹立這區都超過廿年了...在過去, 我見證著小巴黎3次搬遷, 今次移到華都, 今日我就來回味一番。今日和家人共四人, 叫了以下食物:【香茅豬扒飯】每次都叫的食物, 今日卻是跟從前的兩回事首先豬扒, 味道沒從前的香; 飯, 都很乾很硬; 蔥油, 就是蔥+油單純混合, 似是沒有抄香過, 完全吃不出那風味!【烤牛肉凍檬】亦是我每次必食, 今日味道呢?汁已沒有從前的好味, 不夠酸, 單單這失敗的汁, 已叫凍檬沒了靈魂烤牛, 好多根, '趙'唔爛, 牛的口感好差; 至於粉, 好淋呢...呢一碗粉, 質素足以令我無encore【沙嗲串燒】半打選了雞豬各3跟從前一樣, 串燒是炸的...好油... 要吃燒出來的串燒, 今時今日可不容易!又是汁累事, 沙嗲又是缺了應有的香...唉【蝦扎肉春卷】這不伯炸的, 是薄皮包著凍食那種,餡有蝦, 扎肉, 菜, 檬粉! 只能說, 蝦不鮮味爽口! 基本上, 沒什麼味道, 有d乾。【牛肉炒檬】這個第一次食, 是不過不失!【粉卷】這個是唯一沒有退步的食物, 粉皮薄, 餡份量適中又惹味!環境方面, 新舖一如小巴黎部局以小擠迫的作風, 有梳化的位會比較好點。位置方面, 對住屯門的人都不算難找, 就是一過華都商場左邊樓梯, 落地下轉右再轉右。(學校對面)服務方面, 員工都是那班舊阿姐, 效率很高。總結, 今次之後, 唔知下次我幾時想再來了。…Read More

下午茶時間, 好想食炒雪糕, 於是選擇左holly brown~炒雪糕選了vanilla WOW! 呢個mix & match估佢唔到又幾夾wo~有雲尼拿雪糕, 香蕉同杏仁, 好味~ 個脆杯都正~但唔知點解d雪糕剛炒起都係溶溶地~~ 我個人唔鍾意溶的雪糕,holly brown係味應該要調低炒雪糕板的溫度??除左必食既炒雪糕, 另外點左個窩夫 - 冰荷世紀, 點窩夫的原因係... 因為一入到間店就聞到好香好香的蛋香味~~以為係窩夫發出的...點知....無諗過塊窩夫一d蛋香都無, 可以話無味 (<--唔加配料食入口)而且口感唔係鬆軟, 卻是稍為煙un... 真係第一次食到咁既口感的窩夫...食左一啖窩夫, 我之後淨食雪糕...放棄左個窩夫lu~老實說得半塊窩夫(兩份1/4塊)+1個雪糕球+1 pat cream, 要成$56已經有d貴,仲要係唔好食既~ no more...另外, 由於我坐近雪糕櫃, 看到職員工作,他們都沒有戴手套就直接處理雪糕,我見到個staff refill雪糕, 其間佢隻手掂到d雪糕 (見到佢手背有雪糕)講真, 雪糕唔駛煮就食落肚, 衛生標準應該比一般更高吧...強烈建議: 職員處理雪糕, 唔該戴番手套啦~~…Read More

晚上10時多, 晚飯後想找個地方relax一下~ 唔想去pub, 又想食個甜品, 行下行下就黎到呢度...咁夜上到去, 人不多! 被安排坐在最角落的位置, 飽覽維港夜景! 真的relax了!!餐牌送來, 甜品選擇只有5款, 仔細參詳...沒有一款吸引我...最後朋友點了一款 nuts 的甜品, 叫了一壺叫「心心相印」的茶, 侍應說是花茶, for 2人用! nuts甜品裝飾很用心精美, 長形碟兩旁放了用caramel煮過的nuts 同 apricot, 中間是一個"心太軟樣子"的蛋糕nuts 很甜香, 但那蛋糕令我徹底失望, 它只是個乾爭爭口感的muffin, 太甜漏, 吃一口我就停手了! 「心心相印」花茶所謂的花茶, 就是慮心放了茶葉外, 有一顆頗大的粉紅色花蕾,美是很美, 喝下的就是普通香片茶...真的呆了 是次惠顧, 最值得的是維港美景和寧靜一刻其餘的...忘記吧...…Read More

晚上8時, 走進initial享受晚飯! 我這個walk in客幸運地被安排坐了有個「reserved」牌子的位子...此時才知道...ah...要訂位架???坐下不久, 侍應馬上奉上menu同水~由於是日不太想吃飯麵這些正食, 打算叫多點小食同朋友兩人share~食物約8分鐘後一一上場... 牧場魚乾小屋薯蓉根據manu, 這個材料有南瓜蓉、薯蓉、蛋白、魚乾估佢唔到~ 混埋一齊食又幾夾味wo! 而且真係好健康呢~ 女士大愛~ 紫蘇葉芝士焗法國小號菇呢個係有4件, 兩件蕃茄 + 兩件菇 上面有d cheese,有d普通, 唔會encore lu~ 馬蘇里拉芝士忌廉火腿多士大家都熟悉的initial「招牌菜」外脆內軟, 除了cheese, 還有cream~~ 好滿足!!題外話: 如果大家喜愛呢款toast, 我強烈推介delifrance的~ 更creamy哦! 豬肶 (配南瓜蓉和芥末子忌廉汁)哈~佢個靚名我唔記得左tim~ 但呢個主菜真係好得, d 肉真係非常之juicy, 一d都唔"鞋", 好嫩呢!雖然佢d汁好味, 但唔駛點汁更能突出香濃肉味, 一向唔係食肉獸的我都好滿意!而且d 配菜都好出色, 有酸酸地既沙津, 個南瓜蓉入面更有青瓜片, 呢個配搭非常新鮮~ 好清新呢!兩個人叫左以上食物total 33x有咁既質素唔算貴~~真係對Initial另眼相看呀~~…Read More

睇過雜誌介紹就想試, 今日終於試左.... 結果... 也許是我期望太高?!我order左一杯宇治金時 froyo (類似咁既名) , 朋友order有粟米片底既新地雪糕~先請我o個杯~ froyo有少少太甜, 蓋了乳酸味~ 紅豆大粒是抵讚的~ 仲有d丸子, 煙煙un un都幾好, 不過數量多到食到最後真係唔想食, 仲要食到底時,有d丸子好似未煮熟咁~oh my god... 此外, 又係食到底先發現....點解d froyo係冰粒狀既???唉~~ disappointed...講o下我朋友杯新地~ 係牛奶味雪糕...但係怪怪的牛奶味, 唔係維記奶, 唔係360奶...咩野奶呢??? 而佢杯新地係配粟米片, 但係粟米片又係數量多到.... 你最後唔會食得曬...的確, 兩杯甜品上檯時我真係好開心, 因為個賣相真係好好~~ 但... 食過之後... 加上擠迫的座位, 坐都坐得唔舒服.... 真係一去無回頭lu~~~…Read More

見是看了openrice的好評如潮, 剛好來到海港城, 就黎左呢度!沒有訂檯的情況下, 星期日7:00入座即刻有位唔駛等~入座即有人給餐牌和水, 服務頗為親切兩個人share食叫左兩個main coursecabonara: 好多人都推介呢個~ 愛creamy pasta的我不能錯過一上檯我就先將隻半生熟蛋整穿, 等d蛋黃融入個sauce成個pasta真係好rich~ 有煙肉和洋蔥,真係好味, 但兩個人食一個, 真係有d heavy到食唔曬~黑豚肉配炒薯(類似呢個名): 睇menu個賣相好好~黎到個樣同menu都你一樣主角- 黑豚, 是女仔手掌咁大的豬扒, 都有d厚, 食落真有驚喜, 肉質好嫩, 夠juicy, 肉味濃又唔'蘇', 真心推介。唯一係細塊左d啦~而d薯是薯粒, 配埋d白汁食幾好, 份量都多, 但個人認為如果係薯片應該會更好食, 因為粒有d爽口, 而我鍾意食'粉'一點的口感的~by the way, 一定會再黎試其他野~~~ps: 只有匯豐和渣打credit card有9折…Read More

今次是第一次來, 亦會是最後一次。tea time時間, 又一城內間間cafe都好多人, 見呢間唔駛排隊, 就揀左呢間。但原來唔駛排隊是有原因的。兩個人每人一杯coffee~ latte & mocha~latte係我的朋友的~佢話ok, 正常一杯latte~而我杯mocha呢...唔可以話難飲, 只係咖啡味不太夠, 似杯hot chocolate吧~最不快是...mocha已經唔係大杯架啦~ 但佢層泡有1.5-2cm厚, 而且打得一d都唔細滑~一入口就是bubble~另外叫左一件cake~~ $40一件, 點知味道同價錢完全是反比我要左件cookie banana cheesecake....一黎到已經失望~ 海綿蛋糕有兩層, 佔整個cake的高度差不多3分之2...而mosses的部分~魚膠粉多了, 口感好差, 一d都唔smooth~比較mc cafe~ coffee & cake都比這類好, 價錢還要更平啦~~no more.... …Read More