豪餅's Profile

碰巧在網頁看到快閃優惠半價自助晚餐，立即預訂一家幾口試試。起初沒抱期望，但食完就覺得5百不到的價錢能有這樣的質素實是喜出望外。食物質素出乎意料的好。主打的即烚波士頓龍蝦鮮味無比，比起一般酒店的凍龍蝦簡直超幾班。甚至比中式酒樓更好吃。因為酒樓的煮法通常是上湯或芝士，雖好吃，但都掩蓋了龍蝦本身的鮮味。這裏卻能吃出食材本身的味道，肉質爽滑彈牙鮮甜味美。而且是任食！雖然早段時間要排隊，但後期到8點幾9點已經不用排了。真的是源源不絕供應，絕無欺場！燒龍蝦都美味，只是燒的方法令肉質比較乾身，但勝在夠香口惹味。另一亮點是鐵板和牛粒，一大盤煎完又煎，肉質又香又淋。刺身有大隻蝦，帶子，三文，油金，八爪魚，希靈魚，非常新鮮肉厚。蟹腳，蝦，螺，青口正常發揮。熱食不算太多款式，燒味粉面蒸魚燉湯豬腳薑咖啡意粉燒烤燒車，基本的都有，其實夠吃有餘了。甜品選擇豐富，tiramisu, Mose, jelly, 蛋糕cheesecake, 芒果糯米飯，拿破崙，waffle，haggen Daz 6款，豆腐花，面包布甸，芝士，樣樣都好味。工作人員也很有禮貌，招呼周到，加分！總括是一次非常愉快的用餐經歷，值得推介！本人是真金白銀在酒店網頁購買半價優惠的，並不是試食活動!…Read More

海鮮煎餅香脆，粉料比例恰到好處。牛肋骨味道濃厚偏甜量多，肉質軟嫩。炸醬麵醬汁香濃有肉味帶微辣，層次豐富，不會像坊間的死咸只得甜豉油味。大醬湯惹味好送飯。環境乾淨企理。值得推薦。…Read More

淡淡的朱古力味蛋糕，質感鬆軟，不會太甜。忌廉香滑，甜而不膩。食到鹽味但原來這咸味跟忌廉和朱古力十分匹配，極之對味! 非常好吃!切蛋糕時要小心，因為入面的流心非常澎湃，好不容易才把蛋糕切好。有點狼狽。雖然蛋糕外表平平無奇，也沒有很漂亮吸引的裝飾，所以才沒有想過味道會是怎麼特別。但吃過之後就發現有驚喜!這蛋糕是必食推介! 必定會再吃! 比市面某些有名氣品牌的蛋糕更好吃! 希望店方好好宣傳，讓更多人可品嚐這美味蛋糕! …Read More

星期六去，由於太遲book位，淨番d bar位坐。d位唔係幾舒服囉。果晚真係full 晒。先講裝修，比預期差。舊，光線又暗，應該要番新。淸潔程度都ok。食物，真係好新鮮，尤其d刺身，赤貝帶子簡直超正。平時去壽司店食都係薄薄一片，冇乜味，什至好難先咬得開，但係佢赤貝就唔同，肥大肉厚，好爽脆新鮮。真係一試難忘。帶子好有質感，並唔係平時d一般貨色，淋bat bat。送鮑魚都唔錯，但唔好揀大蝦囉，完全冇鮮味。天婦羅又係好好味，d蝦好彈牙，不過唔夠鮮味。鐵板大蝦都係一様。鵝肝唔夠香，沒冇入口即溶效果，不過由於係任食，仲想點！海、銀雪魚、串燒好好味。軟殼蟹不過不失。我諗星期一至四去會更多選擇。一定會再去！…Read More

我星期六下午兩點幾去到，都要排隊，但好快就有位。淸湯腩做得唔错。佢d牛腩真係好林，同坊間食到果d好唔同，平時食到好大陣花椒八角味，但佢湯就比較淸，但有d"油"。味道不俗，但又未至於有d人講到咁好食，但又唔會係柴皮咁差。之不過有一個令我不滿地方就係佢d河粉、湯、牛腩都唔夠熱，只係暖咋，碗粉唔熱，又細碗，其實真係要扣好多分囉。當日所見，d伙計都好有禮貌喎，先生前先生後，又講唔好意思又盛，另我有點意料不到。…Read More

果日行街行到好累，諗住落去basement坐低食番個熱狗啦，叫左個下午茶餐$18(凍飲另加2元，就算飲汽水都要加2元喎)，真笨！咪又係外賣果d熱狗！一模一様呀，陰公，外賣都係5.5咋，雙腸都係7.5咋！早知坐低食要貴得咁冇道理，我就唔落去食啦！…Read More

見有人咁大力推介牛肉餅，諗住試下啦。um....味道都ok，但唔係話特別好食囉！係勝在夠新鮮熱辣多汁。d牛肉肉味唔夠，我淨係食到好大陣豉油味，且較為油。再點左個羊肉春卷，呢個真係差到不得了，好咸。d羊肉一d羊味都冇，而且羊肉少得可憐，一味多菜，我以為食緊齋春卷添。個咖喱牛腩就更加令我火滾。咖喱唔夠濃唔夠香唔夠熱，淨係得個辣字。d飯散修修，唔熱！牛腩好似煲湯渣咁，並唔係d咩靚腩肉！仲有碗唔知咩醬牛肉麵，d麵淋bat bat，個湯底簡直係難飲。係d牛較為好d。總之真係冇下次。…Read More

尋日去試，book唔到海景房但坐common area都係對住個維港，景觀真係唔錯！講番d野食，我地兩個人點左唔係好多野食，因為book太早，唔太肚餓。點左：日式薯餅-d 汁好咸，一d薯味都冇，唔太好食。雞柳明太子串燒-係胸肉，好鞋但好有雞味，明太子好咸，下次唔唔會再叫。焗蟹肉飯-d汁太多飯太少，好"漏"，我唔鍾意。京蔥牛俐-好好味！好香，必食推介。燒鯖魚-好肥美好香，有魚味。埋單$210,唔算貴，可以一試！雖然比和民貴dd，但portion比和民大一點，但menu的食物選擇太少。…Read More

真係冇介紹錯！d野食好地道，好靚。燒牛肉夠肉汁，鬆軟，一個字正！個石頭窩飯都唔錯。我地兩個女仔去，叫左一個石頭窩飯，一客燒牛肉(跟一飯一湯一甜品及水果)，但個侍應好好，送多份湯同埋甜品水果俾我地。雖然唔係咩值錢野，但好多餐廳都唔會咁做囉。環境乾淨夠闊落，我見有好多韓國人客人添。雖然係貴左d(每人110)，但點都好過食任食囉。…Read More

美式餐廳來講，佢算唔錯！個炸芝士薯條真係好正，必食！牛扒餐好抵食。百零蚊已包扒、湯or salad、麵包(黑色的好好味！)、焗薯。但個朱古力蛋糕就太甜！咁樣叫法都係$240兩個人。差d食唔晒。…Read More