DoraLeung5500的個人專頁

好難食 如果你鍾意食有苦味嘅麵就去啦。蠔油蝦子麵，蝦子不多不緊要，麵是苦的，鹼水過多食落口好鞋好苦，只食了半碟，都吐出來了，十分之差，同侍應講個面係苦嘅，佢收走左完全冇回應。雲吞係正常，雲吞的湯重味精。個麵有苦味不能接受，永遠都唔會再去，我寧願買壽x牌…查看更多

去附近做嘢，見到呢間餐廳近近地，評分好似有啲差，不過都試吓喇😆叫咗個紅燒牛肉新竹米粉，加一碟茄子，再外買咗個炸雞扒滷肉飯同冬瓜茶走，唔使等好耐好快就有，食落係正正常常，牛肉好林，得兩舊，第三舊係牛腱，反而新竹米粉唔係好滑個種，個湯都好飲，其實整體係OK👍🏻男友個雞扒飯正常嘢，呢個價錢其實真係唔錯，茄子都好味，佢應該走過油，再加啲蒜蓉20幾蚊其實好好，唔明點解評分咁差，所以想幫佢平反下😂另外鋪頭姨姨好親切，同客人有傾有講，服務都好好，好有笑容同好有禮貌👍🏻讚…查看更多

今日叫咗一杯水果茶，茶飲是OK的，有茶香有果味，雖然唔明點解走甜依然咁甜⋯欣賞他們有請外籍小妹妹，廣東話好好👍🏻佢全程好勤力係咁做冇停手反而短頭髮女仔全程黑面唔知做乜，個個去買嘢飲都係客人同佢講唔該，全程零交流，佢個樣好似人哋得罪佢咁😥雖然買杯野飲幾十蚊唔係要咩服務，你回講句OK, 講句多謝都好啊，全程唔黑面個個客都好態度過你就唔係咁好囉， 希望佢只係咁啱唔開心會有改善⋯另外杯茶可能係我miss 左聽唔到佢嗌飛，佢又收埋咗擺喺枱底，搞到等咗勁耐，要問佢先拎出嚟唔知做乜🤷🏻‍♀️…查看更多

今日去買茶，我Number係153 ，螢幕顯示只有152，154，155。於是我就問店員係咪未有153，佢態度好差，話已經過晒啦，我話顯示器冇出現，佢就唔出聲完全無視我，根本係佢自己冇撳到，我同佢講嘢佢都唔理我繼續沖茶，你講句唔好意思都好呀，當你無到，完全不尊重客人。飲埋杯茶，鐵觀音鮮奶茶實在好難飲我先至寫呢個食評，杯茶有好淡嘅茶味，奶味好淡唔香，雖然我冇加糖，起碼都要有個茶味呀，佢個茶味係似我自己用茶包沖咗三四次出嚟嘅茶味，真係好差好差⋯以後都唔會幫襯…查看更多

經過見到蛋糕好靚好吸引揀咗opera, 蘋果杏仁撻因為兩個都有玫瑰花，覺得好靚見佢整得好精緻都好期待但係結果好失望因為杏仁撻個底係林嘅，完全唔脆味道OK同埋有用雲呢拿籽，蘋果都香但係撻皮淋$70 呢個價錢完全唔expect⋯另外Opera 應該係好creamy 的但見圖係硬同乾裂到分層😰係咪放左雪櫃好耐😓味道係ok的但口感真係好差⋯兩朵花都係硬同唔甜的朱古力 第一次有蛋糕係食唔晒放棄 中伏一次就夠⋯中伏一次就夠⋯中伏一次就夠⋯…查看更多

之前串里有食過，已經覺得串燒好正，而家轉左日式，以前啲串燒仲有得食，我最鍾意食個豬腩肉紫蘇卷仲有👍🏻👍🏻佢啲刺身唔錯，好新鮮，生蠔同蝦都好大隻，只係$12同$15一隻，超抵我哋食咗好多😋😋個鰻魚壽司勁誇張，正常好食，唔會好硬嗰啲。另外一個廚師發辦刺身，都好新鮮，呢個價錢真係性價比幾高。另外仲有一個海膽蛋白炒飯，賣相普通，但係食落有驚喜😂侍應都好好服務，會同屋企人再嚟食，荃灣日本嘢來講，呢間真心算高質，因為真係新鮮同抵食！…查看更多

伏伏伏！夜晚食晚飯，C餐蔥油雞飯，$57 ，黎到係滷水雞翼兩隻，加啲蔥油上去就叫蔥油雞飯😤😤😤你呢個叫滷水雞翼飯囉，唔可以話好難食，只能話貨不對辦，間舖頭係有燒臘叉燒飯嗰啲，所以蔥油雞你都會覺得係燒味，但係點知比滷水雞翼你，真係好嬲囉! 細細個食過已經難食，今晚冇嘢食，諗住俾多次機會佢，真係以後都永遠唔會再食！好黐線！我為咗要俾個差評佢，我真係寫到200字😤😤😤個冷氣吹到頭都痛埋，唔明點解仲有人等位？？…查看更多

本身係因為個哈密瓜雞湯底留意到呢間餐廳，去開楓樹街球場個邊諗住望下，等中秋叫外賣火鍋，點知原來下午4點前有點心，有驚喜！炸野叫左咸水角同芝麻波波，好脆又唔油，有d酒樓整得有油溢味，呢到完全無，推介！蝦餃同鮮蝦腸粉d皮係薄同滑架😍唔會係硬個d，無雪味幾新鮮燒賣我無食但眼見幾大粒，個fd話新鮮既應該係即包個蒸飯就正常喇，送埋個菜棉花雞魚肚都幾多舊，索左d湯幾正流沙包係好食既，唔太甜，但無想像中咁「流」係好食既估唔到😋價錢都平👍🏻平時會去開添xx，下次會同屋企人黎呢間最想試個火鍋有機會再報告🍲…查看更多

屋企人生日lunch ，環境幾靚，坐得唔逼，有私人空間。叫咗刺身丼、壽司set、牛肉麵檔、炸天婦羅set，估唔到荃灣有咁高質既刺身，蝦頭都完全係鮮甜，荃灣友有真心推介👍🏻👍🏻…查看更多