hkming18's Profile

朋友為我慶祝生日來了這間一直想去的食店，點了二人套餐，先來麵包，鬆軟好味，來多個海鮮併盤，青口好食又大隻，蟹肉一流，食完好清新甘，跟住係雞肉白汁意粉，白汁同意粉好味雞肉又好多，到最推介是紅酒牛扒，叫五成熟，啱啱好，不鞋口，又大塊好抵食，配紅酒汁一流，一口肉飲一口紅酒，真係好滿足！最後好飽但仲有芝士蛋糕，需好好味又大件，真係食不下了！…Read More

朋友話訂左去食生日飯，一直保密，點知甘有驚喜！去到見坐卡位都怕坐得不舒服，但坐下坐下又oK！佢哋會在你面前整份仔料理，其實很像蛋糕，又好似圖畫甘靚！味道係好多夾雜一齊的感覺，西柚，cream, 朱古力，杏仁碎，蛋糕，雪糕，仲有不同味道，除了酸之外，又有甜，朱古力苦苦地甘，真係好豐富，但食完好滿足好飽，真係好棒，服務又好，仲寫到我個名好靚，我好開心好滿足呀，多謝晒！睇得出你地好有心做呀，加油！…Read More

昨天第一次試這間日式料理，入到去成間野得一檯人，我話想坐卡位，佢話唔得，比個好迫的打對二人檯我，當時我抽住袋野想坐鬆D都唔得，已經係氣ChoK住，一打開餐牌見到D價錢又貴又細碟，都不知食咩好，叫左個62元辛辣海鮮手打烏冬，上到檯同張相不同，鳥冬好少，料少得一隻蝦，一粒尤魚，帶子，每樣也得一粒，泡菜又少，極孤寒，仲要個湯唔辣好清，完全沒味道，仲衰個自己煮，甘都敢收62元，好野吧！到埋單，我比了一元毫子，其中一個五毫子，其餘二毫甘，佢竟然話唔收毫子，我話一元啫，都不收，我勁想Xx，呢個伙計可能新人勁唔識做，咩叫以客為先也不知，超感覺很差，以後不會再去呢間食野…Read More

是曰跟朋友聚餐，第一次來這裡，一入到去發覺很有氣氛，亦不太嘈雜。叫了雜扒餐跟湯意粉或薯菜，雜扒有牛扒，豬扒，羊扒，加二條特式腸，二個洋葱圈，真係好大堆頭，好抵食。味道也很好，牛扒，豬扒大大件又入味，羊扒都好食，起碼不是像大x樂般，醃都语硽，一d味都無，求其煎熟交貨就算，特式腸水準ok，加埋黑椒汁很配合，我要既雜扒就是這様，不是最好，又不太差。雖呢個扒要138元但好值，有環境有氣氛，傾計聚會一流，食物服務又不差，今時今日，仲係旺區，仲想點呀。…Read More

今天又去板長食壽司，三文魚腩保持水準，入口溶化，又厚身，唔怪得知當時九點幾已賣完了，想再加四件，那明天請早吧。三文魚比魚腩差三元，但味道比較遜息，d客人真係識食，好食既都好快賣完。另叫了親子丼見圖好大塊三文魚的，但上桌後為何變了一粒粒，d飯仲甘少，有些被騙感覺，成36元一份，但份量太少了，但味道ok的，加豉油好味好配合。温泉蛋有些小失望，好似上桌時我未店過巳散開，本想跟店員講，但一隻蛋姐，算吧，味道又一般比吉野家差。炸三文魚球，三粒十五元，好抵，都幾特別。最好食的是個鳥冬，不知跟其下專做自家烏冬店是否同一様貨式，真的好滑夠凍，加烏東汁後好正。其實板長價錢比元氣壽司更貴，板長是以每件計的，但我都比較鐘意去板長食壽司。…Read More

再次到沙嗲王，就來變成我的飯堂了，平民得來幾好味，今次試了冬陰公湯底的粉絲加炸雞，二件沙嗲溥餅，再加杯芒梛奶红豆冰，大满足。冬陰公湯底好正，酸酸辣辣甘好開胃，配粉絲一流，好快就食晒，炸雞保持水準，脆口肉嫩，漙餅很鬆軟配沙嗲汁很好，只係二件不太夠喉。沙嗲汁太少了，可改善給多一些而不用另收費。另加上我至愛芒椰奶红豆冰，飲完壓力全消，好凉好爽，來多一杯都仲得。…Read More

見意八有火鍋食咪試下羅，叫了牛乳湯底，再加一個鳥冬，賣相ok,大堆頭。湯底好淸甜取勝，有牛乳味，好香好滑甘，好有驚喜呀。菜多過肉，好多菜呀。牛肉好滑唔鞋，生菜好爽，其他配料都好多，都好好味，又新鮮，有冬菇，蟹柳，烏冬，丸類，粟米等，都幾豐富。如不夠可再加配料，不太貴，食到满足為止，下次會再去。唯一缺點昰太多人了，一個人去食都等四個字。…Read More

本來想去元氣的，因太多人來了大家樂食扒算了，見幾十元，有包，有野飲，有扒鋸下ok啦，因like食雞扒，叫了個試下。點知中伏。雞扒勁細塊，又乾又硬，又無味，係一d味都無好似無硽過一様，求其煎熟放係面，林了黑椒汁上去，索得好快，可能太亁，得個辣味，條腸ok,意粉有些少硬。只剩下雪糕紅豆冰叫做好些。都唔明why大家樂d鋸扒愈做愈差，今次要比零分佢。…Read More

因是星期曰關係無套餐，要散叫，入了去坐低了無計，都要嗌吧。點了海鮮寬條麵，厸前係好好食的，今次食係難食到有剩係度。差差差。首先係好似一pat野甘，海鮮有尤魚，蝦仔捞埋一齊，又好似不太熟甘，d寛條麵又係硬到死，又唔林，d汁又一pat野甘，我試食左幾住已經唔想再食，放左3份一野係度，呢個難食野意粉要成69元加一呀，不值吧。另外叫了一杯啫喱冰加雲呢拿雪糕，三十三元讶，都ok好飲，夠淸爽又涼快。…Read More

是次到和民點了三様野食。和民沙律，生菜，西蘭花，雞肉片，紫菜撈埋一齊再加沙律酱就叫和民沙律，賣相差了，不夠凍，有些暖添，沙律唔凍好大鑊，好似求其撈埋就算，生菜仲林既，不脆爽，味道差了佷多，無之前甘凊新好味，半份都要38元。冷蕎麥面，冰不夠，不夠冷，面太少，太孤寒，面太林，全靠個汁，自己整份份中好食過佢，價錢成43元，齋面姐喎，太貴了吧。抹茶雪糕紅豆甜品，都叫OK,但雪糕太少，不夠一球，得半球，红豆又少，要28元呢個甜品。總結，呢間分店在食物方面處理求其，不夠细心，又孤孤寒寒甘，食物份量比多d都驚虧本甘，好似雪糕甘一球都唔夠，咩意思先？希望此店看到此食評有所改善。份量唔好甘細，比多d人食啦。…Read More

叫了一個早餐，沙嗲牛肉意粉，煙肉腸仔，凍奶茶。沙嗲牛肉無沙嗲味，牛肉又鞋，無味，湯都無味，意粉正常但份量好少，煙肉好乾，腸仔正常，奶茶好多冰，淡而無味，無奶味，茶就好濃。成份早餐都唔好食呀，且都幾貴，成31元呀。…Read More

是日到了觀塘，無聊入了美食廣場見呢間野好多人等緊，好好生意甘，我買了芒果豆腐花試下吧，都二十八元，其他好多都過三十幾。等了十分鐘到，賣相不差，很多芒果在豆腐面上，豆腐也很滑，汁好多，都幾多份量喎，食完好飽，佢賣甘貴有返呢個水準，ok值既。另外apm裝修後靚左，光猛左好多，位都坐得好舒服，無奈是多左好多年青人食完嘢又唔走，坐係度傾計，仲要霸成張檯，見到都嬲，攪到我要去大長台坐，唉。…Read More

這些相片是我分三次去沙嗲王一次過post上來的。就逐點評論吧。1. 沙嗲炸脆雞拉麵，脆雞有成四，五嚿，皮很脆但有少少硬，肉很嫩， 拉麵普通，粉絲會好食一些，沙嗲湯底膿，味道ok, 脆雞浸下去很好食。 2.冬陰公海鮮湯，很好味，料都很多，有蝦，有蜆，魚，冬陰公味很出，正，每次去都會飲此湯。3.咖哩豬扒粒溥餅，約六吋，很溥，料也不多，味都ok, 但佷細個不夠食，一個人食都太少了，不像必勝客般的溥餅厚同好味，但要成34元一個，唔三唔四甘，一係平返d,一係貴返少少，整厚d大件d, 都明白始終沙嗲王都不是整薄餅的專家。4.凍檸賓梳打，夠大杯，解到口渴，飲品半價抵讚。5.泡菜海鮮湯鍋連飯，很大鍋，上台時仲有煙冒出來，泡菜味不夠濃，湯很水，但辣椒夠，泡菜多，海鮮就不只，好像只得蜆同蝦二隻，湯送飯都好味的。6.焗白汁芝士姑菌，呢度菜是最失敗之作，芝士配姑是不好食的，仲有陣怪味，姑有少少硬，芝士又不濃， 沙嗲王應考慮取消此道食物，真是影響招牌吧。7.椰奶芒果拼红豆冰，原要34元，跟餐17元，幾fresh，好味。…Read More

星期日到藍田食晚餐，本來想去意八，但超爆，係椰林閣唔駛排隊，仲有卡位坐，無計，照入去食啦。打開餐牌，基本上全部都要50-90元架喇D套餐，甘叫個炒麵都成58元，不如据扒化算一點，雞扒加豬扒再加條腸，有意粉和飯，薯菜選擇，我選了意粉，蒜蓉汁，仲有餐包，忌廉湯包，呢個set只66元其實好抵食下。來了個忌廉湯夠濃，好味，我仲厸為好求其。餐包一般，不夠熱。等了十分鐘的扒終上場，汁已於上桌前已淋上，其實我比較like上桌時自己淋上去。但都夠熱，汁好咸，意粉另上會好d,放在一起有好迫的感覺，唔知食扒好定意粉先好，雞扒鞋了，豬扒ok，比雞扒更林同易切開。意粉又係好林，唔好食，好似仲有層粉係面添，可能意粉質素唔好。條香腸幾好食，雖顏色唔好睇。如果厸据扒來講，唔係好合格吧。但此餐都食得飽。加埋一埋單78元，合理價錢，dinner來講。…Read More

貪好坐又有電視睇去左呢間野食早餐，諗住話哂做扒既，唔衰得去邊，點知中晒伏。比預期差好多倍。叫了雞扒加薯餅加香腸，以為香腸會比二條我，但只給了一條，大x樂係比二條架，主打的雞扒都做不好，一來細塊 又凍又實，仲要一D味都無，重申係一D味都無，好似啱啱係雪房拿塊無調味未解凍的雞扒去煎熟加D汁就比你食甘，差劣，唔要求好似榮記雞扒做得甘好，但都唔好甘無心去做呀，做得飲食就唔該拿點誠意啦。唯一薯餅係好脆同熱的比麥記好食，真係好諷刺囉。杯凍奶茶亦都沖得唔好飲，無茶味，奶又唔夠，D冰又冲淡晒杯奶茶。呢份餐收我成31元，我下次唔會再光顧囉!…Read More